河國榮回應被代言「我都覺唔妥」
1 :
GS(14)@2016-03-31 14:49:02■河國榮在拍攝當日已察覺不妥。資料圖片
「真．香港人」河國榮前晚在fb公開留言表示有人以《蘋果日報》名義邀約他做訪問，結果刊登後變成廣告，無端端被代言一間曲奇專門店，所以他立即澄清自己並非代言，留言一出，隨即在網絡瘋傳。河國榮昨日接受本報電話訪問，對於本報發出聲明，印刷分類廣告部涉事員工昨日即時解僱，河國榮說：「我當然唔希望會去炒人，始終經濟都好差，份工都好重要，但係好多嘢我哋都唔知，所以冇得去評語。我寫呢件事係因為啲人以為我係代言人，我只係想澄清，嗰日我都覺得有啲唔妥，問咗幾次都話係訪問而唔係廣告，我冇諗過、亦都冇要求《蘋果》去做任何嘢。」《蘋果日報》社長葉一堅表示，《蘋果》會將合理的工作酬勞給予河國榮，不過河國榮說：「我不要了。」對於事件經過，河國榮表示：「其實係我自己儍先，第一唔係《蘋果》直接去搵我，而係一個中間人話《蘋果》有人想搵我，佢仲話係我一個朋友嘅同事。」他說拍攝當日已經覺得有點問題，經常要他手執產品兼擺出各式各樣誇張的甫士，他說：「拍完之後我都有問返《蘋果日報》同《飲食男女》，佢哋都話冇同事負責呢單採訪，我亦都有再問返中間人，佢都話係《蘋果》嘅訪問，直到噚晚有朋友喺佢哋舖頭見到張海報，先知發生乜嘢事。」河國榮表示他在自己fb留言，like人數比預期破了紀錄，心情難以形容。採訪：唐琛悠
來源:
http://hk.apple.nextmedia.com/entertainment/art/20160331/19550924