ZKIZ Archives


中環在線:王雷雷脫離契媽自立 李華華

2008-09-29  AppleDaily


周凱旋契仔、TOM在線前首席執行官兼董事王雷雷月初劈炮,為「實踐個人抱負,再創事業另一高峯」。當時,內地傳媒就流傳佢會過檔空中網,呢個傳言終於成真,王雷雷正式入主納斯達克上市、中國最大海外上市無線增值業務運營商。脫離契媽保護罩,自力更生。

入主空中網

據 空中網上周六公佈呢個人事任命,王雷雷下個月13號返工,接替同日離職嘅周雲帆。空中網係周雲帆離開搜狐後創立,主要針對手機用戶,開發流動網絡軟件,又 提供內容及應用服務。華華唔知周雲帆因乜唔再理自己檔生意,但報道話空中網睇中王雷雷喺TOM在線嘅營運經驗。除咗坐咗CEO個位,王雷雷仲透過私人公司 Right Advance Management,喺周雲帆手上買入1.835億股空中網股份,交易完成後,王雷雷合共持有空中網2.479億普通股,佔17.4%股權,係第一大股 東。
中環 在線 雷雷 脫離 契媽 自立 華華
PermaLink: https://articles.zkiz.com/?id=2407

中環在線:王雷雷脫離契媽袋836萬 李華華

2009-04-23  AppleDaily





 

超 人紅顏知己周凱旋契仔王雷雷,舊年離開TOM集團(2383),自立門戶。同TOM分手,會有幾多「分手費」呢?TOM集團新鮮出爐嘅08年報將呢個謎解 開,王雷雷舊年合共袋咗836萬銀,單係酌情花紅就有665.8萬銀,增幅6.6%。有咗呢筆「分手費」,出外闖都唔怕冇本錢。自從TOM在線私有化後, 不時傳出身為TOM在線前首席執行官兼董事嘅王雷雷辭職,到舊年佢決定脫離契媽保護網。喺TOM集團返咗8個月工,王雷雷08年底薪少咗兩成六,得 115.1萬銀,但酌情花紅多咗約40萬銀。雖則40萬銀唔算乜嘢大數目,但對要自立打天下,本錢多得一蚊得一蚊。

08年返工8個月 月薪14萬

其 實,王雷雷07年已經攞成兩千幾萬薪酬,單係底薪有成155.9萬銀,平均月薪12.99萬銀,至於08年雖然只係返咗8個月工,就有115.1萬銀,平 均月薪14.39萬銀,加咗超過一成。至於湯姐湯美娟早王雷雷一步,舊年3月辭咗首席執行官,又由執行董事改為非執董,到8月仲乜職位都辭晒。佢舊年做咗 短短3個月首席執行官兼執董,都咗369.5萬銀,當中花紅僅74.1萬銀,比07年嘅1075萬花紅,足足少成千萬,底薪就仲有252.2萬銀,算係 咁啦。

TOM新貴楊國猛得5萬花紅

接棒湯姐做首席執行官嘅楊國猛,舊年2月由首席營運官升做阿一,首年498萬銀,當中底薪458.2萬銀,花紅只得5萬,唔知係因為未有表現定親疏有別?李華華LiWaWa@AppleDaily.com

08年度TOM集團高層薪酬

楊 國猛 底薪: 458.2萬元酌情花紅:5.0萬元總薪酬*:498.0萬元變幅:不適用任職情況:08年3月出任首席執行官王雷雷 底薪: 115.1萬元酌情花紅:665.8萬元總薪酬*:836.0萬元變幅:-60%任職情況:08年9月辭任湯美娟 底薪: 252.2萬元酌情花紅:74.1萬元總薪酬*:369.5萬元變幅:-72%任職情況:08年8月辭任*包括執董袍金、底薪、花紅、退休福利計劃供款
 



中環 在線 雷雷 脫離 契媽 媽袋 836 華華
PermaLink: https://articles.zkiz.com/?id=7527

一聲「契媽」炒金蝕廿萬

2014-12-25   NM

 

警訊都有話:「騙徒嘅犯案手法,係層出不窮嘅!」但你我身邊,都仍然有不少人落疊。今次的個案,被欺騙的不單是金錢,還有感情。

任貨倉出納員的阿蓮,於四個月前,收到實德環球(487)旗下實德環球金業的經紀Cold Call。對方隨後每天致電,在聽筒的另一邊噓寒問暖、關懷備至,未見過面已主動叫她「契媽」。兩人第一次見,經紀即露出真面目,要求「契媽」開戶投資「黃金價格」。當正對方契仔、迷得瘟瘟沌沌的阿蓮,聽話拿出二十多萬血汗積蓄買金。兩個月間,蝕晒!

這類「倫敦金」騙局,由八十年代叫人填問卷、送禮;到如今進化以WhatsApp、WeChat賣personal touch。舊酒新瓶,結局一如以往:血本無歸。

外表如普通牛頭角師奶的阿蓮,今年五十多歲,在葵涌一間貨倉做出納員,一做竟然二十年。歌仔都有得唱:生活靜靜似是湖水;兒子早已長大成人,有自己的生活,雖同住但甚少交談,與丈夫的生活亦乏善足陳,簡直無話可說。她平日的工作,就是聽吓電話點吓貨。她說自己悶到要晚上走到茶餐廳做幾小時兼職。她說:「唉,返到屋企,咪又係對住部電視機!」

四個月前有一日,一個不知名的電話,打來她公司枱頭,為她平凡的生活,泛起了陣陣漣漪。對方是一名叫黃棟的實德環球金業經紀,「喂,你係咪陳小姐呀?」剛巧阿蓮姓陳,話匣子就這樣打開。阿蓮隱約記起兩年前,已接過這名經紀的電話,當時因工作而無暇詳談,今次再聽到這聲音,覺得雙方有點緣分,便聊起來,「佢每日打嚟,落雨問我有無帶傘,有無飲水,問我鍾意食乜,話買嚟俾我食。佢話自己二十五歲,同我個仔差唔多,我聽聽吓覺得佢把聲都似我個仔!」打蛇隨棍上,知道阿蓮愛錫兒子,但關係疏離,黃棟開始稱呼阿蓮為「契媽」。阿蓮說:「我話咁核突,但佢唔理又繼續叫。」記者翻睇兩人的微信對話,大部分都契媽前、契仔後,如「快的覆契仔啦」、「我瞓喇契媽」等。

夢中俾錢「契媽」旅行

一聲「契媽」之後,黃棟在這時候,開始露出接近阿蓮的目的,「佢同我講,之前買金賺咗好多錢,如果契媽俾錢佢投資,中秋節契媽就有錢去旅行啦!」阿蓮聽過不少有關倫敦金的騙案,但黃棟跟他強調,她投資的是「黃金價格」而不是倫敦金,而且能「輸粒糖、贏間廠」,「佢話金價跌兩蚊就同我止蝕,賺就唔會同我止賺。佢仲會每日清倉,可以隨時拎錢走。」加上黃棟指實德是上市公司,信譽有保證,阿蓮不虞有詐,便應黃棟邀請,去公司附近茶餐廳見面,這次是這對契媽契仔首次見面。「阿仔知道咗,仲叫未來親家打俾我,叫我唔好去,我打俾黃棟話唔去喇。」怎料黃棟向阿蓮撒嬌說:「我已經換晒靚衫喇契媽,你唔係叫我換番衫呀。我阿媽今日生日,我都寧願約你呀。」阿蓮唯有應約,過程中把與黃棟的對話錄音及拍照,當做買個安心,而黃棟並不反對。這次第一次見面,阿蓮就決定開設戶口,並投資七萬元,過了兩日黃棟一早就打電話給她,「契媽,我同你賺咗幾千蚊喇。」幾天後,一如所有的騙案,由於投資可升可跌,劇情逆轉。這天蝕掉萬多元,那天又蝕四萬多,契仔致電契媽安慰說:「我哋唔係蝕緊錢,我哋依家係捱緊價!」但由於戶口按金不足,故要求「契媽」補倉,「最初我唔肯,但佢好惡鬧我話:『你都唔明!都話唔係蝕錢,我自己都用咗六十萬去買,點會呃你,用多少少錢就可以贏番晒。』」「仔迷心竅」的阿蓮,覺得像被兒子點化,故再拿多三萬元出來,但最終一樣「輸晒」。

夢醒一日利息千元

這時阿蓮才細心翻閱手上的日結單,發現不少問題,「佢話同我即日清,但好多日都無清。」由於合約以美元結算,付港紙的阿蓮變相是向實德借美金交易,故每日都要付利息,一日幾百至一千蚊。阿蓮激動說:「如果我知要收息,你用棍打我一個月,我都唔會買!」而黃棟雖然講到明會每日清倉,但現實是部分合約過夜並未平倉,故又要補倉。經契仔又氹又鬧,她再拿出十萬,「佢話有咗呢筆錢,就可以走到好遠。」結果是,一、兩星期後,又輸掉。記者話阿蓮貪心,阿蓮無奈回應,「最初係,但無幾耐我知道蝕咁多,我寧願輸晒個十萬就算,但黃棟話你睇在契仔份上啦,我太信佢。有次我搵佢成朝都搵佢唔到,仲擔心佢出意外。」最終由於無錢再補倉,阿蓮堅決斬纜,取回萬多元,其餘十九萬元石沉大海,她說:「我當時無嬲佢,仲同佢講:『算喇,將來阿仔結婚,你都嚟飲啦。』」阿蓮一向有投資股票,但多數買銀行股、貪股價穩陣,她對投資黃金只一知半解,輸掉近廿萬,她拿着一疊疊日結單研究點解,她才終於發覺:「有幾次佢朝早打嚟,同我講今日睇升,但轉頭升咗少少就同我放,走去沽貨;明明有六張合約喺手,佢就同我講只買咗四張。佢仲話過跌兩蚊止蝕,都無做到,我叫佢每次買賣之前打電話俾我先決定,但佢打得幾次!」記者睇過日結單,每日交易頻繁,例如今年十月十日,即日買出買入的合約,總共已有十多份。阿蓮開始覺得不是投資失利,而是遭人騙財,她想找契仔投訴,但對方已無聽她電話,故她希望轉向實德追討。

實德無賴回應

記者上週五跟隨阿蓮,到實德位於上環永安中心的辦公室,想找黃棟對質。但黃的上司江先生指他已離職,阿蓮質問對方,她買的是倫敦金還是黃金價格,江先生說:「係買緊倫敦金,佢點同你講,唔關我事o架。你覺得有問題,你最初又唔cut咗個戶口?總之黃棟有同你交代乜嘢價買乜嘢貨,你自己都有日結單o架。你哋點溝通我唔知道,你同我講都無用。」江先生拿出一份阿蓮簽署、授權黃棟操作戶口的授權書,說:「你自己簽o架。」合約條款中,說明代理人可全權操作戶口,而實德無須為授理人任何行為或疏忽負責。至於明明睇升轉頭沽,另一位同事鄭先生回應說:「佢不時都要睇實,個市會轉o架。」他還帶點諷刺說:「係喎,佢知道市幾時升幾時跌,唔怪得辭職唔做啦!」他們提議阿蓮,「如果你覺得有問題,你最好去報警。」阿蓮已試過報警,但警方不受理,她為「報復」,影印了一疊寫着騙徒黃棟的照片,既貼在實德寫字樓的正門,又落樓下周街貼。阿蓮的家人已知悉事件,並怪責她易上當,令阿蓮很傷心。牽涉的實德環球金業,是上市公司實德環球旗下,由楊受成弟弟楊海成創辦。記者往上址觀察,出入的都是只有二十多歲的年輕男士,記者說想聯絡投訴部門,江先生說:「佢哋都係搵番我o架咋。」

由於此類經紀無須牌照亦不受證監監管,過去有關投資倫敦金的投訴,已屢見不鮮。但橋唔怕舊,最緊要受。由最初用問卷、送禮物,引人開戶口,到現在用WhatsApp、玩line漁翁撒網,大賣溫情,騙徒也懂得「與時並進」。有行內人說:「有經紀專登要你短時間內蝕多啲,令你想甩身都難。間中先替個客短炒賺少少,等你信佢。一有機會,又將贏咗嘅輸番落去。」事實上,經紀賺佣金以每張單計,單邊佣金兩點子,一買一賣賺逾三百元,愈開得多單、佣金便愈多。百利好金業(香港)研究部董事黃耀明說:「佢哋睇嘅係好短線嘅波幅,呢類黃金係無任可規管,經紀亦唔需要有牌照,買賣守則都係公司自己定。」既然政府無監管,唯有師奶自己提防,契媽千祈唔好咁易上當呀!

一聲 契媽 炒金 金蝕 蝕廿 廿萬
PermaLink: https://articles.zkiz.com/?id=125218

馮仁昭四圍超:佘詩曼做姚樂怡女契媽

1 : GS(14)@2016-01-15 18:56:33

微博圖片








姚樂怡喺上年冬至生咗囡囡Gaibe,一班好友經常去探佢兩母女,雖然湊B又要招呼朋友,不過樂怡都好開心囡囡有咁多人錫。噚日樂怡喺微博晒幸福,佘詩曼、文頌嫻、鍾麗淇、湯盈盈、周家蔚等一班好友一齊探佢,阿佘早前已經有8個契仔契女,佢忍唔住再認埋Gaibe做契女,見佢抱住契女嚟錫好開心,又幫手餵奶,連樂怡都話阿佘有潛質做媽咪。撰文:馮仁昭





來源: http://hk.apple.nextmedia.com/entertainment/art/20160114/19450405
馮仁 仁昭 四圍 佘詩曼 做姚 姚樂 樂怡 怡女 女契 契媽
PermaLink: https://articles.zkiz.com/?id=294282

星契媽:阿佘契上癮

1 : GS(14)@2016-01-22 16:17:52

李蘊好姊妹何超蓮及鄧紫棋已表明要做契媽。圈中情同姊妹如佘詩曼跟姚樂怡及周家蔚等,也會爭着上契,親上加親。



佘詩曼

剩女阿佘身邊不乏追求者外,好姊妹也不少。最近好姊妹姚樂怡弄瓦,她即與其女兒Gaibe上契,而她之前已契了另一姊妹周家蔚的兒子小JT做契仔。




梁靖琪

盈盈大前年誕下長女Alyssa,梁靖琪已急不及待收為契女,去年盈盈生二女,更抱住Alyssa到醫院探望。




楊采妮 許茹芸

梁詠琪去年榮升潮媽,好姊妹楊采妮及許茹芸即與其女兒Sofia上契。




沈卓盈

幸福人妻徐淑敏先後為黃浩誕下三名千金心瑤、心柔和沁誼,好友沈卓盈愛屋及烏,全部收做契女。




鄭希怡

鄭希怡去年生了超可愛囡囡「梁浸浸」,但她原來早就做了好友應采兒囝囝Jasper的契媽呢!




周筆暢

內地女星楊冪前年在港為劉愷威誕下女兒「小糯米」,當時周筆暢便專程來港探望契女。




王菲

育有兩女的王菲,母愛依然非常澎湃,連老友趙薇的女兒「小四月」也要上契收為契女。





來源: http://hk.apple.nextmedia.com/entertainment/art/20160122/19461880
星契 契媽 阿佘 佘契 上癮
PermaLink: https://articles.zkiz.com/?id=294795

栢芝軍團反擊向太契媽貼拉姑弄孫圖:忍無可忍

1 : GS(14)@2016-05-19 02:33:51

向太早前因為拍新片同昔日愛將張栢芝擘面,日前佢喺康城接受內地傳媒訪問時,講到栢芝禁止謝霆鋒雙親見Lucas同Quintus,向太引用霆鋒媽咪狄波拉所講,證明栢芝百般阻撓,令拉姑同四哥謝賢都見唔到兩個孫。嫲嫲拉姑接受電話訪問,就話謝家個個都好,前幾日自己先同孫仔過生日,又讚栢芝教得啲孫好,一對寶貝孫都好有禮貌、有家教。栢芝經理人Emily昨午亦喺微博貼出兩張拉姑同兩粒孫嘅合照反擊向太,一張見Lucas拎住一包零食好開心、另一張係拉姑陪Quintus一齊畫畫嘅相,留言:「真的是忍無可忍,常常說栢芝阻撓霆鋒及拉姑見兩個孩子,之前已經發過聲明這並非事實,不信聽聞只信事實。」而栢芝內地經理人就喺微博寫道:「淩晨下飛機看到很多媒體給我微信留言,多謝各位關心栢芝!不用擔心栢芝啦,栢芝的強大,我身為男生都佩服,再說豈是幾句謠言就能顛倒黑白?我記得兩天前小朋友才剛看望完奶奶,怎麼栢芝的用心,反而是阻撓呢?」此外,栢芝fans開嘅微博「最愛LucasTse」則力撐栢芝,質問向太係唔係確定講嘅都係真。





來源: http://hk.apple.nextmedia.com/entertainment/art/20160517/19614737
軍團 反擊 向太 太契 契媽 媽貼 貼拉 拉姑 弄孫 無可
PermaLink: https://articles.zkiz.com/?id=300378

超蓮G.E.M.姊妹歌紀念做契媽

1 : GS(14)@2016-05-21 13:13:35

■G.E.M.日前與超蓮探望待產的李蘊,三人手叠手(下圖)打氣。互聯網圖片


李蘊(Renee)升呢做人母,好姊妹鄧紫棋(G.E.M.)和何超蓮齊做契媽,G.E.M.更用三人名字作歌紀念,她昨在電話中說:「BB突然早咗三個禮拜,我同超蓮都好開心,不停咁oh my god!其實寫呢首歌真係隨心而發,噚晚超蓮喺我fb留言,問幾時可以寫首有佢哋名嘅歌,幾分鐘錄完send畀佢哋。前兩日我哋去醫院探Renee,嗰時已準備隨時生,我仲未見到契女,講唔到似邊個。」





至於超蓮昨則說:「其實我唔係第一次做契媽,我都有個契仔,由知佢有咗BB,到佢慢慢大肚,中間陪住佢,好似做咗人媽媽感覺。我有問阿媽,金碗金筷子上契冇咁快做,所以同G.E.M.諗住買條手鏈仔畀佢戴。」問到覺得BB似邊個?超蓮說:「我覺得BB似Renee,好靚,雙眼皮好深,鼻都好靚,覺得佢靚爆鏡。」採訪:皓騫、唐如



姊妹歌部份歌詞

我們像花「和草連」成的地平線風吹雨下都在彼此身邊手牽手看初夏漸入深秋看未熟的「梨醞」釀成酒





來源: http://hk.apple.nextmedia.com/entertainment/art/20160518/19615940
超蓮 G.E.M. 姊妹 紀念 做契 契媽
PermaLink: https://articles.zkiz.com/?id=300544

【馮仁昭四圍超】梁浸浸冧暈契媽阿嬌

1 : GS(14)@2016-07-12 03:19:39

阿嬌 互聯網圖片


鄭希怡(Yumiko)嘅得意囡囡梁子柔(梁浸浸)好多星級契媽,Twins嘅阿Sa同阿嬌都錫到契女燶。阿嬌噚日凌晨就擺咗條片上ig,梁浸浸行來行去,對住個鏡頭甜笑兼拍手仔萌到爆,Yumiko就叫佢整beautiful eyes,佢即眨眼放電say hi,阿嬌仲問佢鍾唔鍾意契媽,梁浸浸就點頭示意,被冧暈嘅阿嬌即啜佢面珠仔一啖。





來源: http://hk.apple.nextmedia.com/entertainment/art/20160711/19689303
馮仁 仁昭 四圍 浸浸 暈契 契媽 阿嬌
PermaLink: https://articles.zkiz.com/?id=303297

李蘊囡囡巧打耳契媽G.E.M.愛不惜手

1 : GS(14)@2016-11-20 23:52:07

G.E.M.(鄧紫棋)昨日去咗廣州工作,去到廣州當然要同嫁雞隨雞嘅好姊妹李蘊同契女小紫晞聚吓啦!G.E.M.還在微博貼出佢哋嘅合照:「在廣州工作,我乾女兒和她媽媽來酒店探望我!晞晞真的越來越可愛了,看到她就覺得世界很美好,還有她媽媽,我好愛你」,真係Sweet爆!




來源: http://hk.apple.nextmedia.com/entertainment/art/20161119/19838632
李蘊 囡囡 巧打 打耳 耳契 契媽 G.E.M. 不惜
PermaLink: https://articles.zkiz.com/?id=316275

哥哥契媽病逝唐唐送別

1 : GS(14)@2016-12-28 08:12:23

哥哥張國榮生前深得朋友愛錫,包括契媽張玉麟夫人譚愛蓮。原來她於10月30日在律敦治醫院病逝,享年82歲。其家人月前刊登訃文,通告親友張玉麟夫人於上月17日在香港殯儀館設靈,18日出殯,遺體移奉歌連臣角火葬場火化。



據知哥哥生前最愛的唐鶴德(唐唐)、林青霞、白雪仙、陳淑芬及蘇施黃等也有到靈堂鞠躬送別。契媽的丈夫張玉麟是富商張祝珊三子,擔任過多間公司會長和東華三院主席,直至1979年病逝。至於張玉麟夫人譚愛蓮亦熱心社會公益,先後於1968年和1986年被委任為太平紳士和獲MBE勳銜。記者昨日曾聯絡蘇施黃,但未有回覆。採訪:魯吉


哥哥張國榮

■哥哥契媽上月中設靈,唐唐曾到靈堂致祭。資料圖片



來源: http://hk.apple.nextmedia.com/entertainment/art/20161228/19878605
哥哥 契媽 病逝 唐唐 送別
PermaLink: https://articles.zkiz.com/?id=320355

同契媽向太行街李連杰13歲細女 星二代甜姐兒

1 : GS(14)@2017-01-12 08:08:26

【仙氣美女】■李連杰的13歲細女Jetta日前現身中環行街,長髮披肩的她遺傳了媽咪利智的良好基因。




【中環】國際武打影星李連杰和前亞姐利智婚後十分低調,兩人育有一對掌上明珠,16歲長女Jane於小時候曾為劉德華伴舞,13歲細女Jetta則鮮有曝光。日前甜姐兒Jetta在香港激罕現身,在契媽向太陳嵐陪同下出巡中環,長髮披肩、樣子甜美的她長得亭亭玉立,遺傳媽咪基因擁白滑肌膚,被封為至靚星二代。



武打巨星李連杰於1988年拍電影《龍在天涯》邂逅利智,雖然當年的他已為人夫,惟跟老婆黃秋燕感情出現問題,李連杰背妻跟利智暗交,結果於1991年與元配離婚,1999年在美國洛杉磯娶利智做第二任老婆,婚後育有兩女Jane和Jetta,一家四口十分低調,曾先後定居美國及新加坡,近年舉家移居利智的家鄉上海。李連杰十分保護女兒,鮮有讓她們曝光,有傳為防止女兒出鏡,不准她們參加學校活動,惟日前13歲的Jetta在中環現身,靚爆全場。



【識擺甫士】■Jetta全程由契媽向太(左)及其助手陪着。

【名店血拼】■Jetta和向太在名店濕平完畢,由店員親自送出門口。DV圖片


白滑肌膚似利智

由於李連杰跟向華強夫婦的交情很好,每次李連杰和家人來港,都會居住在向氏夫婦的家裏,他的兩個女兒更叫向太做契媽。日前向太和鮮有曝光的Jetta出巡中環,當時兩人在助手陪同下,坐七人車到置地廣場,着白色熱褲的Jetta騷白滑長腿,遺傳了媽咪的優良基因,樣子甜美可人,雖然只有13歲,但已有5呎3吋高,長髮飄飄充滿仙氣。當時向太落車後掛住傾電話,之後一行三人入到商場時,向太又被廣場中央的巨型聖誕樹吸引,不停用手機影相,Jetta乖乖站在一旁等契媽。其後向太與Jetta入了一間名店,直接行到試身室,似乎是預約了靚衫試穿,她們逗留了約一小時才離去,男店員更親切地搭着向太的膊頭送出門口,見三人手上都沒有購物袋,相信戰利品應該會由專人送上門。向太和Jetta離開商場時,蹺着契女有說有笑,之後由司機接載離去。本報記者日前致電向太問同行美少女是否Jetta?她說:「咁你哋都認得,佢同爸爸嚟咗香港,咁佢爸爸唔方便陪佢行街,所以我咪陪佢行街囉。」問李連杰父女是否仍在她家居住?向太表示他們已離港飛去三亞。



■李連杰的大女Jane(左)及細女Jetta鮮有曝光,多年前他曾罕有帶兩女現身首映。資料圖片

■擁36F導彈的利智有樣貌有身材,是亞姐中的經典。資料圖片

■李連杰的16歲長女Jane去年曾來港出席環保活動。資料圖片


大女為環保演講

至於李連杰的長女Jane現已16歲,熱愛舞蹈的她年紀輕輕已是舞林高手,7歲時曾為劉德華演唱會擔任嘉賓,在台上與華仔大跳拉丁舞,Jetta和爸爸就坐在觀眾席欣賞,之後兩姊妹都甚少曝光,直至去年Jane才又露面,現身香港出席阿里巴巴全球XIN公益大會,年僅16歲的她在台上分享自己從事環保公益的心得。採訪、攝影:黃曉程、鍾國仁




來源: http://hk.apple.nextmedia.com/entertainment/art/20170112/19893960
同契 契媽 媽向 太行 街李 李連 連傑 13 歲細 細女 星二 代甜 姐兒
PermaLink: https://articles.zkiz.com/?id=322316

圈中星級契媽舒淇有半打契仔女 王菲契趙薇乖女

1 : GS(14)@2017-01-12 08:08:29

上契呢回事,真係好講緣份,唔係話識得嘅就有得契,都要人哋阿媽想契畀你,或者阿「契媽」想契個細路至得。而喺圈中,有唔少藝人都係契媽級,而做得佢哋啲契仔女嘅,當然都有番咁上下。王菲平日寡言嘅天后王菲,私底下其實有好多知心友,好似演而優則導嘅趙薇咁,同王菲勁好姊妹,而趙薇所生嘅囡囡黃新(小四月),更順利成為王菲契女,據知,王菲仲不時會送禮o氹契女開心。劉嘉玲影后劉嘉玲交遊廣闊,同大陸男星胡軍更係老友鬼鬼,胡軍育有一子皓康,嘉玲睇住康康大,加上佢覺得康康好有親切感,於是喺前年設宴正式同康康上契。嘉玲向傳媒表示,自己向來唔係好受小朋友歡迎,但康康就鍾意黐佢同嗲佢,加上佢覺得同康康有種前世今生嘅感覺,於是就上契。舒淇影后舒淇舊年嫁畀馮德倫升呢人妻,但佢仲做女嗰陣已經係契媽級,據佢所講,佢至少有契仔契女各3個,其中包括劉燁同法籍妻子Anais Martane所誕嘅混血BB劉諾一。唔知係咪契仔契女太多,所以好姊妹林熙蕾同林心如生B,佢都冇再上契。
Twins(鍾欣潼、蔡卓妍)娛圈萌B之一、鄭希怡(Yumiko)個女梁子柔(梁浸浸)極得網民及班uncles aunties寵愛,當中最正嘅係佢有Twins做佢契媽,鍾欣潼(阿嬌)同蔡卓妍(Sa)錫到梁浸浸燶,送禮之外,見到契女又抱又錫,恨死好多人㗎!何超蓮、G.E.M.何超蓮同鄧紫棋(G.E.M.)呢對好姊妹,雖然尚未出嫁,但佢哋就已經係另一好姊妹李蘊個寶貝女紫晞嘅契媽,呢兩個契媽仲不時去探小紫晞,母愛氾濫。而李蘊亦曾帶過小紫晞去探身在廣州開工嘅G.E.M.契媽班,當時G.E.M.仲留言話「看到她(小紫晞)就覺得世界很美好」,係咪sweet到爆先?




來源: http://hk.apple.nextmedia.com/entertainment/art/20170112/19894272
圈中 星級 契媽 舒淇 有半 半打 打契 契仔 仔女 王菲 趙薇 乖女
PermaLink: https://articles.zkiz.com/?id=322322

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019