ZKIZ Archives


吳克儉:大專生自殺因欠規劃

1 : GS(14)@2016-10-15 11:56:45

【本報訊】教育局局長吳克儉(圖)昨引防止自殺委員會報告內容,指大專生自殺源於未做好生涯規劃,又稱大專生在壓力下「有啲唔舒服嘅嘢就頂唔順」,言論引來譁然。委員會成員之一的港大學生會會長孫曉嵐質疑吳說法與小組建議有偏離,「唔理解佢點解會落呢個結論」。立法會議員游蕙禎則指「生涯規劃」荒謬,認為政府需認清問題。


「有唔舒服佢哋就頂唔順」


吳克儉昨出席活動時指,防止自殺委員會報告將出爐,並透露報告部份內容,指大學生辛苦考入心儀大學、選到有興趣科目仍選擇輕生,源於大專生生涯規劃教育不足,「問題係佢之前幾年揀咗一科,未必係佢興趣同強項(嘅科目)。揀咗之後,自己對自己嘅期望、屋企人對佢嘅期望、周圍朋友佢嘅期望,三重壓力出咗嚟,一有唔舒服佢哋就頂唔順;呢個係其中一點,點解生涯規劃教育咁重要」。防止自殺委員會成員、香港大學學生會會長孫曉嵐回覆查詢,指「大專生欠生涯規劃」非委員會大專教育工作小組的討論重點,「呢個唔係小組所落嘅結論,亦唔係大專工作小組所講嘅問題,我哋講嘅重點係要求檢討同改革教育制度」,質疑吳說法與小組建議「有啲偏離」,「唔理解佢點解會落呢個結論」。孫又指,加強生涯規劃不能解決問題,「主因唔存在喺大專生欠缺生涯規劃,呢個係次要原因,最重要係讀咗咁耐上到大學,大家搵唔到中小學考試谷分數、讀咁多書嘅意義。呢個係唔同教育場所嘅制度、銜接問題,係要全面檢討教育制度,唔係咁簡單一句揀錯科」。立會議員游蕙禎批評吳說法荒謬,「如果一個社會配套完善、大家都搵到食,其實唔使一個人教另一個人點做人」。她形容生涯規劃是將學生理想變成垃圾,僅為他們人生安排工作就當完成任務。游又指吳及政府未能理解學生,「以為靠個生涯規劃可以解決,好多學生根本睇唔清前路」,認為政府需先直視問題核心。教育局未有回應是否有計劃加強大專生生涯規劃教育,亦未有解釋生涯規劃不足是否導致大專生輕生。■記者葉偉東




來源: http://hk.apple.nextmedia.com/news/art/20161015/19801599
克儉 大專生 大專 自殺 因欠 規劃
PermaLink: https://articles.zkiz.com/?id=312064

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019