ZKIZ Archives


對開拍《選戰II》信心十足王宗堯:麒麟都顯靈啦!

1 : GS(14)@2015-02-23 15:01:11





■王宗堯前晚相約一班《選戰》演員食開年飯兼睇大結局。


【維基解密之上天有眼】向來憑良心做事的男神王宗堯,前晚相約《選戰》一班演員廖啟智、麥子樂、陳逸寧及總導演黃國強和幕後人員等在銅鑼灣食開年飯兼睇大結局。席上大家都談論《選戰II》會否開拍,宗堯對此信心十足並語帶雙關說:「唔怕開唔成,我有信心呀,麒麟都顯靈啦!當時我喺泰國旅行,好多朋友都send畀我,笑到我吖,證明香港政壇有希望。」宗堯所指的「麒麟」似乎是指年初二在車公廟求籤活動上,將葉劉淑儀撞到飛起的「麒麟」。前年年底港視不獲發免費電視牌照,有指當時身兼行會成員的立法會議員葉劉有份拒絕發牌予港視。



■王宗堯提起「麒麟」顯靈事件,笑指香港政壇有希望。資料圖片

■總導演黃國強指《選戰II》的劇本一早已有,能否開拍還是未知之數。



智叔認港視聲勢跌


智叔則直言開拍續集要打鐵趁熱,他解釋:「香港人節奏較快,一係就快啲怕,一係就開第二種戲路,我唔難度期,宗堯難度啲,《選戰》靠佢。」他直認港視聲勢沒有開台時好,他說:「都係呀,一個禮拜播得一集,但整體製作都比以往好好多。」陳逸寧則帶二十一個月大的囝囝到場,由於第一輯有好多大膽鏡頭,她笑言要喼弗迎戰第二輯,問可擔心將來囝囝會看?她說:「都係一個心理關口,自己會同囝囝解釋。」《選戰》總導演黃國強已離開港視,對於會否開拍續集,暫時未敢講。開拍會否加入麒麟新元素?他笑說:「小修改可能會有,劇本已經一早有,始終有個骨幹喺度。」採訪:黃曉妍攝影:葉君海





來源: http://hk.apple.nextmedia.com/entertainment/art/20150223/19051130
對開 選戰 II 信心 十足 王宗 宗堯 麒麟 顯靈
PermaLink: https://articles.zkiz.com/?id=287942

《導火新聞線》大拆解無冕王帝王宗堯

1 : GS(14)@2015-03-08 14:04:59





攝影:葉君海、郭賢興


【維基解密之翻身之作】港視最近幾套新劇未能承接《選戰》餘威,收視連連插水,不過本周二有神劇打救!新劇《導火新聞線》以活躍於鏡頭背後的新聞工作者作主題,王宗堯等一班《囧報》員工,本以報道社會和監察政府為己任,但無色無味無界線的新聞自由,卻不斷被政府、財團等衝擊。報道新聞的記者,如何在專業和個人感情中克守本份?撰文:藍文浩、譚倩宜



從前叫「鐵腳馬眼神仙肚」,在競爭劇烈的香港傳媒環境下,現今無冕皇帝更是「Job多糧少好難撈」。演罷《選戰》的張癸龍後大受歡迎的男神王宗堯,於本周二首播的《導火新聞線》中,轉演一名得過且過的報紙記者樂嘉輝。本身就身處娛樂圈經常與記者接觸,和傳媒有着微妙關係的王宗堯,今次脫掉筆挺合身的西裝,換上牛記笠記跑新聞。被問到拍攝新劇後對記者的看法時,他說:「新劇入面我係一個免費報紙嘅記者,其實當初自己身為一個藝人,同記者朋友好多機會接觸。不過到接咗《導火新聞線》,真係去做資料搜集、拍攝之後就更加真實體驗到,做一個記者真係唔簡單。」



更體諒記者

傳媒取向各有不同,演出樂嘉輝一角之後,王宗堯更明白記者採訪的難度,和報社編輯方向的構成,他說:「我自己成個人就體諒晒佢哋(記者)嘅處境,對佢哋更加友善啲。其實好多時可能記者朋友本身嘅出發點,同佢哋代表媒體嘅出發點係會有好大出入嘅。劇入面我扮演一個本來好有熱誠嘅記者樂嘉輝,後來有一次為咗幫一個朋友惹官司,但係公司竟然唔幫我。其後有打算抽身離開,但係最後都留低,不過就變得好Hea,每日都到最後關頭求其撩幾隻字交稿就算。」《導火新聞線》就帶出香港記者和傳媒機構要面對的困難,故事講述梁小冰、周家怡與楊淇,三人在《囧報》編採部門內為了每日的新聞而起衝突,周旋於公司利益與道德責任之間。男神王宗堯在《導火新聞線》化身專業記者,少不免帶滿一身裝備,想看男神王宗堯運用以下器材?記住三月十日起,留意《蘋果動新聞》《男神做記者》。



【記者開工五神器】


王宗堯

精明頭腦

做記者要有三頭六臂,邊影相同時拍片再開口訪問,會察言觀色、旁敲側擊是基本功。高手能不着痕迹地令被訪者暢所欲言。




數碼相機

相機可說是記者的命根,「有圖有真相」之下,更要熟悉相機所有操作。現時記者採訪主要帶備「一機三鏡」,當然包括閃光燈與後備電池。




DV攝影機

自《蘋果動新聞》開始,視像新聞相繼發展,所以出勤記者經常要左手DV、右手相機。別以為用DV長期拍攝比相片簡單,曝光、收音與畫面配合,才成為有用的新聞材料。



平板電腦、紙筆

與時並進的還有平板電腦,記者務求以最快的速度將相片、影片、和現場打好的稿件傳回報社,以應付即時新聞分秒必爭的需要。不過大部份行家仍會隨身帶備紙筆,用最獨特的鬼畫符作自家記錄。








【神級先知】王維基劇劇中

港視劇深得網友歡心,除因題材新鮮,更重要的是劇情與現實貼近,令觀眾甚有同感。其實港視自啟播以來,已有不少劇集的劇情與現實相符。如《來生不做香港人》引出的中港矛盾,和要求打擊水貨客示威,其實在拍攝時並未熾熱如斯。《選戰》內二○二二年能全民普選特首、香港有多間免費或收費電視等,更寫出大部份港人心聲。由於劇情似足現實社會,有網民就戲言王維基及創作團隊有預知能力,有網友更列多個出港視劇準確預測到的「未來」,並封王維基為「神級先知王」。





來源: http://hk.apple.nextmedia.com/entertainment/art/20150308/19067591
導火 新聞 拆解 無冕 冕王 帝王 宗堯
PermaLink: https://articles.zkiz.com/?id=288305

王宗堯麥記冧店員

1 : GS(14)@2015-03-10 22:55:24





■王宗堯和李逸朗日前在老麥開餐。讀者提供圖片


男神王宗堯和李逸朗(Don)近日接拍港台劇集《火速救兵III》扮演消防員,有讀者日前拍到他們在北角開工放飯時食老麥。老麥女店員見到男神現身,表現雀躍,根據讀者報料,女店員狂冧阿Don,還送他食物,他們叫了很多食物,喪食補充體力,王宗堯亦大方請客。相中所見,男神似乎迷暈女店員,王宗堯昨在電話中搞笑說:「阿姐係咁sell我哋買優惠卡,結果我都買咗一張。」採訪:劉敏





來源: http://hk.apple.nextmedia.com/entertainment/art/20150310/19069871
王宗 宗堯 堯麥 麥記 店員
PermaLink: https://articles.zkiz.com/?id=288361

男神做記者:王宗堯寫稿冇難度

1 : GS(14)@2015-03-12 19:20:50





■打稿對王宗堯來說沒難度,輕易過關。


男神王宗堯來《蘋果動新聞》學做記者,經過一天做狗仔隊,第二項任務是留守報館寫稿,他一日內被派打三篇細稿,當中還要繙譯外娛版一段有關美國天后麥當娜(Madonna)的稿。王宗堯平日都愛到社交網站撰文寫感受,寫稿當然沒難度,他坐在電腦前很快完成,他接「柯打」後,隨即上網搜集資料配合:「我知要搵番啲資料融入段稿,當中係唔可以錯。」王宗堯準時交稿,經過同事審核都順利過關,他得戚說:「有『男神』(之名)護蔭,係咁都留番啲情,冇踩咁勁。」採訪:宋文、薛國斌、梁智威攝影:廖達燊、張宗光





來源: http://hk.apple.nextmedia.com/entertainment/art/20150312/19072530
男神 神做 記者 王宗 宗堯 寫稿 難度
PermaLink: https://articles.zkiz.com/?id=288421

發牌不樂觀 港視未擬製新節目王宗堯:覆核勝訴起碼有希望

1 : GS(14)@2015-04-25 08:27:35

【電視風雲】【本報訊】香港電視去年就政府的發牌決定提出司法覆核,昨日獲高院裁定勝訴。港視主席王維基昨指公司上下均對結果感興奮;曾為港視拍劇的藝人王宗堯稱,裁決反映公義仍然存在。惟也有不少前員工擔心政府仍可以拖字訣阻礙發牌,對是否可重回港視拍劇不樂觀。港視發言人稱,現階段未有計劃重新聘請員工製作新節目。記者:梁御和 戴彩煥 溫敏芝



港視發言人指,公司現時業務主要分為網購及節目製作兩部份,自早前宣佈暫停節目製作後,不少台前幕後員工已陸續約滿離開,至今只剩下數十人,主要維持該台網購節目《Shopping Hero》運作。由於是次裁決只要求政府重新審議港視的發牌申請,最終是否可獲發牌仍有不少變數,暫未有計劃重新製作新節目。




職工會:證明香港仲有法治


港視高峯期曾聘有近千名員工,港視職工會理事長楊志豪表示理解公司做法,「經歷過咁多風波,(政府)龍門都搬幾次,發唔發到牌唔敢講……公司都要同股東交代,唔可以輕舉妄動(重新拍劇)」。他又指,公司員工昨得悉法庭結果後均感到高興,「未判之前都擔心香港仲係唔係三權分立,事實係證明香港仲有法治」。曾為港視拍劇的藝人王宗堯稱,裁決反映公義仍然存在,「呢個司法覆核可以幫到我哋手做一個申訴,起碼我哋而家有一個希望,有機會推翻之前(行會)決定,有機會令到電視台(港視)入屋。」已約滿離開港視的藝人周家怡說,政府宣佈不發牌後,令港視的製作停頓,「部份員工甚至轉咗行,好可惜」,她又稱,如港視重新拍劇,「梗係會考慮再合作啦」。早前港視大熱劇集《導火新聞線》的前編審潘漫紅稱,心裏希望可重回港視拍劇,惟實際上對此「冇太大寄望」,因政府仍可以拖字訣阻礙發牌,「上訴可以搞一年、行會再考慮又可以搞兩、三年……我哋冇可能等,都要開飯」。據了解,不少約滿的前員工現已有新工作,部份到內地拍劇、拍電影,又或回巢無綫。港視前編導蔡錦源稱裁決是意料之中,因政府確實違反程序公義,勝訴反映「法治仲可以守得住」;但香港法治正受政治壓力干擾,「你睇葛珮帆之流竟然可以講『警察拉人,法官放人』嘅說話……相當令人憂慮」。他又指港視可否發牌是小事,「梁振英唔落台,特首唔係真普選出嚟,唔能夠保證港視事件唔會再發生」。他呼籲港人要堅守堡壘。




艾威:不等如推翻行會決定


港視前藝員艾威指,勝訴不等如推翻行會決定,「而家只係重新審理呢個case,一切都要再畀行會同特首去決定,我覺得好詭秘,係無厘頭浪費公帑」。而他約滿離開後已與另一間新公司簽約,未來仍希望與港視繼續合作。





來源: http://hk.apple.nextmedia.com/news/art/20150425/19124981
發牌 樂觀 港視 視未 未擬 擬製 製新 節目 王宗 宗堯 覆核 勝訴 起碼 希望
PermaLink: https://articles.zkiz.com/?id=289893

2800萬贖金風暴拍《天若有情4》王宗堯做新華Dee綁架陳妍希

1 : GS(14)@2015-05-05 22:54:53

■預定10月開拍的《天若有情4》屬意王宗堯和陳妍希做男女角,大賊則有邵仲衡和黃光亮扮演。設計圖片及對白



杜琪峯監製、陳木勝執導的90年電影《天若有情》因為成為經典浪漫愛情片,捧紅了兩位主角劉德華和吳倩蓮,該片後來一連拍攝了三集。如今蕭定一計劃購下版權開拍第四部曲,這次故事還會加上西貢2,800萬元綁架案部份情節,男主角華Dee會起用旗下藝員王宗堯飾演,女主角富家女屬意陳妍希演出,其父親由鄭少秋擔演,影片預計10月在飛鵝山開拍。


已故針織大王羅定邦孫女羅君兒綁架案哄動全城,綁匪迄今未全部落網,蕭定一已看準綁架案部份過程,作為《天若有情4》的故事藍本,由今年初他已經有構思買下版權開拍《天4》,當時已經想寫城中知名富豪女兒被綁要求巨額贖款,但想不到其中一名綁匪竟然愛上了富家女,瞞着其他同謀放走富家女,之後兩人譜上愛情戀曲。



■華仔與吳倩蓮當年主演的《天若有情》成為經典,迷倒千萬粉絲。劇照

■《天若有情4》女主角屬意陳妍希飾演,網友肯定又有一番爭論。台灣《蘋果日報》



搵秋官做富商

蕭定一昨日證實已在籌備這部片,他在電話中說:「其實我一早諗咗開拍《天若有情4》,當初劇情係有綁架富家女,然後綁匪之一嘅華Dee憐香惜玉,不自覺愛上富家女。呢個係之前已度好嘅劇情,點知最近出咗羅君兒綁架案,如果將部份情節放入部戲應該會更豐富,可以增加商業元素。男主角華Dee我想畀王宗堯演、富家女就陳妍希做,爸爸角色最好係鄭少秋,邵仲衡同黃光亮做賊匪,廖啟智就演警察指揮官,導演人選有幾個揀緊,心目中就想搵邱禮濤,覺得佢拍呢類型片幾適合。」由於這宗綁架案警方還在調查中,問蕭定一會否擔心受害人和其家人不高興?他解釋:「其實我部戲主要係拍愛情故事,而且係打正招牌拍《天若有情4》,並唔係主力拍富家女被綁票,純粹攞部份被綁過程做藍本,所以應該唔會觸動到受害人嘅神經,部戲10月就會喺香港開鏡,等劇本修改好,就會陸續傾演員啲期啦!」



■因《大時代》重播,秋官(左)和邵仲衡人氣又高漲,連蕭定一都想找他們拍戲。電視圖片

■廖啟智在《天若有情4》演警察,負責追查富家女被綁架案件。資料圖片



同妍希要磨合

蕭定一公司要力捧王宗堯成為新一代偶像,大膽起用他演華仔曾演過的華Dee角色,昨日他接受電話訪問說:「我有留意嗰單綁架案,我最初睇係以為走犯,後來揭發咗受害人身份,我係識羅氏後人,當年我去英國讀書,我同佢哋後人係同學。」蕭定一有意開拍《天若有情》新版,並滲入綁架元素?王宗堯說:「我聽老闆(蕭定一)講過,知道題材有綁架線,但我好怕好似當年經典戲,怕比較,我一直覺得劉德華同吳倩蓮嘅《天若有情》係神級,無敵神戲,佢哋騎電單車一幕好深刻,無法超越。」對於新片女主角意屬女神陳妍希,王宗堯反問:「真係?」正好是香港男神配台灣女神,王宗堯卻說:「公司搵邊個演,我哋雖然冇權過問同畀意見,但我好希望對手係香港女演員,我同陳妍希唔熟,夾過先知夾唔夾。」採訪:鍾國仁





來源: http://hk.apple.nextmedia.com/entertainment/art/20150505/19135650
2800 贖金 風暴 天若 有情 王宗 宗堯 堯做 新華 Dee 綁架 陳妍
PermaLink: https://articles.zkiz.com/?id=290169

王宗堯公告戀情放閃

1 : GS(14)@2015-10-12 08:45:40

王宗堯與周家怡昨日在灣仔出席「匡智競步上雲霄2015」慈善跑樓梯大賽,宗堯早前和僆模女友Christy甜蜜遊日本,家怡笑言沒有向對方八卦戀情:「唔使問,佢自己講咗,我祝福佢,但我都想佢快啲祝福番我。」宗堯即笑說:「我都想,但家怡要打穩咗事業先。」對於有消防員被同袍欺凌,早前拍攝港台與消防處聯合製作劇集《火速救兵III》的宗堯和家怡,均指有留意事件,宗堯說:「睇到好唔開心,始終消防員形象不嬲都好好,相信係個別事件。但爆咗出嚟之後,紀律處分係好迅速,有警惕作用,相對有啲隔咗一年都未處理。」採訪:黃曉妍攝影:陳慧安





來源: http://hk.apple.nextmedia.com/entertainment/art/20151011/19328741
王宗 宗堯 公告 戀情 放閃
PermaLink: https://articles.zkiz.com/?id=293067

葉蘊儀嘲太認真王宗堯:公道在人心

1 : GS(14)@2016-01-18 00:57:26

■葉蘊儀有感《中女羅生門》是為中年女性打氣。資料圖片


左報《文匯報》批鬥《100毛》及「毛記電視」荼毒青少年,憑《中女羅生門》在分獎禮獲獎的葉蘊儀昨回應說:「我不嬲冇睇《文匯報》,其實佢哋係唔係唔清楚香港文化?just for fun,唔好咁認真。」她補充作為一位創作人,《中女羅生門》是反映中年女性的共通點:「係打氣說話,唔覺得係荼毒,我都喺《100毛》寫文章,唔覺得有咩荼毒細路,我都係一名家長。」男神王宗堯表示每一報社都有自己編採及政治立場,他說:「究竟我哋做緊嘅嘢,係公義嘅事、對社會有正面影響定荼毒緊青少年?任何嘢我哋自己講都唔係一個準則,自己唔可以評論自己,不過公道自在人心。你心目中把道德尺,認為係啱嘅時候,你就會堅持去做,我嘅立場就係咁。」在分獎禮分別獲頒最受歡迎男女歌星的河國榮及方健儀昨日接受電話訪問,方健儀回應說:「因為冇睇到段嘢,唔能夠好全面咁去comment。」河國榮亦不欲多講,但謂會繼續與《100毛》合作,他透露獲獎後人氣大升,經常被市民拉着合照,而現時他有多個工作斟洽,並希望盡快完成出唱片心願。採訪:李森、魯吉



■王宗堯謂自己的立場就是堅持去做對的事。資料圖片

■河國榮人氣爆燈,行商場即被街坊集郵。



來源: http://hk.apple.nextmedia.com/entertainment/art/20160116/19454227
葉蘊 蘊儀 儀嘲 嘲太 認真 王宗 宗堯 公道 人心
PermaLink: https://articles.zkiz.com/?id=294345

王宗堯為港女平反

1 : GS(14)@2016-02-02 15:58:08

王宗堯、卓韻芝及麥曦茵,日前在中環出席一個由SKII舉辦,討論兩性關係的分享會,宗堯談到「港女」時,更懂得適可而止,令到在場女士都聽得舒服。宗堯在分享會結束後說:「今次分享會大部份都係女仔,但都唔會特別緊張,好多人標籤港女,但係都不外乎香港女仔負面嘅性格,粗魯、野蠻,我覺得其實呢啲缺點唔係淨係出現喺香港女仔身上,我同唔同國籍女仔相處過,其他國籍女仔都會有好野蠻,好難相處,經過相處後,仍然鍾意香港女仔,因為我鍾意香港,所以而家女友都係選擇香港女仔。」採訪、攝影:曹家誠





來源: http://hk.apple.nextmedia.com/entertainment/art/20160202/19475456
王宗 宗堯 堯為 為港 港女 平反
PermaLink: https://articles.zkiz.com/?id=295075

【成功時刻】男神的男神王宗堯:佢先係經典

1 : GS(14)@2016-02-08 03:00:16

Complete Calendar Chronograph10278 Clifton系列白面黑帶設計,型格俐落。($35,600)


早前王宗堯(Gregory)應Baume& Mercier(B&M)邀請,出席2016日內瓦國際高級鐘錶展,阿Greg收到B&M最新發佈的Complete Calendar Chronograph-10280,該設計以細節刷新經典。經典,當然是要跨越時空歷久不衰,男神眼中的經典又是甚麼呢?


(左)Clifton系列灰黑面 Automatic10180($56,300),39毫米精鋼錶殼搭配覆以18K紅金的錶圈,防刮藍寶石水晶玻璃錶背透見精湛機芯;(右)同系列另有白面啡帶設計10194($88,300)。

經典男神:阿爾柏仙奴

說到「經典」二字,阿Greg指以電影去說明就適合不過。教父系列是他心目中的經典,「我嗰時真係攞住《教父》三部曲喺喥睇,睇住主角橫跨廿幾年嘅心路歷程同轉變,好犀利。」阿Greg特別欣賞阿爾柏仙奴(Al Pacino)收放自如的演繹,「第一集講佢响餐廳拎枝槍第一次殺人,到第三集佢告解自己一生,雖然我唔係一個演技外放嘅演員,但每次睇都响佢身上學到新嘢。我覺得經典就係咁樣。」


是次SIHH最新發表的女士錶有Petite Promesse精鋼鑲鑽系列,長錶帶仿手飾設計,外型較年輕簡約,價格亦較為相宜。(左至右)10290$25,300/10289$21,900/10288$19,200

留住經典:第時留畀個仔

阿Greg表示經典可以留傳後世,「我覺得男人到一定年紀就會想去儲一啲嘢,我都想第時有嘢可以留畀個仔,靚錶本身都有價值,特別是經典款式,唔似雪茄紅酒會變質,就算好多年之後戴,都唔會過時。」B&M這次推出的克里頓系列全日曆計時碼錶正是阿Greg鍾情的款式,「男人好鍾意戴啲錶面好大、有好多粒掣撳嘅錶。」雙色設計,43毫米精鋼錶殼搭配覆以18K紅金的錶圈除了兼備全日曆機能,錶內還設月相顯示,仍然簡約有型,難怪男神都對它愛不釋手。(特約報道)





來源: http://hk.apple.nextmedia.com/entertainment/art/20160205/19479808
成功 時刻 男神 神的 的男 神王 王宗 宗堯 佢先 先係 經典
PermaLink: https://articles.zkiz.com/?id=295415

落手落腳整賀年美食欣宜王宗堯炸角仔脹卜卜

1 : GS(14)@2016-02-08 03:00:17

王宗堯、鄭欣宜、張建聲和陳詩慧去年各自在事業上都取得不錯成績,趁着農曆新年將至,大家決定找導師教授如何製作應節食品,不過他們平日甚少下廚,在導師鄭慧芳(Lilian)面前顯得雞手鴨腳,笑料百出,他們四人先開始製作其中一種最傳統的賀年小食角仔,整角仔材料要有麵粉、豬油、沙糖、花生,眾人首先將麵粉搓成所需的形狀,然後逐個將餡料包成角仔模樣。



■鄭欣宜和陳詩慧小心翼翼將角仔放落油鑊。

■四人除了學整角仔,還學煮「麒麟雞飯」。


■嘩!王宗堯和張建聲炸的角仔好靚喎!

學煮簡易麒麟雞飯

不過大家的「包功」參差,尤其是張建聲,他可以將角仔變成意大利雲吞般模樣。幾經辛苦終於將所有材料包好,就由宗堯和建聲兩位男士負責將角仔放落鑊炸慢火炸十二分鐘,香脆美味的角仔終於完成。小食完成後尚有一味主菜「麒麟雞飯」,所需材料包括新鮮雞件、冬菇和臘腸。首先由男士將所有材料切片,欣宜和詩慧則負責將生米煮成熟飯。待飯煮到半熟再將材料放入煲內繼續煮,耐心等候多十至二十分鐘「麒麟雞飯」就大功告成。事實上四人內只有宗堯和欣宜算略懂下廚,對於賀年食品,欣宜稱:「最記得婆婆煮嘅家鄉菜,喺一個湯窩入面有蛋角、粉絲、雪菜同埋冬菇,好似有金條又帶元寶咁。」而宗堯更憶講述小時候幫媽媽整年糕蘿蔔糕的片段:「整完要幫手派,但有好多派唔晒要我食晒。」此外,他們前晚亦有出席公司在金鐘舉行的四周年晚宴兼分獎典禮,宗堯的女友黎紀君(Christy)奪得「最乖女主角」獎,今次是兩人首次同台,宗堯說:「Christy喺我心目中雖然未必係最乖,但佢係我最錫嘅人,我哋拍咗拖幾個月,又照顧我啲貓貓,佢係好努力嘅,相信佢會越嚟越乖。」採訪:曹家誠攝影:仇志德場地及導師提供:煤氣烹飪中心





來源: http://hk.apple.nextmedia.com/entertainment/art/20160205/19479782
落手 落腳 賀年 美食 欣宜 宜王 王宗 宗堯 堯炸 炸角 角仔 仔脹 脹蔔 蔔蔔
PermaLink: https://articles.zkiz.com/?id=295421

王宗堯12蚊店買家品

1 : GS(14)@2016-03-01 18:57:36

【銅鑼灣】「男神」王宗堯舊年宣佈情定黎紀君(Christy)後,成日見佢哋拍拖晒恩愛,前日下晝4點幾,佢哋兩個現身銅鑼灣時代廣場,Christy拎住袋禮物,另一隻手拖住男友,兩個人好sweet咁邊行邊傾,完全唔介意俾人眼望望,行行吓見到有人影相,王宗堯好大方同記者say hi, Christy亦都微笑點頭。之後佢哋兩個行咗去對面馬路後就分道揚鑣,Christy去咗銀行,王宗堯去咗12蚊店買嘢,睇到左搵右搵咁搵咗一輪,原來佢係搵煲蓋上便嗰個柄,真係好有住家男人feel,之後佢會合女友拎車,臨走嗰陣話拎車過海搵朋友。採訪、攝影:徐錦池





來源: http://hk.apple.nextmedia.com/entertainment/art/20160301/19510760
王宗 宗堯 12 蚊店 買家
PermaLink: https://articles.zkiz.com/?id=296482

阿澤宗堯一人一票爭做話事人《選老頂》借黑諷今

1 : GS(14)@2016-03-05 01:26:33

由杜汶澤監製兼演出、邱禮濤導演的三級電影《選老頂》(原名《選老坐》),被指是借黑社會一人一票選坐館,藉此「借黑諷今」。昨日公開了的一條宣傳片就清楚見到這場勾心鬥角的黑道選舉,精采程度不下於早前新界東立法會議員補選,泛民的楊岳橋鬥建制派的周浩鼎。



■黃秋生飾演的神爺神的地方,是他懂得引用甘迺迪的名句。

■戲中一幕講蠱惑仔都有一人一票,香港人均被比下去。

■男神王宗堯(右)在戲中跟洪卓立有感情線。



二次創作甘迺迪名句

不過黑社會之爭自然少不免有粗口、女人同刀光劍影的斬人場面,而阿澤更有場跟艷女肉搏床戲,見到他演得異常落力。《選》片在拳頭跟枕頭背後,有不少對白都充滿睿智及令人反思,黃德斌飾演的警官一語就道出選老坐是假選舉「選乜鬼啫,來來去去咪又係嗰3個老鬼話事」,而與王宗堯爭老頂位的杜汶澤,當着一班蠱惑仔話「要選一個話事人,點解得9個人有投票權,咁不如唔好選,要投就個個都有得投」,簡直說出香港人的心底話。最抵死還是作為幕後黑手神爺黃秋生話「唔好問正興(社團名字)可以為你做啲乜嘢,要問你可以為正興做啲乜嘢」,完全是已故美國總統甘迺迪名句的二次創作。如果電影《十年》是香港未來的驚世預言,《選》片就是香港現今困局的寫照。另外,在《選》片海報,三位有份爭選老頂的杜汶澤、王宗堯及黑仔姜皓文均在其中,而操控整個社團選舉、飾演神爺的黃秋生頭像就放在背後,寓意他幕後黑手身份。撰文:李森





來源: http://hk.apple.nextmedia.com/entertainment/art/20160304/19515237
阿澤 宗堯 一人 一票 爭做 事人 選老 老頂 借黑 黑諷 諷今
PermaLink: https://articles.zkiz.com/?id=296830

【娛樂動劇場】選老頂鬥政綱阿澤爭普選 宗堯施喊功

1 : GS(14)@2016-03-13 02:40:25

■杜汶澤(左)跟王宗堯在戲內鬥到戲外。攝影:陳志嵐


香港政壇風起雲湧,剛剛新界東立法會補選的「橋」、「鼎」之爭,亦已有定案。一人一票有幾好?連即將上映的電影《選老頂》(前名《選老坐》)都知道,片中一人一票選話事人,黑社會都搞革命,甚有「借黑諷今」的意味。戲中兩位爭做老頂的男主角杜汶澤跟王宗堯,在動新聞宣告選舉政綱,內容字字珠璣,感動處王宗堯亦哭成淚人。撰文:何永寧上映日期:3月31日由黑仔姜皓文跟劉皓嵐(劉小華)主持的《選老頂》論壇,兩位候選人包括外號「豺狼」的王宗堯及自稱「將軍澳方國七」的杜汶澤,為了爭做社團正興話事人,而作一場半公開辯論,宣傳政綱。被主持黑仔問到兩人會為社團爭取何種實際權益時,杜汶澤就提出非常貼心的提議,他說:「我認為要加老鬼嘅生果金,同埋後生嗰啲就加把生果刀。」而「豺狼」王宗堯的政見似選立法會多過選話事人,他說:「我覺得最需要係解決房屋問題,年輕人一定要有樓住,一定要上到樓,我要爭取每人一間劏房。」



■王宗堯「喊」但沒有眼淚,有影射早前新界東立法會補選候選人周浩鼎(小圖)在辯論中落淚之嫌。

■姜皓文跟劉皓嵐是負責今次論壇的主持。



論壇末段港人心聲

講到最令香港市民怦然心動,就是阿澤提出「一人一票選老坐」,香港人都未有的權利,居然在社團率先推動。對於片中倡議一人一票選話事人,對現今政治極具諷刺意味,當中可能包含不少隱喻,作為監製及演員的阿澤說:「作為幕後好少講想表達乜嘢,唔想規範你嘅聯想空間。但作為演員我就有啲親身感受,記得有晚喺酒樓拍,講到原本王宗堯選到做坐館,我唔服氣,提出要選就一人一票,嗰時已經係半夜兩、三點,排戲嗰陣我問啲臨時演員贊唔贊成,根本唔使教,個個都熱血沸騰。」



■不只借黑社會諷刺當今政治,王宗堯更扮喊來揶揄當今政治人物。

■杜汶澤坦言《選老頂》是否暗含隱喻,要讓觀眾自己去感受。劇照



作為建制力量的王宗堯被這個重量級的建議逼到無話可說,最後施展絕招「喊功」脫身:「我絕對相信社團、相信關公,我覺得唔應該你打我、我打你,正興唔係咁樣嘅,我呢滴眼淚係為社團而流嘅。」這招很明顯是師承早前新界東補選候選人周浩鼎,在辯論中落淚。在論壇結尾陳詞時,杜汶澤講到幫會牽涉幾萬名成員福利,絕無理由話事人由幾名提名委員的老鬼選了就算,要選就要一人一票選,不單止講出社團心聲,更加是不少香港人的心聲。服裝提供:Paul Smith(王宗堯)、MR.COLLECTION(姜皓文)場地提供: RedMR紅人派對



■戲入面佢哋爭做話事人,呢邊話要一人一票

■嗰邊又話幫大家上樓

■做咩搞喊人㗎?



■杜汶澤化妝及髮型: Janice Chan、Jim Tse@Hair Corner

■王宗堯化妝、髮型、服裝: Aster Phang、Hei@Xenter、Paul Smith

■姜皓文化妝、髮型、服裝: Isaac Poon@jack timeless、Alex Chan@projetz4/jack timeless、MR.COLLECTION


■杜汶澤認為電影本身質素最重要,相信觀眾不會盲撐港片。

結合現實權力鬥爭

杜汶澤的《選老頂》是否暗含隱喻,阿澤明言應該讓觀眾去感受,但他分享的一場拍攝體驗,充份反映出「一人一票」是民心所向。而王宗堯覺得《選》片跟現實結合起來,都是一場權力鬥爭。講到近日不少都在談論,被認為預言香港未來社會政治及社會生態的電影《十年》,阿澤表示很想欣賞,奈何已經落畫,他說:「買唔到飛,周圍搵戲院都冇戲院上,咁多人睇嘅戲冇戲院上,咁奇怪嘅。」另外,近日有多部港片先後上映,阿澤認為只要有質素的電影就會有市場,他說:「多人開因為港片搵錢,冇人做蝕本生意。只要好嘅港片就會有人睇,身體好誠實,觀眾唔會盲撐。」





來源: http://hk.apple.nextmedia.com/entertainment/art/20160312/19526075
娛樂 劇場 選老 老頂 頂鬥 政綱 阿澤 普選 宗堯 堯施 施喊 喊功
PermaLink: https://articles.zkiz.com/?id=297723

王宗堯攬女取暖

1 : GS(14)@2016-03-13 02:40:27

■王宗堯前晚同女友食完糖水,喺寒風中man爆攬實對方。








【銅鑼灣】37歲男神王宗堯同嫩模黎紀君(Christy)公開拍拖後,成日行孖咇放閃。前晚10時半,男神同女友去銅鑼灣小甜谷食糖水,同行仲有兩女一男朋友。最初未有位,男神同眾人冇差別喺門外等位,直至有位後,佢先致電畀女友,甚為細心,一行五人喺糖水舖有講有笑食足一個鐘。其間男神除咗要應酬朋友,仲要應付在場食客,事關店入面有唔少人認得佢,主動同佢揮手同say hi,男神都友善地同啲食客逐一打招呼。由於前晚開始翻風,離開糖水舖後,男神即攬實嬌滴滴嘅女友,喺寒風中互相取暖。佢哋沿路雖然好癡纏,但都冇乘機賣甩老友,最後去到附近一棟大廈上樓繼續傾埋下半場。採訪、攝影:潘冠恩、畢紹基





來源: http://hk.apple.nextmedia.com/entertainment/art/20160312/19526036
王宗 宗堯 堯攬 攬女 取暖
PermaLink: https://articles.zkiz.com/?id=297729

王宗堯自封Smiling機師

1 : GS(14)@2016-03-18 23:56:30

王宗堯與周家怡昨日化身機師空姐,帶領一班小學生登上航機親身體驗航班運作,首次進入駕駛艙的家怡跟小學生一樣表現雀躍,今次活動獲航空公司送贈機票,兩人表示計劃7月時相約一班朋友去布吉旅行,宗堯笑指不少機師都要有別號,而他的別號是「Smiling哥」。早前宗堯與家怡分別獲電視台邀請跟媽咪一齊參與真人騷,家怡擔心媽咪辛苦而婉拒邀請,宗堯在旁笑說:「可以乘機畀媽咪知道你搵錢幾辛苦。」原來近日有廣告商邀請家怡跟媽咪接拍廣告,周媽媽得知後非常雀躍,但家怡指仍在考慮階段,要清楚廣告性質,不過自己都想跟媽咪一齊拍廣告。採訪、攝影:馬建華





來源: http://hk.apple.nextmedia.com/entertainment/art/20160318/19534074
王宗 宗堯 自封 Smiling 機師
PermaLink: https://articles.zkiz.com/?id=298394

有磨擦各自要求「冷靜吓」王宗堯黎紀君情變

1 : GS(14)@2016-05-08 01:44:06

■王宗堯和Christy拍拖8個月,曾經糖黐豆,今年3月還被拍到攬實行街。資料圖片


王宗堯去年10月在Instagram洩蜜,被踢爆跟模特兒黎紀君(Christy)把臂同遊日本,之後發展一日千里,想不到拍拖8個月之後,王宗堯在本月1日於Ig留下疑似分手留言:「不想成為對方的負擔……對不起……愛,相信……還沒死」傳二人情變,惟遭男主角否認。



■Christy前晚指壓力好大,與王宗堯處於冷靜期。

■王宗堯(右)最近忙於開戲做導演,沒時間處理感情。互聯網圖片



指男友情緒化

前晚Christy在圓方出席電影《小花的味噌湯》愛心特別場時,被追問到與王宗堯發生何事,她說:「佢應該係唔得閒,呢排我哋好少見,我忙我嘅嘢,佢忙導演,大家冇時間相處,交畀男方交代,我要時間處理,畀少少空間我哋。」Christy指二人處於冷靜期:「大家壓力好大,生活上價值觀唔同咗。」
Christy未有否認跟王宗堯曾鬧交,被問到是否分手?她說:「呢段時間大家好忙,想畀私人空間大家,佢好care我,當然如果佢喺我身邊嘅時候,都一路會keep住check住我,但係冇管住我,我哋之間冇第三者。」提到王宗堯在Ig傷心留言,Christy說:「佢比較情緒化,我唔想特別同佢講啲乜嘢,我都係今朝考完試,佢透過第三者知道。」但Christy持正面態度,二人仍有轉機。



「我開戲佢考試」

本報致電王宗堯求證鬧分手一事,他說:「大家都忙,我又開戲,佢又考試,壓力爆煲,又要做佢artist嘅工作,又好多活動要去,變相大家少時間見,大家見到有少少磨擦,希望呢段時間大家冷靜吓先,唔想大家有好大壓力、心情唔好嘅時間令到對方受傷害,希望搵番少少空間畀對方同自己。」採訪:卓寶花攝影:陳慧安





來源: http://hk.apple.nextmedia.com/entertainment/art/20160506/19599490
磨擦 各自 要求 冷靜 王宗 宗堯 堯黎 黎紀 紀君 情變
PermaLink: https://articles.zkiz.com/?id=299741

王宗堯憔悴認分手

1 : GS(14)@2016-05-08 02:56:17

■王宗堯昨晚出席音樂劇略見憔悴。


剛傳出和模特兒女友黎紀君(Christy)分手的王宗堯,昨晚出席音樂劇時身形比之前略為清減,他承認現階段和女友處於冷靜期:「暫時分開吓!咁的確唔係拍拖嘅狀況,我亦知道佢壓力好大嘅,我哋有時講嘢對唔到嘴形,佢又會關心唔到我,有時同佢公司想法唔同。」王宗堯否認是女友公司給壓力導致二人分手。對於Christy早前指他check得自己太密,王宗堯表示:「其實我係一個好八卦嘅人,可能當初大家都誤會咗我,『斷人衣食』亦都係過度關心,keep住check佢都係update對方做緊乜。」他透露近日雙方沒有見面,只間中互傳短訊,更指現時二人維持這個關係最舒服,他說:「希望而家保持住朋友關係啦,我唔想變做敵人,逼得太近捉得太實就唔係咁好。」採訪:卓寶花攝影:陳慧安





來源: http://hk.apple.nextmedia.com/entertainment/art/20160507/19601248
王宗 宗堯 憔悴 分手
PermaLink: https://articles.zkiz.com/?id=299982

碧兒戰宗堯 怕穿崩飛Bra

1 : GS(14)@2016-05-21 17:49:43

■廖碧兒昨日指拍《瑪嘉烈》時因着得少打底,故「見到好多肉」。





來源: http://hk.apple.nextmedia.com/entertainment/art/20160519/19617623
碧兒 戰宗 宗堯 怕穿 穿崩 崩飛 Bra
PermaLink: https://articles.zkiz.com/?id=300735

Christy爆宗堯愛下廚

1 : GS(14)@2016-05-21 17:49:44

肥媽Maria Cordero、羅敏莊、梁梓禧(Roland)和黎紀君(Christy)昨日應邀到鰂魚涌一家廚藝學校《煮飯仔》主持開幕禮,早前與王宗堯分手的Christy說:「拍拖時佢(王宗堯)下廚多過我,因為我未熟廚藝。」兩人雖然分手,但她仍支持舊愛。另外,羅敏莊和Roland拍攝烹飪節目網上播放,Roland說:「電視已死,唔係唔拍網上節目嘛?」羅敏莊和議說:「今次幫朋友手,網上片多人點擊,只拍電視唔夠主流,我哋已經拍咗節目,只係等睇吓有冇老闆贊助。」肥媽從峨嵋山靜修回港,她說:「參加靜修生活,下一站會去少林寺,希望可以同家人一齊去。」採訪、攝影:卓寶花





來源: http://hk.apple.nextmedia.com/entertainment/art/20160519/19617639
Christy 爆宗 宗堯 堯愛 下廚
PermaLink: https://articles.zkiz.com/?id=300738

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019