| ||||||
| 銀 行界有明星級人物退休，成為午飯話題。第一位宣佈退休嘅係東亞賓架彭，四月一號起就唔再係執行董事兼副行政總裁，但聽講仍然會留在銀行工作，大概係高級顧 問之類，輔助三位李先生，佢自中大畢業後（一九七三）就加入東亞，從見習生做起，可謂從一而終，對東亞忠心耿耿。 跟住就係恒生行政總裁賓架柯，佢又係從一 而終嘅，一九七二年於港大畢業就加入滙豐，從不見異思遷，對滙豐恒生集團有好大貢獻。滙豐、東亞都緊守六十歲退休之傳統，雖然賓架柯、賓架彭兩人精神暢 旺，體力甚佳，仍然不得不退下火線，柯大班以後會做甚麼工作，見到佢時，一定問吓。第三位自不然係監管銀行大班嘅大班，即係任總裁，任總裁屬豬，今年九月 滿六十二歲咯，點解唔係六十歲退休呢？ 因為曾俊華司長在二○○七年批准任總延期兩年，而任總話：「我接受」吖嘛。早知道有金融海嘯與國際事件衍生之雷曼迷 你債風波，任總在○七年九月退休，適值空前繁榮之時，你話在高峯引退，幾咁威風呢。想不到正因為要做多兩年，搞到退休前要上立法會為雷曼風波解畫，俾議員 責難，最慘就係俾詹培忠指口篤鼻，形同侮辱，真係痛心疾首o架。 唔怪得古人話做人最緊要係「知所進退」，不可強求，三位金融界明星同年退休，另外滙豐鄭海 泉亦已年過六十，只因升咗上滙控董事局兼碰上金融海嘯，先至繼續鎮守亞太區，過多一兩年，佢與王冬勝都要退下來，不知有何人替補。至於任總裁替補人選，大 熱門當然係特首辦主任陳德霖。做金管局總裁，一不能要外國人、二要北京接受、三要特首與財政司司長點頭、四要在銀行金融界有standing（地位與聲 望）、五要在國際中央銀行界有人脈關係、六要技術上熟悉本港金融制度，真係咁易搵人咩。 一些天真議員話要環球招聘，你估做騷咩，無謂浪費時間與人力物力 嘞。你話美國、英國、日本會唔會搵一位外國人做央行總裁吖？奧巴馬會唔會搵一位共和黨人兼佛利民信徒代替伯南克吖，若有議員提出環球招聘金管局總裁，會係 十分childish，頭腦仲未成年，或者係故意整蠱曾蔭權，間接害埋香港。 | ||||||
2010-11-28 AD
|
||||||
|
上星期在馬會廂 房，遇到一位退休已久，年青人可能已經唔識嘅一位大銀行家，就係前滙豐主席蒲偉士爵士。爵士應該有七十幾歲了，精神仍然十分飽滿，面色紅潤，只係行動有少 許不便，左手持拐杖，大抵年老長者嘅膝頭哥勞損已久，係會有啲退化嘅。蒲偉士係最後一位香港滙豐大班出任馬會主席，在任時不只處理得滙豐妥妥貼貼，派高息 派紅股，聽講仲會每個星期有一日去馬會打理會務，為馬會盡心盡力，以當年滙豐大班係行政局必然成員嘅地位，蒲偉士一身兼三要職，馬會自然扯晒順風旗，與今 日不可同日而語。 蒲爵士來港入馬場，相信係為咗睇大賽，故此親自走出看台睇埋火箭人/同一世界兩隻馬鬥到難分難解，成為平頭冠軍之後，先至 與主人家告別而去；佢又幾專注賽馬噃，有幾場仲特登一個人行出去投注廳，睇實電視嘅沙圈動態o忝。左丁山對呢位大賓架久有仰慕之情，但驚住騷擾佢老人家睇 馬，唔敢行埋去握手。有蒲偉士爵士在場，佢嘅昔日愛將鄭海泉與梁高美懿同時出現，應該不是巧合。 點解話蒲偉士係一位Great Banker呢？唔係隨口講o架，佢接沈弼之任後，將滙豐逐步轉型為環球銀行，遷冊往倫敦，仲得到中國領導人默許o忝，呢份功力非比尋常，有辦俾我地睇， 同係英資嘅怡和集團遷冊，就搞到滿城風雨，在本港嘅影響力大減，本係香港大業主嘅置地亦變成一間中環收租公司，成個集團將港燈賣咗俾和黃，將香港電話賣咗 俾大東，將山頂及半山地皮賣咗俾新鴻基地產，諗吓都戥怡和啲股東肉痛。相比之下，蒲偉士領導滙豐順滑地遷冊，由一間亞洲地區銀行變成世界級銀行，而且在香 港影響力一樣咁大，點到你唔服？至於佢嘅繼任人龐約翰收購美國Household，令滙豐蒙受巨大損失，那是後人之事了。
講起馬會，近日得悉國際多媒體出版社Key Media主辦嘅「香港人力資源獎2010」頒咗一個「最佳僱主品牌獎」與「最佳人力資源團隊獎」俾香港馬會，浸會大學羅容芳博士認為馬會得到最佳僱主獎，實至名歸，可為其他公司榜樣！ |
||||||