ZKIZ Archives


港龍今起換制服 名家劉培基操刀 黛安

1 : GS(14)@2013-03-30 23:29:30

http://www.skypost.com.hk/column ... 3%8D%E5%88%80/86980
做空姐是好多少女夢寐以求的夢想,除咗可以四處遊歷見識,最開心每日都可以着住套靚靚制服返工。
港龍航空今日起為3,000幾名空姐空少、機場及外站職員換新制服,噚日港龍主席史樂山及行政總裁楊偉添(Patrick)就率先請黛安去半島酒店,睇一班職員行Catwalk。
唔講唔知,原來現有制服已沿用超過十年,過去港龍曾三次換制服,而今次一襲新裝,由本地殿堂級設計大師劉培基(Eddie)操刀,整個設計及生產過程長達18個月。Eddie話,幫港龍造制服仲難過造任何一套晚裝,既要考慮幾千人的身形,仲要適合不同氣候穿着,好考功夫。其實,Eddie謙啫,聞說佢首個設計一出,港龍高層已經好buy,其餘時間都係微調舒適度同改善走光位,小小問題點會難到呢位大師傅吖!去年是Eddie入行50周年,佢話原本諗住唞唞,見港龍咁老友先無托手踭。
新航綫新制服 雙喜臨門
講番噚日的Catwalk Show可謂非常精采,新一襲紅黑連身裙剪裁好靚,黛安尤其喜歡外套衣領的兩褶設計,聽Eddie介紹,原來外套飾邊正代表港龍波浪型的logo,真有意思!男裝同樣別具心思,橄欖色外套暗藏龍紋編織圖案。聽講制服仲防水透氣,洗100次都唔會變縐變色。
今日除咗係港龍換制服的大日子,仲係越南峴港綫啟航日,Patrick笑言「雙喜臨門」,佢今日亦會搭首航過去住返晚,可惜公事繁忙,翌日就要離開。
港龍 今起 起換 制服 名家 培基 操刀 黛安
PermaLink: https://articles.zkiz.com/?id=282460

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019