ZKIZ Archives


細女變Punk妹 翁靜晶嘆冇符幸儀Selfie晒腹肌 心心遮兩點

1 : GS(14)@2016-01-23 19:27:02

【對鏡自拍】■翁靜晶細女劉幸儀常在Ig騷肌肉相,翁靜晶認為從健身角度看冇猥瑣感覺。


翁靜晶與亡夫劉家良育有兩女兒,細女劉幸儀日前被媽媽爆料,將與拍拖兩年的意籍男友Roberto(蘿蔔)訂婚。幸儀雖然已在英國完成法律系學位,但興趣和職業都是健身,在她的Instagram內發現不少揭衫騷肌肉相,清晰見到苦練得來的腹肌和馬甲線,其中一張更大膽將衫掀高至胸上位置,僅用心心遮住兩點。



「梗係想佢包到實」

翁靜晶昨日在電話中似乎冇晒符,嘆謂:「佢係似男仔,所以結到婚我都好高興!」囡囡是否太性感?她說:「做阿媽梗係想佢包到實,好似女仔咁着住公主裙啦,但佢唔係呢種人,就係鍾意晒紋身、騷肌肉,佢哋睇身上嘅肉係冇猥瑣感覺,注重人體肌肉比例,佢係健身教練,自己係一個辦嚟。佢之前騷過手臂,仲粗過男仔大髀呀,搵到個同佢一樣鍾意健身,又肯娶佢咪好彩囉。」



【腰腳紋身】■幸儀展示健身成果,僅以心心圖案遮胸,最近又與男友在腳紋情侶梨形紋身。







【鏟青型女】■早前幸儀剪了一頭鏟青punk髮。

■幸儀遇上惜花男,與意籍男友Roberto將訂婚。


■大女萬儀(中)和細女幸儀(左),均遺傳父親劉家良的好動及媽媽翁靜晶的聰慧,文武雙全。


幸儀還將右邊秀髮鏟青勁punk,手臂、背脊、腹部均有紋身,而最新一個就是與未婚夫一齊紋的啤梨圖案,翁靜晶沒好氣說:「Pear即係pair喎,你話暈唔暈?」幸儀遺傳父親好動個性,還有媽媽的聰明才智,她早前打算升讀博士學位,可惜希望研究課題太偏門找不到合適學校,翁靜晶解釋:「佢篇碩士論文係研究比特幣點樣可以成為一種合法及流通貨幣,論文登晒上周刊,可惜英國嗰邊導師通常都係舊學者,冇人可以指導及同佢一齊研究。」是否希望女兒能成為律師?翁靜晶大講反話:「我希望佢做健身教練,練多啲肌肉出嚟,多啲紋身,繼續喺Ig騷多啲,因為知佢最鍾意倒轉嚟做㗎嘛!我諗有一日我都變成銅皮鐵骨,佢就會變番做一個真正嘅女仔,佢喺我心中係藍寶石公主。」採訪:嵐山





來源: http://hk.apple.nextmedia.com/entertainment/art/20160123/19463408
細女 女變 Punk 翁靜 靜晶 晶嘆 嘆冇 冇符 符幸 幸儀 Selfie 腹肌 心心 兩點
PermaLink: https://articles.zkiz.com/?id=294870

馮仁昭四圍超:JW慨嘆冇人追

1 : GS(14)@2016-02-18 08:56:17

JW(王灝兒)噚日喺商台宣傳新歌《多少年》,佢話首歌係《矛盾一生》嘅延續,仲話好多女仔聽完會有感受,希望佢哋能終成眷屬。唔知佢有冇擔心好友何超蓮同鄧紫棋(G.E.M.)嘅感情生活?佢話:「佢哋咁靚唔使擔心,超蓮又靚又聰明,G.E.M.又有才華,反而我自己矛盾一生,要多少年先可以終成眷屬,但而家冇人追,不過屋企人冇催婚,反而希望我多啲陪佢哋。」撰文:馮仁昭





來源: http://hk.apple.nextmedia.com/entertainment/art/20160218/19494926
馮仁 仁昭 四圍 JW 慨嘆 嘆冇 冇人 人追
PermaLink: https://articles.zkiz.com/?id=296139

Eason蜈蚣彈嘆冇攞麥當娜錢

1 : GS(14)@2016-03-13 02:40:29

陳奕迅(Eason)和成龍為《功夫熊貓3》,前晚在尖沙嘴舉行首映禮,Eason在現場為缺席的成龍代筆簽名,並在其名字旁畫上一個成龍V字招牌手勢,相當搞笑。Eason表示會帶女兒康堤一齊睇《功》片,他說:「阿女好鍾意睇戲,音樂劇集互相影響,佢會介紹我睇David Bowie,我都好out,最近都係聽B哥哥(鍾鎮濤)同鄺美雲。」提到在麥當娜演唱會被邀上台,他說:「自己冇心理準備下上台,要reset番,上次整親腳,條褲太緊,失手都整番個蜈蚣彈,我都好後悔冇問佢攞揳喺佢胸部嘅錢。」問到徐濠縈生日,Eason送太太甚麼禮物,他說:「送時間,冇送禮物,花都冇送,時間係最好禮物。」採訪:王連連攝影:沈健程





來源: http://hk.apple.nextmedia.com/entertainment/art/20160312/19526057
Eason 蜈蚣 彈嘆 嘆冇 麥當娜
PermaLink: https://articles.zkiz.com/?id=297735

葉蘊儀嘆冇票選特首

1 : GS(14)@2017-03-26 15:38:25

葉蘊儀昨在荃灣出席「2016國際豆類年美術設計創作比賽頒獎禮」,她指小朋友應從小培養藝術興趣,因為藝術是抒發情感的一部份。對於今天是特首選舉日,葉蘊儀說:「如果我有得選就好啦,香港人都希望自己選到自己嗰個特首。」她表示心目中已經有人選,問到是否曾俊華?她笑說:「聽日咪知囉,大家都希望香港能夠和諧,唔好咁分裂,令香港更美好。」提到吳綺莉女兒吳卓林報警聲稱被人言語恐嚇,警方以涉嫌刑事恐嚇拘捕吳綺莉,葉蘊儀謂不清楚事件,家家有本難念的經,不過她跟子女會以朋友方式溝通。採訪、攝影:黃曉妍




來源: http://hk.apple.nextmedia.com/entertainment/art/20170326/19969925
葉蘊 蘊儀 儀嘆 嘆冇 票選 特首
PermaLink: https://articles.zkiz.com/?id=328913

【馮仁昭四圍超】樂瞳嘆冇好男人

1 : GS(14)@2017-07-09 03:57:02

樂瞳(左)今個月22日31歲生日,佢下周飛美國度假,沈卓盈前日提早約佢慶生。兩女有共通點係怕肥又為食,沈大師噚日話:「我為咗呢片蛋糕,朝早去做gym。」問到樂瞳生日願望,佢雖然恨拍拖,但都知感情事急唔嚟:「我覺得身邊追求者暫未畀到我好大安全感,都係自己努力啲,做好事業靠自己先。」撰文:馮仁昭




來源: http://hk.apple.nextmedia.com/entertainment/art/20170707/20081177
馮仁 仁昭 四圍 樂瞳 瞳嘆 嘆冇 冇好 男人
PermaLink: https://articles.zkiz.com/?id=338658

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019