ZKIZ Archives


小甜甜前密友驚世報料

2013-1-17  NM
 
 

 

上週五中午時分,小宗收到一個神秘電話:「王禮泉一陣會去ICAC報案,快啲去影相啦!」此王禮泉,正是已故華懋主席龔如心的貼身助手、現為華懋集團顧問。既然有人預先報料,小宗當然即刻派人前去恭候,果然下午三時,佢現身廉署總部,並一支箭入咗去報案,逗留咗兩個半鐘,出返嚟就只係講咗兩個字——「唔該」,咁就坐上七人車絕塵而去。

王禮泉一直係龔如心嘅「私人助理」,背景複雜,專幫手處理娛樂事業,如華懋喺尖東租俾夜總會嘅鋪位等,黑白兩道都吃得開。佢早前已經放過聲氣,話有新證據,證明龔如心手持、由王德輝喺90年寫嘅「one life one love」遺囑,根本係假o架;佢又抨擊華懋慈善基金有人失職、腐敗及賬目不清,仲話會喺適當時候採取行動,捍衞王德輝家族嘅資產!鬼咩,同樣係千億女富豪嘅密友,王禮泉現時手持紅磡都會軒及元朗加州花園等單位,市值約二千萬,而咁多年炒樓亦只係賺千幾萬。相對於小甜甜嘅知己陳振聰,呀,又真係少咗啲喎!

Give me a break插住嚟減壓

中環返工,有邊個唔大壓力?小宗聽聞有唔少白領,都會去上環太平山街的Tallensia Floral Art,玩Floral Jamming減吓壓、輕鬆吓。呢門嘢外國興咗好耐,而家該花店就係每逢星期六搞即興插花,花款四十多種,任君選擇;三小時內慢慢插,傑作可以攞埋返屋企,細心欣賞,盛惠三百八十。喺中環返工嘅公關李小姐就話抵玩,平日買紮花都唔只呢個價錢,又唔使次次放假都係行街睇戲食飯咁話。有唔少大公司會包場俾員工,會德豐更加厲害到搞「到會」,將活動移師到自己的Gallery,實行齊齊減壓。負責的花藝設計師Lowdi Kwan就話,插花可以睇到一個人的性格,插出來顏色簡單統一嘅,就係好有目標,太豐富呢,就可能心大心細,唔知自己想點。相信啲公司高層,就係藉此睇住班員工諗咩,大家醒目啲啦!

本週廣告

你有某財團嘅黑幕想爆?你知邊間上市公司造假?你仲想舉報地產霸權嘅不公?歡迎你將財金界嘅寃屈或過癮八卦事,爆俾《壹仔》財經組知,一切報料,均會保密!爆料熱線 / whatsapp:6829 5929。

彤叔一家「親戚相」

去開中環新世界大廈,小宗每次都喺lobby間Starbucks飲番杯咖啡hea一hea,不過呢間Starbucks已經結業,隨之而來嘅係另一間同樣賣咖啡嘅餐廳Classified。Classified由彤叔孫女鄭志雯之老公、亦即鋼鐵大王孫兒龐建貽創辦;餐廳開埋入新世界總部,一家人也。而最有「一家人」感覺者,莫如龐建貽之相貌,竟然與鄭志雯嘅細佬、亦即佢舅仔鄭志明有九成九相似(如圖)!大家都戴住粗框黑眼鏡,相貌忠誠,唔通親戚相見都會愈來愈似?

長毛窮風流

一月十一日星期五,晨早六時剛過,「尊貴的議員」長毛‧梁國雄喺金鐘海富Canteen開餐 —— 食三文治啫。長毛告特首梁振英選舉造假,輸官司;終審庭兼判佢賠堂費及對方律師費。長毛話如果破產就冇議員做,故此會設法籌款作賠償。咁嘅環境,仲學乜人去金鐘食卅幾蚊份早餐呢,又?

求諸海南

一樓一乃有港英特色之行業,有個時期幾為北姑壟斷。強國人富起來後,北姑一詞已然褪色矣。不經意,北角七姊妹道平地一聲雷出現「一流一海南雞專門店」。菲傭、印傭短缺,就話改求於孟加拉啫,海南雞替代北姑,得唔得o架?

金牙大狀講嘢共產黨格外襟撈

中聯辦新主任張曉明貌似開明,但臭罌出臭草;共產黨就必定假、大、空,講大話,即使嚟到香港亦戒唔甩。故此一抵埗,佢就揚言「西環不治港」。講得咁口響,夠膽就同契仔謝偉俊公開對質,睇吓邊個講大話。「西環治港」當又不只於插手地區選舉而已,冇西環發功,你估689又做唔做得成特首呢?至於西環點樣干預特區之政改進程,留番張曉明同劉慧卿撐枱腳慢慢回味啦!納粹黨宣傳部長戈培爾話,謊言說上一千次就係真理,可見佢老哥起碼都知乜嘢叫謊言。張曉明啲咁嘅共產黨就連真話同謊言都分唔開,而只知黨性服從;阿爺話咗「一國兩制」、「港人治港」,咁唔理西環做過啲乜,都肯定唔係治港。納粹黨識得乜嘢叫做謊言,共產黨唔使識,難怪佢哋襟撈咁多啦!

小甜甜 密友 驚世 世報 報料
PermaLink: https://articles.zkiz.com/?id=42862

同報料人食晚飯 睇下值什麼價 周顯

1 : GS(14)@2014-02-11 09:39:40

http://www.mpfinance.com/htm/fin ... mnist/en30_en30.htm

【明報專訊】昨天朋友來電﹕「快買港深聯合(8181),可靠消息透露,它會快炒一轉!」


這股票在初上市時,我曾經研究過,但沒有跟進下去,不知它在近月的走勢如何,略看了一下圖表之後,說﹕「它上市後喪炒了一陣,現在距離高位2.77元,下跌了一半有多,單單從技術上來看,反彈至1.6元至1.7元,都是很正常的,問題在於,你的料有幾堅先?」

他反問我﹕「我有無點過你先?」

我在心中計算一陣,說﹕「十次中八次,點兩次咁上下啦,命中率都算高。」

凡是報料 皆是線人

他說﹕「次次報料,你都請食飯,今次幾時開餐先?」

我說﹕「都未知你料得唔得,咁就要請?」

他說﹕「第一,你都話過,我料有八成堅。第二,你也話過,凡是報料者,皆是線人,不論是否準確,都會請食飯。」

我說﹕「你咁記得我說過的話,都算是忠實讀者,好啦,過兩天,請你去三湘大廈富聲飲茶啦。」

他說﹕「,乜唔係去食魚翅做湯,鮑魚做主菜,燕窩做甜品架?」

我說﹕「阿腥,你只是提供一隻快炒一轉,賺番幾成的股票,又唔係提供一隻賺升幾十倍的發達股票,我點可以請你食晚飯呀。你知道,我的晚飯quota很少,好寶貴的。」

他問﹕「咁你晚飯多數去邊?」

我說﹕「我賺錢的方法有很多,其中一個就是同friends一起賭錢,從晚飯前賭到宵夜後。我同你食一餐晚飯,起碼唔見幾皮。你要同我食晚飯,就要睇你值唔值呢個價先。」

[周顯 投資二三事]
2 : wincycheng53(45394)@2014-02-11 10:48:27

interesting !!!!!!!!!!!!!!!
同報 報料 料人 人食 晚飯 睇下 下值 什麼 周顯
PermaLink: https://articles.zkiz.com/?id=284324

打短訊告知槍手位置 助軍警攻入印刷廠無名英雄匿紙箱冒死報料

1 : GS(14)@2015-01-11 21:09:37





■雜貨店門口發生爆炸,警員手持防暴盾牌準備攻入。



【巴黎恐襲】法國連續三日三宗槍擊事件,最終以三名槍手被擊斃落幕。前天在巴黎東部近郊及東北面小鎮雙線發展的連環脅持人質事件,軍警成功在16分鐘內作出突擊解除危機,原來是槍手大意加上有無名英雄躲在紙皮箱內向警方通風報信,才能成事。


《查理周報》槍擊案兄弟槍手賽義德.庫阿希與謝里夫,前天早上在巴黎東北面達馬爾坦昂戈埃勒鎮一家印刷廠脅持一名人質,當局動員9萬人全力圍捕之際,冷不防大前天殺女警槍手庫利巴利為營救兩人,竟衝入巴黎東郊萬塞納門一間猶太雜貨店,演變成連環人質事件,讓軍警疲於奔命。




警趁槍手禱告攻雜貨店


正當人人以為庫阿希兄弟在印刷廠脅持男經理卡塔拉諾一人之際,原來廠內還有另一人,他就是27歲平面設計師勒佩爾。當時庫阿希兄弟與人質在地下,勒佩爾藏身一樓一個上鎖房間的紙皮箱內,他先發短訊給父親報平安,「相信他們已殺光所有人,快報警」,再在往後的六小時冒死跟警方密通消息,提供印刷廠內部結構、通道分佈、與槍手位置等資料。憑藉上述關鍵情報,特警在當地傍晚約5時展開陸空兩路突擊,從直升機游繩至廠房屋頂並向廠內投爆炸品,逼庫阿希兄弟衝向大門,地面的軍警再攻入,開槍擊斃庫阿希兄弟,勒佩爾絲毫無損獲救,至於卡塔拉諾,原來較早前因為替賽義德包紮頸部傷口,已獲兩兄弟釋放。16分鐘後,猶太雜貨店的困局亦出現突破。庫利巴利跟電視BFMTV通電話,說自己跟「伊斯蘭國」有聯繫,又警告當局若不停止圍捕庫阿希兄弟就殺人質,但他沒將電話掛好線,讓警方偷聽到他在店內的話,而警方同時黑入店內的閉路電視,掌握內裏情況。



同樣在5時左右,警方聽到庫利巴利準備作死前最後一次禱告,馬上採取行動,向店內猛擲曳光彈並開槍,庫利巴利負隅衝向門口位置終被擊斃,店內15名人質嚇得紛紛跑出來。



■槍手庫利巴利衝向雜貨店門口,被警員開槍擊斃。

■憲兵特勤隊攻入印刷廠,廠內傳出爆炸聲及冒出火球。


■無名英雄勒佩爾

英勇顧客搶槍遭處決


兩地突擊行動在16分鐘內結束,警方發現雜貨店內有四具屍體,相信是庫利巴利攻入時開槍打死。人質米高表示,其中一名死者是英勇顧客,當他發現黑人槍手把槍放在櫃枱上,立即抓起槍向槍手開槍,但原來槍枝卡彈,槍手回頭一看就槍決該名顧客。連同《查理周報》12名職員和大前天遭槍殺的女警菲利普,法國三日來三宗槍擊共17人喪命。法新社/英國《獨立報》/《每日郵報》





來源: http://hk.apple.nextmedia.com/news/art/20150111/18998944
短訊 告知 槍手 位置 軍警 攻入 印刷廠 印刷 無名 英雄 紙箱 冒死 死報 報料
PermaLink: https://articles.zkiz.com/?id=287152

【Google買起】靠用家報料導航App 共享快相路障資訊

1 : GS(14)@2017-04-08 19:40:36

Google Maps的導航和即時路況,依然強大,亦相當可靠。



Google Maps的汽車導航,不少車主都會用,雖然市面上有很多代替品,但Google Maps的王者身份似乎屹立不倒。之不過,一個名為Waze的app,大家值得留意。因為超人李嘉誠的創投基金維港投資,都是投資者之一。其實Waze並不是近一、兩年才是在石頭爆出來的app,成立於2008年,吸引到不少歐美用家使用,原因是它與傳統的導航app不同之處是着重於社交互動,它的一切是由用家共同建立,地圖、路面資訊,例如時速限制、交通狀況、快相機、路障等等,甚至連路都是靠用家共同創造。



這個概念受歐美用家歡迎外,在科技圈亦製造不少話題,因為三大巨頭Apple、Google同facebook爭相收購,最終Google以11億美元收購。成為Google旗下後,地圖資料亦隨即豐富了,事關建立地圖需要大量的資源和數據,全靠用家亦未必能夠完美,例如香港地圖就由簡陋變得像現時般完善,但它的核心,即是由用家報料這方面就沒有變更,可是,由於香港普及率依然低,所以報料的用家較少,亦相對地,地圖的的即時市況資訊就會較Google Maps弱。



Waze也能選擇路線,有行程時間顯示,可惜沒有即時路況。

只要按Routes,就能夠進入選擇路線頁面。

靠用家報料,其他用家就會知道即時路況,越多人用和報料,就越強大。

至於導航,實試時兩者有否分別,目的地設在西貢南圍的一個公廁,兩個apps都能找到目的地以及到達,這個賽果是合理的,被收購的Waze在導航上不進步的話,就是一場笑話了。用家亦可以將地點發送給朋友,甚至乎立即設定成泊車點。可是與Google Maps相比,路線選擇就較為煩,要按入Routes才可選擇。而在廣東話導航上,Waze亦出現了一個有趣的情況。在Voice Direction上,它有三個選擇全部都寫上普通話。但是實試後發覺,其中一個「靜宜」其實是廣東話!連廣東話與普通話都分不清,令人感覺有點靠不住。記者用了差不多兩個星期,整體是滿意的,但它的導航語音較靜,不像Google Maps般經常發出聲音,用家需要不時留意螢幕。記者︰梁立勤攝影︰許先煜2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170407/19982297
Google 買起 靠用 用家 家報 報料 導航 App 共享 快相 路障 資訊
PermaLink: https://articles.zkiz.com/?id=329594

【馮仁昭四圍超】賈思樂騷嘉賓報料戚美珍勁讚華仔

1 : GS(14)@2017-06-10 12:55:59

賈思樂(Louie)前晚喺尖沙嘴舉行慶祝入行40周年音樂會,王馨平、黎瑞恩、羅敏莊、戚美珍(三嫂)做嘉賓。三嫂接受訪問時講笑話,可能Louie怕佢靚過晒其他女嘉賓,所以冇搵佢上台唱歌,只係負責上台爆Louie往事。三嫂仲話原本去年有個導演朋友搵佢開騷,不過因為有病推咗,佢話:「患咗椎間盤突出,醫咗好耐,企一、兩分鐘一定要坐,用咗枴杖好耐,?家情況好咗,仲有做物理治療。」所以劉德華受傷,三嫂感同身受,佢話:「真係不敢想像,我椎間盤突出拮到神經線都麻痹,唔會行唔到,佢畀隻馬壓親,真係好痛。劉生韌力過人,希望佢快啲好番。」黎瑞恩就趁暑假同一對仔女去旅行,佢話:「去邊佢哋話事,有一樣嘢好開心,家姐聽到我同泳兒首合唱歌,佢冇試過話我嘅歌好聽,今次打嚟話好聽,仲抄埋歌詞,我覺得幾好,對佢中文有幫助,不過佢係寫簡體字。首歌係講媽咪同個女,我自己聽都喊咗幾次。」



■賈思樂前晚開個唱,請咗唔少好友做嘉賓。

■王馨平希望今年成功開演唱會,到時會表演彈結他。


王馨平傾個唱

而王馨平唱歌外仲表演結他伴奏,佢話平時都有彈畀老公聽,老公都識彈,試過一齊彈結他。佢仲話最近傾緊開演唱會,希望今年成事:「到時要彈結他,啲衫要勁過上次(早前穿勁低胸上節目),上次小意思箒。」撰文:馮仁昭


■劉德華雖然要養傷,但佢都有送花籃賀賈思樂開騷。

■劉德華。資料圖片



來源: http://hk.apple.nextmedia.com/entertainment/art/20170607/20046657
馮仁 仁昭 四圍 思樂 嘉賓 報料 料戚 戚美 美珍 珍勁 勁讚 讚華 華仔
PermaLink: https://articles.zkiz.com/?id=334864

【理大傳說】同學報料有劣食 記者勇闖「荒島中的頹Can」

1 : GS(14)@2017-09-17 16:36:32

記者去了3間九龍區大學包括城大、浸大與理工大學四出詢問有關canteen美食,而理工大學的同學仔就報料有「劣食」。



新一年,記者去了3間九龍區大學包括城大、浸大與理工大學,四出問同學搜尋有關canteen美食,但去到理工大學時美食就暫時未找到,反而有大部份同學仔報料有「劣食」。



2016年理大學生報編委曾發佈《理攻》以向新生介紹校園設施和生活,幫助他們適應校園生活。首先就是介紹飯堂,有舊can、新can、靚can等等,最後一間是介紹位於Z座的第八期飯堂(Z Can),內描述聽聞是理大最難食的Canteen,並指同學間也稱之為「頹Can」。



2016年理大學生報編委曾發佈《理攻》,內容曾向新生們介紹第八期飯堂(Z Can)聽聞是理大最難食的Canteen,並指同學間也稱之為「頹Can」。網上圖片

同學們對Z Can的評價一般。

(左)廚師推介下午茶餐($30連凍飲)、(右)碗裝三文治($35連凍飲)。

各位理大同學亦對Z Can的評價亦一般,並指Z座比較偏遠猶如荒島,究竟真相如何?請留意動新聞片段。



西多士邊比較硬,內無花生醬亦比較薄身。

沙律也比較重口味,沙拉醬過多胡椒味濃。

兩餸菜的選擇不多,只剩餘三個餸選擇。

記者:吳業紅攝影:王國輝2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170912/20149769
大傳 同學 報料 料有 有劣 劣食 記者 勇闖 荒島 中的 的頹 Can
PermaLink: https://articles.zkiz.com/?id=341136

台灣實時泊車App攻港 港版多靠用戶報料 僅兩月吸10萬人

1 : GS(14)@2018-01-15 01:49:48

【明報專訊】找地方泊車往往是各地車主的共同煩惱,有時吃一頓飯,想找位置泊一兩個小時也要走幾個停車場。在台灣,近年就出現了一個被譽為「找車位神器」的手機App,這個App不但能顯示當地大部分停車場的實時空置車位數目和收費等資訊,若配合車牌辨識技術和綁定信用卡,更可以讓車主進出停車場時,完全毋須停車取票或拍卡。

明報記者 薛偉傑

「停車大聲公」創辦人兼執行長余致緯表示,台灣大約有600萬部汽車(未計電單車),雖然面積比香港大,但在城市要找泊車位也不容易。他亦是一名車主,覺得經常要走幾個停車場才找到車位,實在太麻煩。因此,他在2015年成立了「停車大聲公」,開發同名的找車位手機App,同年6月推出了第一個手機App版本,其後再多次更新及增加功能。截至2017年12月,該手機App在台灣的用戶已多達約80萬人。

台灣用戶達80萬

余致緯表示,「停車大聲公」結合了Google地圖及Apple地圖,用戶只需輸入目的地或使用其實時位置,就可查到附近有哪些停車場、每個停車場有多少個空置泊位,以及每小時收費等詳細資訊。用戶甚至可根據汽車高度來篩選停車場,避免因車身較高(例如某些七人車等)或停車場入口過低,到達現場後才發覺不能駛入。此外,篩選條件中亦可設定每小時收費水平及支付方式等。

配合車牌辨識技術 自動繳費

在台灣,「停車大聲公」用戶還可以查詢信用卡泊車優惠,也可以綁定一張信用卡來支付停車場收費及油站加油等服務。由於台灣很多停車場已使用了同一套車牌辨識技術方案,因此,使用「停車大聲公」的台灣車主,可全程靠車牌辨識來駕車出入這些停車場,每次泊車收費自動用App內綁定信用卡支付,完全毋須在閘口停車取票、拍卡或付款,十分方便快捷

余致緯表示,由於約90%的台灣停車場(包括戶外停車場)都會在網上實時公開空置車位數目等資訊,所以「停車大聲公」的後台系統可以自動取得並整合數據。至於沒有實時資訊的台灣停車場,會倚靠「社群回報」功能,即系統會自動發出訊息給附近用戶,要求他們「報料」,再透過大數據系統修正,來得出估計的空置車位數目。他聲言,由於用戶踴躍「報料」,因此估計的空置車位數目準確率達九成。

與停車場分帳 毋須靠廣告

至於「停車大聲公」的收入,則是來自與合作停車場收取的分帳。「停車大聲公」的用戶每次租用其合作停車場的車位,並用綁定信用卡支付收費後,公司都可從中獲得一小部分。由2016年6月開始,公司已錄得盈利,不過,因為仍在發展及擴充階段,大部分盈利都會再投資回公司,現時其開發程式團隊已增至15人,比開業時的4人增加近3倍。

由2017年10月19日開始,「停車大聲公」推出了港澳版。截至12月,已火速吸納了約10萬名港澳用戶。不過,余致緯承認,暫時上述分帳收入僅限於台灣市場。在香港和澳門,公司還未開始和任何停車場商討合作,而靠車牌辨識技術來出入停車場以及綁定信用卡自動支付等,在香港和澳門亦暫未推出。甚至實時的空置車位資訊,在港澳亦比較少,因為香港只有約30%停車場在網上實時公開有關資訊,即使「停車大聲公」透過「蜘蛛程式」自動搜集這些資訊,餘下70%或以上停車場仍要靠用戶報料。余致緯表示,要再儲多一些用戶,具備較大的討價還價能力後,才會和港澳停車場商討實時資訊及分帳等合作問題。不過,他亦向用戶大派定心丸,強調為免影響用戶體驗,從沒考慮在App內加入廣告。

[新經濟新天地]


來源: http://www.mpfinance.com/fin/dai ... 9774&issue=20180108
臺灣 實時 泊車 App 攻港 港版 版多 多靠 用戶 報料 僅兩 兩月 月吸 10 萬人
PermaLink: https://articles.zkiz.com/?id=346572

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019