ZKIZ Archives


愛到抑鬱 多次自殺JJ嫁樊少皇畀埋首期

1 : GS(14)@2015-11-23 08:30:00

■JJ上周被爆已和樊少皇在上月2日入紙排期註冊。


待嫁新娘賈曉晨(JJ)上周被爆與拍拖3年的「力王」男友樊少皇入紙註冊結婚,兩人經歷過無數次分手,又復合,終於修成正果。JJ昨日在九龍塘一間婚紗店受訪,自爆樊少皇與前女友陳少霞因一夜情而生小朋友,對外間指指點點,JJ仍處處維護:「其實佢係一個好單純同有責任感嘅男人,起碼冇叫人唔要個小朋友,大家都係成年人,要錯雙方都有錯,只係中間處理得唔好。」


■JJ覺得樊少皇是潛力股,相信未來生活會越來越好。資料圖片

停藥等生B

JJ與樊少皇拍拖期間,經常被人指罵是小三,又逼使陳少霞斷水斷糧,JJ自爆屈到患抑鬱症,她說:「我哋嗌過無數次分手,但本身感情冇問題,後來經歷太多嘢,我有嘗試過自殺……好多次,試過食藥,最嚴重一次係喺朋友圈寫住『再見嘞大家,幫我照顧我爸爸媽媽』,嚇到班朋友衝晒埋嚟救我,當時我諗住跳樓。」年半前JJ開始尋求精神科醫生協助,現在情況已經好轉,JJ笑笑口說:「食咗一年精神科藥,我發現好好,食完遇到乜唔開心,笑吓就過咗去。而家停咗藥半年,調理好身體準備生BB,再遇唔開心,就諗番食咗藥嘅感覺,等自己唔好鑽牛角尖。」
JJ已決定下嫁樊少皇,但樊少皇還要給予陳少霞贍養費,經濟有一定壓力,所以JJ從來沒想過可以「印印腳」做少奶奶,相反還付首期讓樊少皇置業。JJ解釋:「我識佢時,佢係一個冇車、冇樓,乜都冇嘅男人,佢以前係會將所有賺到嘅錢畀晒別人,我就話佢老咗都要有個地方住,唔通瞓天橋底?佢先開始諗儲錢買樓嗰樣嘢。之前睇中一層樓,但佢畀唔到首期,我就將自己第一層樓,因為賺到錢賣咗,畀佢用嚟做首期。但我唔係白畀㗎,我都要佢賺錢還畀我,我唔使佢養都唔可以蝕底畀佢,做埋佢債主,哈哈。」


■JJ不介意付首期,助未婚夫樊少皇買樓。

睇好未婚夫

34歲的JJ在香港和家鄉濟南均有物業,問會否介意女尊男卑?JJ說:「我暫時好似多過佢,但佢(潛力)空間大過我,佢喺內地知名度高過我好多,如果佢將來識得正確打理自己財產,應該會越嚟越好。」問到會否擺酒?JJ說:「冇諗過,因為我怕好攰同應酬,只想低調結婚。」採訪:嵐山攝影:陳志嵐晚裝:Wedding Place HK場地:法國婚紗攝影





來源: http://hk.apple.nextmedia.com/entertainment/art/20151120/19379892
愛到 抑鬱 多次 自殺 JJ 嫁樊 樊少 少皇 皇畀 畀埋 首期
PermaLink: https://articles.zkiz.com/?id=293870


ZKIZ Archives @ 2019