ZKIZ Archives


林嘉欣帶女落金鐘 體驗佔中

1 : GS(14)@2014-10-08 13:49:02




■林嘉欣昨日與4歲長女Kayla現身金鐘,沿途與囡囡講解市民寫上心聲的字條。



【雨傘革命】雨傘革命連日來都獲不少圈中藝人支持,兩女之母林嘉欣昨日與4歲長女Kayla和導演老公袁劍偉現身金鐘,為市民打氣兼向囡囡講解此運動,Kayla更精靈撐起小傘支持。


拾級而上細閱字條

素顏的嘉欣與囡囡手拖手沿着政總門外樓梯拾級而上,她們一邊細看連日巿民用告示貼寫上的心聲字條,對於色彩繽紛的字條,Kayla充滿好奇,當然也未必明白,作為媽咪的嘉欣細心解釋,並指留字條的哥哥姐姐在做甚麼,Kayla都認真細聽,老公袁劍偉一直在身邊傍實妻女,即使被巿民認出,嘉欣都禮貌送上微笑。其後嘉欣稱今次是帶囡囡關心和了解這場運動,她說:「囡囡就快4歲,都開始了解呢啲事,你覺得佢4歲乜嘢都唔識,其實佢係乜嘢都知,近排我哋關心呢啲新聞,佢都有問我,啲人喺度做乜嘢,我都有同佢講:『佢哋喺度遊行,遊行嘅市民有嘢想同政府講。』佢都有問我政府係邊個,我就話你就當政府係我哋嘅屋企人,當政府唔係咁錫我哋嘅時候,係唔係要同返屋企人講呢?」



■林嘉欣稱雖然囡囡只得4歲,不過亦有向她詢問詳情,袁劍偉在旁整理學生的標語。

■林嘉欣的囡囡Kayla撐着小傘支持,老公袁劍偉(右)全程相伴。


想囡囡會獨立思考

嘉欣還說:「我個心一定喺學生度,我今日唔係第一日落嚟,我喺屋企睇到新聞唔對路,同埋啲人互相發訊息,我個心就好不安,甚至唔知乜嘢係真乜嘢係假,所以我要落嚟兜個圈,見到啲學生喺度靜坐,好似好好咁,我個心就會安樂啲。」至於將來囡囡長大後,會否支持囡囡政見?嘉欣說:「我好想佢會獨立思考,我唯一想講嘅係,過去呢10日節奏好快,唔容許我哋諗吓,可以為香港可以做啲乜嘢,我哋更加要去思考呢件事。」採訪、攝影:比華利、張俊銘




來源: http://hk.apple.nextmedia.com/entertainment/art/20141008/18892603
林嘉欣 帶女 女落 金鐘 體驗 佔中
PermaLink: https://articles.zkiz.com/?id=285988

汪小菲自發帶女玩沙

1 : GS(14)@2016-04-23 18:37:49

徐熙媛


年屆39歲的徐熙媛(大S)目前懷孕6個多月,但肚子大得令她行動不便,所以陪伴女兒汪希玥的任務,交由爸爸汪小菲負責,大S昨在微博貼出兩父女在沙灘玩耍的照片並留言:「謝謝爸爸在媽媽肚子大到寸步難行的時候,會主動挑戰帶女兒去海邊玩這麼難的選項。玥兒好開心!」大S兩次懷孕肚子都巨型,她上月躺平自拍,巨肚幾乎遮了的她頭。





來源: http://hk.apple.nextmedia.com/entertainment/art/20160423/19582455
小菲 自發 帶女 女玩 玩沙
PermaLink: https://articles.zkiz.com/?id=299593

李治廷否認帶女度春宵

1 : GS(14)@2016-05-21 18:29:48

李治廷近年轉戰內地市場,日前有報道指他在北京拍戲期間生活很枯燥,偶然會與對手倪妮食飯作伴,但原來曾先後與范冰冰及林志玲傳緋聞的他早已結識新歡,內地媒體偷拍到他日前獲一位粉紅色頭髮的少女到其下榻的酒店過夜。報道指李治廷在北京高檔會所門口等兩小時,親自接一位神秘少女回酒店,該女子進入酒店後,李治廷還專程繞道到酒店後門下車,避人耳目。昨日李治廷的內地經理人陳礪志在微博留言澄清:「你說我是他新女友都比這個更有可信度!」李治廷也在微博否認:「我這麼摳,你們願意做我的新女友嗎?」撰文:鍾國仁





來源: http://hk.apple.nextmedia.com/entertainment/art/20160520/19619423
李治 否認 帶女 女度 春宵
PermaLink: https://articles.zkiz.com/?id=300860

君如帶女見證探訪

1 : GS(14)@2016-09-28 05:04:32

連續七年擔任奧比斯榮譽大使的吳君如,昨日現身機場停機坪,為新一代奧比斯眼科飛機醫院進行「感謝行」開幕儀式,並獲頒發「義工感謝狀」。七年來到訪過不少地方,君如指每次行程都有特別經歷,如在印度體驗到貧民區惡劣環境,到訪印尼時遇上排華事件。君如一直有跟10歲大的囡囡分享探訪相片,君如說:「今日佢好想一齊嚟,我同佢講不如跟學校告假,但佢話好想返學,我都老懷安慰,答應佢下年去探訪一定帶埋佢去。」君如希望讓囡囡親身見證小朋友接受手術後重見光明的喜悅。古天樂日前於紅館開金口,兼被網友自製海報想他2018年開演唱會,君如指未睇演出片段,但大家熱切期待,提議古仔考慮開騷。採訪:馬建華攝影:陳俊強




來源: http://hk.apple.nextmedia.com/entertainment/art/20160928/19783739
君如 如帶 帶女 見證 探訪
PermaLink: https://articles.zkiz.com/?id=310446

邱淑貞帶女遊海洋公園到天黑Isabella迪士尼慶生辰

1 : GS(14)@2016-11-16 05:10:14

林嘉欣湊女喺公園遊樂場玩遊戲,貼近其他小朋友,夠晒地道又親民,但帶仔女玩樂,又點知佢一個呢?江希文今年7月,亦試過帶住與資深大律師胡漢清所生嘅囡囡Natalie,喺淺水灣一處公園遊樂嬉戲,Natalie仲一啲都唔怕生保,開開心心玩到天黑先走。為李澤楷生咗三子嘅梁洛施(Isabella),停工嗰段時間喺加拿大多倫多生活,上年4月佢趁住大仔長治生日,就帶晒三個寶貝仔去到美國奧蘭多迪士尼樂園玩。同年9月囝囝未開學, Isabella又同囝囝到多倫多國家博覽會玩。同樣要湊住三個心肝寶貝嘅邱淑貞,10年仲陀住孻女、帶住兩位囡囡,同親友一齊去到海洋公園玩。不過由於有喜,邱淑貞只係睇住囡囡玩機動遊戲,玩到夜晚7點公園閂門先走。鍾意帶仔女出街玩嘅,仲有,甘比同楊千嬅,上年佢哋不約而同咁去到九龍灣展貿玩攤位遊戲,甘比囝囝Joseph Junior、大女秀樺仲同千嬅囝囝Torres玩得好融洽添。




來源: http://hk.apple.nextmedia.com/entertainment/art/20161114/19833336
邱淑貞 帶女 女遊 海洋 公園 天黑 Isabella 迪士尼 生辰
PermaLink: https://articles.zkiz.com/?id=315663

2AM珍雲帶女蒲老蘭

1 : GS(14)@2017-01-02 11:51:10

韓國男團2AM出身的25歲男星鄭珍雲,去年認戀女團Wonder Girls的27歲成員譽恩,兩人拍拖3年,感情穩定。前日除夕,珍雲單拖來港出席上水廣場的倒數活動,不過原來譽恩亦跟埋男友來港。由讀者王小姐透過本報「爆相爆片」提供的片段所見,珍雲前晚在活動後,與女友夜蒲蘭桂坊Hard Rock Cafe,戴上粉紅色閃燈蝴蝶頭箍的珍雲在台上又唱又跳,王小姐指珍雲有叫女友一齊玩,但譽恩怕醜不肯上台。前晚珍雲在活動上被問會否與女友結婚時,他就只懂儍笑。採訪:施洛冰




來源: http://hk.apple.nextmedia.com/entertainment/art/20170102/19883933
2AM 珍雲 雲帶 帶女 女蒲 蒲老 老蘭
PermaLink: https://articles.zkiz.com/?id=321053

林嘉欣帶女遊日拖篋搭巴士

1 : GS(14)@2017-02-11 18:37:56

■林嘉欣(右)日前帶囡囡與媽咪到沖繩旅行。讀者提供圖片



有份出席昨日Emoji活動的林嘉欣,早前帶兩女與媽咪去日本旅行,過海關時被本報讀者李太透過「爆相爆片」直擊,李太受訪時說:「嘉欣冇化妝,佢見到有人望,都好大方咁笑。得佢一個人拎行李,所以都有啲吃力,之後佢哋行去等巴士,大女同佢媽咪都幫手拎行李,嘉欣負責拖實細女。」對於被指身為影后搭巴士夠貼地,嘉欣昨日表示:「點解覺得我坐巴士咁驚訝咁有問題?其實都係生活嚟,唔係咁大陣仗。」問到一個人扶老攜幼是否很辛苦?她說:「其實都要放手畀小朋友,好似家姐見到我拖住阿妹,佢都會主動拖篋。」採訪:羅慧敏




來源: http://hk.apple.nextmedia.com/entertainment/art/20170210/19923257
林嘉欣 帶女 女遊 遊日 日拖 拖篋 篋搭 巴士
PermaLink: https://articles.zkiz.com/?id=326290

張嘉兒帶女探黎諾懿B仔「小春雞」一出世被靚女圍

1 : GS(14)@2017-04-13 00:24:00

■張嘉兒(右二)昨日帶同女兒與岑杏賢到醫院探黎諾懿的「小春雞」。微博圖片



5億女婿黎諾懿前日就榮升做老竇,老婆李潔瑩(Nicole)提早生咗6.6磅嘅「小春雞」,黎諾懿接受傳媒訪問時就話覺得囝囝個樣似老婆Nicole多啲,不過唔緊要啦,最重要係BB能夠快高長大,健康成長。昨日黎諾懿嘅好朋友張嘉兒同岑杏賢就約埋一齊去探「小春雞」,去年做咗人母嘅張嘉兒仲帶埋半歲嘅囡囡Leora睇BB,睇到剛出世嘅「小春雞」,就好感觸咁話:「見番一日大嘅BB感覺好感動,好有感觸。恭喜晒神之馬壯同Nicole嘅小春雞,希望佢快高長大,健康快樂同埋愛回家。」​見到張嘉兒同岑杏賢亦母愛大發咁抱住小春雞添!而初為人父嘅黎諾懿,昨日凌晨就喺微博上載咗一段小春雞嘅短片,片中見到小春雞嘅喊聲好響亮,仲留言話:「小春雞降臨世上的第一天」,再貼咗好多隻雞仔貼圖。




來源: http://hk.apple.nextmedia.com/entertainment/art/20170412/19987644
張嘉 嘉兒 兒帶 帶女 女探 探黎 黎諾 諾懿 小春 出世 靚女
PermaLink: https://articles.zkiz.com/?id=330273

又嚟爭米戰洗米嫂懶理帶女「離家出走」

1 : GS(14)@2017-06-18 11:18:08

洗米華正印Heidi再受到考驗,認真一波未平、一波又起,本報收到消息,洗米華斥資逾3億在澳門買豪宅送給她,而Heidi亦有意明年搬入,更開綠燈讓洗米華搬回來同住。現在殺出松岡做「小四」,未知會否有變數。而Heidi昨日在Ig貼出與細女周善潼到台灣的旅行相。




來源: http://hk.apple.nextmedia.com/entertainment/art/20170618/20059886
又嚟 嚟爭 爭米 米戰 戰洗 洗米 米嫂 嫂懶 懶理 理帶 帶女 離家 出走
PermaLink: https://articles.zkiz.com/?id=335757

郭羨妮帶女做善事

1 : GS(14)@2017-06-18 11:18:14

郭羨妮昨日在馬鞍山出席奧比斯活動,得知早前吳鎮宇帶同兒子參與探訪,她亦贊成女兒可參加。今天是父親節,郭羨妮指丈夫因工作不在港,她說:「之前已慶祝,食咗餐好味飯,我煮咗龍蝦湯,阿女整咗個獎盃送畀爸爸,讚爸爸係super hero。」她表示和丈夫想追多個仔:「我哋好welcome有多個,但唔會刻意。」採訪、攝影:王連連




來源: http://hk.apple.nextmedia.com/entertainment/art/20170618/20059522
郭羨妮 帶女 女做 善事
PermaLink: https://articles.zkiz.com/?id=335776

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019