ZKIZ Archives


丁蟹效應VS新俠效應(大奇跡日)

來源: http://hkcitizensmedia.com/2015/04/19/%E4%B8%81%E8%9F%B9%E6%95%88%E6%87%89vs%E6%96%B0%E4%BF%A0%E6%95%88%E6%87%89%E5%A4%A7%E5%A5%87%E8%B7%A1%E6%97%A5/

丁蟹效應VS新俠效應(大奇跡日)

最近忙到不得了……繼上次大大標題寫住《大時代、世紀之戰》,唔知係唔係「全民媒體」太受歡迎,連無線同亞視都見到在下篇文,過左幾日,竟然一齊話重播,跟手個市就開始跌,當真有丁蟹效應?

有無唔重要,但新俠效應,即係大奇跡日,就出現過好幾次!

筆者執筆之時,是418日星期六,ADR 26971 -682.22點!如果假設星期一開市上午低開,之後出現跌幅超過1000……?!

話說在下111日首個講座,就說大奇跡日的形成,牛三淡倉絕對不宜!

2007817日,恆生指數上午一路暴瀉,下午累積跌幅過1,200點,最低見19,363點,但就在收市前,傳政府推救市措施港股直通車,同時間出現大量「神奇買盤」,大奇跡日式大幅反彈過1,000點,最後收市報20,387點,285點,重回二萬點以上水平。

2008918日,恆生指數於上午一樣是跌超過1,300,低見16,283點,同樣下午恆指卻多國央行及香港金融管理局向市場註入資金,再次出現「神奇買盤」,大幅反彈1500點,一度倒升200點水平,最後收市報17,632點,輕微跌4點收市。

2008930日,恆生指數一開盤便由17880一直急跌近1000點,跌至16898點。香港政府又再次出手,當然一連串的「神奇買盤」是劇情同物理學上的必需,指數即時回升,反彈過千點,收盤是更有135.53的升幅!

雖說某大師唔怕丁蟹效應,大大隻字重CALL過週末,如今ADR又出現跌勢,更配合了在下《股壇練兵訣》的轉勢日…….大奇跡日,還需兩件事配合,跌過千點,第二件事政府的支持措施,下一次會否反傳統,靠的是中國大媽創造「大奇跡日」?

「累積財富需花一生心血,但破產只需於一瞬之間。」

歡迎任何人仕加入「F-方新俠」的FANPAGE,乘坐致富列車「F-方新俠」

https://www.facebook.com/Fsh.club?fref=ts

方新俠

PermaLink: https://articles.zkiz.com/?id=141690

莊家搵食Whatsapp團 方新俠

來源: http://hkcitizensmedia.com/2015/06/05/%E8%8E%8A%E5%AE%B6%E6%90%B5%E9%A3%9Fwhatsapp%E5%9C%98/

首先要同全民媒體的讀者,講聲唔好意思,太耐無寫文,過左成個幾月先再寫,一來忙,但主要原因與同屬全媒作者的老孤貍一樣。股市太旺、通街都「股神」,人人有內幕、個個俾NUMBER,好多股明明個價已經爆到好明顯係要搵人接貨之階段,突然又有人,好突然咁唱好該類股票,這時代老千蕓蕓,莊家搵食,唯有獨善其身,做自己,我行我素。

最近某圈子的女神級群眾不約而同地搵在下求救,事源是仿間流傳了無數Whatsapp, WeChat群組,內裡都是一群無知的羊群,不求知識、但求Number、而且陣容頂盛,一group都有兩三百隻羊,等做小肥羊,被劏。幾個大型GROUP,在下一看之下供number的頭目又係個幾位……幾個group同屬一系,股票號碼也是源出一脈,真的是巧合?真係火……都黎埋,係時侯引用一下《家有喜事》,君如姐對的士陳的一句金句:「又係你啊,陳生!」

講到咁上下,點到即止,完。

過去幾年,成交低迷,氣氛平平、市場無咩東風可借,無咩人講股票,投資風氣係隻揪隻,單打獨鬥,每星期明顯升幅的爆股不多,咁就高下立見,高手過招,現在投資氣份熱烈變成群體活動,隻揪變圍毆,分出高下的地方就是倍爆的倍升升幅!

過去兩個月見有些行家到處收風,收到連在下的風都要打探一二,試問在下只屬一個普普通通、無大機構、無金主、無莊家的支持,只係普普通通、樂善好施、正常不過、滿頭白髮、低調投資者,邊有風俾人收……

咁又變成向在下,風繼續吹,放風話咩咩號碼、點點點、在下係首本著作《股壇練兵》寫得清清楚楚,在下的要經過連串分析先會買入股票,人地俾得在下的號碼,十居其九都係陰謀(直覺上)。

在下足不出戶,隱居世外,展轉啲風卻又吹番落在下度……就係上星期,只係工作見過幾次面,數位全職model的女神,話說要同在下食個晚飯,咁在下例牌都係唔出席,因為成件事係無任何人生意義何言。(一般黎講,都係「雞同鴨講、(溝)通唔到」,在下無話人做雞,亦當然唔係講緊自已係做鴨,只係一句成語,更加無話溝人,咁低俗。只係根據客觀分析連同數字統計,一個人類,好地地有好野,係唔會諗起你,同益你,咁係正常人類行為,加上在下一向業務繁忙、與世無爭、連電話都放係助手度,普普通通無咩特別事都唔會有人打擾,應該係得我搵人、人地搵唔到我,先係比較正確的說法。)

但今次因為推得太多次,始終都要出一出,地點當然只係普通一間頂樓的五星級酒店意大利餐廳……(因為夠近在下的居所),在下非常準時,只係遲足一個鍾先到步,果然即時時間調整得巖巖好,你老闆,好在在下係「估」神,住左香港半年,都估到香港的靚女9成9都係要「扮」遲到,這種獨特文化真係道地。

一坐底,連想叫杯紅酒既時間都未俾我,一行幾人齊齊隊部手機出黎,「依隻買唔買得啊?依隻睇幾多??依隻係朋友俾我,話會升幾倍???」在下睇股票多過佢地食飯,在下一眼望落去,依幾個號碼係老郭搞的,依類股老周搞開,依幾隻傳媒吹得太勁,隻隻股都唔多掂水。

望下望下,你老闆,依幾隻股在下早一個月先講完,至今已經升左幾倍,早幾日先「食八成」止賺離場,邊個仲叫你地入,明益實。

千叮萬囑,千其唔好入!只要信、不要問!

跟住佢班入身未深,不知股壇兇險的美人們,依度又話阿邊個邊個俾,佢地好勁好勁……號碼與股神之傳言,滿天飛。

根據在下觀察,這類被有心人利用的極品水魚級數的全職接貨模特兒有以下特徵:

1)     除左個number,間公司名都唔記得(或者根本無記過)

2)     儲埋唔少錢、但唔識投資

3)     朋友話有內幕、或某勁人推介

4)     人買佢買

5)     投資組合混亂

6)     次次賺少少、一輸輸獲金

7)     成日問number,買到成手都係貨

8)     日日起身睇股票、時刻緊張、以為睇住就無事

9)     分析方法係同人傾計、周圍收風

食左塊牛扒、因為在下略有名氣的關係,紅酒半價,在下免費做左一晚投資顧問,十足十平時開talk一樣,唯一分別係,仲要埋單,都話成件事係無任何人生意義何言,當然成件事點都一定有下文……

個下文就係,當日其中一隻叫佢地千其唔好入的股,就是數字王國00547.HK,當時股價約$2.7-3水平,現價低與$0.9,三日跌近7成!在下與一眾fans早兩個月入貨當然賺到唔少牛扒錢,兩個月後另一批人入貨,從人類的派別,入貨與出貨的分別,都睇得出莊家派貨的市況,時機錯過,結果大不一樣!

至餘個幾位model最後有無入貨?

因為在下無抄牌的嗜好,所以這點難以為讀者跟進。

F-方新俠

如大家有興趣,歡迎大家加F-方新俠的FANPAGE交流下啦

https://www.facebook.com/Fsh.club?fref=ts

 

PermaLink: https://articles.zkiz.com/?id=150036

Next Page

ZKIZ Archives @ 2019