搞網購被投訴呃Fans錢翠翠嬲爆：我阻住佢做生意
1 :
GS(14)@2017-05-07 15:26:26■翠翠不時在網上推介自己使用的護膚品。互聯網圖片
上月誕下囝囝的葉翠翠不時在社交網分享扮靚心得，最近更轉做KOL搞網購，上月開帖表示聯絡了廠商，可幫fans以折扣價訂購3款護膚神器，本報收到讀者投訴，質疑翠翠欺騙fans的金錢：「葉翠翠幫fans訂貨話冇賺錢，實在太過份，她說的產品大約800元至1,000元，而且不會收任何費用，會免費寄給fans們，包括運費，哪有可能她可以完全免費為fans服務？如果每樣產品，她可以賺到100元至200元，已經賺到笑！」
■除了介紹護膚品，翠翠早前分享BB欄杆的用後感。互聯網圖片
■翠翠在fb搞網購，經常幫粉絲攞優惠。互聯網圖片
有人刻意扭曲
日前本報向翠翠了解，她表示：「我諗佢係嬲我冇幫佢買，因為嗰件產品真係好受歡迎，自己要照顧囝囝小王子，我冇時間覆到咁多人，又或者係可能我阻住佢做生意，因為我個page成日幫fans攞優惠，可能咁啱係開正佢個範疇。其實都好奇怪，件事又未發生，錢又未收，但又會有人咁樣做，相信佢應該係別有動機。」翠翠覺得有幾點要澄清：「我介紹好好用嘅黑眼圈護膚品，叫fans自己上網買，點知100個買完100個都話買唔啱，產品原來變壞咗冇效，有網店仲用我名義介紹，但其實我根本冇用過，所以自己搵廠商，但廠商話已經冇賣，就算?家好多人話我賺一、二百，好似知道係呢隻，根本其實佢唔知，因為廠商兩年前已經冇賣，同埋我一早講咗連運費，所以啲人刻意扭曲，呢個真係冇辦法。」
■上月產子的翠翠已和無綫結束賓主關係，之後她便轉做KOL。資料圖片
■生了小朋友的翠翠，仍繼續養貓。互聯網圖片
公眾人物要忍
餘怒未消的翠翠，昨凌晨到早上接連在社交網反擊：「這世界甚麼人都有，只要做好自己就可以了。請大家放心，我不會因一個怪人而影響咗」、「在娛樂圈咁耐，每次只係有人講冇我講，做公眾人物第一件事要學的就是忍！我都係一個普通人，都有父母，都有感受，都只係一個普通媽媽，同你一樣，買嘢想有優惠。」不少fans都留言撐她。採訪：小米
來源:
http://hk.apple.nextmedia.com/entertainment/art/20170507/20013116
【馮仁昭四圍超】洗米華攬松岡 Mandy嬲爆
1 :
GS(14)@2017-06-10 13:09:26■松岡李那都係坐私人飛機參加安以軒婚禮。互聯網圖片
周焯華（洗米華）日前喺夏威夷參加台灣女星安以軒嫁澳門德晉集團百億CEO陳榮煉婚宴，但冇老婆陳慧玲（洗米嫂）或紅顏知己Mandy Lieu相伴。洗米華投入玩到零警戒，疑似飲醉嘅佢，喺舞池忘形起舞，係咁扭動身軀，仲同花紋熱褲日本妹攬腰跳舞，動作火辣。
■洗米華喺婚宴上攬日本妹火辣共舞，被爆新女係林德信舊愛松岡李那。資料圖片
■Mandy Lieu曾經同林德信傳緋聞。資料圖片
急刪相片避嫌
新女立即被起底，竟然係33B日模松岡李那，據知洗米華一直對松岡有好感，佢哋識咗一段時間，但當時女方同林德信拍拖，最近甩拖就喺夏威夷撞番單拖去飲嘅洗米華，跟住就出現咗洗米華熱情攬住松岡共舞。狂舞片段流出後，松岡急刪喺Instagram中限時動態貼出去安以軒婚禮嘅post避嫌，有指冇份去嘅Mandy就嬲嬲豬。松岡原來都係孖友人坐私人飛機去觀禮，但唔係同洗米華同機，松岡經理人王友良噚日回覆話暫時未聯絡到佢。其實Mandy、松岡同林德信之間早存三角關係，有傳13年松岡同林德信發展地下情，林德信又俾人影到同Mandy喺蘭桂坊約會，Mandy事後解畫話當日活動後飲嘢，不過松岡就話：「我邊有資格唔畀佢同女仔約會喎！」撰文：馮仁昭
來源:
http://hk.apple.nextmedia.com/entertainment/art/20170608/20047911
香港廿年 衰過以前7.1六萬人嬲爆上街
1 :
GS(14)@2017-07-02 14:17:33■有遊行團體昨高舉標語，批評香港回歸20年來不斷倒退。易仰民攝
【本報訊】回歸20年，有人說淪陷，但人心未死。昨日是香港連續第20年7.1舉辦遊行，超過6萬人上街，頂着烈日高呼「釋放劉曉波」；抵擋風雨叫喊「梁振英坐監」。有回流港人慨嘆回歸後的香港，由金融、廉潔到法治，倒退不斷，「我屋企變得太緊要」；也有1997年7月出生的女生，對未來感悲哀，但20年來團結上街的香港人，仍叫她最動容，「香港人加油，我哋俾人打壓，就要努力抗爭到底」。記者：王家文
維園6個足球場因被香港各界慶典委員會「優先」租用舉辦科技展慶回歸，民陣今年7.1遊行要改於維園中央草坪集合，但也無阻市民進場。回流港人Vincent頂着烈日當空出席，「香港變得太緊要」。他說無論是新聞自由，「好多媒體變咗」，或是立法會議員，「以前係好top嘅人、係權威，?家就一堆垃圾，唔講人話，擘大眼講大話」。昨日是他第3次上街，就是想告訴共產黨，「我屋企變得太緊要，接受唔到」。
■逾6萬人昨無懼烈日風雨上街，表達爭取民主等訴求。李家皓攝
■有市民在雨傘掛上標語，諷刺梁振英UGL案破壞法治。夏家朗攝
遊行人士痛哭：冇嘢值得慶祝
遊行隊伍在一場陣雨洗禮後，昨午3時許由維園出發，前銅鑼灣書店店長林榮基在起步前發言，自言是一國兩制被破壞的受害者，回歸20年，大陸粗暴干預香港，政治環境面目全非，普選未落實，特首卻由大陸操縱，民生更每下愈況。他高呼一人一票、釋放台灣李明哲、內地劉曉波及異見人士，獲在場人士高聲附和。遊行隊伍由民陣成員、林榮基和立法會議員帶頭，手持寫上「一國兩制呃足廿年，民主自治重奪香港」的巨型橫額，大批市民沿途加入，橫額旗幟滿佈，「哀哭二十年」、「反貪腐，捉CY」，有人高舉習近平頭像、「打倒共產黨」。有親中團體以粗言辱罵，遊行人士則頻呼「我係香港人」，響徹銅鑼灣。跟回歸同年同月出生的Hannah將迎接20歲生辰，卻為香港未來感悲哀，「睇住香港一路變差，明明以前有一國兩制，但香港越嚟越似大陸，一路都有白色恐怖」。回歸20年，她最心痛是港府被中央控制，「好多民主自由被剝削」。昨午下了多場陣雨，遊行人士堅持舉傘向前走，為了劉曉波，風雨無懼。「釋放劉曉波」，市民鍾小姐有份吶喊，「佢已經走到生命盡頭，如果可以去美國接受治療，喺人生最後時間，真正呼吸到自由空氣，係好多香港人嘅願望」。越說越傷心，她也忍不住流着淚說，「7.1我覺得冇嘢值得慶祝，20年，只係睇到香港一路走向深淵」。
李柱銘：走民主路非一次成功
「法辦梁振英」是今年7.1遊行主題之一，追究其涉收取UGL5,000萬元的醜聞。退休人士林女士以汗水和呼叫聲表達不滿，期望各政黨能夠團結，透過立法會等渠道施壓，「絕不可以讓UGL事件不明不白」。民主路上，有許多新知舊雨，過去20年都參與7.1遊行的張先生，年屆60歲，昨帶同16歲兒子上街，他說不會放棄，「如果我哋都死埋心，種子就唔會長大」。他指回歸20年來，中港兩地分野越趨模糊，港人變得跟大陸人一樣，只重視利益而輕視責任，認為是政府及教育的意識形態造成。遊行隊伍昨傍晚陸續抵達政總。民主黨創黨主席李柱銘站台發言，指今年7.1遊行時晴時雨，別具意義，如民主路不是走一次就能成功，「繼續行落去就唔會失敗」。李又指，今年人數雖少，但更要走出來，「民主之火只要喺心中燃點起嚟，強權唔會將佢熄滅，讓民主之火燃燒下去」。民陣宣佈昨有超過6萬人參與遊行，少過去年的11萬人，警方表示高峯時有1.45萬人，是逾10年來新低，港大民意研究計劃則點算約有2.7至3.5萬人。民陣召集人區諾軒承認人數較往年少，但仍感滿意，因今年7.1面對巨大風險，支聯會及社民連等多個抗爭組織相繼遭黑社會阻撓，成員甚至被警方毆打，但仍有逾6萬人上街，反映港人走出雨傘運動帶來的失望，「更加有勇氣走出嚟」。有參與遊行的中文大學政治與行政學系副教授馬嶽表示，近日連串事件如黃之鋒被肆意扣押、吳文遠被打，顯示警方嚴重濫權，令市民憤怒，感到人身安全、集會自由失去保障。政府發言人稱，明白市民對民主的訴求，但考慮到政制發展極富爭議性，需審時度勢，本屆政府會努力營造社會氛圍推動這項工作。
97年主權移交至今，香港前進還是倒退？「蘋果」與你細數廿載風雨。【回歸二十年】專頁：
http://hksar20.appledaily.com.hk
來源:
http://hk.apple.nextmedia.com/news/art/20170702/20076084
嬲爆被偷拍著泳衣舉高腳盧淑儀晒胸還擊
1 :
GS(14)@2017-07-29 03:23:53李克勤早前同屋企人去完新加坡，喺新加坡一家人游水嘅時候被影到，李克勤返到香港出席活動嘅時候就講過話：「我老婆嬲咗三日，因為張相舉高腳。」昨日克勤老婆盧淑儀就喺社交網站IG貼泳裝相，實行主動出擊，並寫道：「成日比人放些舊泳衣相出來，不如自己放啦」，似乎就因為之前被影得唔夠靚，索性自己影自己貼，仲寫上「#husbandandwife#lovelytrip#love#suntan#happyforever」，貼相反擊之餘仲不忘晒恩愛，夠晒sweet。其實克勤老婆盧淑儀IG比較多嘅都係自拍同日常生活照，而最多嘅就係聚會同埋做運動嘅相，今次貼泳衣相都係第一次。
來源:
http://hk.apple.nextmedia.com/entertainment/art/20170727/20103220
Next Page