【馮仁昭四圍超】黃宗澤搵女陪逛工廈
1 :
GS(14)@2016-09-07 21:46:16■黃宗澤同女性友人以全黑裝束現身觀塘工廈覓食。DV圖片
【觀塘】黃宗澤（Bosco）加入無綫17年，近年開始萌生去意，主要都係內地發展潛力好，市場又大，電視台競爭力又大減，所以Bosco演藝事業轉戰內地，喺香港佢就開拓其飲食王國市場。Bosco之所以放心北上，香港嘅餐廳有得力媽咪幫手睇住，Bosco不停為自己增值，難怪身邊不乏異性追求者，主動向佢投懷送抱。今年3月被爆同日籍女模Jun撻着發展異地戀，最近又傳佢背住日模女友，撻着澳門賭場女揸fit人，但Bosco聲稱係識咗十幾年嘅契家姐。
■黃宗澤同女友人喺韓式食店門前睇餐牌。DV圖片
■黃宗澤最新緋聞女友係日模Jun。資料圖片
全黑打扮
日前馮仁昭喺觀塘發現Bosco蹤影，今次佢又係同個女友人一齊，仲喺一座工廠大廈，當時Bosco戴住口罩，兩個人都係襯到絕嘅全黑打扮，似乎喺度周圍搵食，最後停咗喺一間韓國食店前睇餐牌。喺呢棟工廈入面除咗食店，仲有唔少批發商，賣凍肉、生蠔等等嘅食材，本身開蠔吧嘅Bosco，都睇中呢度有好嘢，唔知係咪時候再入貨呢！撰文：馮仁昭
來源:
http://hk.apple.nextmedia.com/entertainment/art/20160907/19762613
黃宗澤17歲選校草自嘲磨轆
1 :
GS(14)@2016-10-21 05:28:06■現年35歲的黃宗澤出道至今都保持靚樣，冧盡不少女粉絲。資料圖片
藝人最怕被翻舊相，容易惹來變臉疑雲，現年35歲的黃宗澤（Bosco）近日被貼出17歲時參加過「YES！98校園花草選舉」的照片，早熟的Bosco當年chok爆放電卻落敗收場，不過網民仍讚他靚仔，而Bosco就自嘲當年成個磨轆。
雖說英雄莫問出處，現年35歲的無綫小生黃宗澤最近被翻舊相，有facebook專頁日前貼出他於98年參加「YES！98校園花草選舉」的照片，當年只有17歲的Bosco已勁chok，事隔18年，Bosco更具男人魅，與胡杏兒甩拖後，身邊女伴換不停。
■黃宗澤當年17歲時被同學出賣，報名參選校草。互聯網圖片
■黃宗澤（右）出道時曾與張栢芝面貼面拍檸檬茶廣告。互聯網圖片
落敗發展好
學生時代的Bosco輪廓分明，天生明星相，他火併其他11位參賽者，其中一位參賽者竟是男版「翠如BB」。早熟的Bosco大擺回眸chok爆甫士，發放強勁電流，令人不禁想起梁朝偉在《無間道》中經典回眸一幕，遺憾他當年未能摘冠。不過塞翁失馬，焉知非福，同年Bosco跟張栢芝合作陽光檸檬茶廣告，翌年加入無綫，獲網民大讚他當年今日都沒走樣。
Bosco前日直認是相中人，他在電話中說：「呢張陳年舊嘢都畀你搵到，之前啲同學貪玩，幫我掟上去。」不少網民大讚Bosco至今都保養得宜，保持靚仔樣，他講笑說：「吓！唔係嘛，成個磨轆咁喎！」雖然他在眾參賽者中算標青，但最後竟然落敗，至於當年冠軍屬誰，Bosco說：「唔記得啦，咁多年前。」
Bosco雖然口口聲聲自嘲17歲時磨轆樣，但相信仍緬懷當年的青春無敵，他昨日在微博轉貼這張陳年舊相，並留言：「看到這張照片，就想起劉德華大哥的一首名曲《17歲》！」
■陳展鵬當年的青澀樣也曝光。
獲邀出閃卡
90年代《YES！》舉辦的校花校草盛產靚仔靚女，變相是明星搖籃，藝人樂於擁有自己的閃卡。澳門商人徐明華去年以7位數字買入《YES！》，繼續推出藝人閃卡，最近更印製好Super Girls的閃卡。徐明華昨表示有意替Bosco出新閃卡：「如果佢肯，我都想再同佢影，我哋係有個『校花校草同學會』，而家構思幫大家出一輯新相，有埋新舊對照相仲好玩。」此外，陳展鵬當年為《YES！》做model的青澀樣曝光，他昨短訊回覆：「證明冇整過容，食咗幾年死貓。」對被指造型MK，陳展鵬續說：「係木村拓哉風。」採訪：鍾國仁、楊定
來源:
http://hk.apple.nextmedia.com/entertainment/art/20161021/19807078
黃宗澤經典事件大全《K歌之王》真係災難
1 :
GS(14)@2016-10-21 05:28:06黃宗澤出道以來都喺大台工作，2002年拍《衝上雲霄》上位，多年嚟被大台力捧，拍劇、唱歌、拍電影乜都試匀，不過都引申唔少笑料。就好似08年《野蠻奶奶大戰戈師奶》播出嗰陣，有網民發現男主角黃宗澤喺劇中同胡杏兒有一幕佢竟然「火車未到站」（冇拉褲鍊），當時成為網民熱話！不過講到佢最「驚為天人」嘅一定係佢嘅唱功，佢當年參加「2008年度勁歌金曲頒獎典禮」，節目中黃宗澤被抽中同陳奕迅輪流唱陳奕迅嘅《K歌之王》。黃宗澤卻唱得上氣唔接下氣，仲係咁走音。
來源:
http://hk.apple.nextmedia.com/entertainment/art/20161021/19807155
黃宗澤新劇疑爆粗
1 :
GS(14)@2016-10-26 08:03:08■黃宗澤主演的《幕後玩家》，前晚首播。電視圖片
《幕後玩家》前晚播出第一集，男主角黃宗澤（Bosco）已經疑似爆粗。一開始的劇情是Bosco要為一單棘手的公關危機拆彈。話說Bosco公司接了皮草活動，偏偏請反皮草歌手行騷做嘉賓，身為公關能手Bosco、張繼聰和蕭正楠，在活動上轉危為機，當Bosco見到位反皮草歌手的時候，忍不住拋下一句：「呢個真係戇X鋒鋒呀。」這句疑似粗口「戇X鋒鋒」，相信Bosco應該想講「惡搞鋒鋒」，但是可能他講得太快又順暢，所以聽到發音疑似是粗口。除此之外，有網民大讚Bosco夠型、張繼聰有男人味，但係對蕭正楠就好苛刻，話佢係襯托Bosco同張繼聰。撰文：非非
來源:
http://hk.apple.nextmedia.com/entertainment/art/20161026/19812002
賤男黃宗澤再出招 大婆龔嘉欣被迫到癲
1 :
GS(14)@2016-11-29 07:55:28大台台慶劇《幕後玩家》嚟緊呢個禮拜入戲肉，上星期龔嘉欣因為老公黃宗澤（Bosco）搭上「小三」劉佩玥（Moon）喊爆嗰場，人人讚好，獲讚「世界級演技」之餘，仲睇好佢有獎攞！龔嘉欣昨日接受傳媒訪問，講到佢最近好受歡迎，又有傳佢喺劇中會畀Bosco逼到癲，佢就話：「係呀！好多謝大家咁留意，來緊我會更加慘，其中一場戲仲喊到歇斯底里收唔到聲，拍完返屋企個心都唔舒服，好耐未試過有呢種感覺，希望觀眾都可以感受到，真係好多謝大家咁支持。..另一方面，《幕》劇點發展都係觀眾嘅關注點，Bosco嚟緊就會同小三阿Moon攤牌，飛甩對方；至於正印龔嘉欣呢，就會被老公逼佢離婚，之前已經有產後抑鬱症嘅佢，因為呢件事打擊太大，令佢抑鬱症復發，Bosco逼到佢癲咗，話要搶番個女。飛甩老婆嘅Bosco，為咗要入大公司，轉頭走去撬老友蕭正楠牆腳，狂追黃翠如，「雙黃」更會連成一線吞食咗間公司，翠如BB亦會越變越衰，利用完蕭正楠，轉而同Bosco喺埋一齊。嚟緊仲有兩星期就大結局《幕》劇，啲衰人會呼之欲出，除咗Bosco同翠如BB，仲有一個「幕後玩家」未「現身」……有網民對只得26歲嘅龔嘉欣演慈母狂讚好！話佢好戲，甚至評為「純得、姣又得，o依家賢妻又得」，話佢演技有進步。亦有唔少網民話睇龔嘉欣睇到好心噏，仲跟住佢喊埋一份，男女觀眾都打動到，最正嘅係有網民話要開Po推到龔嘉欣攞「最佳女配角」，甚至「視后」，睇嚟幫龔嘉欣打咗唔少強心針喎！
來源:
http://hk.apple.nextmedia.com/entertainment/art/20161129/19849185
徐錦江廟街綁黃宗澤
1 :
GS(14)@2017-06-22 08:03:24徐錦江昨日下午現身廟街為內地真人騷《極限挑戰》取景，身邊還有一個巨型輪盤，似作為大懲罰道具。拍攝期間，黃宗澤一到場見到大輪盤時，即睩大眼和噢嘴，表情交足戲，雖然二人在香港取景，但仍要講普通話溝通。二人傾談一會後，黃宗澤已被「大」字形綁在輪盤上轉圈。
■韓國男團EXO成員Lay被工作人員綁上輪盤，羅志祥則站在一旁。
沒多久羅志祥（小豬）到場，但與徐錦江傾談後未見被綁上輪盤，二人談了半小時，小豬便離開。原來同場還有韓國人氣男團EXO的中國籍成員Lay在場，有半百fans一直尾隨。估計Lay與黃宗澤一樣玩遊戲時輸掉，結果被徐錦江綁上輪盤轉圈。採訪、攝影：朱志聰、梁繼光
來源:
http://hk.apple.nextmedia.com/entertainment/art/20170620/20061472
Next Page