ZKIZ Archives


蔣家旻嘲哎吔大佬惹桃花 洛宇談戀事尷尬到暈

1 : GS(14)@2013-10-22 00:02:55

http://hk.apple.nextmedia.com/entertainment/art/20131021/18472113

                羅天宇昨日與新舊緋聞女友湯洛雯及蔣家旻在中環出席「鼠戰中環慈善接力賽2013」,同場還有溫家偉、何君誠及應屆港姐劉佩玥等。天宇與湯洛雯因為合作無綫處境劇《愛.回家》撻着,日前在元朗撐枱腳食酸辣粉斷正。戀情曝光後,二人首次齊齊現身,其他藝員相當識趣,影合照時主動讓出中間位置給二人,而天宇面對新舊緋聞女友全程尷尬樣,不過三人仍大方影合照。

                                                                                               
            ■昨日慈善接力賽大合照時,一眾藝人主動讓出中間位置給緋聞主角。            ■羅天宇尷尬避開湯洛雯,三人合照時黐實蔣家旻(右)。


劇中三角戀

                天宇和湯洛雯例牌齊聲否認拍拖,天宇解畫指斷正當晚只是在元朗拍完《愛》劇收工,大家一齊食飯,他還扮風趣說:「我哋喺個劇度真係拍拖。」湯洛雯就再幫口:「呢個星期好多我哋對手戲嘅外景,所以成日會喺街見到。」問到二人目前的關係進展情況?天宇說:「只係朋友感情,佢係幾好嘅,不過我而家有好機會(指拍劇),第一次同佢有感情線,仲係三角戀,大家都想專心工作。」
湯洛雯強調自己目前單身:「我就係,佢(指羅天宇)係咪就唔知。」問湯洛雯對羅天宇的感覺如何,會否接受追求?她說:「佢幾好又溫柔,好似前輩咁教我做戲,真係追先算啦!」

              ■羅天宇與湯洛雯日前在元朗撐枱腳食酸辣粉斷正。資料圖片

被讚外形襯

                至於已有新戀情的舊緋聞女主角蔣家旻就置身事外,輕鬆的說:「之前一日羅天宇有打畀我話好驚,佢驚影響工作,其實佢兩個喺劇入面做銀幕情侶都幾襯,我同佢一直係兄妹朋友感情,不過我知佢拍拖都好專一,只係比較易惹桃花。」家旻並坦言公司下令她要低調處理感情事,所以不敢多談戀情問題。
採訪:魯萍
攝影:陳志嵐
蔣家 家旻 旻嘲 嘲哎 哎吔 大佬 桃花 洛宇 宇談 談戀 戀事 尷尬 到暈
PermaLink: https://articles.zkiz.com/?id=283959

【馮仁昭四圍超】蔣家旻孖潮媽行街

1 : GS(14)@2017-05-18 02:14:25

蔣家旻同媽咪噚日下午四點幾去中環置地行街,戴住黑超嘅蔣家旻,着住白色透視裝,束粗belt襯牛仔褲,而佢媽咪就戴住黑超兼大耳環,花衫襯貼身磨爛牛仔褲,非常之潮。當蔣媽媽發現太陽眼鏡展銷,即刻一馬當先上前睇,蔣家旻尾隨其後。蔣家旻噚日喺微博透露送咗小禮物畀媽咪:「親手做的花禮品by ME,Happy媽咪節。」撰文:馮仁昭




來源: http://hk.apple.nextmedia.com/entertainment/art/20170515/20021397
馮仁 仁昭 四圍 蔣家 家旻 旻孖 孖潮 潮媽 媽行 行街
PermaLink: https://articles.zkiz.com/?id=333397

《踩過界》譚凱琪露背之後蔣家旻被禁錮玩SM

1 : GS(14)@2017-07-01 10:50:20

話說大台上周六日開始播《踩過界》,賣點係乜?除咗有造型同《夜魔俠》有九成似嘅王浩信之外,仲有一系列嘅大台花旦「露肉」。上星期就有35歲嘅「水晶梨」譚凱琪,佢角色係形體藝術家,仲全裸示人,真係睇到觀眾「嘩嘩聲」。而本周又有啲咩睇呢?繼續都係有譚凱琪全裸展示佢嘅人體藝術,而今次佢仲喺身上寫住「唔知醜」、「cheap」、「賣弄色情」,不過最出位就係佢額頭上用簡體字寫住個「雞」字,加埋可以表達到佢心情嘅紅色燈光嚟表示佢心中嘅情緒。之後仲有早前講到蔡思貝喺泳池裝假大胸色誘魏惠文嘅一幕,而佢嘅「假狗」就係非常old school嘅兩大粒橙。其後仲有第二單case,就係講飾演「賣啤酒的小女孩」嘅蔣家旻,故事講到佢受唔住由許家傑飾演嘅闊少嘅金錢誘惑,去佢嘅大屋「playroom」玩,點知「playroom」充滿住SM嘅刑具,仲被許家傑禁錮咗成個月,講到SM嘅情節,就比對上兩集保守得多,全部都係着住衫,最多係蔣家旻以背心演出。




來源: http://hk.apple.nextmedia.com/entertainment/art/20170701/20074762
踩過 過界 譚凱 凱琪 琪露 露背 之後 蔣家 家旻 旻被 禁錮 SM
PermaLink: https://articles.zkiz.com/?id=337524

蔣家旻破格演出心情沉重蔡思貝慘遭毀容

1 : GS(14)@2017-07-05 03:49:39

無綫同愛奇藝合拍嘅《踩過界》前晚播第3集,故事劇情亦都逐步進入戲肉,講完譚凱琪全裸展示佢嘅人體藝術之後,今次輪到蔣家旻俾有錢仔許家傑非法禁錮兼虐待。其實成個故事情節好「大台」,都係話做啤酒妹嘅蔣家旻,喺酒吧賣酒俾許家傑睇中,跟住俾佢0氹咗返去屋企,喺密室禁錮咗一個月,結果蔣家旻嘅婆婆去咗酒吧搵蔡思貝、王浩信同張振朗求助,先至揭發呢件事。跟住蔣家旻喺法庭講番事發經過,先知許家傑一直受佢爹哋單立文操控,造成佢性格唔平衡,只要佢受完爹哋氣,就會返去虐打蔣家旻!而為咗令蔣家旻收聲,單立文仲搵咗黑社會捉咗佢阿婆,而許家傑想去差館自首,甚至畏罪自殺,每次都俾單立文阻止。一向做慣乖乖女嘅蔣家旻,當日有傳因為拍電影《第一次不是你》做私鐘妹,獻出完第一次性感後就俾公司掟入雪櫃,失蹤咗一輪先有得解凍。不過話晒今次係公司安排,當然無後顧之憂搏到盡,難怪佢話嗰幾場虐打、成個頭俾人浸落水嘅戲,都係一個大膽嘅新挑戰,仲影響埋嗰排心情,變得好沉重。至於09年香港先生冠軍嘅許家傑,入行咁多年做過唔少角色,但係發揮機會唔多,直到近年轉咗做啲奸奸地或者賤男角色,總算令人留有印象!許家傑喺網上平台留言,講到今次演出,佢話:「其實為咗呢個角色,我自己嘅心情都好沉重,打人嗰種心理壓力永遠係比被打嗰個痛苦,嗰種感覺要掌握得好好,太過火就會影響成件事!」聽講今次佢為咗呢套戲,推晒所有工作,事前仲睇咗好多關於虐打嘅戲,令到拍嗰陣情緒極度沮喪,好彩佢拍完最尾一場浸蔣家旻落水嘅戲,好快抽離到角色。許家傑仲話有人問佢會唔會繼續拍呢類角色,佢留言話:「做演員好被動,唔係自己控制到,我反而覺得把握機會,最緊要做好手頭上嘅角色,我相信只要做得好,一定會有人欣賞!」喺呢個單元故事,亦會講到蔡思貝老竇秦煌後生嗰陣係黑社會大佬,因為俾其他黑幫追殺,搞到老婆俾人斬死,阿女蔡思貝亦被斬傷,塊面從此留疤,自此之後退隱江湖開酒吧。




來源: http://hk.apple.nextmedia.com/entertainment/art/20170703/20077016
蔣家 家旻 破格 演出 心情 沈重 蔡思 思貝 慘遭 毀容
PermaLink: https://articles.zkiz.com/?id=338029


ZKIZ Archives @ 2019