ZKIZ Archives


中環在線:師奶撐領匯 李華華

2008-07-23  AppleDaily


領 匯(823)呢個多月嚟,股價由19.66蚊跌到噚日得番17.34蚊,喺咁嘅波動市,跌一成幾其實唔算多,企得咁硬淨原因好多,其中一個原來係有班 die hard粉絲──師奶兵團撐住。噚日領匯搞記招兼祝捷會,佢哋同創興銀行(1111)出嘅聯營信用卡,自上年10月發卡至今已超過12388張,創興業務 運作處總經理陳凱傑話,呢個發行量比創興其他聯營卡高20%,唔少申請人係屋邨師奶,不過佢冇數據喺手,講唔到師奶佔幾多。

其實大家都明嘅,領匯旗下商場 主要係大型屋邨,去是但一個場行一轉,就知師奶顧客有幾多,而唔少師奶都係家中財務大臣,買餸打斧頭加埋私己錢,山大斬埋有柴。難怪陳凱傑話呢類客分分鐘 好有錢,所以即使師奶冇入息證明,都特設批核程序畀佢哋,始終大客嘅生意點可以唔做?
中環 在線 師奶 奶撐 撐領 領匯 華華
PermaLink: https://articles.zkiz.com/?id=1465

中環在線:賣舖炒股供仔留學師奶炒燶股證監畀冠軍 李華華

2008-08-21  AppleDaily

華 華今日想同大家講一個故事,主角係駱淑賓。話說駱女士細仔獲英國肯特大學(University of Kent)收咗讀law,但駱女士唔夠錢,手上最值錢就係經營咗30年嘅小食店,佢將間小食店賣咗都只係夠供個仔喺英國讀一年書。咁啱佢聽朋友講,中鋁 (2600)可能成為藍籌,所以把心一橫,拎賣咗小食店筆錢炒番轉,結果中鋁由入貨價24蚊跌到得12蚊。

先輸中鋁再蝕細價股

佢 再聽朋友講,沽咗一半轉買東力實業(978)同麗盛集團(1004)等細價股,點知蝕得仲甘。結果阿仔去唔到英國,只係能夠留番喺香港讀書。呢個係真人真 事,但情節就有啲加減。呢個故事其實係嚟自散戶駱淑賓,佢早前參加咗證監會嘅「你我的投資故事」比賽,攞冠軍,有獎狀兼5000蚊現金。故事裏面嘅駱女士 要賣小食店,現實世界據聞就冇呢一節。至於買股故事,佢話的確攞30萬積蓄嚟炒,家陣仲坐緊艇,但已置諸腦後。佢仲同華華講,手頭仲有啲喺4蚊時入嘅滙豐 (005),幾多就唔知,但肯特大學的確收咗佢個仔,而佢個仔家陣又真係要留番喺香港讀書。華華問佢,阿仔去唔成英國,有冇怨媽咪,佢話冇。梗係,家陣阿 仔喺港大讀法律,就一啲都唔輸蝕。駱女士話,錢財身外物,「炒股輸錢唔緊要,最緊要唔好輸埋親情、友情同條命。」

誤信窩輪升得快

除 咗駱女士,攞到優異獎嘅李順意,亦係以「損手」故事攞獎,不過佢唔係炒正股,而係炒窩輪。腹大便便嘅李順意話,覺得炒輪可以令財富增值快啲,舊年牛市佢真 係賺到兩三倍,但個市一牛皮,正股升,隻輪照跌,最後由賺30萬變倒蝕40萬。電郵:LiWaWa@AppleDaily.com
中環 在線 賣舖 炒股 供仔 留學 師奶 奶炒 證監 冠軍 華華
PermaLink: https://articles.zkiz.com/?id=1829

從金融之花到肥師奶 胡孟青

2008-11-06  NextMagazine


一場金融海嘯,打得全球經濟人仰馬翻,無數股民損手爛腳,但股評人胡孟青未有好言安慰,繼續對股民嘲諷作風,偏偏又有一班想聽真心說話的觀眾捧場。

由證券行分析員轉職做獨立股評人,鏡頭前的胡孟青除了身形暴脹外,基本上和以往一樣,仍然是那個會把散戶罵得狗血淋頭,把行家嘲諷得無地自容的小辣椒。但實際上,她少了一半薪水,多了一個兒子,每晚收工便趕回家湊仔。一代金融之花,今天洗盡鉛華,甘願當一個做足廿四小時的肥師奶。6:30am

我不美但我做功課

每逢開市日,胡孟青便 一早起床:「六點幾就要起身,睇番前晚美股嘅消息同新聞,然後落街買報紙。」她認為開咪講股,不能憑空亂吹,必須有真材實料,所以每天必定睇多份報紙,再 上網做足資料搜集才開始工作,「一日唔做功課就拍檔知,一星期唔做功課就行家知,一個月唔做功課就全世界都知!而家有啲人覺得做節目,個樣靚重要啲嘛, 哼,如果真係咁,我呢啲無得做啦!」

今天,她自嘲不美,但原來出道之初,她曾被喻為第一代金融之花。不過,近兩年生了小孩後,沒有修身,身 形暴脹,她笑言:「我第一次上電視做節目前,曾經專登搵健身教練幫我減肥,減咗十幾磅,但生咗仔之後,連健身都無去。」不過電視台並未有因她肥了,便不找 她做節目,有線甚至幫她在Facebook搞了個青姐Fan Club,會員有近九百人。

她認為有麝自然香,不用自己四圍哀求爭取,因此對 一些為求上鏡,信口開河的股評人,非常不以為然:「有啲人周圍搵傳媒高層,話自己期貨、股票、窩輪、外匯咩都識,只要有得講就得,我覺得唔使咁囉!」她認 為懂什麼便講什麼,不要沒有立場:「人哋打嚟問三元八角買咗隻股票,你叫人三元六角止蝕,四蚊止賺,等於冇講。」

除了工作認真,講真話是她另一賣點,「以前有觀眾打電話嚟問我買高寶綠色好唔好,我心諗呢隻股票嘅大股東,接連批股,但批股價一次比一次低,好奇怪,你見思捷批股係咪咁吖?咪叫個觀眾唔好買囉。結果第二日,我俾五份報紙圍插,原來人哋搭緊棚谷股價,點知俾我拆咗。」

胡孟青小資料(42歲)

92年:英國列斯特大學經濟學士

99年:香港城市大學財務碩士

93-00年:任職中銀集團,位至保險及投資部主管

00-04年:高信集團副總經理、高信證券交易董事

04-05年:滙豐金融服務副總裁

05年至今:獨立股評人

10:00am

獨立自由人

十時正,她會在新城財經台主持開市直擊,由於現時沒有公司包袱,胡孟青變得更中肯,說話更為大膽。不少電台及電視台因其獨立身份而找她講股,所以儘管是自由身,每天仍要工作八、九小時。

她 預科畢業後,十九歲便在廣東省銀行做文員,兩年後才到英國念經濟,返港後在中銀保險及高信證券工作,其間經常要返內地看上市公司廠房。○四年,當時三十八 歲的她懷孕了,卻不幸流產,「六個星期都仲有心跳,但八個星期就無咗,我會諗係咪佗住個肚都周圍走去做嘢,搞到個胎無咗。」一直笑口常開、聲大大的她,突 然眼神暗了,聲線也沉了。

她後來轉職滙豐,儘管不用再奔波勞碌,但要孭數及服侍客人,覺得壓力不輕,「當時我哋有啲組員好積極,想搵多啲錢,又話要搞韓股又話要搞夜晚期貨,錢係重要,但我覺得生活好唔平衡。」加上她當時再度懷孕,為免重蹈覆轍,索性辭職養胎。

離開滙豐後,胡孟青轉為獨立股評人,每天的工作時間和打份正職差不多,但她卻認為輕鬆了不少,「唔使孭quota,有咩辛苦呀!每日仲可以準時收工返屋企湊仔。」不過,代價是比以往少了一半薪水,「金錢誠可貴,但自由價更高呀!」

12:00nn

一餐飯見盡行家醜態

在電台收工後,便是午餐及寫稿時間,她一星期要為報紙及雜誌寫五、六篇稿。為了可隨時隨地寫稿,胡孟青總會帶着手提電腦;沒有約人的話,她會外賣午餐回家邊寫稿邊吃飯。但作為股評人,少不免要參加財經飯局或晚宴,不少更令她印象難忘:「建滔化工周年晚宴,人哋主席喺台上面講緊嘢,某四個股評人居然喺台下鋤D,但兩邊分別係公司高層同合作夥伴喎!」

她越講越勞氣:「成枱人居然會dead airo架,有啲就兩三個細聲講大聲笑,有啲就淨係識食,平時喺鏡頭面前就也文也武,但個個見到上市公司高層都啞o架!成日都得我同另外一、兩個會問問題o架咋!」

除了飯局外,她有時亦要回內地看上市公司廠房,與行家朝夕相對,「飯後節目通常都會去夜場,幾乎個個都攬女。」由於部分廠房在較為雜亂的地區,胡孟青不敢離開大隊自行返酒店,所以一介女流亦要落場搵小姐,「大陸好衰o架,你唔叫,佢就一排一排咁走出嚟,直到你叫為止。」女人叫小姐幹嗎?「傾偈囉!訪問小姐生平囉!」

她天性火爆,即使是行家,只要看不過眼亦照樣批評,但卻不是人人欣賞她的快人快語。

四個月前,股評人鄧聲興被本刊揭發搞婚外情,記者問她知道嗎,她着記者到國金走一圈便知情,結果被行內某長輩責怪多事,此後她學精了,即使再批評行家,也不會指名道姓。

4:00pm

鬧你是為你好

儘管被行家批評,但觀眾對胡孟青有話直說的態度卻非常受落,所以打電話上她節目問意見的人有多無少。

下午四時,胡孟青到有線位於港交所的直播室主持節目,並設有電話發問環節,但不少查詢卻令她大動肝火,「個市係咁插水,都唔識死,仲有好多散戶打嚟話想搏反彈,有啲直頭打電話嚟問應該買邊隻?幾多錢買?咩位放?咩位止蝕?」胡孟青於是答佢:「咁使唔使我話埋俾你聽幾點食飯?點o趙?點吞呀?」事實上,胡孟青今年甚少入貨,九成資產都是現金。

她說話又倔又硬,從來不怕得失觀眾,「一樣米養百樣人,我唔理得咁多人點諗,講心嗰句啫!」

由於節目受歡迎,所以有些上市公司會派人不斷致電來問股價,目的是增加曝光率,她不怕自己評語不當,最怕「有啲阿伯阿婆,以為電視有講嗰隻號碼就係好。」

為杜絕幫人造勢,「所有打嚟嘅電話都不會直接聽,一定係打返轉頭。」

不過,就算是小辣椒,也有些公司是避之則吉,「某啲集團避得就避啦,有啲股票,明知自己一提就把幾火,咪唔講囉,我無幾對手幾對腳。」若有人問到的話:「我唔批評佢,亦都唔評論佢。我成日都話,我仔細老公唔嫩呀!」

7:00pm

收工湊仔家庭最大

提起家人,硬朗的女強人也多了點笑意,七時正,胡孟青準時收工回家湊仔。她的丈夫是IT人,夫婦都要工作,但家中不請工人,兩歲大的兒子由婆婆照顧,至於家務,「老公做囉!」

每晚回到家中,老公負責煮飯餵飽一家,「我要湊仔吖唔煮得o架,佢成隻黐頭芒咁,去到邊都黐住o架!」打掃同樣由老公包辦,「超級市場有個角落係專賣清潔用品嘅,我老公特別鍾意行,對咩清潔劑有咩功效,好有研究。」胡孟青與丈夫一起十四年了,她經常在外跑來跑去,老公則在家中打遊戲機、睇碟、聽歌,她笑言:「佢有佢嘅生活,我有我嘅忙碌。」

最近換了新屋,亦是她的主意。原來她自細是家裡大家姐,下有三個弟妹,「爸爸媽媽又出去做嘢,所以我係屋企嘅總指揮,連睇咩電視劇都係我決定。」

但面對兩歲大的兒子,她也要放低指揮棒,萬事以子為先,如新屋便是為了讓兒子多點地方玩耍而買的,滑溜的牆,「俾個仔用架車車爛咗啦。」無奈的語氣滿布寵溺之情。以前的胡孟青事業大過天,現在,問她人生中什麼最重要,「梗係屋企重要啲啦!」
金融 之花 花到 到肥 肥師 師奶 胡孟 孟青
PermaLink: https://articles.zkiz.com/?id=3136

追踪師奶兵團十億炒美孚


2009-05-21  NExtMagazine


美 孚 新 邨 抗 跌 力 強 , 海 嘯 發 生 後 , 樓 價 只 跌 百 分 之 十 三 , 近 日 呎 價 又 重 返 三 千 六 百 元 水 平 。 一 班 住 在 這 裡 , 外 表 普 通 的 師 奶 , 多 年 來 密 密 炒 , 淨 賺 兩 億 。 ( 廖 健 昌 攝 )



在 銀 行 減 息 及 憧 憬 通 脹 升 溫 的 環 境 下 , 投 資 者 寧 願 攬 實 嚿 「 磚 頭 」 好 過 揸 現 金 , 貴 為 藍 籌 屋 苑 的 美 孚 新 邨 , 樓 齡 雖 然 超 過 三 、 四 十 年 , 但 屋 苑 有 超 過 萬 三 個 單 位 ; 無 論 市 況 好 壞 , 每 月 都 能 維 持 最 少 五 、 六 十 宗 交 易 , 是 十 大 屋 苑 之 首 。
而 支 撐 着 整 個 屋 苑 的 中 流 砥 柱 炒 家 , 原 來 是 一 班 師 奶 ; 她 們 住 在 美 孚 , 食 在 美 孚 的 酒 樓 , 由 區 內 的 地 產 經 紀 介 紹 筍 盤 , 在 屋 企 樓 下 的 銀 行 分 行 做 樓 按 , 對 美 孚 的 炒 樓 環 境 熟 到 透 。 本 刊 追 查 三 名 美 孚 「 師 奶 樓 神 」 的 足 跡 , 過 去 二 十 年 她 們 炒 過 的 美 孚 單 位 涉 資 達 十 億 元 , 策 略 是 密 食 當 三 番 ; 這 幾 位 出 入 街 市 買 餸 煮 飯 兼 湊 孫 的 師 奶 , 多 年 來 竟 然 淨 賺 接 近 兩 億 元 !


林 太 每 日 下 午 飲 完 茶 都 會 出 入 區 內 的 地 產 代 理 行 , 記 者 就 見 過 她 一 連 進 入 幾 間 行 , 與 經 紀 都 十 分 熟 落 。



林 太




在 美 孚 新 邨 富 臨 漁 港 的 二 樓 小 菜 廳 內 , 每 日 都 有 不 少 師 奶 飲 茶 打 牙 骹 ; 她 們 穿 着 涼 鞋 、 運 動 褲 的 街 坊 裝 , 與 一 般 茶 客 無 異 。 其 實 這 裡 是 臥 虎 藏 龍 的 地 方 , 記 者 坐 在 小 菜 廳 一 角 已 聽 到 不 少 炒 樓 經 , 其 中 一 圍 枱 的 師 奶 說 : 「 我 個 單 位 二 百 八 十 萬 買 返 嚟 , 個 客 問 三 百 萬 賣 唔 賣 , 個 客 好 似 好 心 急 , 佢 急 我 偏 唔 急 。 」 另 一 個 插 嘴 道 : 「 唔 使 賣 住 , 起 碼 三 百 四 十 啦 。 」 這 班 師 奶 們 飲 茶 後 會 經 常 一 起 打 麻 雀 、 鋤 大 Dee , 近 月 則 轉 玩 鬥 地 主 。 她 們 互 相 交 換 炒 樓 情 報 , 價 啱 即 落 訂 或 出 貨 , 十 分 爽 快 。
美 孚 新 邨 每 月 約 有 六 十 宗 成 交 , 當 中 接 近 三 成 都 是 由 這 班 師 奶 包 辦 , 當 中 的 代 表 人 物 , 要 數 林 太 及 黃 太 。 表 面 上 , 這 兩 位 師 奶 與 一 般 師 奶 無 異 , 但 她 們 在 美 孚 新 邨 卻 無 人 不 曉 , 記 者 走 進 富 臨 漁 港 說 想 找 林 太 和 黃 太 , 帶 位 的 小 姐 一 聽 便 知 是 誰 並 回 答 : 「 係 咪 地 產 嗰 兩 個 , 林 太 點 半 嚟 , 黃 太 早 啲 十 二 點 半 , 佢 哋 坐 包 廳 㗎 ! 」 黃 太 更 是 美 孚 婦 女 會 及 美 孚 商 業 總 商 會 的 要 員 。
翻 查 二 人 九 一 年 至 今 的 物 業 買 賣 紀 錄 , 就 知 她 們 是 「 師 奶 樓 神 」 , 二 人 炒 賣 過 的 美 孚 單 位 , 一 共 三 百 五 十 個 , 目 前 持 貨 合 共 八 十 三 個 。
兩 位 師 奶 最 愛 到 富 臨 漁 港 小 菜 廳 飲 茶 , 林 太 間 中 會 包 房 , 最 低 消 費 一 千 五 百 元 , 茶 樓 旁 邊 就 是 上 商 銀 行 。 ( 廖 健 昌 攝 )



十 年 來 零 蝕 讓
記 者 一 連 幾 天 在 美 孚 新 邨 遇 見 林 太 , 她 每 日 的 生 活 幾 乎 一 式 一 樣 。 穿 着 Burberry T 恤 、 挽 着 Fendi 手 袋 的 林 太 , 下 午 一 時 三 十 分 , 先 與 丈 夫 及 朋 友 們 到 富 臨 漁 港 包 小 菜 廳 一 圍 飲 茶 , 最 低 消 費 一 千 五 百 元 ; 飲 完 茶 後 和 丈 夫 分 道 揚 鑣 , 就 與 師 奶 們 返 回 其 美 孚 新 邨 的 家 , 下 午 有 時 步 行 往 鄰 近 的 曼 克 頓 山 , 湊 孫 兒 到 美 孚 的 大 型 公 園 嶺 南 之 風 散 步 , 其 間 手 機 就 響 個 不 停 , 不 少 是 經 紀 來 電 介 紹 「 筍 盤 」 ; 回 家 後 她 再 自 行 到 美 孚 萬 事 達 廣 場 的 幾 間 地 產 經 紀 鋪 打 躉 , 然 後 與 菲 傭 到 附 近 的 街 市 買 餸 , 之 後 又 相 約 經 紀 在 區 內 四 圍 行 。
林 太 原 名 陳 元 新 , 她 透 過 與 丈 夫 林 朝 山 開 設 的 三 間 公 司 — — 博 益 實 業 、 吉 盛 及 福 置 的 名 義 , 打 從 九 ○ 年 開 始 , 就 涉 足 美 孚 的 單 位 。 「 不 過 買 賣 咩 單 位 全 都 由 林 太 話 事 , 佢 老 公 以 前 開 廠 做 貿 易 , 不 過 近 幾 年 已 經 退 休 咩 都 唔 理 。 」 一 名 經 紀 說 。 林 太 的 單 位 持 貨 一 個 月 至 大 半 年 不 等 就 放 售 , 是 名 副 其 實 的 短 炒 王 ; 而 且 每 賣 出 一 個 單 位 , 又 會 立 即 「 補 貨 」 ; 即 使 是 市 況 低 迷 如 ○ 三 年 沙 士 爆 發 初 期 , 照 樣 入 貨 ; 例 如 ○ 三 年 三 月 以 一 百 五 十 二 萬 買 入 蘭 秀 道 十 七 座 十 三 A 單 位 , 持 貨 三 個 月 旋 即 以 一 百 八 十 八 萬 出 貨 , 即 袋 三 十 六 萬 ; 但 三 個 月 後 再 入 市 , 同 樣 是 蘭 秀 道 , 以 一 百 八 十 九 萬 購 入 四 十 六 座 五 樓 一 單 位 , 這 次 持 貨 四 個 月 就 以 二 百 六 十 四 萬 放 售 , 又 袋 七 十 五 萬 元 。 如 此 一 來 一 回 , 二 十 年 來 炒 過 一 百 四 十 九 個 美 孚 單 位 , 涉 及 金 額 三 點 九 億 , 淨 賺 超 過 六 千 萬 , 現 時 仍 持 有 五 十 三 個 單 位 收 租 。 而 過 去 十 年 , 蝕 讓 盤 是 零 , 戰 績 認 真 彪 炳 。




美 孚 炒 樓 一 條 龍
記 者 連 日 追 踪 , 發 現 林 太 及 黃 太 甚 少 離 開 美 孚 新 邨 , 她 們 由 區 內 經 紀 介 紹 樓 盤 , 在 區 內 富 臨 漁 港 飲 茶 收 風 , 在 區 內 上 商 銀 行 做 按 揭 , 實 行 炒 樓 一 條 龍 。
黃 太 經 常 出 入 區 內 上 商 銀 行 , 她 會 趁 下 午 四 時 三 十 分 收 市 後 , 銀 行 關 門 前 的 非 繁 忙 時 間 才 出 現 , 更 獲 經 理 親 自 招 呼 。



林 太 很 愛 錫 其 孫 兒 , 經 常 親 自 到 曼 克 頓 山 接 他 往 附 近 的 公 園 及 商 場 的 冒 險 樂 園 嬉 戲 , 慈 祥 的 外 表 與 炒 樓 時 的 狠 勁 作 風 迥 異 。



拒 絕 曝 光
就 記 者 所 見 , 林 太 隨 身 攜 帶 支 票 簿 , 而 且 經 常 電 話 不 離 手 , 即 使 右 手 抱 孫 , 左 手 仍 然 是 拿 着 電 話 傾 談 。 記 者 找 在 富 臨 漁 港 正 在 開 支 票 寫 首 期 予 地 產 經 紀 的 林 太 回 應 , 她 卻 非 常 緊 張 地 說 : 「 唔 好 問 我 、 唔 好 影 我 啦 。 咁 我 住 呢 度 , 梗 係 買 番 呢 度 啲 樓 啦 。 呢 度 啲 間 隔 又 四 正 實 用 , 最 緊 要 係 咁 舊 嘅 樓 , 銀 行 都 借 足 七 成 , 唔 怕 無 成 交 。 」 不 過 , 由 於 美 孚 樓 齡 較 舊 , 故 供 款 年 期 一 般 最 多 十 多 年 。
然 而 走 出 了 美 孚 新 邨 , 林 太 的 手 風 差 得 多 , 如 ○ 七 年 十 二 月 樓 市 瘋 狂 之 時 , 她 就 以 一 千 二 百 萬 購 入 由 新 昌 發 展 的 元 朗 牛 潭 尾 獨 立 屋 翠 巒 , 持 有 至 今 未 有 動 靜 。 林 太 於 今 年 新 年 期 間 更 購 入 一 個 九 龍 站 的 天 璽 單 位 。
而 林 太 的 「 好 姊 妹 」 黃 太 , 同 樣 是 美 孚 的 師 奶 樓 神 , 二 人 均 是 九 十 年 代 初 「 出 道 」 , 也 曾 合 作 炒 賣 數 個 單 位 , 但 黃 太 就 較 為 深 閨 , 在 家 至 四 時 多 才 會 出 門 , 到 富 臨 漁 港 旁 的 上 海 商 業 銀 行 , 與 相 熟 的 經 理 打 牙 骹 。 黃 太 也 是 一 身 富 貴 look , 披 上 Gucci 絲 巾 及 挽 Gucci 手 袋 ; 養 了 一 頭 「 芝 娃 娃 」 小 狗 的 她 返 家 時 , 記 者 上 前 向 她 查 詢 其 炒 樓 心 得 ; 黃 太 面 色 驚 青 地 回 應 : 「 我 哋 身 份 好 敏 感 , 唔 好 訪 問 我 呀 , 我 咩 都 唔 識 , 咁 成 個 家 族 住 呢 度 , 貪 呢 度 風 水 好 咪 買 嚟 投 資 吓 囉 。 」 說 罷 懇 求 記 者 不 要 刊 登 其 樣 貌 。
黃 太



先 化 妝 後 出 貨
黃 太 眼 中 的 美 孚 當 然 風 水 好 。 原 名 曾 自 香 的 黃 太 , 她 的 旗 艦 公 司 瑞 香 發 展 , 多 年 來 炒 賣 過 一 百 九 十 八 個 單 位 , 涉 及 金 額 五 點 一 億 , 淨 賺 接 近 一 億 元 。 黃 太 近 十 年 炒 賣 過 的 百 個 單 位 當 中 , 只 有 一 個 單 位 蝕 讓 九 萬 元 , 而 手 頭 仍 持 有 三 十 個 單 位 收 租 。
林 太 和 黃 太 都 是 採 取 保 守 策 略 , 林 太 就 於 金 融 海 嘯 期 間 不 斷 出 貨 , 一 共 賣 走 八 間 美 孚 新 邨 單 位 , 但 全 部 仍 然 有 賺 , 如 一 個 位 於 百 老 匯 街 一 百 一 十 七 座 的 中 高 層 單 位 , 她 於 ○ 八 年 三 月 以 二 百 零 五 萬 買 入 , ○ 八 年 十 月 跌 市 期 間 , 以 二 百 二 十 萬 賣 出 , 仍 然 有 十 五 萬 元 落 袋 ; 而 黃 太 於 過 去 半 年 仍 出 了 三 個 單 位 , 共 賺 一 百 六 十 三 萬 。
當 遇 到 一 些 海 景 及 大 露 台 的 靚 單 位 , 她 們 就 會 出 租 , 有 人 承 接 時 才 以 交 吉 形 式 出 售 。 買 到 一 些 質 素 較 差 , 如 有 滲 水 等 問 題 的 單 位 , 就 會 急 急 轉 售 , 只 賺 百 分 之 十 。 不 論 是 短 炒 或 出 租 , 她 們 都 會 事 先 裝 修 。 記 者 參 觀 過 黃 太 其 中 一 個 位 於 百 老 滙 街 的 單 位 , 經 紀 指 她 花 約 十 多 萬 元 裝 修 , 屋 內 已 有 齊 飯 枱 、 梳 化 等 基 本 家 具 , 就 連 茶 杯 及 飯 碗 都 有 齊 , 放 在 餐 枱 上 , 十 足 十 示 範 單 位 。
美 孚 新 邨 樓 齡 已 有 四 十 多 年 , 前 身 是 荔 枝 角 灣 油 庫 , 於 六 ○ 年 被 政 府 填 平 , 改 成 私 人 屋 邨 。 ( 政 府 新 聞 處 圖 片 )



美 孚 新 邨 小 檔 案
發 展 商 : 新 世 界 、 美 孚 石 油
單 位 數 目 : 13,149 個
座 數 : 99 座
樓 齡 : 41 年
歷 史 : 美 孚 新 邨 分 百 老 匯 街 、 吉 利 徑 及 蘭 秀 街 。 它 的 前 身 為 美 孚 石 油 公 司 荔 枝 角 灣 油 庫 。 一 九 六 ○ 年 代 , 政 府 把 荔 枝 角 灣 填 平 , 美 孚 石 油 公 司 將 油 庫 地 皮 轉 為 私 人 屋 邨 , 成 為 香 港 首 個 由 工 商 地 皮 轉 為 住 宅 地 皮 , 亦 是 香 港 第 一 個 私 人 大 型 屋 苑 。
師 奶 盡 攬 筍 盤
事 實 上 , 美 孚 新 邨 一 向 受 用 家 及 投 資 者 愛 戴 , 如 資 深 投 資 者 張 大 朋 就 於 前 年 開 始 前 後 買 入 了 五 十 個 單 位 作 收 租 。 在 去 年 海 嘯 發 生 , 美 孚 新 邨 的 呎 價 由 三 千 七 百 多 元 , 跌 至 三 千 二 百 元 , 下 跌 約 百 分 之 十 三 , 抗 跌 力 十 分 強 。 反 而 港 島 區 的 太 古 城 下 跌 接 近 百 分 之 二 十 。 在 近 月 的 小 陽 春 , 美 孚 新 邨 呎 價 又 重 回 三 千 六 百 多 元 , 可 見 有 一 定 的 反 彈 能 力 。
炒 美 孚 超 過 二 十 年 年 資 的 林 太 和 黃 太 住 在 這 裡 亦 超 過 二 十 年 , 最 早 已 入 住 一 千 八 百 呎 大 單 位 , 多 年 來 在 區 內 搬 過 數 次 。 而 她 們 炒 樓 初 期 都 是 團 購 及 與 街 坊 合 資 , 愈 賺 愈 多 後 , 於 近 年 開 始 完 全 獨 立 。
一 般 「 散 打 」 投 資 者 要 與 這 批 師 奶 搶 貨 並 非 易 事 。 一 名 美 孚 經 紀 坦 言 : 「 其 實 你 哋 諗 住 買 一 、 兩 個 單 位 短 炒 , 我 就 唔 建 議 喇 。 有 靚 貨 , 我 哋 都 留 俾 班 師 奶 先 , 幾 時 到 你 哋 。 買 嚟 出 租 就 可 以 考 慮 吓 嘅 。 」 師 奶 與 區 內 所 有 經 紀 都 十 分 熟 落 。 據 知 , 只 要 出 貨 有 錢 賺 , 除 了 付 佣 金 之 外 , 她 們 間 中 亦 會 給 予 經 紀 一 萬 元 獎 金 , 因 此 當 經 紀 有 靚 單 位 , 都 會 第 一 時 間 通 知 二 人 。 林 太 不 時 與 經 紀 吃 飯 聯 誼 , 但 黃 太 已 少 到 經 紀 鋪 打 躉 , 「 其 實 佢 哋 都 唔 使 睇 樓 , 佢 哋 熟 到 只 要 我 哋 話 俾 佢 知 邊 個 單 位 、 咩 價 錢 , 佢 哋 即 日 已 經 可 以 決 定 買 唔 買 , 即 日 開 票 都 得 。 」
黃 太 其 中 一 個 位 於 百 老 匯 街 的 一 千 二 百 呎 的 中 層 單 位 , 以 十 多 萬 元 裝 修 連 傢 俬 , 似 足 示 範 單 位 , 她 開 價 五 百 三 十 八 萬 元 出 售 , 打 算 賺 二 十 萬 。



潘 永 芳 在 其 位 於 青 山 公 路 冠 峰 台 獨 立 屋 內 接 受 訪 問 , 她 指 九 七 年 時 跟 人 一 窩 蜂 買 嘉 湖 山 莊 , 結 果 焦 頭 爛 額 。 吸 收 經 驗 後 , 都 是 投 資 美 孚 新 邨 及 市 區 鋪 , 穩 陣 一 點 。 ( 廖 健 昌 攝 )



銀 行 特 快 批 核
在 美 孚 任 職 經 紀 多 年 的 都 指 這 個 屋 苑 十 分 好 做 : 「 喺 出 面 就 要 好 天 斬 埋 落 雨 柴 , 但 係 呢 度 個 個 月 都 好 穩 定 。 喺 其 他 區 , 一 個 炒 家 俾 個 經 紀 嘜 咗 , 你 就 唔 使 埋 佢 身 喇 。 不 過 呢 度 啲 師 奶 無 御 用 經 紀 , 我 哋 又 唔 使 push 啲 客 , 只 要 捉 到 這 班 師 奶 想 要 咩 , 佢 哋 心 理 好 簡 單 , 好 似 佢 用 五 百 萬 出 咗 一 個 一 千 二 百 呎 單 位 , 你 搵 番 個 差 不 多 呎 數 , 平 少 少 嘅 , 同 佢 補 倉 , 佢 都 要 嘅 。 」
除 了 與 經 紀 熟 落 , 師 奶 和 區 內 銀 行 亦 關 係 良 好 。 林 太 和 黃 太 手 上 物 業 的 大 部 分 按 揭 都 由 上 商 提 供 , 並 只 借 五 成 , 她 倆 步 入 美 孚 的 上 商 分 行 , 即 有 經 理 上 前 招 呼 。 據 知 銀 行 亦 相 當 識 做 , 凡 是 她 們 的 申 請 , 基 本 上 不 需 要 再 出 示 收 入 證 明 , 批 核 甚 至 較 用 家 快 , 有 經 紀 指 : 「 其 實 佢 哋 兩 個 嘅 現 金 都 好 多 , 每 次 買 樓 基 本 上 都 唔 需 要 做 按 揭 㗎 , 不 過 佢 哋 同 銀 行 熟 , 有 時 銀 行 叫 佢 , 佢 俾 啲 生 意 銀 行 做 咋 。 」 由 於 二 人 水 源 充 足 , 當 遇 到 一 些 業 主 「 等 錢 使 」 要 急 放 , 割 價 套 現 的 單 位 , 她 們 會 以 現 金 支 付 全 數 , 「 佢 哋 夠 爽 快 , 唔 似 啲 用 家 咁 又 要 求 長 成 交 期 , 又 要 左 睇 右 睇 , 所 以 容 易 執 到 平 貨 。 」 一 地 產 經 紀 說 。
長 實 正 部 署 開 售 半 山 壹 號 二 期 , 首 張 價 單 平 均 呎 價 一 萬 五 千 多 元 。 潘 永 芳 已 到 實 地 考 察 地 盤 , 認 為 價 錢 並 不 合 理 , 絕 不 會 買 入 。 ( 關 永 浩 攝 )



九 六 年 , 天 水 圍 嘉 湖 山 莊 開 售 , 不 少 炒 家 通 宵 排 隊 認 購 , 潘 永 芳 亦 前 後 買 入 一 百 五 十 個 單 位 , 她 指 近 年 才 把 餘 下 單 位 轉 售 , 蝕 讓 收 場 。



嘉 湖 損 手   重 返 美 孚
美 孚 這 個 炒 家 樂 園 , 不 單 令 林 太 、 黃 太 不 離 不 棄 , 在 區 外 有 所 損 傷 的 炒 家 亦 要 「 翻 頭 炒 」 。 家 住 青 山 公 路 冠 峰 台 獨 立 屋 的 潘 永 芳 , 大 屋 有 一 個 泳 池 能 遠 望 海 景 , 無 綫 不 少 電 視 劇 曾 借 其 大 屋 來 取 景 , 大 屋 於 九 七 年 前 以 二 千 三 百 萬 購 入 , 而 這 間 大 屋 正 是 她 過 去 炒 樓 三 十 年 賺 回 來 的 。
今 年 五 十 九 歲 的 潘 永 芳 指 自 己 第 一 份 工 就 是 炒 樓 : 「 嗰 時 無 咩 錢 , 就 成 班 師 奶 夾 錢 炒 , 第 一 間 就 係 買 鰂 魚 涌 益 發 大 廈 。 」 後 來 涉 足 市 區 鋪 位 及 住 宅 , 但 九 七 、 九 八 年 伸 手 入 天 水 圍 嘉 湖 山 莊 就 重 傷 , 她 炒 賣 過 嘉 湖 山 莊 逾 一 百 五 十 個 單 位 , 呎 價 高 達 四 、 五 千 元 , 通 通 蝕 讓 後 , 才 貪 穩 陣 投 資 美 孚 新 邨 , 她 說 : 「 嗰 時 嘉 湖 跌 咗 三 、 四 成 , 我 仲 以 為 政 府 會 出 嚟 救 市 。 點 知 愈 等 愈 跌 , 都 係 近 兩 年 先 放 得 晒 啲 貨 , 蝕 咗 幾 多 ? 總 之 好 多 好 多 。 」 經 歷 過 慘 痛 的 投 資 失 敗 後 , 近 兩 、 三 年 開 始 重 投 美 孚 新 邨 及 九 龍 區 商 鋪 , 做 保 守 派 : 「 嘉 湖 個 成 交 始 終 偏 低 , 美 孚 就 唔 同 , 賣 唔 出 都 總 有 人 租 。 由 去 年 十 一 月 , 海 嘯 發 生 之 後 到 而 家 , 一 個 九 百 六 十 呎 單 位 , 已 經 由 三 百 十 一 萬 , 升 返 去 四 百 二 十 萬 , 升 咗 三 成 幾 呀 。 」 她 指 出 買 美 孚 新 邨 , 不 用 理 坐 向 、 層 數 等 資 料 , 只 睇 價 錢 : 「 總 之 你 覺 得 平 就 買 得 過 , 唔 好 諗 住 撈 底 , 亦 唔 好 諗 住 賺 盡 , 你 諗 住 賺 百 分 之 十 至 二 十 , 就 好 收 手 喇 。 重 要 是 記 住 一 蝕 到 不 能 負 擔 的 範 圍 就 要 斬 纜 , 冷 血 啲 都 要 。 」
美 孚 新 邨 抗 跌 力 強



新 盤 無 水 位
她 由 九 一 年 開 始 買 美 孚 新 邨 , 至 今 已 買 賣 過 約 五 十 個 單 位 。 住 在 屯 門 青 山 公 路 的 她 , 甚 至 在 美 孚 新 邨 買 了 一 個 車 位 自 用 : 「 美 孚 交 通 好 方 便 , 我 出 市 區 時 就 可 以 泊 架 車 喺 度 , 咁 就 搭 咩 交 通 工 具 都 得 。 」 除 了 投 資 住 宅 單 位 , 她 亦 買 過 該 區 的 商 鋪 出 租 : 「 唔 好 以 為 嗰 區 啲 鋪 又 殘 又 舊 , 成 個 美 孚 新 邨 有 成 一 萬 三 千 幾 個 單 位 , 仲 未 計 曼 克 頓 山 同 附 近 嘅 居 屋 呢 , 有 一 定 人 流 , 啲 鋪 其 實 好 好 生 意 。 」
潘 永 芳 指 銀 行 近 月 對 投 資 者 態 度 放 軟 : 「 我 之 前 蝕 過 咁 多 , 佢 哋 應 該 怕 咗 我 , 早 排 仲 諸 多 挑 剔 , 但 最 近 仲 主 動 打 嚟 問 我 , 『 點 呀 ? 有 無 睇 中 咩 單 位 呀 ? 』 」
炒 樓 令 她 致 富 , 不 過 她 卻 揸 二 十 二 萬 元 德 國 車 福 士 , 符 合 其 師 奶 慳 家 性 格 : 「 買 嘢 唔 一 定 要 買 名 牌 , 呢 架 車 夠 平 , 俾 錢 嗰 時 最 冧 , 夠 馬 力 但 慳 油 , 牌 費 保 險 費 都 平 。 買 樓 都 一 樣 , 最 緊 要 睇 價 錢 。 」 每 次 新 樓 開 售 , 她 一 定 會 去 參 觀 , 卻 認 為 現 在 大 部 分 新 樓 開 價 不 合 理 : 「 嗰 時 開 火 炭 御 龍 山 、 紅 磡 海 濱 南 岸 , 個 價 咁 貴 , 我 話 邊 個 買 就 衰 邊 個 。 而 家 好 多 新 樓 都 買 唔 過 , 我 全 部 都 有 睇 , 長 實 開 嘅 半 山 壹 號 , 我 上 埋 山 望 埋 個 全 景 , 唔 會 買 。 如 果 將 軍 澳 個 領 都 開 價 五 千 真 係 要 三 思 , 四 千 蚊 可 以 考 慮 , 三 千 蚊 就 會 排 隊 。 」

追蹤 師奶 兵團 十億 億炒 美孚
PermaLink: https://articles.zkiz.com/?id=8114

傳銷攻陷屋邨師奶

2009-6-18  NM




本月初,一名十九歲少女被誘加入傳銷公司亮碧思,被游說向財務公司借下十一萬元買貨,無力償還至申請破產。傳銷生意在香港可謂打不死,以往流行過Amway、Forever、Nu Skin等,而近年崛起的是來自馬來西亞的科士威(eCosway)。

這間公司以平價日用品、入場費低,且有七十五間門市作招徠,極速滲透各大屋邨的師奶,最殺食一招是可以加盟做「老闆」。本刊追蹤之下,發現eCosway背後的「上線」,以往在不同的傳銷公司打滾,熟知傳銷玩法,新加入者想搵大錢難過登天。

最近沙田、荃灣、美孚、葵涌、北角等老牌住宅區,均出現eCosway的門市。其母公司馬來西亞科士威,屬當地上市公司成功集團旗下,並先後打入泰國、台灣、韓國等地。○六年正式進駐香港,在佐敦開了第一間門市,兩年半已擴展至今有七十五間分鋪,發展迅速。

記 者上週在其分店內逛,店員即上前推銷,並說:「呢隻酵素好勁o架,我之前有腎衰竭,醫生都話無得救,但我飲咗呢隻酵素之後,依家個腎同正常人一樣!出面賣 三百幾蚊支,我哋呢度賣百幾蚊咋,好抵飲呀!」該店員繼續力銷其能量牌「SE墜飾」聲稱能醫百病,更能賜人力量,每塊三百多元。「你邊度瘀咗就用塊牌刮 吓,可以去瘀;邊度痛擺落去,就唔再痛;用嚟刮吓塊面,仲可以收細毛孔!」但記者見店員面部毛孔頗粗,店員即說:「我懶啫,好少刮。」當記者隨手拿起產品 看,她更打蛇隨棍上,「而家join做VIP,仲有得用會員價買平好多o架!年費只係六十蚊咋。」

六十元的VIP會籍只是餌,店員見客人有興趣時,會食住上,「有無興趣join埋做BO(Business Officer,即業務主任,簡稱業主)?年費二百五十蚊,係貴啲,但可以儲分,買多啲嘢就有現金回贈o架嘞。儲到一分,就有一蚊美金回贈!嗱,我哋公司有晒制度,幾多分可以回贈幾多percent嘅,直頭現兜兜入落你銀行戶口o架!」店員說。

不少加入eCosway做「業主」後,都望透過購物儲積分升級成為「店長」,因為成為「店長」後,通過產品知識考試,再交十二萬元按金,便可申請開鋪做「老闆」;而開店的租金、裝修、入貨等均由eCosway負責。

傳銷老手再戰江湖

本週一,eCosway就舉辦了一個講座,由佔香港三十多間分鋪的「上線龍頭」鄭亨達(Marco)及其妻子天美老師主講。晚上七時半,天美即與在場八十多名「業主」打招呼說:「你好!」眾人即大聲高呼:「好、很好、非常好!」師奶們十分興奮。

Marco自爆前身曾屬一間賣蘆薈產品的傳銷公司Forever,有熟悉Marco的人說:「佢以前有二萬幾人跟佢,年薪過百萬o架!」講座開始時,在場幾位聲稱剛從馬來西亞考察返港的「業主」自告奮勇,出來分享經驗,有醫生、師奶、美容師、環保購物袋生產商等。Marco便說:「而家金融海嘯,有邊間公司唔會裁員,仲俾間鋪頭你,教埋你點做生意?我哋都想將呢個機會俾多啲朋友!」

其中聲稱曾經營美容院生意八年的Emily分享時猶如背書,臨尾更錯口說出另一間傳銷公司Nu Skin,「我一直都跟開Marco……我覺得Nu Skin真係一間好好嘅公司,美容我唔做o架啦,我全職做呢邊o架喇!」在場者旋即大笑,她亦只好以笑遮醜返回座位,講座至晚上九時半,Marco以不同例子力證eCosway不是傳銷公司,如百佳、惠康現時均要入會,故eCosway要入會並非傳銷;eCosway的貨百分之九十九是進口貨,可媲美沃爾瑪等,以連珠炮發式為師奶洗腦。

接着,他又向師奶教路,強調會員不要硬銷、避開「入會」等字眼而改說「成為公司一分子」等,教導如何讓人減低對傳銷的戒心。他於最後十分鐘才開始講解最複雜的計分方法,快速在白板上畫了多個分層計分圖,最終計出一年後,在座聽眾的每年收入可超過二百萬元,「唔明唔緊要,遲啲你哋就會明!」並透露eCosway將於年尾上市,會於報章登廣告,令眾師奶對這間公司充滿希冀。後來更與眾師奶到佐敦軍記海鮮菜館用膳到凌晨,Marco再與三名男女進了一棟有桑拿及多間賓館的大廈中。

eCosway點玩法

 

踢爆典型傳銷

成為eCosway的「店長」是會員夢寐以求的發達階梯,事關成功開鋪後會有雙重收入,除每月分得鋪頭營業額百分之五外,「店長」亦可兼得旗下所有「下線」購物的積分,從而獲取現金回贈。

然 而,升格做「店長」前,首先要維持「業主」身份,假如三個月內購物儲不足十五分,即是消費購物一百五十元,或未能介紹新人入會,「業主」身份將被取消,即 使想透過「業主」身份賺取現金回贈,最少要儲到五十分,即是要消費五百多元,才回贈二元美金(約十五元六角港幣),而且,積分只可累積至每月月尾,逾期作 廢。

浸會大學市場學系副教授張華樑博士看過eCosway的會員及計分制度後,即說:「好明顯係典型傳銷。」並指其實一般會員現時加入的 話,能分的利潤可能只有她們自己的購物折扣,「佢積分每月重新計算,即係逼你每月要買好多嘢,而呢啲嘢分分鐘買咗嚟係無用嘅;而你介紹入會嘅人,買幾多嘢 唔到你控制,所以要賺佢哋嘅分,從而賺錢係好難。」

如要跳上「店長」的階梯,並無清晰條款列明如何才達標,一般由「上線龍頭」決定其「業績」是否理想,方可向公司申請開鋪,但未必成功。

據一些已經營店鋪的「店長」透露,過去一年半,eCosway分店由三十多家極速開至七十五家,市場已呈飽和,但現仍有一百多名「店長」排隊等開鋪。

結果是出現一班等待做老闆的「店長」,為了維持其「店長」資格,不斷向公司購物。本刊致電eCosway在馬來西亞的總公司公司聲稱過去三十年從來無接受傳媒訪問,拒絕回應。

而 律師梁永鏗亦勸告市民小心,皆因成為「業主」所簽訂的條款中,寫明「業主」需對eCosway的產品負責,若有消費者對產品有任何投訴,eCosway並 不用賠償或負責,而eCosway網頁中的業主須知中,亦寫明「業主」並非其僱員等,有投訴或爭拗時亦不用上身,而最苛刻的條款,便是eCosway有權 隨時更改條款而無需事先通知,「如果間公司執笠,店長俾嘅十二萬開鋪按金都未必攞得番o架啦!」梁永鏗說。

墮傳銷網損手百萬

暑假將至,加上失業率高企,正是傳銷公司招攬成員的黃金機會,上週民主黨議員何俊仁就帶同廿多名墮入傳銷陷阱的苦主,遊行至灣仔警察總部請願。

現年四十四歲的新移民曾友霞從河源市來港六年,原本在茶餐廳從事樓面工作,○五年被朋友游說加入傳銷公司亮碧思搵錢,結果短短五個月損失一百二十六萬,丈夫得悉後激動至中風,至今仍半身不遂。

曾女士表示初次踏進銅鑼灣崇光十四樓的亮碧思傳銷公司, 猶如開始了一個被催眠的惡夢。「一開門入到去,見到有成過百人,個個都鬼咁熱情,又攬又拖手,香港地有幾何咁有溫情,真係第一次見咁嘅場面。」場內男士西 裝骨骨,女士一身珠光寶氣,曾女士以為自己接觸到上流社會,「佢哋話打工仔冇發達,我做茶餐廳每日捱足十個鐘,身水身汗每個月先得六千元,住都去咗大半, 嗰刻覺得又真係幾有道理。聽聽吓,個集團業務又話台灣、日本都有,嗰度個個拎住本紅簿仔都話閒閒哋月賺幾萬,甚至三、四十萬,有啲原本出身仲同我差唔多, 會開始諗自己係咪都有機會變成咁。」

群眾壓力欲拒還迎

但講到「錢」字,她亦有所提防,「我朋友同埋佢上級一齊埋位同我傾,一 講話要五千元入會先,我都猛話自己冇錢o架!我哋鄉下唔興俾人知自己袋住幾多錢,有都唔會講啦。」但長達兩小時的拉鋸中,曾女士開始敵不過他們的「軟 功」,「佢哋見我話冇錢,仲喺場內周圍同我籌,話幫我俾住先,借據都冇叫我簽。」心想入會成為「經銷商」,所購入的香薰及護膚品均可於三個月內退款,加上 只須介紹五個人入會,即可靠他們再介紹其他人,層層疊收取下線的佣金,她便以一試無妨的心態填表入會,步入糖衣陷阱。

事隔兩日,她即被熱情招呼返回公司認 識「同事」和上培訓課程,課程頭兩堂免費,其後各類課程每堂收費一百至二百元不等。「好似好多嘢學咁,覺得好正面,有啲教你認識自己,學習溝通技巧,學完 好似水平都會高啲,又覺得自己其實有發達嘅才能。」曾女士隨即回茶餐廳辭工,甚至願意賠上一星期人工即時走人。一心踏上「發達階梯」。

財政大起底

亮 碧思鼓吹「用錢買時間」,即是與其慢慢等下線發展,不如以一大筆金錢買上級位置變相「升職」,單位由六萬七以至四十萬不等,而其後所收取的佣金亦可大大提 高,她開始被游說借貸,「連埋我朋友有成三個人同我一齊去,喺觀塘間AEON借三萬元,一收到錢佢哋就會幫我『保管』住,唔會過我手。」

然 後,每隔兩、三天便一個「洗腦」課程,「傳銷商會教你點『善用』自己嘅所有資產,存款、樓按、借貸,然後開始教你列出身邊所有親戚、朋友網絡,逐一介紹產 品。至於家人則到『成功』後才好通知,以免令佢哋擔心。」培訓課程又會教導不支持的親友等同「阻住發達者」,要將名單列出告誡自己。

在潛移 默化下,她開始將鄉下的物業做按揭、對鄉下的丈夫大話連篇。短短五個月間,她掏了一百二十六萬,直至東窗事發,被丈夫發現。「我老公知道嗰陣即刻拍晒枱, 覺得我被人呃,我嗰陣仲唔忿氣o架!猛駁嘴話佢唔識唔明,點知佢突然瞓低,嗰刻我先驚。」丈夫中風,急需醫藥費,傳銷公司方露出真面目,貨單因過期三個月不能退款、佣金被七除八扣後亦所剩無幾,最終要賣田賣鋪才能抵債。

「我老公瞓低之前嗰句都係叫住『你第日就知死,傾家蕩產呀!』而家我先知真係折墮!」曾女士向記者憶述事件期間,不時雙眼通紅,後悔不已。

覷準年青人財務公司

有財務公司業內人透露,坊間有些小型財務公司幕後老闆實為市面上傳銷公司的老闆,甚至會直接拉客貸款。財務公司放貸時,其實並不重視借款人的還款能力,反而大專生或年輕人才是目標客戶,皆因財務公司看準了年輕人的父母到最後往往會出手相救,以避免子女踏上破產的不歸路,影響前途。

已破產的十九歲中五畢業生曾被帶到UA亞洲聯合財務、大眾財務以及邦民日本財務借貸,另外,AEON和安信都是傳銷人員帶客戶貸款的熱點。


傳銷 攻陷 師奶
PermaLink: https://articles.zkiz.com/?id=24671

搵食師奶 鄺易行

2011-12-1  NM

近日審計署踢爆食物安全中心檢測食品態度粗疏,只檢查超市食品,小商店貨品從不過問,now立即找食物安全專家鄺易行,揭露食安中心的混賬史,無綫又買幾個饅頭要她品評。
「食安中心每月只抽驗一種營養,還要驗埋無厘頭嘅嘢。」五十歲的鄺易行說:「今個月驗蛋白質,就所有食物都驗蛋白質,糖水你驗蛋白質把鬼咩?真係混賬!市民以為政府俾得你食應該無問題,其實他們不理你死活。」
別看她外表師奶,嗜好行街市,其實擁有香港大學生化系博士銜頭,痛恨政府沒好好教育市民,○七年成立「良食關注組」,在網上宣揚健康飲食,逢星期日在《明報》全版行文,教讀者如何在街市搜羅健康食材。
《西遊記》妖精爭吃唐僧肉,至於他的同宗,唐英年的肉嘛,少吃為上。「豬的飼料加入促生素,促生素是抗生素一種,多食豬肉會增加身體對抗生素的抗藥性。」


○七年鄺易行成立良食關注組,並設立網站goodfoodwatch.com,教人低碳生活,注重健康飲食。她指出香港食品不是最壞,最壞是美國肉類,包括記者至愛的炸雞。
「對環保最不負責任的國家是美國,到現在仍未簽《京都議定書》(聯合國氣候變化框架公約)。美國雞養四十日就夠肥拎去賣,因為美國用好低廉的 factory farming去produce雞隻,根本無respect佢係一隻雞。一個農場八十萬隻雞,每隻雞只有A4 size活動空間,根本轉唔到身,而且燒了牠們的嘴,不想牠們叮傷自己,又不讓牠們睡覺,開大音樂和射燈,雞長時間焦慮就食得多,咁咪快肥囉!但所有動物 一緊張就會釋放(壓力)荷爾蒙及毒素,這會損害肉質和營養。
「大陸行緊factory farming的方向,再加上黑心食物,大陸製食品你諗多幾次先好食。」
香港人食魚量是亞洲第三高,又嫌雪藏魚不新鮮,對活魚趨之若鶩,總是逼爆西貢、鯉魚門,以為好識食,卻不知活魚五癆七傷。「只有中國人才覺得游水 魚巴閉。你諗下捉咗條魚返來放在魚缸等人買,養得耐會病,落藥養住佢,那些藥物更遺害。而且在街市人來人往,你望住條魚,條魚一定緊張,一緊張又會釋放荷 爾蒙,所以食冰鮮魚反而安全。」


即使外國有機食品,由於空運抵港,排碳量比本地有機的多十倍,她亦少吃。她認為只 有本地的有機食品,才是最可靠又環保。元朗街市專賣有機魚的「良品漁夫」,灣仔道新記肉食公司賣的「健味豬」,旺角街市的「永明雞」,都是她的推介。她強 調絕非賣廣告,跟本地有機食品沒有任何利益關係。 嬰兒吃奶,更不能掉以輕心。「好多奶粉寫自己有omega 3,又話增強腦部發育,幫助便便……唔通唔食個腦就唔識發育?外國鼓勵食母乳,所以不准奶粉有這些宣傳語句, 但香港政府無監管。 「母親生產後一星期的母乳叫初乳,對嬰兒免疫力和腸胃系統一生受用,沒有奶粉比得上,但私家醫院未生已問你揀邊隻奶粉,真係好過分。BB食奶粉好易腸胃敏 感,私家醫院會叫你幫襯它買防敏感奶粉,我姨甥就是這種情況。為什麼私家醫院這樣做?賺錢囉!」

快樂環保
鄺易行講環保,身體力行,謝絕護髮素,她用醋溝水沖頭。碗碟則用劍麻掃、茶籽粉清洗。肥皂、洗頭水甚至洗面 液她都自家製。 上街不用紙巾,將小毛巾剪成四塊,每日拿幾塊上街,抹汗抹鼻涕都是它,洗乾淨又再用。用來抹屁股、當衞生巾吖笨!「又未去到這個層次,但理論上可行,不過 衞生起見,要用另一批巾。」 二十年前已自備環保袋購物,家裡一個洗潔精膠瓶閒閒地有十年年資。「多一個樽就是多一個樽,在堆填區十年它仍會存在。我會買good quality的東西,希望耐用一點。」心癮起想買東西時,她會給自己十個理由不買。「丈夫也愛環保。我哋著爛一對鞋才買另一對。如果鍾意就買,便不得 了。」 對上一次買裙,是廿三年前結婚,諗落都幾驚心動魄。「我每類型衣服只得一件,例如外套、襯衣、褲,著爛才買。」 她為了這個訪問,特意買新衫,記者真是罪孽深重,萬死莫贖。「我要上鏡整齊。 我想別人知道,正常生活都可以環保。有些環保人污污嚇親人(講緊邊個,大家心中有數啦!)你太radical就無人敢跟着做。」 她的環保理念就如其名,環保同道可能覺得小兒科,但勝在易行。「其實我想告訴大家,只要願意為生活帶來少少不方便,已經可以幫到地球,不用好像周兆祥(終 於開名)般才叫做環保。」 每天早上將香茅、青蘋果、檸檬汁、香蕉、紅葱頭等十多種蔬果磨成汁,一杯給自己,一杯給丈夫帶上班,果渣塗在面上護膚。絕少出外吃飯,就是吃也少肉多菜, 背囊內長期放着一個玻璃盒,食剩打包。 麵包、饅頭、朱古力親手做,還在city'super買了一部乾果機,將生果切片烘乾當零食,她說營養價值可完全保留,再三鼓勵有小朋友的攝影師購買。 個個學似你,歐債危機應該提早幾十年發生。「一定會。」這叫阻住地球轉?她反問:「個地球轉咁快做咩?點解要佢轉咁快?」

一世唔生
在她眼中,人類是破壞地球的罪魁禍首。「人一出生就排碳(吸氧氣,呼二氧化碳),就算你咩都唔做已經排 碳。」 她認為地球太多人,她為減排,多年前已決定不生孩子。 老來從乜?「我沒想這問題。就算要小朋友都只會領養。生育目的是留gene(基因),我又不覺得自己的gene有幾好。」 你唔生,夫家有微言嗎?「我老公排第八,大把人生仔,無壓力。我唔反對別人生仔,但唔會叫人生三個囉,曾生(曾蔭權)叫人生三個,你養呀?一孩政策其實有 需要,你諗吓地球哪能負荷?現在歐洲流行一個名稱叫GINK(Green Inclinations, No Kids),香港落後三十年。」 既然人類咁毒,不如自殺以謝天下?「生命要尊重,係咪?」 挪威○九年的排碳報告指出,香港人均排碳量高踞全球第二,僅次於盧森堡。「香港排碳量有一半來自飛行,每年每人坐飛機的排碳量平均是十三點四噸,來回一次 洛杉磯便排二點六噸碳,如果你一年去五次,你就坐响度咩都唔好做(因為已排了十三噸碳,是每人一年排碳總和)。政府說香港排六點幾噸(每年每人),因為沒 將飛行排碳計算在內。」 她最遠只飛東南亞。「我唔係叫人唔好飛,只係唔好飛咁多。你慳一個半個膠袋,但諗都唔諗就飛,實在太微觀。你去一次洛杉磯就相等於用六百個膠袋,坐頭等 (佔位更多)碳排放量更是多三倍。」

輕鬆低碳
記者問鄺易行,受何人影響變成環保人?「我都想有人影響我。每個人都有個階段是什麼都想要,只是有些人會反 思,會檢討,知道人類再咁生活唔掂。」 家庭背景她不願多說,只知道她在德雅中學讀書,成績差得很。她認為填鴨式教育不適合自己,要求到英國求學。在彼邦,學懂不要人云亦云,不要怕權威,要活出 真我。 任何事都愛查根究底,所以她在大學選修生化系。八四年英國華威大學生化系畢業後,入香港大學繼續攻讀生化碩士和MBA,在港大游泳池跟日後的丈夫一見鍾 情。「我游去邊他跟到邊。(當時穿着火熱辣辣三點式泳衣?)唔係。緣分注定,其實之前我在學校做gym時已見過他,望一眼就知呢個男人係我嘅。」拍拖半 年,碩士未畢業便結婚,丈夫現在做行政工作。 九○年碩士畢業,九八年拿了免疫分子學博士,工餘又考獲寶石鑑證和經紀牌。「我鍾意求學問。相士也說我日坐文昌。」 畢業後當過私人機構的科研人員。「我以前最大的夢想是在lab日做夜做過一生,過着好單純的生活,但原來不是這樣。」


也做過產品經理,負責科研產品的市場推廣,亦替私人公司做關於動物飼料添加劑的研究。現在正職是財務顧問,跟別人合資在灣仔開投資公司,亦是寶光實業(經營時間廊、眼鏡88等)的獨立非執行董事。
名不經傳的生化博士,本無鴻圖大志,直至○七年才走出象牙塔,觸發點是她的朋友服食排毒產品後腸道不蠕動。「消費者應該知道自己吃什麼, 既然我有這方面的知識,便應該說出來。不過我人微言輕,政府不會聽我講,唯有透過網站教育市民保護自己,不敢說回饋社會咁嚴重。 」
她是公民黨黨員,近幾年也有跟黨合作,搞健康知識講座。「人生只是一個過程,end up個個都一樣;我只希望自己無害人,有能力就影響人。」
婚後她一直住在黃大仙天馬苑,似與她的財力不相配。「我不想排碳,所以不搬家,夠住就是了。結婚時只俾八十蚊註冊,連相都無影。八十蚊結婚可以一生一世,好大型的婚禮反而離幾次婚,金錢跟快樂是沒關係的。
「人其實不需要咁多,快樂不是用物質堆砌。」
記者自問凡人,快樂起碼有五十個百分比由物質堆砌,剛搬了新居,還決定辭職去三、四個旅行……統統與鄺易行對着幹。這一刻,實在說不出話來。 ####

搵食 食師 師奶 易行
PermaLink: https://articles.zkiz.com/?id=29615

師奶低成本開班 教影得意B

2012-04-05  NM

三十歲的梁家宜(Jenny), 年紀輕輕已有一個歲半的兒子。兒子出生後,她即辭去電訊公司工作做「湊仔婆」。為減輕丈夫養家負擔,Jenny度出一份既可「湊仔」又可賺外快的副業。她 曾經「秘撈」在觀塘工廈開設影樓,幫大肚婆及兒童派對影相,一個月前決定「摺埋」影樓,轉型以包堂形式開班,教媽媽影BB相。這次,Jenny盡師奶「慳 家」本色,用零租金的流動教室開班,同時落足嘴頭找商戶送贈品。過去一個月開了三班、共六堂,有充裕時間陪兒子之餘,還有二萬元落袋。


上 週五晚,十九個透過討論區「親子王國」認識的年輕媽咪,來到佐敦儉德大廈約一千呎的樓上鋪,包堂上「開心派對攝影班」。導師Jenny先逐一點評學生事先 寄來的BB相片,「嘩,呢張大頭相捕捉到BB嘅可愛樣,但敗筆係構圖剪咗個頭。」兩小時的課堂,用了一個小時點評相片和講「湊仔經」,一眾媽媽講講笑笑, 像開派對多於上堂。她們都是十月媽咪會「小圈子」的成員,子女只有四、五個月大。搞手阿珊在雜誌看見Kidssha的介紹,便在討論區召集媽咪包堂。「開 頭得七、八個人,我話十個人有九折,十五人送迷你心意卡,結果佢哋越叫越多人。」Jenny笑道。 其實,Jenny並非專業攝影師,但中學時已喜歡玩菲林相機,曾到曬相鋪打工學曬相等,自學攝影技巧。據本刊攝影師觀察,Jenny講解快門光圈、調校光 暗度等入門知識時,解釋得較清楚,但一講「Pan鏡」等較專業的名詞,就略為吃力。不過,媽媽們就算不明白都很少發問。「由auto學識轉用 manual(手動)已經夠啦,千萬唔好教我太專業嘅嘢,我唔想知。」學生沈小姐說。是次攝影班分兩堂,每人收費三百六十五元,九折後共六千多元。第一堂 教攝影須知,第二堂在四月中,Jenny以一千元租下一間畫室,包場開派對予家長實習。若帶爸爸、工人陪同,每人額外再收五十元,預計可再有一千元收入, 剛好幫補場租。

零租金流動課室
Jenny是次教班場地由網站「攝影札記」(Photoblog)的老闆陳偉諾 (Terry)免費借用,因此學費扣除畫室的租金後,已可全數落袋。零租金正是Jenny的撒手鐧,兩年前她「秘撈」在觀塘廠廈租單位開影樓,月租一萬五 千元,於週末時接生意影相,怎知辛苦賺來不夠交租,一年要蝕四萬元。今年二月租約期滿,遇上打算開店的Photoblog老闆Terry上來睇鋪,對方後 來在佐敦設店,並邀請Jenny開班,免租半年,「依家多咗女士買專業相機,Jenny的市場係媽咪,她開班可吸引到客人認識我間公司,我哋佐敦店賣好多 攝影器材。」Terry說。 由於Terry公司不適合予媽咪帶同BB來上堂,若另租影樓開實習班,不但位置不就腳,更要花錢布置,於是她想到租畫室包場開派對。「最緊要有噱頭,好像 派對攝影、相冊製作等。」Jenny指另一免費課室是屋苑會所,甚至公園等。萬一要租場,亦有農莊等選擇,既好玩又有噱頭。「搵一啲媽咪都會帶BB去嘅地 方,佢哋更加有投入感,我又唔使俾租金同租約綁實。」Jenny笑說。

主攻媽媽會
最難是搵客,Jenny指要先鎖定 坊間不同的嬰兒網站及嬰兒用品公司,媽媽會員最集中。三年前準備開影樓時,她已在「親子王國」鋪路搵客,「網站有好多不同年份及月份的媽媽會,佢哋會組成 不同的小圈子,分享湊仔經,或搞生日派對,而搞手通常登出電郵地址,叫人報名。我就寄電郵自薦幫佢哋免費影相,好多媽咪都會落疊。」Jenny得意地說, 這類「義工」,斷續地做了兩年,儲下大量媽媽的聯絡資料。每次搞完派對,她都會定期寄電郵作宣傳。另外,在太子賣BB用品的BB Care,有個由會員組成的媽媽會,「佢哋起碼有二萬個會員。」Jenny曾自薦開班教影BB相。 身為師奶的Jenny知道師奶喜歡「攞着數」。早前,她說服相冊公司UBabyBaby老闆,以七折為其相冊班印製相簿,「原價二百三十蚊一本,我用一百 五十蚊入貨,四百元一堂包相簿,媽咪都覺得抵。」結果該堂有十多人參加,賺約二千元。最近,有間天然嬰兒軟膏公司見到Kidssha在荷花集團旗下雜誌的 訪問,主動贊助贈品予攝影班媽媽,「我以前試過隻軟膏好用,跟住搵佢哋送贈品,點知佢嫌我公司細唔睬我,依家就主動搵我話做主要贊助商。」這次到 Jenny反客為主,「我未應承呀,上次做義工時識到美國護膚品名牌Kiehl's市場部嘅人,我想試吓同大公司傾吓先。」

狂做義工打關係
半 途出家做攝影師的Jenny,知道家長最看重「學歷」,即工作經驗。為省靚招牌,Jenny狂做義工儲履歷。兩年前,她無意見著名攝影師葉青霖的攝影義工 隊於網上招募義工,便寄信報名,「佢哋一年招募一次,面試要交三張以愛為主題嘅相片,面試時每十個人一組答問題,我好想加入,不時舉手搶答,結果揀中 我。」義工隊規定隊員每年至少出席三次活動,Jenny做夠十次。由於Jenny活躍於義工隊,其他慈善機構如愛滋寧養會、善導會、奧迪搞活動須找義工拍 照時,都會找她,Jenny後期索性以公司名義做義工。 做義工除了儲經驗,還有是可以「黐」明星。上週日愛滋寧養會在山頂搞步行籌款,明星如方力申、湯盈盈、錢嘉樂等,Jenny一有空檔就走上前和明星拍照, 之後再把活動及與明星的合照放上Facebook及公司網頁。最近,明星姚嘉妮透過朋友介紹,認識了Jenny,請她四月中替女兒生日派對影相,姚嘉妮在 電話訪問中說:「我請咗方中信、郭晉安等嘅仔女來開派對,想搵個信得過嘅人,唔會洩露我哋啲相。Jenny冇收我錢,佢第日有咩幫手宣傳,我都會出席。」 Jenny回應時指,她看中的是長遠客路,「今次就算收都係幾百蚊嘅友情價,寧願唔賺住,攞個好印象先。況且咁多明星去,話唔埋方中信個女下次開派對,又 請我去影呢。」Jenny雀躍道。

單靠影相難鬥賤價
Jenny教班的想法源於一次去playgroup,見到很多媽 媽拿着單反相機狂影BB,但用的卻是自動模式。「我都係媽咪,知道影小朋友有咩難度,例如佢哋唔望鏡頭,我就教媽咪係鏡頭上綁個公仔同啷啷,吸引BB。」 IT出身的Jenny,自己寫網頁、寫blog,並在YouTube開設頻道,拍片作網上教學,三百六十五元任看一年,每月更新,兼送一堂真人教學。之前 做影樓,有時更要拿積蓄來貼租金。現在教班的工作較影相更輕鬆,只做了一個月,已穩賺二萬元。Jenny希望將盈利儲下,日後有穩定的客源後再考慮開鋪及 請員工幫手開班,另外亦希望發展公關生意。「我最大本錢係人際網絡,除了不同攝影團體,仲識咗好多慈善團體,依家大公司鍾意搞義工隊同關懷社會嘅活動,我 可以做公關,幫佢哋搞活動,賺大機構嘅錢。」 ####


師奶 奶低 成本 開班 教影 得意
PermaLink: https://articles.zkiz.com/?id=32367

錯讀肥佬黎「秘笈」 師奶搾出淚

2012-5-3  NM

天水圍師奶周建華(四十五歲)是黎智英的擁躉,看到黎智英在本刊的專欄《事實與偏見》中,一篇名為「不許成功見白頭」的文章,向剛創業的世姪問道: 「你是誠心誠意,真的是賣最好喝的果汁給顧客嗎?你可以將這個目標凌駕其他目標甚至賺錢之上嗎?你真的相信品質最好的果汁便是賺錢的必殺技嗎?」要世姪好 好思考創業的方向,並說:「有這樣的信念,那麼你已走了一半邁向成功的路了。」 對於文章的幾個問題,周建華心想「是!我可以!」便把積蓄投資在粟米汁廠,豈料兩年來一直虧蝕,本刊替她找來黎智英作回應。得知答案後,想起那篇名為「不 許成功見白頭」的文章,在粟米汁廠熬得頭髮變白的周建華嗚咽道:「好似一下子戳爆我個好靚、飛緊上天的熱氣球一樣。」


第一次見面時,周建華坐在位於荃灣工業區的辦公室,「我成日都諗自己第時可以上《壹盤生意》,而家你哋終於搵到嚟!」她以帶鄉音的廣東話說。緊張無比的她,「手震震」地拿着幾張寫滿字的紙,「口震震」地道出自己的故事。

領匯逼遷 另覓出路
周 建華家住天水圍,○二年開始在頌富商場賣童裝,○八年領匯表示要加租四成半,她也無奈接受,可是半年後領匯又突然表示要收回鋪位重建,當時生意不俗,她每 月可賺萬多至四萬元不等,但深知沒法再續租的她唯有另覓出路。 周建華非常仰慕黎智英,十多年前起,每星期都看他的專欄,「因為我哋背景好似,我阿公阿爺都係地主,被共產黨批鬥,連我哋四合院都收埋。」她知道黎智英在 福榮街發跡,她賣童裝時在深水埗福榮街入貨,就會想起他:「呢度黎生都有嚟過,我第時都可以好似佢咁!有時做生意諗唔通,我就睇吓黎生啲文,就好似入咗佢 思維,諗通咗。」 ○八年看到《事實與偏見》一篇名為「不許成功見白頭」的文章後,自認能做到肥佬黎對開果汁店的三大要求,於是決定在元朗頂手開飲品店,但做了三個月後覺得 雖然有利錢但不能發圍,於是把鋪頂手出讓,並投資六十多萬,在荃灣租了一個二千多呎的單位,開設怡加新粟米汁廠,賣外婆教她做的粟米汁。

缺乏經驗 頻頻撞板
「嗰 陣我咁諗,黎生話要薄利多銷,一日賣一萬支,一支賺一蚊,我都可以供仔女去外國讀書啦!」周建華更在公司門前貼着黎智英的金句提示自己。她沒有做過廠,於 是找來曾在製衣廠工作的朋友Andy幫忙,他們花了近四個月研究粟米汁,先把粟米煲熟,再拆粒,再用粟米水和粟米攪勻,隔渣後便完成,「其實仲有啲竅妙, 不過嗰個就唔講得。」周建華表示,粟米汁在內地很流行,但香港就幾乎沒有,為了迎合港人口味,他們把粟米汁弄得較內地的幼滑,客人試飲後也大多讚好。 雖然味道不是問題,但周建華營運時仍處處碰釘,「嗰陣以為放入雪櫃就得,於是買咗兩個雪櫃,用咗萬六蚊,但之後發現唔夠凍,需要整一個雪房,就唯有賣番個 雪櫃出去,兩個夾埋賣得千幾蚊。」除此以外,她還買了扭蓋機,「點知人手扭仲快。」還買了一個太小的煲,全都放在廠房塵封。她還在內地訂造了一批膠樽, 「第一批貨好靚,第二批有幾個變形,第三批幾乎個個都唔用得!」於是用了萬多元做的模就變成了廢物,現在還有數百個樽堆在儲物室。 難度最高的,就是保質期,因為沒下防腐劑,粟米汁的保質期很短,「大佬,佢寫三日保質期,我點sell出去?第一日送貨,第二日上架,第三日就落架,邊個 夠膽買?」負責銷售的KK抗議,在員工逼迫之下,周建華花了萬多元把粟米汁拿去SGS做測試,證明在冷藏之下,粟米汁七天都不會變壞,「但我真係好怕事, 我都淨係夠膽寫五日咋。」她笑說。 粟米汁多在素食店和有機店出售,由於保質期短,店鋪都不敢大量入貨,但為了生意,他們要送貨,運輸成本每月約一萬五千元。而且粟米在冬天不當造,粟米不甜 她就不做,停工兩至三個月,於是一埋數便發現月月蝕錢。

山窮水盡 病發入院
開業時周建華並沒有預留一筆備用資金,而是全數投資到工廠,並把賣童裝賺到的錢繼續投資下去,不久已彈盡糧絕,更一度打算賣掉父親名下的居屋,但因找不到父親的死亡證,未能出售,更連女兒的獎學金都用光,要向妹妹借錢,後來周建華更因這盤生意差點賠上性命。
「有一次我喺公司兩三日無瞓過,成日都想去廁所,終於有一次入咗廁所覺得就嚟暈,即刻打俾Andy,好在臨暈之前開番廁所個鎖。」原來當時周建華 突然心臟病發,心跳一分鐘二百二十七下,要立刻送到醫院搶救,「我嗰陣叫醫生唔好救我,俾我死,醫生話唔會俾我死,幫我打針。」康復後她本打算放棄,更把 貼在門口的黎智英金句撕掉,卻恰巧認識了一個在九龍城賣雜貨的朋友,教她在台灣買樽之餘,亦教她用鋁箔紙封口,延長保質期,現在粟米汁的保質期約有兩星 期。
雖然解決了品質問題,但成本上漲也令周建華非常困擾,一個膠樽成本已要近兩元,但台灣的廠商還說要加價,加上粟米價格不穩,就算在大陸入貨都要逾 一元一條,一樽粟米汁批發價八元五角,下月要加至九元,商戶聽到要加價都叫苦連天,現他們有四十多個銷售點,每月賣約一萬多至二萬多支,還虧蝕約二萬元。

員工注資 積極求變
今 年過年後,曾有幾家公司提出以約五十萬元收購,並分派紅股給她,她本打算賣掉公司,但她的員工Andy和KK堅決反對,寧願掏出三十萬投資到公司,另一名 員工亦自願每逢冬天便放無薪假,「KK成日話我『人情一流,生意九流』,但佢哋又會話遲啲我哋會發達。」她笑說,「我行街sell嗰陣,望住鴻福堂就會諗 點解佢得,我哋唔得。」KK說。 在KK和Andy加入後,他們積極研究推出更多產品,如不同味道的粟米汁等,亦打算由樽裝換成真空杯裝,減低成本之餘亦希望可延長保質期,亦在港鐵站商鋪 內租位置作宣傳,「我而家就係差俾人知嘅呢一步!」周建華自信地說。 來自雲南的周建華廿多年前嫁來香港,她熱愛闖蕩,十八歲只留下一封信,帶着水和幾個饅頭便隻身走到北京,當了傭人一個月才給父親抓回雲南,後來到深圳工作 認識了丈夫,便嫁到香港去。到了香港,才知道香港多自由,亦最愛看《壹週刊》,「我父母生我養我,但我的思想係黎生俾我的。」

晴天霹靂 接受不了
有 見周建華視黎智英為偶像,本刊把她的故事電郵給黎智英,他很快便作出以下回覆:「我只想說,要先找出虧損的原因,哪裡是做得不夠好的問題要找出來,解決其 中的困難,找不出問題,或知道問題卻解決不到其困難,便不要為了堅持而堅強,做生意除了能力還要時運,時運不濟以退為進。」 上週六,記者和周建華見面,並給她看黎智英的回覆,數天來一直笑臉迎人的她呆看短訊三分鐘,然後默默除下眼鏡拭淚,「係佢話我知要堅持,我而家輸咗就一無 所有、一敗塗地,我輸晒身家,輸埋自信。」周建華說,然後她又緊張地追問:「到底佢有無飲過我的粟米汁?有無?如果佢飲完都係咁講我就真係灰心。」剛收起 眼淚的她又再次雙眼通紅。

開業成本(03/10)
租金$45,000* 裝修$300,000 機器$300,000 雜費$6,000 入貨$200 總投資$651,200 *兩個月按金,一個月上期

營業資料(03/12)
營業額$155,000 租金$15,000 人工$65,000 # 入貨$65,000 雜費$15,000 運費$15,000 虧蝕$20,000 #連老闆在內,共五名全職,一名兼職

一點意見
保質期:保質期最好有三至四星期,但不要超過一個月,因為客人會質疑。 要加長保質期須在生產過程中消毒同用無菌灌漿,不過又係一筆投資,要諗清楚。 品牌:用「2+3」或者「怡加新」唔會令人聯想到新鮮粟米汁,包裝越簡單越好,咁樣話到俾人知係日日鮮製。現在個品牌好似不高不低咁,一係就做有機,再賣 貴一點,一係就大眾化一點,材料方面調節一下。另外,我都好懷疑粟米汁作為單一產品的可行性,以前鴻福堂都有出過粟米汁,係有人買,但絕未普遍到可以支持 一個廠房。 銷售渠道:產品只在有機店和素食店有售,始終比較小眾,銷售渠道應要廣泛一點,例如打入便利店,或者在港鐵站的有機食品鋪銷售(怡加新正有此計劃),不過 這些係辛苦錢,利潤低之餘還要請人手宣傳,要計好數先做。 ####


錯讀 肥佬 秘笈 師奶 奶搾 搾出 出淚
PermaLink: https://articles.zkiz.com/?id=33173

直擊種金集團 專呃無知師奶

2012-5-31  NM

種金騙案掃之不盡,總有師奶上當。有騙徒冒認何鴻燊堂弟,落重本租用ICC作辦公室,聲稱集團將集資百億在本港上市,成功吸引無數師奶上當,涉及金額估計逾一億。 已上當的師奶不斷遊說朋友加入做下線,本刊深入種金案大本營,直擊種金集團欺騙無知師奶上當。


「我哋公司好厲害, 你有聽過Facebook?我哋等於Facebook上市前咁,將來上市會升到叭叭聲,起碼翻二十倍,即係一定發達!我哋其中一個CEO叫何汝權,佢係何 鴻燊嘅堂弟,佢幫英美好多間公司上咗市,好犀利!」記者在一批師奶引領下,到位於尖沙咀美麗華大廈六樓的「鼎信集團」聽講座。甫坐下,一名操「唔鹹唔淡」 廣東話的中年肥女人便不斷向記者推銷。她聲稱該公司做網絡生意,已收購內地多間網絡公司,將集資百億在香港或美國上市。 她出力氹記者,指鼎信集團將在二○一三年在香港上市,更著記者以三萬多元購入二十萬股該公司的股票。「越買得多,將來上市時便可賺大錢,若上市不成功也可 退回款項!」她說。 「肥師奶」不但遊說記者買股票,更叫記者找朋友加入做下線,更指每一名下線加入買股票,便可抽佣百分之三。若果朋友買五萬元股票,上線便可得一千五百元, 而下線若果再有下線,同樣可以再抽佣。她不斷遊說記者指,這些未上市的股票,越多下線,收入就越高,月入閒閒哋數十萬至一百萬不等。她越說越興奮,更越吹 越大,說賺錢很容易︰「哎呀,我都唔識計有幾多錢收添!我計數唔係咁叻,我以前賣蘆薈汁㗎。」她不但向記者展示抽佣賺來的卡地亞手錶,更說公司會為員工積 福︰「公司叫我哋賺到錢要積福,目標為每人建一間希望小學。」

佣金層層抽
*若果不斷有下線加入,上線的業績不斷增加,總業績若超過$100萬,佣金亦由3%加至5%,業績越高抽佣比例越高(左)。


「肥 師奶」不斷吹水,在場不少人落疊,記者隨便與在場的師奶、大叔攀談,其中一名師奶向記者稱,其上線也是一名已退休的師奶,個多月前購入這些股票,現已發 達。「我幾日前先見佢喺度出糧,攞成五十萬呀!佢而家同老公、四個仔女都買咗好多份股票,繼續投資番落去!越投資得多,將來賺得更多。」該師奶說。 現場不少市民聽罷講座蠢蠢欲動,記者細問她們背景,有的是家庭主婦、有的任寵物店職員、餐廳侍應等,大部分為基層人士。 這間專哄師奶的種金公司「鼎信集團」不但在美麗華大廈有辦公室,在九龍ICC七十五樓亦設有辦事處,專門招呼大額投資者,記者表示想投資逾百萬,結果獲邀 往ICC洽談。在ICC七十五樓,裝修豪華,記者在一名上線師奶帶領下到訪,職員隨即熱情招待,這次職員說公司在美國上市,記者細問為何可以這樣私下買股 票時,職員隨即吹水說現時證監條例准許這樣私下買股票,但將來則會受監管等。但當記者再次追問細節時,對方卻變得謹慎,多次反問記者是否警察或廉署職員。 記者翻查公司註冊處,鼎信集團並非上市公司,股東分別為馬來西亞人及新加坡人,鼎信集團宣傳單張稱,其上市計劃有極多著名公司參與,當中更列明安永會計師事務所及有線電視TV23台是其戰略夥伴,不過,安永、有線均向本刊 否認與該公司合作。另一間被鼎信指負責該公司上市運作的美國基金公司(Coridel Trust N.Y. US)負責人,更向本刊指,雙方只曾初步接觸,不清楚被人作宣傳,還表明保留追究權利。


鼎信集團一直聲稱得到「何 鴻燊堂弟」何汝權力撐。何汝權是俊智投資有限公司的股東,這公司被指是協助鼎信上市的搞手。本刊以電話成功接觸何汝權,他一聽記者提問即時否認是何鴻燊堂 弟︰「我五十幾歲人,點會係何鴻燊堂弟呀!」他又聲稱不知鼎信盜用其名,又指是以顧問形式與鼎信合作,更表示不知道該公司正私下叫家庭主婦買股票,不過當 記者再追問他與該公司關係時,他即怒言:「你又唔係商業罪案調查科,我好聲好氣答你,你唔好咁咄咄逼人,呢間公司我個仔有股份,咁又點?」 記者翻查記錄,何汝權曾牽涉詐騙案,鬧上法庭。其中一宗官司於○九年發生,朗迪國際(現稱西伯利亞礦業)前主要股東之一盧銘輝指,於○七年協議以五百七十 七萬多元代價,出售一億三千萬股份予何汝權,何須於半年繳清款項,但盧轉股後一直未收到股款,在○九年二月入稟追討。高等法院循簡易程序判盧銘輝勝訴,何 汝權於一○年提出上訴,指該批股份是他協助朗迪渡過財政困難的報酬,但上訴被駁回。 上星期,記者到俊智投資有限公司找負責人,但應門的竟然是鼎信集團首席營運官陳德斌,記者直接問他該公司是否以種金形式欺騙市民,他一聽記者提問即時發 難,並叫保安趕走記者。 對於鼎信集團懷疑種金呃師奶,立法會議員兼律師涂謹申表示,該公司運作類似層壓式,但因層壓式的定義及限制為推銷實物及服務,並不包括股票,故屬於法律漏 洞。但有關公司叫家庭主婦、失業人士等推銷未上市的股票,屬未有持合法牌照向公眾銷售證券產品,則屬違法,「佢哋必須有招股書、有清楚公開財務報告先得, 唔可以咁賣,加上買賣嘅人亦非持牌人,咁係受證監會監管,犯了證監條例。」他更指,由於有關公司申報的資料與事實不符,屬於欺詐行為,應轉交警方跟進。 理大會計及金融學系助理教授余永棠亦提醒市民,若任何公司在香港上市,必定會經聯交所及證監會監管,及必須呈交過去三年的財務報表。若涉及億元的上市計 劃,必定會有銀行包銷,不會如此兒戲由家庭主婦四出找人購買。他直指這種手法猶如種金騙案,建議市民不要亂作魯莽的投資行為。 ####


直擊 擊種 種金 集團 專呃 無知 師奶
PermaLink: https://articles.zkiz.com/?id=33927

富貴師奶「愁爆」賣台菜


2012-7-19  NM




人人皆知飲食業難做,時間長,工 作操勞,但來自台灣﹑五十多歲的彭慶梅,卻不再過少奶奶生活,一頭栽進去。一○年,她用四十萬頂手費接手鰂魚涌芬尼街一家米線鋪後,轉賣地道台灣菜,起名 一葉台灣料理。開業兩年,獲不少傳媒及食客讚許,午市天天爆場,但卻因進口食材貴和選址等問題,晚市不濟,月月蝕錢。有名無利,連頂手費計算,餐館現已投 入超過一百萬元。這位落難少奶放下身段日做夜做,食物獲認同,令她堅持不服輸,但仍無奈嘆道:「呢兩年真係我成世人最辛苦!」

「我都無諗過食一碗米線會搞到我而家咁。」彭慶梅在上週四接受訪問時,正值下午「落場」時間,為了省電,把店內的燈都關掉。她托着頭,用略帶口音的廣東話 向記者傾訴該店的內憂外患。這位家住羅便臣道、出入開Benz的少奶奶,因為一盤生意,已兩年沒穿過華衣美服,「我本身覺得蝕咁多好醜,唔想做訪問,不過 有個大師話,我經過今次訪問後就會變好,我先夠膽將我兩年的心路歷程講出來。」她深深吸了口氣後說。

中伏因一碗米線而起

兩年多前,彭慶梅路經位於芬尼街的米線鋪,入內吃了一碗米線,「老闆係內地人,佢同我傾偈,突然間問我入唔入股,拿二十萬夾份做,我當吹水咁話『好呀!』 之後無咗件事。」兩個多月後,她於鰂魚涌一家快餐店內,重遇米線鋪老闆,「我抵死,自己走過去打招呼。」時也命也,當時她打算考地產經紀牌,但考了十多次 都「肥佬」,正盤算有什麼生意可做,便和米線鋪老闆一拍即合,用二十萬元入股米線鋪。入股四個月後,拍檔提出退股。未做過飲食業的彭慶梅,見米線鋪有錢 賺,便膽粗粗多花二十萬,接手全盤生意,並改為賣台灣家鄉菜。「之後問番業主同員工先知,舊拍檔三年前接手鋪頭時只用咗八萬,一年後就用四十萬賣俾我,佢 真係識做生意。」彭慶梅無奈道。

大花筒人工食材樣樣貴

彭慶梅不會煮,但懂得吃,由於台灣的家人都從事飲食業,她不難取得台灣菜的製作方法和所需材料,再口述教廚師煮,每日試味並記下用料分量。她堅信,要做出 地道味道就要地道材料,因此店內大部分材料,由醬油、炸粉到麵線等,均從台灣空運來港,「香港材料做出來根本唔係同一個味,差好遠。」彭慶梅道。亦因此大 大提高成本,「三公斤醬油,香港賣六十蚊,台灣嘅計埋運費就要過一百蚊。」一碗牛肉麵,光是食物成本就超過二十元,還要面對匯率問題,以前港幣一萬元可以 買四萬元台幣的貨,現在跌到約三萬五千元台幣。

食材貴,要薄利多銷,但店鋪雖鄰近港鐵站,卻位處「倔頭巷」,旁邊都是車房,平時行人甚少。由於鄰近太古坊,午市一個多小時生意最好,但晚市則門庭冷清, 上週五晚上七﹑八時,只有四﹑五枱客人。「以前成條巷得我一間食肆,好少人行入來,依家做落中午人流旺咗,但做得唔夠快,又係無用。」她一開始只懂叫客人 隨便坐,導致經常要換位,「有個客人一餐飯換咗五次位。」自此她負責安排座位,並要人齊才能入內。有口碑卻沒錢賺,生意好時只收支平衡,下雨天就要蝕錢。 「我計數唔叻,食材已經貴,連人工都俾高咗。」彭慶梅覺得要留人最好就是用錢,樓面月薪有一萬二千元,兼職時薪亦有五十元,每月單是人工支出已要十一萬。

失控兩年換廿廚

生意另一大問題是來自廚房。廚房可說是餐廳的心臟,彭慶梅花近二萬元請大廚,仍難以留人,「開業初時嗰班廚房做慣大集團,貪就手,啲肉亂放唔擺雪櫃,日日 都要扔食物。」彭慶梅說,兩年來,店內廚師如車輪轉,前後換了二十多名,直至半年前才找到一班她認為「幫得手」的廚師,可惜訪問期間,其中一名廚師提出辭 職。「可能係有一次啲牛肉湯唔啱味,我話佢,佢就發脾氣,咁就嬲咗。」彭慶梅說。事實上,餐廳晚市款式多達八十三款,要準備也要相當花功夫。採訪當晚,她 看見小炒濕了一點,便立刻向廚師反映。記者問到她會否怕廚師難受,她說:「我對事唔對人,如果老闆話你兩句你都接受唔到,去到邊度都做唔到!我唔信出呢個 人工請唔到一個好廚師!」當日下午落場時,她即拉着另外兩名廚師到快餐店吃下午茶,穩定軍心。

死守不甘心冀開分店

彭慶梅在台灣土生土長,從小到大計數最差,但偏偏讀會計,「原想讀設計,但爸爸見到成間工業專科學校得八個女仔,要我轉去另一間讀會計。」二十八歲嫁到香 港,已近三十年沒再打過工,她說自己「游手好閒」,又「手痕」想搵「細藝」,做過投資移民、時裝批發,但因肩背勞損而放棄,更打算考地產牌,卻考來考去考 不到,最後栽進飲食業,肩背、手肘都扭到,傷得比之前更重。

剛開業時,十指不沾陽春水的彭慶梅經常一身「靚衫靚裙」看鋪,「生意唔好,附近鋪頭嘅人仲講埋啲難聽說話俾我聽,我更覺得要堅持落去,唔好衰俾人睇!」自 此換上T-shirt﹑牛仔褲和波鞋,還在鰂魚涌租了一個單位,方便落場休息。「壓力好大,日日凌晨返屋企都食漢堡包同薯片減壓,一年之內食咗二十箱!肥 咗三十磅!」結果食到膽固醇超標,幾乎中風。「好多謝我老公成日做我出氣袋。」彭慶梅笑說,丈夫怕她辛苦,曾經「拍枱拍櫈」,叫她不要做,她竟說﹕「一葉 係我個女,我可以無咗你,但唔可以無咗一葉!」丈夫唯有放手讓她做。「我諗住搵一個做開飲食業嘅拍檔,到中環開分店,做番上等人,因為我覺得唔係我食物做 得唔好,你睇我呢度咁大疊『成績表』,我唔甘心執咗佢。」手執一堆訪問剪報的彭慶梅道。

開業成本(05/10)

頂手費:$400,000雜費:$30,000總投資:$430,000

營業資料(06/12)

營業額:$260,000租金:$41,000入貨:$130,000人工:$110,000*雜費:$20,000虧蝕:$41,000*不包括老闆,共五名全職,三名兼職

一點意見

台式餐廳西門町麵食在旺角屹立十多年,午市晚市日日爆場,名利雙收。本刊請來老闆樊志華為一葉指點迷津:1. 菜式不能多八十款菜式太多,一來廚師會預備得辛苦,二來容易用剩食材,三來鋪細人客不多,亦消化不到這麼多款式。2. 宣傳不可慳做特色食品,位置並不重要,最重要讓人知道,再慕名而來,西門町開業時,好多客人都打來問路,但因為我們開業頭十日,推出一元一碗擔仔麵,才打 響名堂。3. 認清客群要清楚想吸引街坊客還是外來客,如果是街坊客,就要遷就客人口味,如台灣人愛食腍嘅麵,香港人則偏愛彈牙的。4. 分紅留廚師西門町只用電爐,餐牌由十多款慢慢加至廿多款,讓廚房熟習,不要讓他覺得突然很辛苦。另可以分紅形式留人,我們的大廚十二年來都沒換過。

富貴 師奶 愁爆 賣臺 臺菜
PermaLink: https://articles.zkiz.com/?id=35182

巧手師奶手打漢堡救食店


2013-06-13 NM  
 

 

我叫林嘉璐(Carol),自小已同「食」結下不解緣。家人在加拿大開餐館,我也喜歡烹飪,做過十年飲食版記者。六年前,女兒出世後,轉做自由撰稿員,出版了兩本食譜。女兒入讀幼稚園後,我在丈夫支持下,實現夢想,於元朗「雞地」開了間熱狗店EC kitchen。EC是取自我和丈夫英文名的第一個字母,寓意兩人拍住上,他管數、我掌廚。但很快,夢想便幻滅了大半。熱狗「無人吼」,惟有變陣救亡,幾經辛苦,終於靠一味手打漢堡收回失地,短短七個月,食店已經回本。成功非僥倖,翻開過去十九個月的創業週記,當中的苦與樂,仍歷歷在目。2011年11月1日陰冷水兜頭淋

以前在加拿大讀書時,冰天雪地,拿着一個熱烘烘的熱狗,每吃一口都暖到心裡,也令我有了熱狗情意結,夢想開間熱狗店。一個月前,終於夢想成真。我親自掌廚,做熱狗很簡單,麵包﹑香腸,醬汁如千島汁﹑茄汁﹑芥末醬,都是現成買回來的,另外亦有買現成的漢堡扒來做漢堡包。曾經想請廚師做些簡餐,約了幾個來見工,清一色都要求對食物有主導權,不懂得算成本。安全起見,還是自己上陣,力不到不為財。

我是元朗原居民,為方便看鋪,一開始便屬意元朗區。大馬路的店鋪租金太貴了,隨便都要八﹑九萬。最後選擇「雞地」,三百平方呎,月租才一萬五。附近有五間學校,學生市場有得做,可以主攻午市和放學時間。為吸引學生,最便宜的熱狗只賣九元,毛利僅四成,當是宣傳。但後來問學生拿手冊一看,發現一年有五個月都放假。另外,學生消費力低,做了一個月,扣除租金、水電煤、人工後,埋單計數倒蝕五千元。熱狗店是否行不通?究竟學生喜歡吃什麼?

2011年12月2日晴學生度「橋」救命

苦思出路時,不時向來幫襯的學生「取經」,竟然大部分都說喜歡吃撈麵。顧客至上,我們開始賣撈麵,用最受歡迎的印尼牌子「Indomie營多撈麵」。附近便利店淨撈麵賣八元,我賣六元,毛利也有七成。撈麵果然很受歡迎,很多學生午飯或放學後都來買撈麵。他們正值發育時期,最愛雙撈(雙份麵餅)或三撈,或加入肉醬﹑雞翼﹑燒賣等配料,有時更會帶Miss、阿Sir來幫襯。多得班學生,這個月終於有錢賺,雖然只有一萬多元,但總算有一絲曙光。但始終撈麵﹑小食只能吊命,不是長久之策。我做過十年飲食版記者,有一天,突然想,如果我不是老闆,是記者,看到EC kitchen,會不會有興趣來報導?答案是不會。店內的出品,從熱狗、漢堡到撈麵,都是現成買回來加工的,沒有特色,任何人也能開間一模一樣的店。原來,這才是真正的問題。我把自己的食譜翻出來,和老公一齊思考如何轉型。

2012年2月15日晴手打漢堡出爐

除了熱狗,我和老公也很喜歡吃漢堡,會專程去幫襯數十到過百元的高級漢堡包。漢堡包最重要是漢堡扒,自製漢堡扒的做法其實很簡單。於是,我們決定推出手打漢堡,至少新界西都沒聽過同類的漢堡包專門店。針對元朗居民的消費力,漢堡包的定價將介乎麥當勞及貴價漢堡包之間。為做出合意的漢堡包,從挑選肉類供應商、調味到手打方式、烹調方法,其間還要計算成本,足足花了兩個月。試過中國、巴西、加拿大、美國進口的牛肉,當中以加拿大的肉質最好,有牛肉味而不羶,但比較貴,每磅約七十元;中國牛肉最便宜,但質素參差。最後選定美國牛肉,肉質屬中等,每磅約二十五元。供應商按我們要求,預先絞碎牛肉,比例為七成瘦肉,三成脂肪,並會加入一些帶筋的牛肉,增加口感。調配好的肉送到店中,簡單加入鹽﹑黑胡椒﹑雞蛋及碎洋葱等配料,用手甩打約十數分鐘,令肉質光滑有彈性即可。一磅牛肉可打出三塊漢堡肉,麵包就選用嘉頓麵包,因為價錢合理兼送貨穩定。如此下來,一個三十元的手打芝士漢堡,毛利約六成。客人通常會配以薯條及飲品,增加毛利。現在,我的目標顧客已非學生,而是附近大型屋苑,如YOHO Town及新元朗中心的住戶。

2012年5月8日雨請人難捱出病

轉型後,廚房工作量大增,更難請到員工。時薪超過四十元,仍是請一個走一個。其實打我的工好辛苦,因為沒有廚師,樓面、廚房都要做,大熱天時在廚房煎牛肉、煮撈麵,開着冷氣,仍汗流浹背。請不到員工,唯有自己頂硬上,朝九晚十地做,連入貨都睇埋,十分吃力。有時候真的很沮喪,最內疚是沒時間陪囡囡。她放學回家常常哭,問工人為什麼媽媽不在?不只心理,身體負擔也很大,原本做慣少奶奶的我,因每天長時間站立,患上脊椎炎,不時關節酸痛。幸好,老公一直默默支持,我一定要撐落去。

2012年10月30日晴蜜月期月賺十萬

想不到手打漢堡反應那麼好,「手打」兩個字夠噱頭,不用宣傳,也有傳媒找上門來。現在,一個月可以賣出三千四百個手打漢堡,佔營業額逾七成。週末的營業額差不多是平日的一倍,有不少單車客,或帶狗仔出來散步的區內客來幫襯,當中亦有外國人。他們愛坐露天座位,可以看着單車,或跟愛犬一起吃。但是,生意很受天氣影響,太冷或太熱都會很冷清。星期一到五的客人仍以學生為主,所以我們仍保留他們最愛的撈麵及小食。碰上天氣好時,店鋪一個月可以賺十萬元。換了數名員工,終於請到兩個較穩定的,再加一個兼職。我教曉她們調味及打肉的方法,店子就交由她們打理,老公每天都會去巡鋪及埋數。我終於有時間可以陪女兒,同時也幫RoadShow寫食譜。

2013年6月5日小雨抗競爭做外賣

開店一年半來陸續新開了近四十間餐廳,帶旺了人流,但競爭亦更激烈,也擔心再過一年半,續租時會大幅加租。不過,最近很多客人都問可不可以送外賣,這也許是另一開源途徑。開業難,守業更難,我相信只要不斷變通,我的夢想一定可以延續下去。

開業資料(10/11)

裝修$150,000租金#$45,000爐具$100,000雜費$20,000入貨$15,000總投資$330,000# 包括兩個月按金,一個月上期

營業資料(05/13)

營業額$180,000租金$15,000入貨$50,000人工$40,000雜費$5,000盈利$70,000包括兩個全職、一個兼職和丈夫的薪金

食家點評

職業食評人,在不同雜誌、報紙撰寫專欄,著作包括《港九飲食全攻略》及《澳門飲食全攻略》。KC訪問前自行到EC kitchen試食後,指食物價錢偏貴,質素則有讚有彈:1.手打芝士牛肉漢堡$30︰「切開時發現有蛋殼,相信係員工調味時唔小心所致。漢堡扒有光澤及香味,食落有咬口及肉汁,調味亦做得好。最大敗筆是麵包,用普通超市都買到嘅嘉頓漢堡麵包,比例上太薄身,包身亦無質感。」2.黑松露菌西冷牛肉漢堡$58︰「吃到黑松露味,但價錢太貴,相比之下,芝士牛肉漢堡較抵食。」3.德國腸熱狗$18︰「好貴。腸仔無特別,最差係麵包,看起來好鬆化,但吃落太腍身及漿口。」4.蜜糖紫心番薯條$25︰「部分炸得唔透,淋上蜜糖亦令番薯條唔脆,呢個價錢應該做得更好。」


巧手 師奶 奶手 手打 漢堡 食店
PermaLink: https://articles.zkiz.com/?id=58752

Banker賣菜用套票綁住師奶

2013-08-29  NM
 
 

 

套票,見於影視店、美容院又或纖體公司,用套票賣菜,記者也是第一次聽。

年屆四十的陳宏展(Arnold),在銀行打工十多年,不欲再過拼搏生活,於去年在自住的置富花園樓下商場,開設「菩提樹」賣有機零食、乾貨等,只要賺份糧他便心滿意足。怎料,開業初期,幾乎一蚊都無得賺。

他惟有發揮從前在銀行打工時學到的「創意」,度出用「套票」形式賣有機菜,一班師奶、街坊竟趨之若鶩。這一招令店鋪起死回生,更找來前下屬入股做拍檔,下月更在何文田開分店。

一星期有幾天,Arnold和新拍檔阿鏗於早上六時多便起床,親自前往新界農場取菜,以確保有機菜新鮮。前週五,狂風暴雨,駕着客貨車,由置富花園經紅隧到八鄉,Arnold笑說:「行紅隧遠啲,但朝早好快,慳番幾十蚊隧道錢!」到埗後,由於進入農場的路太窄,他們把車泊在一旁,從車尾拿出手推車和幾個大型黑色膠箱,狼狽地一個擔遮,一個推車,徒步十分鐘。Arnold依照客人訂菜款式及數目,細心揀菜,去完一個農場,又到下一個。回程時塞車,遲了半小時才到達鋪頭。Arnold把一籮籮菜放在地上,即趕緊把瓜切好,店員則負責把菜分類。下午一時,再出發往海怡半島、深灣9號、貝沙灣等,把菜送上門。三時多,他們才有空吃午餐。

現在「菩提樹」忙過打仗,但回想一前年,只賣有機食油、零食、有機糖等乾貨,Arnold投放整副心機,「有啲貨我好想賣,但唔知喺邊度搵,走咗去City'super同ThreeSixty入貨。」這樣毛利自然極低,效果又差,鋪頭有時靜得全日只有三、四個客,他說:「入咗三、四百樣貨,但有一半貨品,擺咗幾個月,客人掂都無掂過。入咁多貨都無用,都唔中客人心水﹗」開業半年,收入僅夠交租,由於在鋪頭太得閒,他經常和街坊傾偈,「有人同我講,置富呢頭好難買靚嘅有機菜,叫我賣,咁我就試吓啦。」

轉型第一步揀農莊

Arnold行勻全港大小農墟,如天星碼頭、美孚、大埔、元朗等,有時更帶同女兒、老婆同行,當親子活動,他說:「好彩自己都鍾意行山,寓工作於娛樂,如果見到啲菜款特別同靚,就會問檔主拎卡片,再直接去佢哋嘅農場睇貨。」他指,香港有機農場不少,但品質參差,「真係有心機嘅農場唔多,試過見到有人就咁用黑色膠袋裝住啲菜俾我,見到都唔想買。」經過一個月時間資料搜集,Arnold找到五個農場,包括青協有機農莊、歐羅有機農場及蔬菜統營處等,「佢哋生產量夠大,貨源穩定,大部分貨佢哋都有。」但亦會幫襯一些小型農莊,「好似一間叫錦豐嘅,佢哋種嘅瓜係最靚,買燈籠椒一定幫襯佢。」Arnold入大路菜,亦賣冷門菜,如仙人掌葉、夜香花、白茄子或羅馬生菜等,現時可訂蔬果種類約五十多種,價格每斤三十至六十元不等,毛利二至三成。由於他親自去過不少農場,發現:「好嘅菜可能只有一籮,冇咁好嘅就有好多!」於是幾辛苦都好,決定每個星期親自入鄉拎菜,「你要同啲人熟咗,佢哋先會俾啲靚嘢你。」

轉型第二步度套票

菜講求新鮮,保存期短,Arnold指賣剩就要掉。他擔心客人訂貨後,會不來取貨,「我哋唔同街市,街客唔多,你唔嚟買,未必可以賣俾另一個。」他左度右度,想到用「套票」形式賣菜,客人訂貨後,他就會把訂貨的金額從套票中扣除。客人可選擇親自前來拿貨,或由他送上門,但送貨只限南區。最初他擔心客人對套票有保留,故做定統計:「我用咗兩個月時間,問每一個入嚟鋪頭嘅熟客,如果我用套票賣菜,佢哋買唔買。」結果有二、三十人大表支持,亦成為了他的第一批客。事實上,開始送貨後,他的客源由當初只有置富花園,到現在連鄰近的豪宅貝沙灣、深灣9號等客人,都會瀏覽其網站,再打電話向他訂菜。為令客人放心,套票金額只定於一千五百及五百元,有效期六至九個月,用套票的客人可獲折扣優惠,最高八五折,他說:「雖然金額唔大,但係買菜都係一百幾十蚊,初頭都幾難說服啲客買套票,但後來愈來愈多特別嘅菜賣,客人都接受。」試過有客人搬屋,不能再幫襯他買菜,他讓客人一次過換取乾貨。一年以來,買套票的客人已增加至二百個,Arnold亦放下心頭大石說:「有時要送十幾戶,用套票仲可以慳番找贖嘅時間﹗」每星期都幫襯幾次的麥太說:「知道老闆為人正直,都唔驚佢為咗千幾蚊走咗去嘅!」她大多數訂一斤菜心、半斤青瓜或粟米等,「每次使一百蚊,一年來已買了三次套票,每次一千五百元。」

轉型第三步撰食譜教煮菜

Arnold的客源以街坊客為主,記者看見十個來客,Arnold能夠叫出名的起碼有七個。他為了令更多客人熟悉有機菜,試過自己撰寫食譜派街坊:「好似珊瑚草,俗稱海燕窩,煮之前就浸吓佢,可以煮糖水、煲湯,好易整,食法似雪耳,一樣有益,好過咁貴買燕窩。」Arnold為了跟街坊聯絡感情,亦搞過三次有機農場導賞團,他說:「我同啲街坊好friend,佢哋教我好多嘢,煮餸、養生咩都有。好似之前有個阿婆病咗,佢得自己一個人住,我都叫我老婆煲啲淮山粥拎俾佢食。」他更幫客人找有機貨品,「我真的有本簿寫低啲客想要啲咩,之後再幫佢哋搵,有次個客想搵啲有機食品俾佢隻貓食,都要幫佢搵o架,不過未搵到。」菩提樹本來無小米賣,「但個客聽過食咗可以防癌,咪幫佢買。」

何文田開分店

在銀行打滾十多年,Arnold做過貸款部,位至高級主任,負責借過幾千萬至過億貸款,亦賣過保險,但自四年前跟隨老婆信佛後,人生觀開始改變,不想再為錢過活。而且年屆四十,女兒亦已十七歲,Arnold指家庭負擔漸輕,故希望尋找第二事業,只是開始時計錯數,「諗番自己開始時咩都唔識亂咁嚟,都覺得好搞笑﹗」用了大半年時間,Arnold終於把以往的死貨,以成本價賣掉,現在乾貨只剩下好賣的品種,如因為嚴浩推介布緯食療,近年大熱的椰子油及亞麻籽油等,乾貨佔營業額超過五成,有機菜佔近五成。他覺得全靠有機菜,才令鋪頭起死回生:「有啲客幫我買菜,再買埋乾貨,鋪頭人流多咗,轉型後令總營業額上升八成。」投資開鋪的廿多萬已回本,他更找來前下屬阿鏗入股,走出金融界,在何文田開分店,齊齊返璞歸真賣菜。Arnold認為創業比打工更苦:「朝早六時起身做到夜麻麻,有時商場閂門,我仲要留低搞埋啲手尾,不過個人開心咗好多!」

開業資料(02/12)

租勯金:$44,000 ^入勯貨:$100,000裝勯修:$60,000雜勯費:$50,000總投資:$254,000^三按一上

營業資料(07/13)

營業額:$110,000入勯貨:$65,000租勯金:$11,000人勯工:$10,000雜勯費:$2,000盈勯利:$22,000

一點意見

◆有機食物店「點點綠」老闆◆黃家和1.外判送貨:用套票賣菜是好,而且套票金額合理,惟送貨太花時間及成本,開分店可考慮外判送貨。2.賣特色乾貨:食用乾貨毛利較低,可考慮賣非食用的有機產品,如洗頭水、護膚品,有特色之餘,毛利亦高。3.港島開分店:置富位置優越,選擇正確。要再開分店的話,單是香港仔仍有空間,同區開店會較易管理。

 
Banker 賣菜 菜用 套票 綁住 住師 師奶
PermaLink: https://articles.zkiz.com/?id=74527

鍵盤師奶上網掘金炒Bitcoin賺百萬

2013-12-05  NM
 
 

 

這是一個科網的年代。近日最為網友談論的,非虛擬貨幣Bitcoin莫屬。○九年,每個Bitcoin價值只少於一美仙,隨後開始升值,到過去一個月更由$200美元暴升至$1,100美元。Bitcoin炒風席捲全球,認受性亦提高,美國德州及德國政府已承認Bitcoin的法定地位。

這股熱潮,已殺入香港。四十多歲的粉嶺師奶Daisy,兩個月前在電腦前按一個掣,掃入三百粒Bitcoin,賺了$100萬(港元,下同);自稱走在「科技最前線」、在北角教古箏的導師鄒倫倫,創新讓學生以Bitcoin交學費,加上自己存貨,已賺近$50萬;就連理工大學的金融博士袁激光,在天水圍的家成立香港首個Bitcoin交易平台,圖謀搵大錢。由IT專才到師奶阿叔,已齊齊踩入這股「科網」新思潮,瘋狂掘金。什麼是Bitcoin?

Bitcoin在○八年由一個日本人「中本聰」提出,旨在開發一種不經政府或銀行發行的電子貨幣,多少帶點反霸權。中本聰找來網絡上一批難以破解的密碼;只要你能以超級電腦運算並破解一條複雜的數學題,找到密碼,便能得一個Bitcoin,亦即「開採」成功。難題有限,故Bitcoin的數量亦只限於二千一百萬個;由於限量版,被指如黃金。愈遲開發,難度及所需時間會愈高;想入局挖「礦」,單是添置電腦裝備,已經要花費數萬元以上,還未計長期開採所需的電費的開支。

不少炒家便寧願在網上交易平台買賣Bitcoin,全球有幾個較大型的交易平台,如日本的Mt.Gox、歐洲的Bitstamp、中國亦有BTC China,都是不同用家自發成立,非由政府或金融機構監管。現時價格約$1,100-$1,200美元,主要參考現時全球成交量最大的Bitcoin交易平台Mt.Gox。追源溯始,當初Bitcoin的出現,其實是用作電子貨幣,放在電子錢包內,方便進行網上交易。不過,近月來,世界各地都有人把其當成商品,甚至是真正貨幣,認受性大幅提高。

粉嶺師奶兩月賺百萬

Bitcoin,簡單來說,是一種只在網上通行的虛擬貨幣。現時網上有大量交易平台買賣Bitcoin,住在粉嶺的四十多歲師奶周女士Daisy,竟懂得把握機遇,簡簡單單賺了網上第一桶金。「呢個係一場貨幣革命﹗」Daisy說。Daisy家住粉嶺,曾從事貿易,○○年開始建築材料生意,專賣斜坡泥釘材料及配件,主要為政府提供建築原料,廠房亦設於粉嶺。在擺滿不同種類花鐵的廠房內,Daisy邊望着電腦上的Bitcoin價邊說:「升得好快,買慢一日,已經升百幾美元。」以她手持的Bitcoin計已升值近一倍,價值超過港幣二百五十萬,淨賺至少一百萬元。Daisy原來在兩個月前才開始入貨,她說一年前Bitcoin只值八十多元時,助手已向她推薦Bitcoin的投資價值,「不過當時我無理佢,但開始留意吓。嘩,睇吓睇吓,Bitcoin嘅升值速度極快!我助手又再三向我推薦,我咪開戶口試吓囉,我好記得嗰日個價已經係二千六百幾蚊一粒!」其後Bitcoin繼續升值,Daisy主要透過美國的交易平台Bitstamp,不斷逐粒買入,共花了百多萬,現已升值至二百五十多萬元。Daisy過去亦如一般師奶,投資以中小型物業如居屋、新界廠房,及股票為主,但有感回報太低,「而家好多地都俾人買得七七八八,而且地價好貴。」她聲稱亦曾斥資過百萬投資股票,「二百六十蚊入騰訊(700),二百八十蚊賣出,結果發現升到而家!」她還買過中國建築(3311)、理文造紙(2314),「買股票有賺有蝕,最後都係打和,開始諗咩先係最佳回報嘅投資方法。」

唔信政府

Daisy對Bitcoin深信不疑,皆因她試過成功套現。她的女兒在外國讀書,故曾把Bitcoin傳送到澳洲的交易平台,賣出再套現為澳元,讓在當地讀書的女兒繳付學費。「真係方便過銀行o架﹗」她看好Bitcoin前景,認為終能取代現有貨幣,「我對貨幣無信心。你睇美國出咗幾次QE(量化寬鬆),一唔夠錢就印銀紙,變相紙幣持有人就少咗錢,好唔公平!」相反,由於Bitcoin發行量早已限制在二千一百萬粒,Daisy認為數目有限,無法濫製,且不屬於任何一個國家或團體,交易是絕對的公平公正,「我唔會炒,我打算長揸到下一代,送俾個女。呢排就係班中國大媽都開始買入,所以先推高咗。」Daisy續說:「內地可能有第一間Bitcoin銀行,今次中國就比香港行得快,香港呢方面視野太窄。」本週日採訪時,她正看財爺曾俊華在網誌中說Bitcoin屬投機性質,Daisy大彈香港人投資概念:「太保守,唔夠進取。」Bitcoin是否存在泡沫,Daisy已一於少理,全情投入。

北角導師賺Bitcoin當收入

眼前的鄒倫倫,一頭長髮,斯斯文文,想不到作風卻相當前衞;她位於北角渣華道的「鄒倫倫古箏學院」,三個月前開始接受學生以Bitcoin付款。鄒倫倫師承有「古箏之王」稱號的趙玉齋老師,她亦曾教模特兒熊黛林彈古箏。曾在澳洲、紐西蘭、美國教學及演出的她,有不少外國學生,她說:「為了可以遙距教班學生,○四年我已經開始用Skype視像教學,不單一對一,還可以一對四!」效果不俗,令她對網絡科技更有信心。○九年,首次有於矽谷工作的學生向她提及Bitcoin,「那時候也不覺得是投資工具,只是稍微關注一下。」直到Bitcoin由一個平平無奇的貨幣升到八百多元一粒時,她才花了一萬六千多元,在交易平台Bitstamp買入二十個「試玩」。買入第一批Bitcoin不足一星期,便升了幾個價位,「那時有外國透過視像上課的學生,問可否用Bitcoin付款,我才發現在外國已變得普及,於是又試試。」每四十五分鐘一堂的收費,約收0.06至0.07個Bitcoin,折算港幣大約五百元。「但係Bitcoin個價錢升得太急了。」其網站亦需每八小時,更新一次兌換率的價目表。她說收Bitcoin當學費的手續簡單,於交易平台登記戶口後,便會獲得一組地址,再把地址以密碼或QR Code的方式傳送給學生,對方即可透過自己的電子銀包,發送Bitcoin到其戶口。發送的手續費只需0.0003個Bitcoin,接收則費用全免。

是冒險值得嘗試

「而家已經有三十多個學生以Bitcoin付款,一共收到的學費總共約十五個Bitcoin。」鄒倫倫興奮地說。她亦注意到Bitcoin已經滲入本港,「原本只是外地學生才知道,現在終於有香港學生問怎樣開戶口了。」除了收Bitcoin當學費,另一邊廂,她亦密密入貨。她在電腦打開其Bitcoin錢包予記者看,並表示這兩、三個月間,已前後買入六十多粒Bitcoin,如今擁有接近一百粒,總值八十多萬,並會繼續買貨。「溫哥華也首先推出了Bitcoin兌換現金的提款系統(ATM),你就知道有多普及了。」而她亦注意到中國不少投資者亦開始把資金注入Bitcoin,令價格進一步上升,「一千美元算好嗎?再過幾個月就一千五了,到明年這個時候,可能是兩千,也不必驚訝。」她更指Bitcoin的投資熱正在「燃燒」。她深知火紅火熱之時會有風險,但認為這次冒險,值得嘗試。

「掘金」之路

天水圍的家搭Bitcoin平台

住在天水圍嘉湖山莊的袁激光(Laser),是Bitcoin狂熱分子;他把Bitcoin比喻為「有翅膀的黃金」,「不同的是,Bitcoin的傳遞方式,比黃金更快更方便!」他是河北人,於當地大學修讀電腦學士及碩士學位後,再到香港理工大學攻讀金融工程博士學位,並定居香港。畢業後,他曾於投資銀行做對沖基金,後來到城大任職電腦工程研究員,薪高糧準有前途。但去年六月,他毅然辭職,開發Bitcoin交易平台「位元通」(Bitcashout),瞓身Bitcoin事業。他的辦公室,就是天水圍嘉湖山莊家中的書房。「我租用了美國雲端系統儲存資料,只要透過電腦作遠端操控,保持運作穩定即可。」「位元通」的盈利,來自顧客買賣Bitcoin時,收取百分之零點二的手續費。袁激光坦言,外國有很多交易平台,但香港暫時只有這一家,「現在約有一千多個會員,一開始只有身在香港的外國人作交易,甚少本地人。我曾向親戚或朋友推介Bitcoin,但他們都不以為然,也不會投資。」直到近一個月Bitcoin的價值屢創新高,終於有不少香港人向他查詢買賣事宜。

一年升值廿倍

用家向「位元通」買賣Bitcoin,須把現金匯入袁激光於恒生銀行設立的公司戶口,一切只靠一個「信」字。曾有一間在本地註冊,名為GBL的債券公司,自搭Bitcoin交易平台,在獲得客戶匯款後忽然倒閉,令大批內地顧客來港追討。袁激光為了提升用家對他的信心,會建議顧客盡量縮短資金以存款模式放於「位元通」戶口的時間,而且可以買入0.01的Bitcoin,即大概八十五元,一試可知龍與鳳。袁激光對Bitcoin的前景抱有極大期望,讚到只應天上有,「它(Bitcoin)實在太美了,比一切貨幣來得更完美!」對於大眾無法徹底了解Bitcoin背後的運作原理,可能會影響信心,袁激光反擊指:「沒有多少人知道紙幣背後發行的原理,因流行了以後,也就自然的用起來了。」他手頭的Bitcoin已升值二十一倍!相信亦是信心來源。

Bitcoin公司殺入香港

如同過大海

Bitcoin面世近五年,早年的價格一直徘徊在一美元以下。至今年四月,塞浦路斯陷入歐債危機,嚇得投資者轉移陣地至虛擬貨幣市場,Bitcoin的認受性開始多人關注。上月開始,這股炒風炒到中國,不少「中國大媽」紛紛搶貨,令Bitcoin價值竟於一個月間由$200美元暴升至最高$1,200美元。「股壇長毛」David Webb認為,Bitcoin這種「貨幣」要成功須有更多平台接受作買賣,令其成為一種有普及性的交易貨幣。但現時大部分持有Bitcoin者都只是長揸等升值,「不用來消費,又怎普及?」不普及的話,最終大家又會一窩蜂沽出。他揚言Bitcoin體系遲早崩潰,「買金跌價,我都可以用來做珠寶或器具,尚有一定價值。但Bitcoin只是一堆數字,跌價就咩都無。而家嘅Bitcoin只係一場投機遊戲,如果你鍾意去賭場玩兩手,隨便!」中大全球政經碩士客席講師黃元山,亦認為Bitcoin被當作貨幣或商品去炒,相當危險,「而家升得急,大家就搏入市,走一轉,但記住佢無內涵值,無利息,不論運作風險同信用風險都好高,大家都好難掌握佢嘅運作,就算銀紙亂咁印,幾衰都仲叫有個政府睇住。Bitcoin作為投資,就只係一個接火棒遊戲。」但他認同Bitcoin是一個偉大發明,「無可否認,從一個exchange角度去睇,係一個幾有趣嘅概念,佢嘅交易成本咁低,亦無地域限制,非常方便。不過要進一步發展,需要嘅規模係更大,應用嘅地方更多,有機會成為另類嘅電子交易平台。」

Bitcoin怪聞

謎之開發者Bitcoin由筆名「Satoshi Nakamoto」(中本聰)的作者於○八年在密碼學研究網站提出,有跡象顯示中本聰不是一個人,而是一個團體。有人試圖拆解這個名字是四家科技公司的縮寫:SAmsung(三星)、TOSHIba(東芝)、NAKAmichi(中道)和MOTOrola(摩托羅拉);Bitcoin官方基金會的簡介則指,中本聰其實已離開計劃,他的身份仍然是一個謎。跟風潮Bitcoin引發熱潮,市場湧現八十多種虛擬貨幣,有Namecoin(名幣)、Peercoin(點點幣)、Bbqcoin(燒烤幣)等,統稱為Altcoin(Alt為alternative,即替代品)。當中最厲害是市值近三億美元的Bitcoin改良版Litecoin(萊特幣),總發行量為八千四百萬,比Bitcoin多四倍,挖掘毋須超級電腦。但究竟有幾多網站接受這些虛擬貨幣呢,暫時未有人知。趣用Bitcoin用Bitcoin買車買樓毫不新奇,但有一對美國新婚夫婦,於今年六月環遊世界一百天,挑戰全程只用Bitcoin,更拍攝成紀錄片。加州有生育專家,破格接受Bitcoin付款,收費三十個Bitcoin為一對夫婦進行胚胎移植,其後這對夫婦誕下的便是全球首個「Bitcoin BB」。一跌唔見六千萬一名英國IT從業員聲稱因不小心將藏有Bitcoin的電子銀包密碼硬碟,丟到堆填區,共七千五百個價值近六千萬港幣的Bitcoin付諸流水。

 
鍵盤 師奶 上網 掘金 Bitcoin 賺百 百萬
PermaLink: https://articles.zkiz.com/?id=84063

乜都有得劏師奶「劏」田賺千萬

2014-11-13  NM
 
 

 

樓價跌唔落,現時一個上車盤,入場費最少四、五百萬。望一望銀行戶口,得嗰十幾萬,可以做啲乜?家住紅磡、外表如屋邨師奶的姚利娥(娥姐),幫大家諗到好橋。今年初,她買入錦田一塊兩萬多呎的農田,使出一招「劏、劏、劏」,拆細並包裝成九十塊「格仔田」出售。格仔田一塊最平八萬八,買家可耕田自用,精明的娥姐更打造成投資工具,推出「兩年租金回報保證」,向買家售後租回,租金回報逾六釐。計計數,娥姐賣田套現逾千萬元!呢位曾劏迷你倉、劏寫字樓的師奶,果然有計。

娥姐的格仔田,位置偏僻,由錦上路西鐵站,乘約十分鐘巴士前往謝屋村,又要再步行約十分鐘才到達。早前「田主」娥姐,在農莊搞了個開幕禮兼展銷會,找來專家示範種菜,又有人唱田園歌曲表演,吸引近百市民前來參觀。有一家大細一同前來,家長說:「睇吓小朋友有無興趣啦!」亦有喜歡耕作的市民專程來了解價錢及條款。已買入一塊百多呎農田的買家洪先生,指自己家住大埔,已在花園種滿蔬果,但地方不夠用,故再斥資近廿萬買多一塊田,他招積地說:「其實係我個仔知道我鍾意種嘢,買來送俾我,我考慮緊現階段係投資定自用。」

劏一劏升值5倍

耕田都可以變投資?原來娥姐想出首兩年收租回報保證。負責推銷的經紀黃先生說:「發展商保證,頭兩年每月用四蚊呎租同你租番!」以一塊二百多呎售十八萬的田計,租金回報達六點五釐。就算兩年後租金回報「到期」,經紀黃也拍心口指不愁租客:「有好多餐廳、會所,同你哋租,餐廳用來種菜自己用,會所就俾居民嚟玩。呢度土地肥沃,夏天可以種菜、冬天可以種士多啤梨。農田仲有升值潛力,而家好多發展商入嚟錦上路發展豪宅,你將來唔想用幅地,仲可以賣番出去。我哋會幫你做分契,好似一般業權買賣咁。」「劏田」推出至今,共九十格只賣剩四「格」。翻查土地註冊處資料,娥姐與拍檔只用了二百六十萬元,便買入兩萬呎農地,即每呎一百三十蚊。只須「劏」一「劏」、加點概念,格仔田每呎即升值五倍,至七百五十元,娥姐成功套現千多萬!見此招受歡迎,娥姐再下一城,近日在錦上路的大江埔村,繼續搞另一個「劏田」大計,預計明年四月開售。

魔鬼在細節

購入「格仔田」的買家又如何?魔鬼在細節中。原來,每塊田的實用率只有六成多。如一塊二百呎田,可耕面積只是一百三十呎,其餘的,是所有買家共同攤分的公共面積。這類面積共三、四千呎,包括通道、燒烤場及廁所等等,而娥姐一方則成立管理公司,向買家每月收取每呎八毫半的管理費,實行賺多一筆,又可補貼其「售後租回」的租金支出。經紀黃落足嘴頭:「你哋隨時可以約朋友嚟燒嘢食喎,抵番晒啦!平時仲有專人幫你塊田淋水。」一塊二百多呎的「格仔田」,每月要交二百多元管理費,一年就要交二千多元,小數怕長計,扣除管理費後,實際回報亦相對減少。此外,娥姐收下的管理費,只是用作日常營運開支及維修用途,如果公用地方日久失修,要搵人出錢維修,小業主亦責無旁貸。律師梁永鏗便提醒買家:「買這類『劏田』前,必須睇清楚公契內容,了解責任誰屬。如果買嘅時候仍未訂立公契,買家可於臨時買賣合約內,加多一項條款,表明『交易視乎公契條款而定』。如日後公契內容『太辣』,最好取消交易!」翻查土地註冊處資料,現時該農田的分契手續仍在處理中,故未見公契。一份分契成本約七千元,由買家及娥姐各出一半。

最叻分契拆細

娥姐與一眾拍檔,現階段已「袋袋平安」。想出這個「劏田」大計,認真有計。事實上,翻查資料,娥姐最叻就係「劏」。她曾和幾個師奶,劏過辦公室、迷你倉。去年她以八百多萬元,買入一個約四千呎的工廈單位,「劏」成迷你倉分拆出售。每個約九十呎的迷你倉,售價由三十至五十萬不等,全數拆售可套現起碼千五萬元。於一二年開始,她又投資葵興一帶工廈,部分持有出租,部分分拆成幾百呎的辦公室單位出售,收入可觀。農莊開幕當日,娥姐亦有出來招呼買家,說話略帶鄉音的她對記者說:「我負責投資o架咋,我朋友策劃,我梗係睇好先投資。」她口中的朋友,有份諗計的Paul說:「以前我哋做工廈,有客問我哋有無農地,先諗到呢個商機。」記者說他們「刀仔鋸大樹」,他笑說:「智慧唔可以用金錢嚟衡量,呢度咁多蚊,唔係個個肯做o架!」

 
乜都 都有 有得 師奶 田賺 賺千 千萬
PermaLink: https://articles.zkiz.com/?id=119018

前主播教整蛋糕 專攻師奶客

2015-03-05  NM
 
 

 

「我見光就頭暈同嘔,出街都要戴帽同黑超。」三十三歲的前有線新聞主播陳家珍(Solo),做這行卻因眼睛長期對光敏感,被迫退出新聞行業。適逢父親突然離世,人生就此跌入黑暗。不過爸爸臨終前一席話,為她帶來出路:「佢話以後要做一份令自己享受,又能俾人帶來歡樂嘅工作。」於是,喜歡整蛋糕的她,去年和拍檔合資在觀塘工廈開設「Cakeaway Cooking Studio」蛋糕烘焙教室,兩人不走年輕化路線,反而專攻師奶客,撒手鐧是教室附設託兒服務,討得一眾「C9」歡心,月賺四萬元。但因生意日漸飽和,開班有限,在激烈的競爭環境下要突圍也不容易。

上週二下午,記者走進位於觀塘工廈樓上鋪的「Cakeaway」,一進門口,就看見一個用人造草坪做的小型遊樂場,有數十個軟綿綿的公仔、氣球、電視遊戲機和籃球架供小朋友玩耍,不說還以為是室內派對房間。再走前幾步,才是廚房和爐具,遊樂園和教室只用一塊玻璃相隔。原來烘焙室特別加設了遊樂園式的託兒房間,負責設計的老闆Derek說:「特別用玻璃相隔,因為媽咪們整緊蛋糕的時候,都可以見到小朋友喺度玩緊,會放心些,我哋好似做埋託兒服務咁囉!」簡單一招,省卻師奶們的託兒煩惱,若寶寶對煮食有興趣,更可以齊齊整蛋糕,一享親子之樂。對老闆Solo來說,又可填滿平日下午較少客的空檔時間。兩位老闆亦甚懂討熟客歡心;上課時,有幾個三十多歲的少婦帶着孩子進來,另一老闆Derek即滿面笑容迎接客人:「陳太、王太,又帶囡囡嚟玩呀?囡囡上次病咗今日好番晒啦?好叻女!」說罷,他又即拿出小朋友專用的小圍裙:「你想要粉紅色定藍色呀?戴埋手袖和廚師帽啦!」原來烘焙室約九成的客人都是三十至五十歲的師奶客,Derek認為要打好關係,一定要打溫情牌,「人名一定要記得,再留意吓佢哋有冇轉新髮型、新錶、新袋之類,最緊要問候埋佢哋嘅小朋友,媽咪最緊張自己仔女。只要仔女鍾意,下次返嚟嘅機會好大。」不過,現時他們的烘焙室仍有樽頸位。

難題一導師不足開班有限

Cakeaway目前的經營模式分兩種,一是Solo自己授課,扣除食材成本後盈利盡歸公司,另一種是請其他蛋糕師傅來開班,公司與蛋糕教師拆佣,蛋糕興趣班每班可賺三至四成班費,而麵包班則可賺五成班費,現時每月營業額約十一萬元,盈利為四萬元。目前Solo自己開班佔了八成,比例甚高,但她深知一個人授課難以提升生意額。烘焙室要發展,就必須聘請更多教師來開班。之前他們曾請過一些「二流導師」,Solo笑言:「根本連基本烘焙也不懂,雖然有些師傅做蛋糕好,但講解時未必生動有趣,所以回流客未必多。因此遇到好導師,就算分多一兩成佣金也可以。」另外,即使有請教師開班,但食材仍然由Solo準備,她早上九點準時到教室,為十一點的課堂「作戰」,每次最少預備四份食材,多則需要準備十二份,她苦笑指:「別以為只是將麵粉、糖漿、雞蛋分成一份份,有時打cream,就要打成三、四個鐘,手都痠晒。」而坐在辦公椅上的Derek負責行政,即刻開機開Excel檔案,對着上課的人名單檢查誰還未付款,然後記錄下來,下課臨走前要肯定所有客人交了學費。之後,又再打電話去確認是否每個學生都來,Derek說:「除了這些文書工作,一天還會有二十幾個電話打來問課程,上完課又要拍照,再upload上facebook給人看,根本連食飯嘅時間都沒有。」本刊去年曾訪問過教班生意Choco Bakery,老闆Tommy和Tony便承認搞興趣班易飽和,他們的出路就是轉型批發,成功令盈利由五萬升至二十三萬元。

難題二競爭大蛋糕做法難突圍

教室概念這幾年在香港大行其道,單在觀塘已有十多間,競爭大得離譜,Cakeaway當初開在觀塘,只是因為距離Derek本身的公司較近。Solo坦言開店前曾試過去其他蛋糕店放蛇偷師,「睇過其他對手嘅教室,比較過價錢和實力,所以就特別做個playground給小朋友玩,每月轉吓不同類型的蛋糕款式。並盡量在淘寶買模具,比外面便宜兩成,慳得就慳。」不過蛋糕款要與別不同,很講創意,味道並要配合,亦非易事。本刊找來本地甜品界紅人、有三十年製作糕點經驗的Tony Wong,他對蛋糕創作亦有一點教路。Tony Wong看過「Cakeaway」蛋糕烘焙教室的蛋糕款式,除了蛋糕上有公仔的款式比較突出外,認為其他款式也很普通。他建議製作一些可愛特別的蛋糕,「好似黑森林蛋糕,大部分都是圓形或是正方形,其實可以試試整金字塔形狀,吸引人去學。」而調味方面,因現時香港人注重健康,不大喜歡太甜,注重健康的他建議用海草糖來代替普通糖,雖然價錢比較貴,但甜度可以減少四成。「另外仲可以大膽嘗試多些味道,如開心果和玫瑰花味。」他又建議不要用太鮮艷的顏色,特別是藍色及綠色,因看起來似毒藥顏色:「如要突出,最好就是教其他班沒有的蛋糕,雪糕蛋糕是個好的選擇,但要注意雪藏的溫度,而且雪糕很容易惹菌,所以衞生問題要特別注意。」

人生交叉點

曾在有線及無綫任主播的Solo,其實從小就好勝心強,她說:「我好鍾意接受挑戰,又喜歡周圍去訪問人和寫嘢,所以我一直以為我會做死一世記者。」由做記者到主播,Solo都一帆風順,但沒想到竟因為長期對着主攝影棚的閃光燈,會導致雙眼敏感,「當我知道不能再做主播時,真的很迷惘,當時,爸爸又因肺癌過世,我每天都去墳墓和爸爸傾訴。」在傾訴的時候,Solo記起爸爸臨走時的一句說話:「女兒,你要記得令別人開心,自己才會開心。」當時的Solo恍然大悟:「我細細個開始已好鍾意整蛋糕,之後分給朋友食,大家都好開心,所以令我有開烘焙班的衝動,雖然比起做主播辛苦好多,但我不會放棄。」如今,經常吃蛋糕的Solo胖了不少,但她卻比以前更加開心。

開業資料(5/14)租金$100,000裝修$100,000入貨$10,000器具$200,000雜費$10,000總投資$420,000*三按一上營業額$110,000租金$15,000入貨$10,000人工$40,000雜費$3,000盈利$42,000 營業資料(1/15)

唔做主播有出路

最近有大批電視台記者離職,其實主播轉型創業的例子大有人在。由於有知名度,宣傳事半功倍。例如無綫新聞前首席記者兼主播方健儀,離開工作了十多年的崗位,轉型成為一位皮革工作者。另外一位轉行的主播就是前亞視主播黃幗誼(Kobe),在觀塘開設私房菜已經三四個月,但成績一般,只能僅僅維持收支平衡。曾任主播十二年多的她,不想繼續做主播是因為遇到瓶頸,覺得現在的新聞界不上不下,欠缺發揮空間。她毅然與朋友合資九十萬搞私房菜。她承認剛創立時有很多困難,「不過之前做主播,幫助了很多宣傳工作。再加上做記者經驗,不怕厚面皮去做宣傳及裝修之類工作。」她現在每日都住在私房菜的地方,因她的私房菜開在觀塘工廠大廈,如不是上班日人流不多,例如週末便只開晚市,不開午市。

前主 主播 播教 教整 蛋糕 專攻 師奶 奶客
PermaLink: https://articles.zkiz.com/?id=134516

一人夾$10萬 師奶阿婆籌旗上市


2015-12-10  NM

臨近年尾,裁員、蝕讓、退租聲不絕,預期香港經濟由盛轉衰。而港股亦處低壓槽,但偏偏「殼股」(即 有機會賣走控股權的上市公司),卻能「脫離市況」、大炒特炒!殼股有價,就算政府表明關注「啤殼」情況,仍遏而不止,且手法更大膽!本刊追查,揭出一個 「啤殼集團」竟出新招,以傳銷方式,透過人傳人、以及WhatsApp、WeChat等渠道,找來師奶、阿婆及內地人「集資」,夾錢夾股搞上市。該集團每 星期搞兩場講座,又在大酒樓擺數十圍,吹噓已有往績;每人只要夾十萬元,集資五億,就可搞大旗下項目上市。屆時股價炒上,股東最少賺兩、三個開!不少師奶 抄低筆記、聽得如痴如醉。這個大舞台,搭得疑幻疑真,背後有上市公司董事參與。不過,現階段可以肯定,此已涉及非法集資,股東隨時見財化水。可惜不少人想 搵快錢依然落疊,本刊直擊這個荒謬的瘋狂現象。

記者這次透過朋友,獲得一名下線職員Tommy的電話。他透過WeChat,先一輪嘴探聽記者身份,其後才放下戒心,並興奮透露,的確有一個回報極高的投資計劃。他並不斷傳來一間叫「俊文世家」的公司資料,但究竟點投資?要幾錢?通通見面先講。

起錨「揚帆出財富大海」

上月,他帶記者出席位於啟德郵輪碼頭的跑車Apollo S車展,Tommy指Apollo S正是由俊文世家代理。當日黃夏蕙及老公潘炳烈都有前來,引來圍觀拍照。晚上,在同場的聯邦酒樓筵開五、六十圍,有不少三、四線藝人到來、就連近日捲入假 學歷風波的港姐蔡思貝父母亦有出席。除香港人,亦有不少來自珠江三角洲、操唔鹹唔淡廣東話的內地人拖喼趕到。一名叫Kenny Lee的市場部高層,在台上大搞氣氛:「歡迎海外嘅朋友,我哋將揚帆出財富嘅大海。呢條船,絕對唔係一條細船﹗多謝中國、澳門嘅同事,將來去埋美國歐洲, 好唔好?」大家齊聲叫好,這時另一高層Kenny Lau接着說:「畢菲特教The power of combining,三十年就唔使做,五十年就發達,但你有無咁多時間?想快,一定要搵好項目!」再大聲說:「我哋所有嘢都『落地』,係咪真呀?係咪見得 到呀?搵到好項目,你仲可以成為天使,幫你身邊人搵錢。」全場氣氛更高漲。當晚既落足本請歌手關楚耀表演,高層又合唱《難為正邪定分界》,更送出鑽石優惠 券,得獎者要說祝賀語句,大家都醒目說:「要做十幾倍嘅超額王﹗」

啟航「投資十萬變千萬」

當晚人太多,眾人無提及投資計劃細節,及有何見得到的「落地」項目,Tommy向記者推介「小組討論」。他指逢星期一及四晚,在尖沙咀好時中心、俊文世家 的辦公室,都會有簡介會。記者出席了其中一場,當晚早已坐定了十多個師奶,大家分成小組聊天。踏正七時,眾人走入房間,由一名叫水哥的主持簡介。他一開 聲,就如sales般問:「大家喜歡投資定投機呀?如果喜歡投機就唔好來喇﹗」他口中的「投機」,是指買賣二手市場股票,他認為庄家會舞高弄低,散戶買唔 過;而「投資」,是指買原始股(即未上市前的公司股份),就賺梗。這批原始股,就是指俊文世家的股票。他又誇誇其談,俊文世家已有多個可擴大發展再上市的 項目。「我哋手頭有七個項目,其實三個已經開始咗。第一個Fovea Jewellery,我哋喺The One二樓有鋪。第二係夜場Fovea Club,喺中環California Tower。第三個項目是代理Apollo S跑車。有咩咁犀利?由起動至一百公里,只需三秒,是世界上最快,售價是一千六百萬元人民幣。」水哥見部分正抄notes的師奶、眼神充滿疑惑,又再說: 「係﹗過去有好多做得好大嘅公司,都上唔到市,但我哋對幕後庄家兆華集團有信心,佢十三年來,上咗三十幾隻股票未輸過。」他爆出集團牽涉的股份: 「8269(富譽集團)一○年上市,隻股做乜?公仔麵廠。成間廠由經理到掃地得九十人,市值唔夠五百萬。當日我哋拎住十萬元投資8269,一上市升二點四 倍,執到二十四萬。唔好隨便掉咗佢喎,一路買落去。第二隻8218(毅高國際),一三年上市,六毫子上到二個八,四點六倍。呢兩隻好陌生?8363(爵士 芭蕾舞學校),一四年上市,好多人都識。喂,跳吓舞又話上市。但好嘢,個六幾升到十一個三,八倍。」

驅進「衰咗原銀奉還」

水哥應是俊文世家的市場部高層,他主持的簡介會只有二十分鐘。會後,再有職員把參與者分成幾個小組,進入不同會議室,這時才交代投資股份的細節,並由叫 Alan的下屬接力,「兆華(背後庄家)對港交所批核好熟。將鑽石業務上市,港交所會問你貨源穩唔穩,公司考慮到呢點,已經買咗間廠。唔止,港交所又會問 埋廠嘅貨源,我哋喺南非又買咗個礦。」講到「無雷公」咁遠,無從稽考。為證明有幾真,他又說:「上市要有個做過呢行嘅CEO,我哋請埋前謝瑞麟CEO過 來,兆華集團為保證項目可以上市,做咗很多前期功夫﹗」翻查謝瑞麟年報,謝瑞麟CEO謝邱安儀並沒有離任,而CFO黎子武剛於八月以私人理由辭任,他向本 刊否認有加入此集團。Alan又說,他們今次要上主板,集資共十五億元,其中十億由大行及老細負責,他們只賣五億出街,「一手係十萬元,每手有一萬股公司 股份(俊文世家)。」記者說十分有興趣,但擔心安全性,他說:「我哋會打釐印,合約寫明,如果一七年十二月三十一日都上唔到市,我哋原價收購。如果做唔 到,可以告我哋。」其後他們給記者看其他人已簽的合約,可見合約中寫明分期付款數額,以及相關條款。

拋錨「碌卡可以造數」

當日職員未有「強迫入股」,眾人各自離去。一開始負責帶記者的Tommy,見記者猶豫,翌日再私下聯絡。不過Tommy本身只是在朋友公司賣寵物用品,坦 言加入買俊文世家股份,希望刀仔鋸大樹,介紹客人又有佣收。他對計劃一知半解,故帶來其上司周姐到酒樓詳談。周姐竟大爆「造數」秘密,「Fovea淨係香 港,一年賣得幾多鑽石?我哋喺澳門開咗分店,嗰邊最主要做乜?賣珠寶?最主要係碌卡。「有好多內地人賭錢輸咗,之後想翻本,係咪要攞張信用卡去碌呀,想套 現呀!例如我呢個茶壺,你想碌幾多?唔會碌一、兩萬,碌親都碌一百幾十萬。買完個茶壺,你可唔可以唔要,再賣番俾我呀?我就俾番錢你買番個茶壺囉。咁做唔 係為點數,係要做大條數。港交所唔會真係睇你做唔做到生意,係睇賬面數!」

涉非法集資遲早「擱淺」

本刊追查俊文世家背景,並無在香港公司註冊處登記。不過今年四月,疑有關連的富譽控股(8269),曾發出通告,指已找來Zega Larry公司(俊文世家英文名),作為旗下跑車Apollo S的副分銷商,並給予服務費。通告指俊文世家在塞舌爾共和國註冊,真正無雷公咁遠。而在中環的Fovea Club,前董事登記正是富譽控股主席黃家華,可見兩者關係密切。 職員口中經常提到的庄家「兆華集團」,應是指黃家華及另一人張兆沖。張今年四十歲,他除了是Fovea Club董事,亦是樓東俊安(988)及永興國際(621,現名為壇金礦業)前股東。黃、張兩人分別報住跑馬地比華利山及半山雲地利道。記者亦到過職員聲 稱的項目視察虛實,在The One的Fovea Jewellery,只得一個職員,並無招呼進內的顧客,似showroon多過做生意。號稱全球最快的Apollo S,有否生意無從稽考。而俊文世家與另一家上市公司俊文寶石(8351)名字相似,今年二月,俊文寶石曾發通告指,「該公司並無授權俊文世家讓公眾人士投 資或認購股份」,撇清兩者關係。至於兆華集團曾牽涉的上市公司,部分已經「冧棚」,包括富譽控股,上市至今已跌了八成。記者曾到該集團查詢,但未獲回覆。 一名手持幾隻殼股的庄家說:「佢哋太大膽喇﹗我哋要將隻殼搞上市,一定係搵包銷商幫手搵人頭,出事風險細好多。除非佢嘅project太爛,爛到無包銷騷 佢。」俊文世家疑幻疑真,律師陸偉雄聽完這個故事,便搖頭嘆息,「真係橋唔怕舊,最緊要受,佢捉到人嘅貪心。」他指這類投資產品須向證監會攞牌,否則屬非 法集資。而集團職員聲稱一定可上市,及澳門碌卡造數,亦犯上串謀詐騙及使用虛假文書等罪。他指做大律師多年,過去見過不少人被騙買原始股,最終化為烏有。 他說:「無嘢係一定上到市,佢話上唔到俾番錢你啫,但間公司清盤,你告得邊個?」

後記:證監會繼續官腔

記者本週一早上,致電及留言予證監會傳媒部門,希望向證監會了解這些投資計劃的問題,但一直未獲回覆,下午再致電一般查詢熱線,對方稱一定要找傳媒部門作 答。惟記者表示,想「降低要求」,只是先了解什麼是非法集資、在香港賣原始股是否犯法等問題,對方都說不能回答。記者指有人正向本人推銷,急需了解這些 「黑白分明」的條例定義,對方仍一味推說不能回答。本週二,傳媒負責人終於回覆了七個字:「個別事件不評論。」態度官腔,難怪光怪陸離的投資局,繼續明目 張膽,亦繼續有人落疊。

撰文:財經組攝影:財經組攝錄:財經組資料:財經組news@extdigital.com.hk


一人 10 師奶 阿婆 籌旗 上市
PermaLink: https://articles.zkiz.com/?id=174551

白蝕白做 「高司奶」幫師奶買餸

2016-0-14  NM

每日返工朝九晚六,放工街市已經閂門,想自己煮餐飯談何容易。上年一月,兩個八十後姜嘉倫及謝雅櫻 (Inky),辭去各自的設計和銷售工作,創辦「高司奶」,一朝早替沙田區的OL客到街市買餸,讓她們放工後在火炭銀禧街市取貨,買滿二百蚊甚至可直送府 上。營運一個新鮮的生意模式,燒錢在所難免。單計上個月,「高司奶」已蝕近七萬。兩位老闆要同時兼顧宣傳、門市、採購、物流等多個範疇,到底是會帶領潮 流、改變大家買餸習慣,還是銀彈先盡呢?且看看他們的盤算。

Inky及嘉倫二人,年初開發「高司奶」app,放上琳瑯滿目的蔬果肉類,供客人挑選認購;到六月再租用火炭銀禧街市地鋪,目的是以O2O(online to offline)形式,讓客人在門市取貨減低物流成本。二人有意將此模式在各區複製。在app上,連柴米油鹽都有,但主打是各種鮮肉、蔬菜,亦有配搭好的 「今晚食乜餸」。「例如三杯雞、番茄紅蘿蔔大眼雞湯,我哋幫佢配埋醃料及香料等,方便佢哋諗少樣嘢。」他們主攻中產市場,貨品都迎合中產口味,如力推本地 出產的黑毛豬、嘉美雞、有機菜,就算是內地來港的蔬菜,都標明是香港人經營的農場所出。具體運作,是每朝早七點,嘉倫將前一晚收到的訂單,傳給大埔街市的 相關商販,十一點截單前有加單會再通知。從大埔取貨回銀禧街市,便直接放入雪櫃不再處理,負責買餸的嘉倫解釋:「蔬菜通常客人鍾意自己洗,而肉類如果先切 好會無咁新鮮。」雖然仍要蝕錢,但Inky及嘉倫勝在年輕有衝勁,左度右度,希望在各個範疇能改良出一套賺錢模式:

採購直接左手交右手

街市婆賣菜,都能養活一家大小,高司奶「搞咁多嘢」卻倒蝕七萬。主要原因,是貨價不夠平。由於攞批發需要大量入貨,而高司奶只靠網上落單客源不足,只好直 接在街市購買。現時嘉倫每朝在大埔街市入貨,「對比其他街市,大埔的選擇最多。最初好多檔口老闆,見我係後生仔,覺得我搞搞震,頭一個月惟有當散客買。佢 哋之後見我真係長期幫襯,就俾我記賬月結,並按零售價減一至兩成俾貨。」嘉倫指目前做法是迫不得已,「我哋定價不能太高,結果去零售店入貨,等於『轉 售』,左手交右手。七萬的營業額中,買餸已經佔了五萬,毛利只有一成多,還要計其他開支。」

《改良》嘉倫強調將來不會持續在街市買貨,目前是投資期,到有一定生意,便會到批發市場取貨。「街市同批發價嘅差距,喺保鮮期短的蔬菜、鮮肉,分別最大, 價錢可以相差四、五倍。」其實高司奶每月營業額七萬元,和一個菜檔差不多,所以他們除發展沙田區,亦開拓更多新區,希望蔬菜肉類等各自都有七至十萬元生意 額,這樣就可到批發商提貨,大幅降低來貨價。

宣傳伺服器飽和

要谷大生意,就要多加宣傳。不過負責marketing的Inky指,預算不多,「保守起見,當初只用了十多萬在app上,打算運作過覺得可行,才繼續優 化。」app版面設計未完善,伺服器的容量亦已接近飽和,Inky怕大加宣傳後,可能會逼爆伺服器。「現時能做的,是增加現有用戶的活躍度。」Inky試 過用WhatsApp將訊息傳給所有客戶,結果因濫發被封鎖,Inky想出對策:「我將客人分類,好似交通燈分紅、黃、綠。紅色代表唔活躍,有大減價才傳 給他們;黃色代表試用客戶,有新貨、小贈品就通知他們,希望轉為綠色;綠色代表活躍,例如當天有新鮮的魚,就會問他們要不要。若果由綠轉紅,我們會致電, 希望了解是否我們的服務有不足。」

《改良》Inky說,app正改良中,一旦版面改善、令只能容納數百人的系統升級至容納五千人,就會開始在沙田區擺街站宣傳,「會搞推廣,如居民下載並落 單,就有豉油送。又會有推介的優惠,務求讓更多人接觸。」目前高司奶有六千個用家,其中九十多個用家至少每兩星期使用一次。Inky目標是經過一連串宣傳 後,有二十多萬戶的沙田區,最終會有1%的活躍用家,即二千多人會持續使用。

人手要似經紀湊客

要錢就要找投資者,Inky及嘉倫後來找到朋友Thomas入股,近兩個月Thomas更辭去金融工作,全職搞高司奶。目前高司奶除了三位老闆身兼多職踢 晒腳,並聘請了四位兼職看鋪、做客服。客服的工作主要是處理出問題的訂單,「有時張單有奇怪,普通一餐餸,加上三斤薯仔,要打去確認。若那天沒有紅衫魚, 又要聯絡客戶,問他要不要換其他魚。另外有些客還會同我傾煮餸經,我會趁機提議新菜式,問他們要不要試煮,所以員工都要好似經紀咁湊客。」

《改良》Thomas計過數,要做到收支平衡,每月要有二十萬生意額,即是平均每日要做六千七百元生意。屆時從批發商取貨的價錢可大跌七至八成,當然其他 開支又會有所增加。人手上,例如從批發商買菜,需要有人處理,亦要磅重後入袋。而原有客戶服務團隊亦要擴大,「現時主要我湊客,但將來我無可能湊咁多客。 要請員工湊客成本高,不過好處是他們若有特別要求,如明日想食龍躉,我們都可代買,更能滿足顧客要求。」Thomas會增添日用品給客戶選擇,「因為滿二 百蚊會有免費送貨服務,通常一餐餸買唔到二百蚊,所以除了白米、醬油外,將來連紙巾、肥皂都會賣。」Thomas了解過物流行情,「送貨時間主要是下午五 至七時那段時間,該個鐘數貨車司機無生意做,所以租貨車送貨只需百二蚊一個鐘。」不過要儲存那批日用品,亦要花一筆倉租。

集資助改良

雖然有隱憂,不過他們確信高司奶能改變香港人買餸的習慣,所以定好目標盡快增加市場佔有率,Thomas正利用之前從事金融業擁有的人脈,為這盤生意帶來 投資者,「我已經同幾個分別從事金融、食品的投資者洽談。進度去到一半,有信心他們真的會注資。」他們的目標是集資五百萬元,其中二百萬會用作打入九龍 區,租鋪、宣傳、增聘人手方面。「首先目標是奧運站幾個中產屋苑,嗰度只有超級市場,但就無街市,好有潛力!」

開業資料:租金$92,000(三按一上)App$300,000器具$150,000裝修$30,000牌費$35,000總投資$607,000

營業資料:營業額$70,000租金$23,000人工$60,000(三名老闆、四名兼職)食材$50,000雜費$5,000虧蝕$68,000

專家意見

康宏金融主席兼執行董事王利民,是愛煮餸之人,亦曾考慮過做這類生意。他認同有需求,但商業模式應怎樣做,他也未想到。

1.要有重點推薦。要有些貨品係好特別嘅,只能向他們買,這樣就會有必要性去使用高司奶。例如他們有個精選扎肉,就要放在app的當眼處。2.加入宴客菜 式。例如羊架,煮給一班朋友去食,容易煮又好食,口碑在朋友間建立。而主人家有滿足感,就返唔到轉頭,一定會繼續煮。3.人手方面,加一倍人唔等於能做多 一倍生意,如果有一個好的系統,計劃好工作程序,有一百還是二百個員工,分別不大。

撰文:孫樂祈攝影:鄭樹清攝錄:廖健昌ed_bn@nextdigital.com.hk                                                                                                                              

白蝕 蝕白 白做 高司 司奶 幫師 師奶 奶買
PermaLink: https://articles.zkiz.com/?id=181830

[轉貼]名嘴基金經理炒股隨時跑輸師奶

1 : GS(14)@2010-07-30 22:56:22

http://www.eastweek.com.hk/index ... ail&article_id=7685

不少股壇名嘴和星級分析員趁近年股市暢旺放棄高薪厚職,自立門戶搞基金搵真銀。遠者如「炒股又賭波」的黃國英,最近則有「亞洲股神」東尼愛徒林少陽和「散戶明燈」陸東。由於他們的基金謝絕一般投資者,散戶無法知悉偶像的實戰炒股表現。
股市飄搖,小投資者出現信心危機,極需專家指點迷津。本刊明查暗訪,有幸一窺這些名嘴基金的投資策略和回報,希望從中發掘致勝秘笈,卻發現股壇明星自己落場炒股,表現往往「麻麻哋」。日日吼實部大利市機炒出炒入的師奶學生,回報隨時好過他們!
「基金之神」約翰.伯格(John C. Bogle)一早批死絕大部分基金經理都會跑輸大市。去年才落場的林少陽,似乎擺脫不了這個「魔咒」。
西京投資主席劉央

Look's Capital總裁陸東

惠理集團主席謝清海

林少陽:出閘脫腳以「亞洲股神」東尼(Tony Measor)徒弟為賣點的林少陽,去年自立門戶,創辦以立投資管理,目前有數十個客戶,管理資產約二千多萬美元,管理層曾經透露,希望管理的資產總額達一億七千萬美元,較現時大好幾倍。
林少陽還在華富財經的年代,黃先生已每月訂購他的服務,收到他提供的股票推介,賺過不少錢:「我記得當時買過信星(1170)、裕元(551)等股票,表現都不錯!」林去年自立門戶,黃先生順理成章成為客戶。
由於林少陽的基金以私募基金形式推出,最低投資額要二十萬美元,同時必須符合證監會對專業投資者的要求,即流動資產最少有一百萬美元,黃先生於是動用家族的資金投資。但一年下來,回報差強人意。
以立投資董事總經理林少陽

著名基金經理如林少陽、謝清海都聲稱是股神巴菲特信徒,崇尚價值投資。

以立投資旗下的「VL Champion Fund」,打正旗號投資大中華股票,包括本港上市的中資股,以及借用QFII額度投資中國A股,另外可投資少量台灣股票。基金自○九年六月成立至今年五月底,回報只有百分之○點八五,同期恒指卻有百分之五點八升幅。今年初至五月底基金累積虧損達百分之十一,同期恒生指數下跌百分之九點六三,明顯跑輸大市。基金的表現亦相當波動,例如今年一月及五月,分別單月下跌百分之九及百分之八點一。
雖然出閘脫腳,不過林少陽依然信心爆棚,在客戶通訊中稱,五月份基金表現主要受希臘債務危機拖累。作為中國增長故事的信徒,近期投資者信心轉弱,反而是加碼投資的機會。一直崇尚價值投資的林少陽,援引股神巴菲特的名言,勉勵基金持有人:「股價低迷最普遍的原因就是悲觀,我們時常希望有這樣的環境,並非因為我們喜愛悲觀,而是喜愛它造成的低價。」
林少陽看好股份      今年升跌    羅欣藥業(8058)   +60%    鄭州燃氣(3928)   -4.5%    六福(590)    +83%     九龍建業(032)    -4.4%    新奧燃氣(2688)   -7.1%    *基金五大持股 陸東:生不逢時同樣去年自立門戶的陸東,挾着在瑞銀多年的彪炳戰績,加上公開測市奇準,自己做資產管理確有很大號召力。據悉陸東初期主要招呼有錢大客,但後來降低要求,最低入場費二十萬美元就可投資旗下基金,而且可以因應投資金額的大小,為客人度身訂做投資戶口。若然遇到合適的客人,陸東更可親自做presentation。
不過陸東旗下的Look's Absolute Return Fund回報只是一般,去年五月成立到今年六月底,累積回報只有百分之十點四五,同期恒指升幅達三成。不過若單計今年表現,年初至六月底的回報為負百分之一點八,同期恒指跌幅達百分之八。
據悉陸東旗下的基金主要投資中華股票,長倉與短倉兼備。他經常標榜自己的投資手法與眾不同,例如雖自稱是價值投資者,但同樣會留意增長股,又不會只買價值偏低的股票,而是看有沒有催化劑令市場重新評估公司價值;他十分擅長控制風險,不會跟市場氣氛(momentum)炒股。
對於基金表現跑輸大市,據管理層向客戶解釋,基金去年成立時有點生不逢時,恒指自三月低位一萬一千點大幅反彈,到五、六月已升近一萬九千點水平,那時市場已較少平貨買,令基金經理入市猶疑,所以表現未能跟貼大市。此外,基金亦有買少量衍生工具,為所持有的股票做對沖,不過大市表現相當反覆,加上持有股票的走勢未必跟大市走,削弱了衍生工具的對沖功效,甚至導致虧損。
這些明星基金經理,往往是股民的偶像,例如陸東去年出書舉辦簽名會,有不少散戶排隊捧場。

女股神劉央去年高調出席華南城新股上市推介會,表示對公司前景看好,但公司上市後股價一直潛水。

陸東看好股份      今年升跌    建設銀行(939)   +2.3%    招商銀行(3968)    +7.9%    中國太保(2601)    +1.6%    *接受訪問時透露看好的股份 黃國英:注碼定輸贏與林少陽的「年資」相比,股壇名嘴黃國英可說是前輩。黃九十年代開始在證券界工作,九六年出任萬信證券研究部主管,開始名嘴生涯,○二年轉做資產管理,○七年自立門戶,出任豐盛資產管理董事。
大班麵包西餅太子爺郭勇維,以前曾做過有線電視財經記者,早在十多年前認識黃國英。後來黃自立門戶,他因為家族有投資需要,所以投資了黃的基金。
郭勇維透露,黃國英的基金將大部分利潤派息,自○七年起派息的總額,已等於當初的投資,即三年來投資回報最少達一倍。他說,基金在大升市時未必會跑贏大市,但勝在跌市時表現相對穩定,例如○八年金融海嘯仍有相等於投資金額一成的派息,今年上半年派息亦有一成。
至於基金的投資大概分三部分。首先是核心長揸股票,主要是黃國英在報章雜誌專欄提過的細價股,包括中金再生(773)、六福(590)、大快活(052)及星島(1105)等,其次是貴金屬,商品佔基金的投資比重不輕。第三是衍生工具,包括期指及期權等,用來分散投資及對沖風險。以他所知,黃國英的選股並非市場主流,而是擅於發掘被忽略的股份,再嚴格控制注碼。
黃國英看好股份      今年升跌    中金再生(773)   -10.1%    六福(590)    +83%    大快活(052)
   +5.7%    星島(1105)    +185%    *部分曾推介股份 黃國英投資不少中小型公司及衍生工具,令基金在跌市時表現相對穩定。

大班麵包太子爺郭勇維因曾任財經記者而認識黃國英,後來亦將部分家族資金交給他管理。

劉央:新股「蟹后」除了名嘴變身基金經理外,去年港股大翻身,亦造就了一些基金經理「升呢」變明星,近年十分高調的「女股神」西京投資主席劉央,正是其中之一。
劉央經常出席新股推介會,離開前總留下來接受記者訪問,大談對股市的看法,搶盡主人家風頭。不過她看好的新股卻表現平平,例如在推介會高調力撐的華南城(1668)甫上市即告潛水,自己真金白銀認購的中國全通(633),上市後只在招股價上下浮沉。
除了重鎚出擊新股外,劉央亦狂掃細價股,旗下西京投資持有的二、三線股多達數十隻,冷門如恒芯中國(8046)、高陽科技(818)等均持有不少股份。不過這些股份的表現參差,「女股神」未能箭無虛發。
劉央管理的基金表現同樣參差,截至今年六月底,「西京中國基金」跌百分之○點六五,跌幅比大市少。另一隻標榜絕對回報,可投資指數衍生工具的「New China Fortune Fund」,頭六個月下跌約一成,跑輸同期MSCI中國指數百分之七點六八的跌幅。至於去年成立的「中國醫藥護理基金」食正市場熱炒內地醫藥股,截至今年六月底一年回報達四成三,今年回報也有百分之八。
劉央投資很多二三線股,但表現參差。

珠寶股不約而同獲多個基金經理看好,其股價表現亦理想。圖為六福贊助今年香港小姐選舉。

藥業股亦是不少基金看好的板塊,其中謝清海、劉央等都有投資不少藥業股。

劉央看好股份      今年升跌    銀建國際(171)  
  -17.4%    中國全通(633)
   +3.9$    亨得利(3389)  
  +16.5%    利君藥業(2005)
   +9.6%    高陽科技(818)
   -28.8%    天津環保(1065)    -8.9%    *部分西京持有的股份 謝清海:錯愛五月市以發掘中小型公司聞名的惠理基金成立於九三年,由「亞洲巴菲特」謝清海掌舵,現時管理的資產達五十五億美元。
惠理旗下「大中華基金」今年跑贏大市,根據Morning star統計,截至今年七月二十一日,表現最好的本港認可大中華基金,是惠理旗下的「CHINA GREENCHIP FUND」,錄得百分之八點七八回報。至於惠理的主打基金「惠理價值基金」,期內上升百分之一點六,算是最好表現的基金之一。
謝清海自己操盤的基金表現相對出色,但公開場合講股卻未必準確。他在今年四月底的股東會上,強調內地及本港股市的價值合理,不貴亦不便宜,自己不會「sell in May」。結果五月份港股大插逾一千三百點,如果散戶死跟謝清海,就不能避過五月跌市。或許他崇尚價值投資,傾向長線持有,所以對股市短期上落不太介懷吧。
謝清海旗下基金雖表現出色,但在公開場合預測股市,卻未必十分準確。

謝清海看好股份      今年升跌    周生生(116)  
  +68.1%    建滔(148)
   +11.2%    中國無線(2369)
   +104%    聯邦製藥(3933)  
  +184%    安踏體育(2020)  
  +35.3%    長城汽車(2333)    +61.1%    *旗下基金主要持股
2 : 自動波人(1313)@2010-07-30 23:17:40

牛央很像一顆明燈smiley
轉貼 名嘴 基金 經理 炒股 隨時 跑輸 輸師 師奶
PermaLink: https://articles.zkiz.com/?id=270174

名嘴基金經理炒股隨時跑輸師奶

1 : GS(14)@2010-12-18 16:10:44

舊文一篇...壇未倒前已貼
http://www.eastweek.com.hk/index ... =%E8%82%A1%E5%A3%87

不少股壇名嘴和星級分析員趁近年股市暢旺放棄高薪厚職,自立門戶搞基金搵真銀。遠者如「炒股又賭波」的黃國英,最近則有「亞洲股神」東尼愛徒林少陽和「散戶明燈」陸東。由於他們的基金謝絕一般投資者,散戶無法知悉偶像的實戰炒股表現。
股市飄搖,小投資者出現信心危機,極需專家指點迷津。本刊明查暗訪,有幸一窺這些名嘴基金的投資策略和回報,希望從中發掘致勝秘笈,卻發現股壇明星自己落場炒股,表現往往「麻麻哋」。日日吼實部大利市機炒出炒入的師奶學生,回報隨時好過他們!
「基金之神」約翰.伯格(John C. Bogle)一早批死絕大部分基金經理都會跑輸大市。去年才落場的林少陽,似乎擺脫不了這個「魔咒」。
西京投資主席劉央

Look's Capital總裁陸東

惠理集團主席謝清海

林少陽:出閘脫腳以「亞洲股神」東尼(Tony Measor)徒弟為賣點的林少陽,去年自立門戶,創辦以立投資管理,目前有數十個客戶,管理資產約二千多萬美元,管理層曾經透露,希望管理的資產總額達一億七千萬美元,較現時大好幾倍。
林少陽還在華富財經的年代,黃先生已每月訂購他的服務,收到他提供的股票推介,賺過不少錢:「我記得當時買過信星(1170)、裕元(551)等股票,表現都不錯!」林去年自立門戶,黃先生順理成章成為客戶。
由於林少陽的基金以私募基金形式推出,最低投資額要二十萬美元,同時必須符合證監會對專業投資者的要求,即流動資產最少有一百萬美元,黃先生於是動用家族的資金投資。但一年下來,回報差強人意。
以立投資董事總經理林少陽

著名基金經理如林少陽、謝清海都聲稱是股神巴菲特信徒,崇尚價值投資。

以立投資旗下的「VL Champion Fund」,打正旗號投資大中華股票,包括本港上市的中資股,以及借用QFII額度投資中國A股,另外可投資少量台灣股票。基金自○九年六月成立至今年五月底,回報只有百分之○點八五,同期恒指卻有百分之五點八升幅。今年初至五月底基金累積虧損達百分之十一,同期恒生指數下跌百分之九點六三,明顯跑輸大市。基金的表現亦相當波動,例如今年一月及五月,分別單月下跌百分之九及百分之八點一。
雖然出閘脫腳,不過林少陽依然信心爆棚,在客戶通訊中稱,五月份基金表現主要受希臘債務危機拖累。作為中國增長故事的信徒,近期投資者信心轉弱,反而是加碼投資的機會。一直崇尚價值投資的林少陽,援引股神巴菲特的名言,勉勵基金持有人:「股價低迷最普遍的原因就是悲觀,我們時常希望有這樣的環境,並非因為我們喜愛悲觀,而是喜愛它造成的低價。」
林少陽看好股份      今年升跌    羅欣藥業(8058)   +60%    鄭州燃氣(3928)   -4.5%    六福(590)    +83%     九龍建業(032)    -4.4%    新奧燃氣(2688)   -7.1%    *基金五大持股 陸東:生不逢時同樣去年自立門戶的陸東,挾着在瑞銀多年的彪炳戰績,加上公開測市奇準,自己做資產管理確有很大號召力。據悉陸東初期主要招呼有錢大客,但後來降低要求,最低入場費二十萬美元就可投資旗下基金,而且可以因應投資金額的大小,為客人度身訂做投資戶口。若然遇到合適的客人,陸東更可親自做presentation。
不過陸東旗下的Look's Absolute Return Fund回報只是一般,去年五月成立到今年六月底,累積回報只有百分之十點四五,同期恒指升幅達三成。不過若單計今年表現,年初至六月底的回報為負百分之一點八,同期恒指跌幅達百分之八。
據悉陸東旗下的基金主要投資中華股票,長倉與短倉兼備。他經常標榜自己的投資手法與眾不同,例如雖自稱是價值投資者,但同樣會留意增長股,又不會只買價值偏低的股票,而是看有沒有催化劑令市場重新評估公司價值;他十分擅長控制風險,不會跟市場氣氛(momentum)炒股。
對於基金表現跑輸大市,據管理層向客戶解釋,基金去年成立時有點生不逢時,恒指自三月低位一萬一千點大幅反彈,到五、六月已升近一萬九千點水平,那時市場已較少平貨買,令基金經理入市猶疑,所以表現未能跟貼大市。此外,基金亦有買少量衍生工具,為所持有的股票做對沖,不過大市表現相當反覆,加上持有股票的走勢未必跟大市走,削弱了衍生工具的對沖功效,甚至導致虧損。
這些明星基金經理,往往是股民的偶像,例如陸東去年出書舉辦簽名會,有不少散戶排隊捧場。

女股神劉央去年高調出席華南城新股上市推介會,表示對公司前景看好,但公司上市後股價一直潛水。

陸東看好股份      今年升跌    建設銀行(939)   +2.3%    招商銀行(3968)    +7.9%    中國太保(2601)    +1.6%    *接受訪問時透露看好的股份 黃國英:注碼定輸贏與林少陽的「年資」相比,股壇名嘴黃國英可說是前輩。黃九十年代開始在證券界工作,九六年出任萬信證券研究部主管,開始名嘴生涯,○二年轉做資產管理,○七年自立門戶,出任豐盛資產管理董事。
大班麵包西餅太子爺郭勇維,以前曾做過有線電視財經記者,早在十多年前認識黃國英。後來黃自立門戶,他因為家族有投資需要,所以投資了黃的基金。
郭勇維透露,黃國英的基金將大部分利潤派息,自○七年起派息的總額,已等於當初的投資,即三年來投資回報最少達一倍。他說,基金在大升市時未必會跑贏大市,但勝在跌市時表現相對穩定,例如○八年金融海嘯仍有相等於投資金額一成的派息,今年上半年派息亦有一成。
至於基金的投資大概分三部分。首先是核心長揸股票,主要是黃國英在報章雜誌專欄提過的細價股,包括中金再生(773)、六福(590)、大快活(052)及星島(1105)等,其次是貴金屬,商品佔基金的投資比重不輕。第三是衍生工具,包括期指及期權等,用來分散投資及對沖風險。以他所知,黃國英的選股並非市場主流,而是擅於發掘被忽略的股份,再嚴格控制注碼。
黃國英看好股份      今年升跌    中金再生(773)   -10.1%    六福(590)    +83%    大快活(052)
   +5.7%    星島(1105)    +185%    *部分曾推介股份 黃國英投資不少中小型公司及衍生工具,令基金在跌市時表現相對穩定。

大班麵包太子爺郭勇維因曾任財經記者而認識黃國英,後來亦將部分家族資金交給他管理。

劉央:新股「蟹后」除了名嘴變身基金經理外,去年港股大翻身,亦造就了一些基金經理「升呢」變明星,近年十分高調的「女股神」西京投資主席劉央,正是其中之一。
劉央經常出席新股推介會,離開前總留下來接受記者訪問,大談對股市的看法,搶盡主人家風頭。不過她看好的新股卻表現平平,例如在推介會高調力撐的華南城(1668)甫上市即告潛水,自己真金白銀認購的中國全通(633),上市後只在招股價上下浮沉。
除了重鎚出擊新股外,劉央亦狂掃細價股,旗下西京投資持有的二、三線股多達數十隻,冷門如恒芯中國(8046)、高陽科技(818)等均持有不少股份。不過這些股份的表現參差,「女股神」未能箭無虛發。
劉央管理的基金表現同樣參差,截至今年六月底,「西京中國基金」跌百分之○點六五,跌幅比大市少。另一隻標榜絕對回報,可投資指數衍生工具的「New China Fortune Fund」,頭六個月下跌約一成,跑輸同期MSCI中國指數百分之七點六八的跌幅。至於去年成立的「中國醫藥護理基金」食正市場熱炒內地醫藥股,截至今年六月底一年回報達四成三,今年回報也有百分之八。
劉央投資很多二三線股,但表現參差。

珠寶股不約而同獲多個基金經理看好,其股價表現亦理想。圖為六福贊助今年香港小姐選舉。

藥業股亦是不少基金看好的板塊,其中謝清海、劉央等都有投資不少藥業股。

劉央看好股份      今年升跌    銀建國際(171)  
  -17.4%    中國全通(633)
   +3.9$    亨得利(3389)  
  +16.5%    利君藥業(2005)
   +9.6%    高陽科技(818)
   -28.8%    天津環保(1065)    -8.9%    *部分西京持有的股份 謝清海:錯愛五月市以發掘中小型公司聞名的惠理基金成立於九三年,由「亞洲巴菲特」謝清海掌舵,現時管理的資產達五十五億美元。
惠理旗下「大中華基金」今年跑贏大市,根據Morning star統計,截至今年七月二十一日,表現最好的本港認可大中華基金,是惠理旗下的「CHINA GREENCHIP FUND」,錄得百分之八點七八回報。至於惠理的主打基金「惠理價值基金」,期內上升百分之一點六,算是最好表現的基金之一。
謝清海自己操盤的基金表現相對出色,但公開場合講股卻未必準確。他在今年四月底的股東會上,強調內地及本港股市的價值合理,不貴亦不便宜,自己不會「sell in May」。結果五月份港股大插逾一千三百點,如果散戶死跟謝清海,就不能避過五月跌市。或許他崇尚價值投資,傾向長線持有,所以對股市短期上落不太介懷吧。
謝清海旗下基金雖表現出色,但在公開場合預測股市,卻未必十分準確。

謝清海看好股份      今年升跌    周生生(116)  
  +68.1%    建滔(148)
   +11.2%    中國無線(2369)
   +104%    聯邦製藥(3933)  
  +184%    安踏體育(2020)  
  +35.3%    長城汽車(2333)    +61.1%    *旗下基金主要持股
2 : ksw(1423)@2010-12-20 18:13:37

基金就是周老師說的2個字: 搵笨(可以再加多個數字)
3 : GS(14)@2010-12-20 22:05:38

這是老虎機中獎的數字?
4 : ksw(1423)@2010-12-20 22:17:30

哈哈, 中獎了smiley
5 : ksw(1423)@2010-12-20 22:17:30

哈哈, 中獎了smiley
6 : GS(14)@2010-12-20 22:44:35

我地又抽中啦
名嘴 基金 經理 炒股 隨時 跑輸 輸師 師奶
PermaLink: https://articles.zkiz.com/?id=272130

阻夫上網 師奶被毆

1 : GS(14)@2012-04-03 22:05:20

http://hk.apple.nextmedia.com/te ... 104&art_id=16216545
昨零時 50分,鄧婦見姓林( 44歲)男事主還在上網,無名火起,一把將電腦插蘇拔掉,男戶主即時爆出怒火,「啪」聲掌摑妻子,鄧婦不甘示弱,狠狠咬他的手臂還擊,然後赤腳逃出一邊跑一邊哭,驚動途人代為報警。
警方到場了解後相信是家庭暴力,惟兩人拒絕送院,遂以涉嫌打架將他們拘捕。男事主被押上警車時,激動咆哮青筋盡現;女事主亦奮力掙扎,最少有 6名男女警將她包圍。女事主呼天大叫:「我要返屋企打電話呀!」、「我打個電話畀我大家姐都唔畀……」最後警員替女事主回家拿電話簿,讓她打電話請假才平靜下來,結束一場鬧劇。
阻夫 上網 師奶 奶被 被毆
PermaLink: https://articles.zkiz.com/?id=278594

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019