ZKIZ Archives


【《太陽》的直擊】帶你殺入拍攝地 同雙宋對戲

1 : GS(14)@2016-05-24 10:27:24

《太陽的後裔》大部份拍攝都喺江源道太白市取景。


【三個粉絲追韓劇】神劇《太陽的後裔》播完後,未知劇迷找到心水劇追未,只知宋太太們仍沉醉在《太陽》的餘溫,不斷追蹤宋仲基的最新動態,尤其期待下月11日的香港粉絲見面會,各位宋太太搶到飛嗎?



三個粉絲去到拍攝地,乜景都拆晒,好彩仲認得個山景。

呢到係拍軍營同醫療中心嘅場景--韓寶煤礦,目前只係一個廢墟。

雖然乜都無,都有韓國人嚟朝聖。



三個粉絲動主播阿仙、Viu韓劇導賞員阿愁和Daniel搶不到宋仲基見面會的門票,於是親身飛往首爾,坐四小時車,到《太陽的後裔》拍攝地朝聖--江源道太白市!劇中劉時鎮(宋仲基飾)率領的軍隊取名「太白部隊」,因為此劇大部份時間都在太白市取景,主要在韓寶煤礦和三炭藝術礦場兩個地方。



韓寶煤礦喺山上,山腳就係徐大英練新兵嘅地方。

有位小妹妹送咗幾包軍用嘅餅乾和飲品畀三個粉絲,話出面無得買!

原來佢爸爸(左)為軍隊供應軍用補給物資,話包餅乾入面有糖,等軍人食下餅又食下糖,無咁口乾。



太白市曾經是韓國主要的煤礦產區,韓寶煤礦是其中一個,而目前已變成一個廢墟。《太陽的後裔》拍攝時興建的場景已經全部拆除,只能靠山脈形狀判斷他們拍攝的位置,而幸運的是,魔鬼教練徐大英練新兵的高台,遺留下一道木梯,粉絲可以偷偷地爬上去感受徐大英居高臨下練兵的威風,但真的要非常非常萬分十分之小心。可幸,太白市政府已經宣佈會重建《太陽的後裔》拍攝場景,並在附近興建商店和酒店,打造成新的旅遊景點。



距離韓寶煤礦半粒鐘車程,就去到《太陽》另一個拍攝地--三炭藝術礦場。

喺到拍過地震,

壞人Argus嘅基地,



目前拍攝地仍然是廢墟,但亦吸引不少韓國人朝聖,其中有媽媽指,是因為兒女喜歡宋仲基和宋慧喬,所以特地帶他們來留下美好回憶。三位粉絲都有意外收獲,遇到一位帶子女來朝聖的爸爸,其職業竟然是為軍隊供應軍用補給物資,還贈送了軍用餅乾和飲品給拍攝團隊試食,說外面是買不到的。軍隊專用餅乾又有什麼蹺妙呢?原來特別之處是餅乾袋內有10粒糖,爸爸指,「裏面有100塊餅,也有10粒糖,每食10塊餅食1粒糖,就無咁口乾。」



佢就係綁架喬妹嚟呢到。

館內預備咗凳畀遊客扮喬妹,好貼心。

Daniel身處呢間房,就係宋仲基等開拍時嘅休息室。



第二個主要拍攝地是三炭藝術礦場,距離韓寶煤礦約半小時車程,劇中地震、救災、壞人基地、喬妹被綁架等場面都在這裏拍攝。藝術館職員指,不少客人因為劇集前來朝聖,參觀人數多了三成,雖然暫時都主要是韓國人,但已經有馬來西亞、內地等旅行團聯絡他們,相信之後會有更多東南亞地區的遊客前往。



三個粉絲去埋宋仲基最鍾意嘅餐廳--阿姨食堂。

老闆娘勁識做生意,主動問我哋係咪食宋仲基鍾意食嘅嘢。

佢就介紹宋仲基至愛食辣炒豬肉(左起)、煎魚和辣香菇湯!



最後,三個粉絲介紹你去宋仲基最愛、連Super Junior利特和Henry都跟著去的「阿姨食堂」,老闆很會做生意,一見客人便問,「係咪食宋仲基食嘅嘢?」她便會介紹宋仲基至愛吃的煎魚、辣炒豬肉和辣香菇湯!由首爾去太白市方法:1.坐火車:由清涼里站坐無窮花號到太白站,車程約4小時。2.坐巴士:由江邊站的東首爾綜合巴士客運站,坐往太白的高速巴士,在太白市外巴士客運站(태백시외버스터미널)落車,全程約3.5小時。以上方法都只是到太白市中心,到拍攝場地要再轉乘的士,所以最方便又最好掌握時間的是自駕遊,由首爾駕車直達拍攝地約4小時車程。太白韓寶煤礦採礦區(한보탄광)地址:江原道太白市桶洞140-8(강원도태백시통동140-8)三炭藝術礦場(삼탄아트마인)地址:江原道旌善郡古汗里咸白山路1445-44(강원도정선군고한리합백산로1445-44)開放時間:(夏天)09:00-18:00,逢星期一休息(暑假7月18日至8月23日)09:00-07:00,無休息(冬季)平日10:00-17:00,週末09:30-17:30,逢星期一休息阿姨食堂(이모네식당)地址:江原道太白市三水洞262-60(강원도태백시삼수동262-60)主持:動主播阿仙、Viu韓劇導賞員阿愁和Daniel攝影:陳家文、李錦鏵、唐志安《太陽的後裔》片段由Viu提供:
https://goo.gl/pUH6ly【三個粉絲追韓劇】
http://hk.apple.nextmedia.com/enews/animation/kfans/





來源: http://hk.apple.nextmedia.com/entertainment/art/20160524/19624761
太陽 的直 直擊 帶你 殺入 拍攝地 拍攝 同雙 雙宋 宋對 對戲
PermaLink: https://articles.zkiz.com/?id=301274


ZKIZ Archives @ 2019