宣萱㩒錢掃春裝
1 :
GS(14)@2016-02-28 16:39:28【中環】都話中環置地星光熠熠㗎啦，名人明星輪住出沒，前日宣萱一身casual打扮單人匹馬行街街，佢將眼鏡放喺帽上面，沿途笑晒口心情輕鬆，就算畀成班記者跟實，個樣都keep住有笑容。問宣萱有乜搞作，佢就話：「要去銀行㩒錢買衫呀！」㩒完錢將個銀包填到滿滿嘅宣萱，之後就去咗皇后大道一間時裝店揀衫。雖然時裝店放滿春季主打淺色粉色嘅系列，就連職員都畀埋新一季嘅catalog佢睇，但宣萱就係鍾情深色外套，揀到心頭好後，就現兜兜畀cash埋單上車走人。採訪、攝影：朱志聰
來源:
http://hk.apple.nextmedia.com/entertainment/art/20160228/19508711
鄺美雲愛犬係動物醫生宣萱收養狗仔
1 :
GS(14)@2016-12-07 07:41:14陳柏宇日前同女友食飯，食完仲拍住拖行寵物店，為屋企小動物補充食品，好有愛心。要數到有愛心嘅圈中人，就真係唔少㗎。彭健新最令人印象深刻，一定係彭健新同佢隻松鼠狗OK仔，彭健新出騷好多時都會帶埋愛犬現身，農曆年又會帶OK仔上電視拜年，但OK仔上年與世長辭，令到彭健新好心酸。鄺美雲另一位視愛犬如己出嘅仲有鄺美雲，佢隻愛犬Cash仲做埋寵物醫生，不時會同鄺美雲一齊去老人院探老人家。黃子華男神黃子華除咗講棟篤笑叻，向來仲有顆善心，之前就叫過人惜食，噚日佢就出席活動支持領養寵物，仲話有能力就要助養埋孤兒。宣萱宣萱高峯時期養過5隻狗，愛心爆棚，過往仲試過收養好多被遺產嘅動物，至於宣萱老是常出現嘅地方，原來係寵物店，無計啦，因為要照顧狗狗嘛。
來源:
http://hk.apple.nextmedia.com/entertainment/art/20161206/19856735
宣萱傷手放血散瘀
1 :
GS(14)@2017-01-09 08:11:33宣萱、江美儀和杜如風昨日在大欖郊野公園出席「大狗同樂百萬行閉幕禮」，她們均有攜同狗狗到場參與活動。最近在內地拍攝《使徒行者2》的宣萱，表示日前開工不慎被全石面的咖啡枱壓傷右手，右手即時腫起及流血，現時要看鐵打散瘀放血，她說：「我終於明白十指痛歸心係乜嘢一回事。」同場的江美儀談到曾志偉買馬贏得1,600萬元時，她說：「有一輪我經常買六合彩，成日贏20蚊，於是我去咗觀音廟，我問可唔可以一次過畀我中，唔好分開中，廟祝同我講『觀音叫你繼續捱，畀番個本你，即係叫你唔好貪心』。」採訪、攝影：黃曉妍
來源:
http://hk.apple.nextmedia.com/entertainment/art/20170109/19890596
杜之克以舊帶新宣萱入局幫拖谷麥明詩
1 :
GS(14)@2017-02-12 15:25:562017-01-19 NM
去年大台人事變動後，以為可以一統天下的曾勵珍遭遇滑鐵盧，主力邵氏的樂大媽基本上已被移除，三分天下，珍姐同余詠珊各據山頭外，新揸弗人助理總經理杜之克亦自組班底，搵舊人宣萱、林文龍回巢力撐外，亦招攬十優港姐麥明詩，一年三套劇一部戲力谷，策略係：以舊帶新。話喊就喊
去年底為電視劇《使徒行者2》中、港兩邊走的麥明詩，日前拖喼出現圓方，準備坐直通巴出發北上；見未夠鐘上車，於是到商場內的便利店再補倉，早有目標的她揀了幾樣日用品，即俾錢走人。上深圳開工，冇助手同行的麥明詩變身大力士，一手拎喼上落樓梯，箭步到車站上中港大巴返內地。「Louisa（麥明詩）拍完《賭城群英會》緊接就埋位拍《使徒行者2》，因為杜生（杜之克）睇咗《賭城》啲片，發現佢做戲唔似一般新人咁生硬，戲入面佢同Dominic（何浩文）做夫妻，好多場感情戲都唔使眼藥水，話喊就喊。「其實好多選美出身嘅女仔，因為要顧住個樣，所以做戲會就住晒，驚自己唔靚，但Louisa冇呢方面嘅弊病，所以杜生覺得佢有potential，力薦佢俾《使徒2》監製。嚟緊公司部大製作《跨世代》，Louisa都有份，雖然戲份唔算多，但都係一個機會。」一名無綫人說。有指杜之克睇完《賭城》後，曾在王晶面前大讚麥明詩，因此間接促成她有機會接拍處女電影《失戀日》。「係王晶提議葉念琛用Louisa，佢自己亦講明造型方面可以點玩都得，因為佢喺戲入面做一個好癲喪嘅女仔。」
貴貴都值
以「優化」為大前提，杜之克插手曾勵珍揸弗的戲劇組，力谷麥明詩外，又將離巢多年的宣萱及林文龍收歸自己馬房。「宣萱同林文龍拍完《不懂撒嬌的女人》後，杜之克又即刻搵宣萱拍《使徒2》，仲要孭正女一，佢同林文龍都唔平，要幾萬蚊一集，不過老闆都識計數，賣到埠又可以墊起公司啲新人，貴都值嘅！」一名無綫人說。
撰文、攝影、攝錄：娛樂組
宣萱盼與張衞健合作
1 :
GS(14)@2017-03-03 00:59:54宣萱、鄧穎芝、林雅詩、王宗堯、仙樂都及張立基等前晚在尖沙嘴出席《盧根》（Logan）首映禮，宣萱前度男友張衞健最近返無綫拍劇，她坦言不介意和健仔再合作：「睇劇種同機會，我嗰年代嘅演員已經唔係好拍劇，再遇到嘅機會亦好微，我會好好珍惜機會。」她又指最近和陳豪合作，終於可以達成十幾年前想和他合作的心願。此外，鄧穎芝日前被傳媒拍到和男性友人做運動，她澄清：「佢有女友，我哋只係傾合作做生意。我冇拍拖，上任男友係做健身教練，我哋分開咗3個月，因為唔啱所以唔想嘥時間，?家要搵老公唔可以玩玩吓。」採訪：張俊銘攝影：陳俊強
來源:
http://hk.apple.nextmedia.com/entertainment/art/20170302/19944115
宣萱重頭劇煞科袁偉豪着孖煙囪晒肌吸睛
1 :
GS(14)@2017-03-22 00:47:19被大台力捧嘅袁偉豪，早前接拍重頭劇《使徒行者2》，同苗僑偉、陳豪、宣萱、周柏豪及黃翠如等合作。回巢嘅宣萱前晚終於煞科喇，喺微博放咗三張相，其中一張同台前幕後嘅大合照，見到身材fit爆嘅袁偉豪剩係着住條紅黑色「孖煙囪」晒肌，都幾搶眼。其實前晚天氣仲係乍暖還寒，相信袁偉豪都係為拍劇先着到咁，但拍完都唔着番件衫，擺明就係要騷吓Quali啦，話晒佢都係07年香港先生，加上o依家係單身人士嘛。昨日輪到袁偉豪同宣萱拍完收工，袁偉豪喺ig再派福利，喺翠如BB面前剝衫，留言﹕「開心到一個點！」而宣萱就好不捨，留言﹕「終於殺青了！但不捨，因為一班很好的台前幕後同事，真心希望再有機會合作。從未試過有花收，感謝超專業的TR梳化團隊！愛你們！」網民讚宣萱Keep得好好，同翠如BB一樣咁青春，仲話好期待佢嘅演出。
來源:
http://hk.apple.nextmedia.com/entertainment/art/20170321/19965298
直腸直肚易惹是非？劉曉彤宣萱好姊妹斷聯絡
1 :
GS(14)@2017-04-04 08:59:25劉曉彤於澳洲長大，為人直腸直肚，心直口快，唔知係咪因為咁，所以平日唔多花邊新聞嘅佢，都會惹「禍」上身。先係袁詠儀（靚靚），劉曉彤同靚靚一度甚為老友，但到99年靚靚指自己曾被一位好友出賣，更力數與對方交惡經過，雖然佢冇開名，但有傳媒「推斷」到係劉曉彤，其後靚靚受訪時就話自己識對方5個月就便跣一鑊。同年，林家棟喺大台綜藝節目中將呢單是否擺上枱，但劉曉彤否認爆大鑊，仲話自己毫無頭緒，佢講到如果自己真係得罪靚靚的話，願意講對唔住。不過，劉曉彤同另一好姊妹宣萱嗰單就大鑊得多，兩人同樣係「讀番書」、「鬼妹仔」性格，所以初頭好friend吓，又經常孖住出席首映禮，甚至接受訪問。不過，宣萱喺99年接受周刊訪問時，直斥劉曉彤將是非當人情，出賣朋友，三番四次想害自己但唔成功。宣萱仲講到嗰個是非精會被天收，劉曉彤被記者問回應時，話唔知發生乜事，但對於對方話「天收佢」耿耿於懷，亦為5年友情就咁告終感到可惜。另有周刊指宣萱同劉曉彤之間早有心病，消息指大台喺97年想簽當時主力攻電影嘅劉曉彤，身為好友嘅宣萱不單止唔幫手扯線，仲向大台高層力數對方不是，仲叫高層要再三考慮簽約事宜，最後劉曉彤要靠另一朋友搭路先入到大台，當時亦有指宣萱怕劉曉彤同自己走同一路線，會受到威脅。而劉曉彤喺02年上大台遊戲節目《吾係獎門人》時，喺「吾係落大閘」環節中，直爆自己最憎嗰個係宣萱，其後宣萱被問及此事，佢直指自己已經幾年冇同劉曉彤聯絡，加上玩緊遊戲，所以佢唔係太介懷，仲話自己同對方係普通同事，見到面會點頭打招呼。
來源:
http://hk.apple.nextmedia.com/entertainment/art/20170403/19978781
【西遊記】松隆子VS宣萱
1 :
GS(14)@2017-05-13 01:56:53【文化籽：西遊記】我很落伍，最近才煲得完松隆子事隔五年重現日劇的《四重奏》。好彩，《不懂撒嬌的女人》沒有提前一個月出街，否則，我應該全情投入宣萱而放棄了松隆子。宣萱都係一樣，事隔五年重現港劇啫。
兩位女星，代表住各屬界別最後一個輝煌的年代。關於宣萱，我最有印象的，不是《壹號皇庭》系列，也不是《尋秦記》，反而是1997年的《難兄難弟》。因為宣萱扮演蕭芳芳維肖維妙？不。我只記得宣萱與另一女主角張可頤日日在宣傳活動上明爭暗鬥，全港市民一齊參與，彷彿回到譚詠麟跟張國榮鬥到火紅火熱的八十年代。自此之後，娛樂圈明星的爭拗很難再引起全城投入。政圈明星的爭拗精采得多。我還記得《寵物情緣》，已經貴為天后級的鄭秀文居然肯拍電視劇，跟當家花旦宣萱爭仔，又居然會爭輸，對我構成很大的震撼。電視台的威力曾經如此強大。大約20年前，松隆子也開始在日劇界嶄露頭角。由《悠長假期》到《同一屋簷下2》再衝到高峯的《戀愛世紀》，碰巧也是1997年。那幾年是我看日劇看得最瘋狂的時候，幾乎甚麼劇也追，VCD的質素明明差得離譜，但依然賞心悅目。一路看，我一路幻想：「香港的劇集，幾時會及得上日劇的水平？」是整體上的比較。由片頭設計到道具到服裝到燈光到場景到劇情。港劇中，最有實力跟日劇周旋的項目，是演員。前輩級如秦沛如羅蘭，放在日劇界，分分鐘是一套劇集的主角；不談演技，談美貌，宣萱、蔡少芬、郭可盈、陳慧珊，也不會輸給松隆子、廣末涼子、常盤貴子、山口智子。硬件其實齊全，只恨沒有配套配合。地球上真有蝴蝶效應。20年來，港劇水平每下愈況，不要說追貼日劇，就是遲來的韓劇、大陸劇，也早早被超前了。香港電視無法開台，ViuTV專攻游擊戰，奇妙電視一片混亂，一台獨大的情況毫無改善，以為港劇必然一池死水落去？又好像見到點點希望。我 從來不覺得港劇可以模仿日劇。一周一集？題材偏鋒？表達手法含蓄留白？認命吧，主流電視觀眾真的不會欣賞呀！也不用當觀眾是儍瓜吧。我看《不懂撒嬌的女人》，最大驚喜不在畫面質素，也不在真實的辦公室真實的工廈，更加不在上海與台南的外景，是在一些很細微的瑣碎。例如女人鬧交時會講「你老闆吖」，例如角色是上facebook不是上facelook，例如講國語的人是講國語不是講唔鹹唔淡廣東話。可能是我搞錯，可能其實一直以來都是這樣，可能只有我對港劇的印象還停留在用Word玩MSN。也值得讚賞吖。 要頂得住家長們投訴教壞細路，要頂得住婆婆們投訴睇唔到屏幕上的細細文字，要頂得住香港人投訴唔想聽國語，你估話咁易呀？還要預備收到投訴話劇情將性別定型？個個女人都恨嫁咩？一定要有愛情，人生先夠圓滿咩？女人投身事業就係怪物咩？仲唔係消費港女形象？最能夠反映現實的影視作品，永遠最能夠引起觀眾共鳴。港劇的吸引力向來被視為不夠，很大原因是內容過份離地，個個角色住大屋，明明窮到死的，都可以住有四間房兩個廳的唐樓。難得有套稍為合乎社會真貌的，要好好珍惜了。我也不想只在看《四重奏》時，才看到社會面貌，是日本社會的面貌。一個犯下小罪的罪犯，幾十年後，還會得到全國關注，飽受群眾壓力。放在香港的話，咪玩啦，個個都善忘，個個都忙，再大的事，48小時後，又總會被另一件新發生的事情取替了。要似松隆子劇中的丈夫，突然失蹤一整年，沒有離境紀綠，搞到老母以為兒子被殺；放在今日香港，也實在不太可能。連露營場地都似酒店一樣，先不說失蹤一年般高難度，就是找個沒人的地方避一避世，也不會容易。即使《四重奏》的劇本千錘百煉，金句處處，對人性又有獨特見解，但對香港人來說，始終不能避免有點地域性的阻隔。所以，我咪話慶幸《不懂撒嬌的女人》沒有跟《四重奏》撞期囉。我始終最關心香港。
facebook:方俊傑觀塘長大，壹仔打滾，偏愛西片、西劇、中日韓美女。利物浦悲慘球迷，非西人一個。
撰文：方俊傑編輯：梁浩維美術：孔文彬
來源:
http://hk.apple.nextmedia.com/su ... t/20170512/20018229
【《蘋果》專訪】宣萱回歸揭無綫恩怨冇尊重感受辱
1 :
GS(14)@2017-05-19 05:27:53■憑新劇人氣急升的宣萱，指近日在街上經常被途人詢問劇情。攝影：陳慧安
宣萱於2011年約滿無綫，最近憑劇集《不懂撒嬌的女人》Mall姐一角人氣急升，令香港電視沉寂一時的煲劇潮重現。宣萱日前在銅鑼灣接受本報訪問，她說：「唔知幾多年冇聽過人追劇，有啲朋友睇咗第一集，已經問我同文龍係咪結婚，連銀行啲職員都message我，我仲試過有啲唔識嘅人走埋嚟同我講，佢啲上司就係咁樣嘅人！」
■離巢後再回娘家拍劇的宣萱，指得回一份應有的尊重。
■宣萱演的Mall姐在劇中經常黑面，與林文龍大鬥法。電視圖片
■宣萱於11年拍完《飛虎》後便毅然離無綫。劇照
「唔會有絕路」
宣萱承認Mall姐的成功，幕後功臣是所有演員：「如果冇嗰班做office嘅同事去撐，冇佢哋見到你個樣好鬼驚，Mall姐又唔會咁突出，係大家互相幫忙，成件事立體好多。其實每一個演員都想有機會發揮，只係睇吓你有冇遇到呢個機會，當有嗰陣，起碼畀佢感受嗰份真誠，得與唔得係睇佢自己，但係呢份尊重係好重要。」講到尊重，宣萱重提當年離巢一事：「我離開公司五年，當年係因為欠缺咗呢份尊重，所以離開，五年後得到番一個尊重，再加上劇本角色吸引，咪再合作！因為我遇到呢份感覺，所以我明白，唔受尊重嘅時候咁咪行囉，我唔係可以企喺度俾你侮辱，呢條路唔行，咪行第二條路，唔會有絕路，嗰份感覺真係好緊要，對演員嚟講今次可以有呢個機會，遇到嘅團隊，大家有咗一份希望。」
「Keep住進步」
對於當年離巢，宣萱絕不後悔：「我覺得啱，當你去到一個地步，覺得公司對演員完全冇咗份尊重，當然唔止對我，因為我之前聽到其他演員走，其實咪又係嗰兩個字，尊重。好多都因為係冇尊重，聽完之後我冇諗過自己都會發生呢啲事，所以好明個感受，第一個感覺係要走，除非我對自己冇要求，嗰剎那覺得冇所謂，公司未必可以畀到嗰份驚喜，打份工冇乜所謂，有糧出安份守己喇，但係我唔係呢類人，希望可以keep住有進步。」採訪：何慧斯場地提供：辦館服裝提供：Club Monaco
來源:
http://hk.apple.nextmedia.com/entertainment/art/20170518/20024457
宣萱擁3千萬物業自保
1 :
GS(14)@2017-05-19 05:43:54宣萱近日憑Mall姐一角人氣急升，近日有報道指她擁3,000萬物業，是圈中小富婆，昨日宣萱到商台接受訪問時笑說：「林文龍話我啫，唔係咁講嘅，我係自己照顧自己。由細到大，爸爸媽媽教千祈唔好炒股，股票始終危險少少，我又唔識，磚頭最安全，起碼有地方瞓。」問是否有好多「磚頭」做嫁妝？她說：「嗰啲自己保障自己㗎！」宣萱表示會到討論區收集網友意見，又坦言不想拍續集，見好就收。至於同劇的唐詩詠與洪永城分手，宣萱說：「分手喊係正常，如果唔夾嘅早知好過遲知，感情嘅嘢無錯對。」採訪、攝影：盧妹
來源:
http://hk.apple.nextmedia.com/entertainment/art/20170519/20025645
中女撒嬌唐詩詠譚凱琪過關46歲宣萱反晒白眼
1 :
GS(14)@2017-05-21 13:16:15近排hit爆嘅4k劇《不懂撒嬌的女人》已經進入結局篇，o依家唔少人喺度估緊個結局，究竟Mall姐(宣萱)同Gordon(林文龍)，Saving(王浩信)同Cherry(唐詩詠)最後可唔可以happy ending，相信好快就會揭曉，但係成班演員仍然瞓身咁為套劇宣傳，希望將收視再推高。宣萱同林文龍仲有一班演員將會喺22日搞慶功宴，28號又會齊齊喺商場睇大結局，宣萱、唐詩詠同譚凱琪仲喺「See See TVB」嘅FB專頁，分別演繹子華神講過嘅港女三大金句：「真係㗎？」、「點解嘅？」同「好叻呀！」，雖然唔少人都話港女性格好難頂，又唔識撒嬌，不過對分別36歲同35歲嘅唐詩詠、譚凱琪嚟講好似就冇乜難度，表現唔錯，相反年屆46歲、同鬼妹仔性格嘅宣萱嚟講就真係啲唔習慣，見佢喺鏡頭前撒嬌，性格爽朗嘅萱萱，做出嚟嘅效果都幾爆笑，連佢自己都忍唔住反晒白眼。有網民睇完之後都留言讚譚凱琪最正，亦有人為港女平反，覺得佢哋唔係唔識溫柔，只係睇對象，亦有人覺得每個地方嘅女仔都有自己嘅特色，實在唔需要比較。
來源:
http://hk.apple.nextmedia.com/entertainment/art/20170521/20028372
宣萱 堅守原則的女子
1 :
GS(14)@2017-05-29 08:07:31http://skypost.ulifestyle.com.hk ... 4%E5%A5%B3%E5%AD%90
2017/05/26
宣萱
終於，香港又回到三個免費電視台同時段劇集對壘的時代，收視如何，還看日後的公布。但這個星期，觀眾必定齊齊伏在電視機前，追看《不懂撒嬌的女人》的結局篇，看看Mall姐、Gordon等人在愛情和事業的結局，是悲還是喜？宣萱相隔五年重回TVB演出這劇集，向來要求高的她肯定地表示︰「這次經驗很開心，整個團隊很專業，正正是我一直所追求的呢！」
能吸引好戲之人宣萱和林文龍回到TVB合作，這部劇絕不簡單。原來過去五年，TVB常詢問萱宣想拍甚麼劇集。「離開了一段時間，回來的話，希望拍一些較有代表性、觀眾會留下深刻印象的角色。我一直想拍女人戲，這次聽了故事和角色，編劇寫女人戲向來有一手，監製和團隊又很認真，加上聽到對手是林文龍，我便參演這個劇集。」
實力對手，實境演出
1999年，宣萱跟林文龍曾合作劇集《洗冤錄》，但這次在《不懂撒嬌的女人》才第一次有對手戲。「我知道跟文龍拍檔一定很開心，他有齊基本演員道德。演員之間的溝通很重要，尤其是自己主要的對手，他是很着重溝通的演員，也有寫劇本的天份，當我們有了溝通後，我對他很信任。」
更難得是，觀眾對劇中其他演員同樣讚賞有加，宣萱也欣賞他們做得好。「可能實境拍攝對事情很有幫助。辦公室的主景，公司真的租了地方，然後全新裝修，每人有自己的座位。我們每天早上七時回到辦公室，化粧梳頭，然後開始拍攝。我布置好自己的房間，抽屜裏全是餅乾和零食，拍了一個多月，大家的投入度更加好呢！」
學演戲更要學做人
觀眾對劇中由宣萱演繹的Mall姐先害怕後同情，宣萱認為Mall姐只是一個有要求的人。「Mall姐出發點是好的，她有些原則是對的。我也一樣，做事很認真，大家工作如果夢遊、沒有唸熟對白、遲到，我就開始Mall姐上身，只不過未去到她那麼極端！感情方面，Mall姐其實心裏有期望，但因為被人傷害得太深，當她不想面對某些東西時，會用一些理由去說服自己。某程度上，她所說的是對的︰男人是會騙你的，工作不會；但我不會像她看得那麼灰。這個男人不適合你，始終會有另一個適合你，只不過在甚麼時候出現而已。」
宣萱自93年開始拍劇，不經不覺已經24年，演戲早已是她喜愛的工作。但原來跟Mall姐一樣，宣萱這些年來學得最多是做人。「因為天生性格率直，我出於好心說一件事，原來有些人是不喜歡聽的。我喜歡聽真話，覺得別人會欣賞你，但原來會得罪很多人。經一事、長一智，便學習怎樣做人，但格很難一下子改變。」宣萱明白了這行的遊戲規則，會嘗試調整自己性格，但有些內心的堅持和原則，她是不會輕易妥協的。
宣萱服裝︰Marella
場地︰觀塘帝盛酒店
江嘉敏服裝︰rococo_fashion_hk
撰文︰張靛瞳
攝影︰梁細權
編輯：黃寶恩
設計：梁政敏
宣萱嘆傾Job議價難
1 :
GS(14)@2017-06-25 10:11:21宣萱、陳玉蓮及河國榮昨日在尖沙嘴出席葡國餐廳開幕禮，宣萱表示老闆是舊鄰居，所以以友情價到場。她受訪時表示少了在香港剪綵：「外地多啲，開餐廳呢啲做食嘅生意，責任感要好大，就算做飲食產品代言人，都要小心同做功課。」她透露在內地工作時，不時要做合約上沒有聲明的工作。目前身兼經理人的她，終於明白經理人為何收取高費用，而用WhatsApp傾價錢可避免尷尬。
■陳玉蓮已探過劉德華，指對方OK。
另外，陳玉蓮近日在內地做慈善工作，她說：「因為地方太大，要幫助嘅家庭好多，今次返嚟已經探過劉德華，佢OK嘅，佢都出嚟見過大家，多謝大家關心。」採訪、攝影：王連連
來源:
http://hk.apple.nextmedia.com/entertainment/art/20170623/20065425
宣萱寫書難要搵代筆
1 :
GS(14)@2017-08-06 11:39:06宣萱和方健儀昨日在鑽石山出席「舊書回收義賣大行動」開幕禮，問到宣萱有興趣寫書嗎？她自嘲：「之前都有人搵過，話可以代筆，但係我諗唔到想寫嘅題目，寫書真係唔簡單。」而本月18日便踏入47歲的她，生日飯局堆得滿滿，她說：「食咗兩餐已經重咗一磅多，之前港姐辛苦咗十日唔食晚飯，因為要同佢哋作戰，嚟緊要做評判，生日飯堆到滿，唔知點算，一邊開心食一邊好內疚。」另外，方健儀提到好友項明生捲入非禮「見工男」，她說：「呢個月中會同佢晚飯，當我睇到新聞時都『嘩』咗一聲，希望盡快解決，希望佢平安，勇敢面對呢件事。」採訪、攝影：羅慧敏
來源:
http://hk.apple.nextmedia.com/entertainment/art/20170805/20111895