ZKIZ Archives


【縮寫講呢啲】天琦被DQ 香港GG了

1 : GS(14)@2016-08-09 07:33:49

香港人鍾意講英文單字或者short form,梁天琦唔能夠參選立法會,我哋都會講「佢被DQ!」了,即是Disqualify(取消資格)的意思。



YouTuber火雞姐拍片鬧爆巴士阿嬸,佢用半中半英咁話:「佢對腳板底係black,好dirty好污糟!」片段紅爆網絡,你就知香港人幾咁鍾意講英文同睇人講英文。不過,我哋講的就唔係一句句講,而係講單字或者講short form,通常激動呀,難以形容心情的情況,就最令人要爆英文嘞!


好似梁天琦唔能夠參選立法會呢個so sad的情況,我哋會講「梁天琦被DQ!」,DQ係 Disqualify的縮寫,本來係運動術語,例如網球員犯規被人取消資格,我哋就會話「佢被DQ了」。點解梁天琦會被DQ?新界東地方選區選舉主任何麗嫦,就用咗12頁信件加附件,引用梁天琦facebook多幅截圖,解釋梁天琦點解「提名無效」。呢堆「解釋」都令好多人覺得「TL;DR」,TL係too long,DR就係didn't read咁解,但睇完都會發現,呢堆字相信就係話總之「我認為……我認為……我認為我不能信納梁先生真正改變了他過去主張及支持香港獨立的立場」。
GG啦今次,梁天琦冇得選,唔係佢本人GG,而是香港GG了。因為香港人已經唔再擁有選舉與被選舉權。GG係台灣常用語,意指「玩完」,本身是遊戲術語,是你打機時輸了,對手就會贈你一句Good Game,然後縮寫成GG,本應是話你雖敗猶榮,而家就以寸你玩完為主。香港無論特首定立法會人選都被越縮越窄,難望再有邊位CP值高的出現,係呀,Pokémon GO嗰個CP,即是Combat Power戰鬥力。如今我哋就惟有寄望曾鈺成同曾俊華講得出做得到,真係「冇人出嚟我嚟㗎喇」同埋「如果要對香港有貢獻,我願意做(特首)」,幫幫手實現我哋ABC(Anyone but CY,邊個都好,唔係CY就得嘞)的夢想,如果唔係,真係講幾多句DLLM都順唔番條氣。記者:容慧心



新界東地方選區選舉主任何麗嫦,就用咗12頁信件加附件,解釋咗梁天琦點解「提名無效」;呢堆「解釋」都令好多人覺得TL;DR,即too long, didn't read。

Pokémon GO嗰個CP,即是Combat Power戰鬥力,如果套用落而家某啲立法會議員上,可能係咁。

梁天琦冇得選,唔係佢GG,而是香港GG呀,因為香港人已經唔再擁有選舉與被選舉權。GG係台灣常用語,意指「玩完」。



財爺曾俊華又改口風,話「如果要對香港有貢獻,我願意做(特首)」,哦,你哋夾埋嘅!

立法會主席曾鈺成突然爆seed講咗句「冇人出嚟(選特首)我嚟㗎喇」,是咪的?唔好氹人喎。

前排好多人都會講到ABC呢個term,Anyone but CY,你唔係唔識嘛?



來源: http://hk.apple.nextmedia.com/su ... t/20160809/19728437
縮寫 講呢 呢啲 天琦 琦被 DQ 香港 GG
PermaLink: https://articles.zkiz.com/?id=305152

《大公》頭版又係天琦 「賺人仔」反共又出奇?

1 : GS(14)@2016-08-17 07:48:04

本土民主前線梁天琦周六晚在港鐵太古站與疑長期跟蹤他的《大公報》姓盧記者起爭執並打鬥。《大公報》周一頭版刊出連日跟蹤梁天琦的報道,昨日頭版再以「武漢出生原名『漢璋』父曾返內地賺人幣梁天琦何來『反共家仇』」為題,稱記者遠赴梁出生地湖北武漢,「了解他的成長路」,詳細列出其父母的背景及生活,並追訪其父母身邊的同事。報道指梁天琦說自己「父親反共,母親恐共,外祖父是國民黨黨員。1949年建國,共產黨殺死親人,祖屋充公,外祖父被發配新疆」等說法是以自身的家仇,建立他忠於香港的激進本土派形象,稱記者發現梁「恐共反共」的父母在2000年曾在武漢江岸區經營餐飲食肆以「賺取人民幣」,而梁說被充公的祖屋已按落實政策發還。報道又稱現時梁的家人居於北京、珠海及武漢等中國城市,故質疑梁天琦所說的家仇是「不盡不實」。報道稱梁天琦父親在港對記者表示,10多年前在武漢投資飲食業但損手收場,「嗰時我喺武漢同當地啲高官食飯,見到嗰度酒樓,日日都咁多人幫襯就投資,畀咗百幾萬,點知就遇正沙士,就無啦。」報道稱梁父雖然在內地投資蝕本,但並無梁天琦所指的「反共」,「我係唔鍾意內地嘅制度,但唔代表我唔鍾意中國。」就前日香港記者協會發聲明,表示記者不應「與追訪目標糾纏對罵或甚至動武」,《大公報》在A4版以「新聞界強烈譴責梁天琦襲擊記者」作報導,指新聞界「絕不容許記者因採訪工作受到任何暴力對待」,旁邊又列出「大公文匯傳媒集團」發出的聲名,指集團「將採取切實措施,保障記者的人身安全和正當採訪權利」。




來源: http://hk.apple.nextmedia.com/news/art/20160817/19739953
大公 頭版 又係 係天 天琦 賺人 人仔 反共 出奇
PermaLink: https://articles.zkiz.com/?id=306151


ZKIZ Archives @ 2019