粉身碎骨爆蝦碌陳凱琳個樣似邊個
1 :
GS(14)@2017-01-21 03:36:48喺2013年奪得港姐冠軍嘅陳凱琳，當選冇耐已經被委派重任拍劇兼做司儀，喺經驗不足嘅情況下，難免會出現蝦碌場面，好似喺舊年喺《萬千星輝賀台慶》上擔任司儀，喺康華、馬蹄露和樊亦敏演出後，陳凱琳口快快話：「頭先高踭鞋又高，個台又高，所以話TVB每一個藝人都『粉身碎骨』，令大家開心。」連嘟姐鄭裕玲都忍唔抽水話做藝員一定要對觀眾負責，如果唔係明明『奮不顧身』就變成『粉身碎骨』喇！。」事後陳凱琳話自己係鬼妹仔，嘉穎亦力撐女友。因為陳凱琳個樣鬼鬼地兼且身型瘦削，所以不少成為網民惡搞對象，有人話佢個樣似巫婆，甚至有報道話佢個靚樣變咗做《恐懼鬥室》木偶Billy，蘋果肌尤為明顯，之後佢澄清話冇整容，亦都冇為報道而開心，佢話：「我冇整容，覺得係一個讚賞，通常畀人話整容都係整靚啲，自從我選完港姐，不斷有好多報道及唔同說話，我覺得得啖笑就OK，自己唔會介懷。」
來源:
http://hk.apple.nextmedia.com/entertainment/art/20170120/19903268