ZKIZ Archives


中環在線:李寶安開腔志雲仲係TVB嘅人 李華華

2010-05-27  AD






 

長和今日開股東 會,電視廣播(TVB,511)股東會噚日已經舉行咗,地點依舊響老地方九龍香格里拉,但當中亦有少少變化。大家唔使驚,我哋仍然見到102歲嘅六叔同 75歲嘅六嬸好恩愛咁手拖手蒲頭,仍然見到「最靚嘅80(歲)後」利孝和夫人為大家示範旗袍,只係唔見咗自稱年過半百嘅「老翁」陳志雲唧。

咁 大師俾老廉請飲咖啡單嘢有咩進展?TVB大大大內總管李寶安話,「陳生o依家仍然係我哋嘅executive,暫時佢無履行到佢嘅工作,件事都係調查緊, 相信要等到調查有啲進展先知點做。」咁點解會整單咁杰嘅嘢先?「我哋係上市公司,亦係傳媒機構,一直係受法律監管,一路都有將呢個意識灌輸俾啲同事,大家 亦依法辦事,過往、將來都會係咁做。」

咁係咪現存制度有漏洞呀?「個別事件唔反映制度有咩特別漏洞,我相信同類事件過往都會響同類型機構發 生,件事仲係調查緊,咁我哋會睇睇調查結果,會檢討吓自己嘅制度係咪完善……」李生其實唔使講咁多嘢,5個字已經講完──咪就係「樹大有枯枝」囉!

李 華華
 



中環 在線 寶安 開腔 誌雲 雲仲 仲係 TVB 嘅人 華華
PermaLink: https://articles.zkiz.com/?id=15796

女神篇:我係一個幾悶嘅人

1 : GS(14)@2015-04-30 09:04:07

記:記者 周:周嘉儀記:周嘉儀係一個點樣嘅女仔?周:我係一個幾悶嘅人嚟,鍾意留喺屋企,耐悶能力都幾高嘅一個人,可以由朝到晚留喺屋企,冇乜做瞓吓覺睇吓電視,陪屋企人食吓飯,全日唔出街都得。工作上我都算幾盡責嘅員工,老闆交畀我嘅嘢一定會完成,勤力就一般啦!都係普通人,冇乜特別。記:你性格好堅強?周:我偏向文靜,但係唔算太柔弱,EQ都算高,我情緒起伏唔算好大,我獅子座,自專心強、鍾意表現自己。記:被指女神或者BB,感覺如何?周:其實係好親切,多謝佢哋支持同鍾意自己,但都OK㗎!覺得好nice嘅稱呼。出面大家都叫我嘉儀多,我都好鍾意佢哋咁叫我。記:你心目中女神定義係點?周:女神係神級,唔係平凡人,喺某行業或界別都有出色表現,工作專業,有好表現,會更加有吸引力。我都唔知點解會成為女神,係靚呀?我唔知個定義,但overall嚟講係善意稱呼,我接受。





來源: http://hk.apple.nextmedia.com/entertainment/art/20150430/19130264
女神 我係 一個 幾悶 悶嘅 嘅人
PermaLink: https://articles.zkiz.com/?id=290074

選美評判唔知佢係男兒身變性索女:想鼓勵唔同嘅人參加

1 : GS(14)@2016-04-23 18:37:35

來自英國達勒姆郡的她,雖然天生男兒身,卻擁有一顆女人心,化起妝來,連選美比賽的評判都看不穿。廿三歲的羅絲(Pammy Rose)原名保羅(Paul),四歲時經發現自己不像其他男孩般喜歡踢足球,反而喜歡玩芭比娃娃,或將自己的衣服放在頭上幻想成一頭秀髮。而且,她經常跟媽媽解釋說自己是一個女生。可是,羅絲讀中學時,沒有人明白他,當他是怪胎,經常歧視他。十四歲時,羅絲下定決心做女人,又染髮化妝,又穿女生的校服。這麼多年來,她一直看醫生和服用荷爾蒙,打扮也跟和其他女人一樣。二零一三年,羅絲去選美,沒有人發現她是變性人。直到決賽,她才跟評判坦白,指自己不只是為了選美,而是想鼓勵不同的人放膽參加。不過,羅絲現在不怕別人知道她是變性人,更參加了二零一六年英國變性小姐選美比賽,希望可以當選,為其他變性人發聲。贏了比賽的話,她還會有機會實現她的夢想,做全面變性手術。英國《每日郵報》





來源: http://hk.apple.nextmedia.com/international/art/20160423/19583230
選美 評判 唔知 知佢 佢係 男兒 變性 索女 鼓勵 唔同 同嘅 嘅人 參加
PermaLink: https://articles.zkiz.com/?id=299558

「女兒失魂麻煩咗機場嘅人」

1 : GS(14)@2016-05-19 02:16:42

【本報訊】特首梁振英妻女早前因一件行李大鬧機場,事件發酵至今未解決。梁振英昨日接受電台訪問再為事件解畫,他形容女兒梁頌昕因「失魂」而遺留行李,「麻煩咗機場嘅人」,但重申在事件中沒使用特權施壓,而機場保安亦不存在漏洞。



仍沒就行李門道歉


梁振英在節目中說,女兒「失魂」留下行李,或因行程匆忙。因她當時剛到印度訪問一周,朝早返港「睇吓爸爸媽媽、飲茶」,晚上又趕機飛返美國上學,「可能個人攰」才會遺下行李,又指當日太太唐青儀傷風,他本人理應親自送機,但因看文件而走不開。但梁始終未就事件道歉,只稱麻煩了機場保安及航空公司職員。他更指:「如果印度直飛美國咪冇事,麻煩咗機場啲人。」相信女兒已吸取經驗,以後不會再遺下行李,又重申沒有使用特權及施壓,自言真的要施壓,「打去機管局高層,打畀航空公司高層咪得」,但他並無這樣做。另外,梁的任期尚有不足兩年,回顧任內工作,他自言是「得嘅多過失」,有人指他白髮多了,但實情是他的管治團隊中,不少人也有相同情況,「(管治班子成員)白頭髮多咗、皺紋多咗,有啲頭髮少咗,有啲大肚腩出咗嚟」,但強調這個「走樣」班子依然拼勁十足,士氣相當好。■記者陳雪玲





來源: http://hk.apple.nextmedia.com/news/art/20160516/19613672
女兒 失魂 麻煩 機場 嘅人
PermaLink: https://articles.zkiz.com/?id=300185

盤翠瑩伯明翰出嫁老公:佢係我等待已久嘅人

1 : GS(14)@2016-05-21 17:49:37

前無綫新聞主播盤翠瑩同前香港足球隊成員馮嘉奇,於香港時間大前日喺英國伯明翰舉行童話式浪漫婚禮,盤翠瑩舊同事兼現任無綫新聞主播張文采亦專誠飛到英國出席。馮嘉奇昨日以英文短訊回覆《蘋果》,佢話:「我現在感覺好似我哋初初識嗰日一樣,上帝早有安排,而我都知道佢(盤翠瑩)係我一直等待已久嘅人,係命中註定。」馮嘉奇透露婚禮喺Eastnor Castle舉行,有38名親友來臨作見證,佢話:「我哋向上帝祈求,由今日直到以後,無論好與壞,貧與富健康與疾病,都會關懷對方,直到永遠。」問到太太是否有喜?佢話﹕「唔係,不過都唔使擔心,我會加油,多謝大家對我哋嘅祝福,感謝大家。」





來源: http://hk.apple.nextmedia.com/entertainment/art/20160519/19617927
盤翠 翠瑩 伯明翰 出嫁 老公 佢係 係我 等待 已久 久嘅 嘅人
PermaLink: https://articles.zkiz.com/?id=300719

【林卓廷爭入圍】黎智英:你係做嘢嘅人 唔係講嘢嘅人

1 : GS(14)@2016-09-02 05:29:05

立法會將於周日舉行,民主黨為保新界東議席,力谷新人林卓廷,包括前政務司司長陳方安生在內多位政界重量級人物,已先後表態挺林,曾參與雨傘運動、在金鐘佔領區留守多日的壹傳媒創辦人黎智英指,佔領其間有一半日子也與林卓廷度過,黎擔心林卓廷在只聚焦論港獨議題下的選舉氣氛,會十分輸蝕:「我睇到你係做嘢嘅人,唔係講嘢嘅人...我覺得你係做嘢嘅人、為香港追求民主公義嘅信仰,我都會好佩服你,如果你都選唔到,我覺得係香港一個遺憾。」多年來支持民主、真普選的黎智英反駁部分人批評主流泛民、民主黨多年來「一事無成」的指控,認為民主派即使失敗,也一直堅持至今:「(市民)要明白泛民喺乜嘢情形下去從政,佢哋永遠都係喺少數嘅票、少數議席下面去鬥爭,而個老細(中央)佢唔畀你,你點樣鬥爭呢?(民主派)最少鬥爭咗咁多年,就算冇咩成果,都係丹心一片,都係盡力去做...有時失敗先睇到一個人嘅氣質,多過喺成功嘅時候。」黎智英認為,民主黨應標榜該黨「拒絕港獨,擁抱本土」的主張。林卓廷指自己性格並非如演員般會有戲劇性的演出,故唯有在選舉論壇中多談自己政績。林卓廷大嘆,本土議題已被扭曲至等同港獨、獨立,而在梁振英大力打壓下,令主張港獨的候選人更受到市民同情,令他們支持度大升。他指自己也同屬本土,在香港出生、成長,成家立室。除了擔心自己選情,林卓廷更指,不能低估泛民在今次選舉失去議會的否決權,因為除了建制派,表面激進、隨時轉軚的人也大有機會當選:「有啲人,我根本唔會當佢係民主派,佢哋初頭聲嘶力竭叫『打倒共產黨』,轉過頭就轉嗌『永續基本法、話建國』,我相信只要阿爺一撳掣,佢哋叫『共產黨萬歲』都夠膽死。」同區參選名單詳見此網頁:http://bit.ly/2aDHmxj




來源: http://hk.apple.nextmedia.com/news/art/20160902/19757804
林卓 卓廷 廷爭 入圍 黎智 智英 你係 係做 嘅人 唔係 係講
PermaLink: https://articles.zkiz.com/?id=307108

689票做特首 VS 129萬票反梁 梁振英冷笑回應:明顯反對我嘅人冇當選

1 : GS(14)@2016-09-07 08:06:20

■梁振英昨日回應立法會選舉時,避談結果反映大部份港人反對他連任。馬泉崇攝



【立會選戰】【本報訊】今屆立法會選舉中,反對特首梁振英連任的非建制派候選人在直選取得近129萬票,但只憑689票當選的梁,拒絕承認結果反映大部份港人反對他連任,更冷笑說:「有啲好明顯反對我連任嘅議員都冇當選。」不過全國港澳研究會副會長劉兆佳認為,今次選舉結果反映市民對梁振英政府相當不滿,中央選擇下屆特首時必會考慮這個因素,更直言:「冇一個香港人喺中央眼中係不可取代。」記者:林俊謙



今次立法會選舉中,打住「反梁振英連任」旗號的傳統泛民、本土及自決派等非建制派候選人,在地區直選中合共取得六成、達129萬票,整個非建制陣營更取得30席,自由黨李梓敬、現任議員田北俊及獨立王維基,更直接以反對梁振英連任做主要政綱,惟兩張名單均落選。梁振英昨日出席行會前,被問到立會選舉結果,是否反映民意不希望他連任時,即冷笑說:「有啲好明顯反對我連任嘅議員呢,哈,都冇當選,都落選。」



劉兆佳:中央眼中冇人不可取代

今屆多名現任議員如李卓人、馮檢基落選,換上年輕本土派人士當選,梁將那些落選議員說成是選民對泛民議員表現不滿意,「所以就投票畀一啲非建制派」,之後又說泛民中一些比較偏激的候選人落選,反映選民不同意「拖累香港嘅拉布行為」,但事實是在立會內推動拉布的社民連「長毛」梁國雄及人民力量陳志全,今屆均成功連任,新界西「票王」朱凱廸昨日更表明除拉布外,會用盡方法拖延政府惡法,包括衝上主席台。雖然梁振英以「語言偽術」歪曲選舉結果,但全國港澳研究會副會長劉兆佳卻直言,多名本土或自決候選人高票當選立法會議員,反映市民對現屆政府及梁振英相當不滿,相信中央考慮下屆特首人選時會評估形勢。劉兆佳又指,中央考慮下屆特首人選時,不能不考慮特首能否紓緩社會對特區政府的不滿,「坦白講,冇一個香港人,喺中央眼中係不可取代」。公民黨黨魁梁家傑昨日在記者會上,直指選舉結果反映梁振英已遭港人唾棄,諷刺對方可能因為國家主席習近平日前出席G20峯會時,又再與財政司司長曾俊華握手後「受刺激」,所以失言。港島區候任議員、香港眾志羅冠聰昨反駁梁振英的說法,指反對梁連任的人多不勝數,諷刺梁「實情係明顯支持你嘅人,例如陳玉娥及李偲嫣全部落選」。


學者指梁說法「近乎無賴」

民主黨議員涂謹申亦批評,梁振英的說法是挑戰香港人,「當香港選民死嘅」。自由黨黨魁方剛亦指梁振英回應「好好笑」,反問:「唔通梁振英覺得嗰6位後生(本土派和自決派當選人),都係支持梁振英連任?」理大應用社會科學系助理教授鍾劍華認為,梁振英昨日的回應「好低莊、近乎無賴」,認為其玩弄語言偽術的程度,已達「離譜」程度,認為新一屆立法會中,除有拉布議員社民連「長毛」梁國雄和人民力量「慢必」陳志全外,本土和自決派的當選人,會採取比泛民更激進的抗爭行為。鍾劍華又指,劉兆佳的言論與早前張德江的訊息一致,就是中央希望改善特區行政立法關係,認為中央考慮下屆特首人選時,必會作出考慮,「要政府運作暢順,下屆特首一定唔係梁振英」。




來源: http://hk.apple.nextmedia.com/news/art/20160907/19763186
689 票做 特首 VS 129 萬票 票反 反梁 梁振英 冷笑 回應 明顯 反對 我嘅 嘅人 人冇 當選
PermaLink: https://articles.zkiz.com/?id=307897

周永勤爆棄選黑幕中央駐港部門威逼「我哋想當選嘅人唔係你」

1 : GS(14)@2016-09-09 04:48:42

■周永勤昨指四度被威逼棄選立會,無奈就範的他「覺得自己係雞蛋,要你散就散」。許頌明攝



【立會選戰】【本報訊】今屆立法會選舉,以周永勤棄選最哄動。早前宣佈不想惹上「更高層次麻煩」而被迫棄選的自由黨周永勤,昨終現身解謎,透露參選前四度被北京人士及中央駐港機構人員威逼利誘,要他停止選舉工程;他們以金錢與官職做餌,又要脅周永勤身邊人安全,更明言「我哋想當選嘅人唔係你」。記者:梁佩珊



原本出選新界西地區直選的周永勤,於臨近投票日,全身黑衣出席電視選舉論壇時突然宣佈棄選,他昨向傳媒交代事件始末。7月中旬,他被兩位「駐港部門」人士約見,對方直指「我哋想當選嘅人唔係你,你並冇我哋嘅祝福」,「你冇機會贏,點解你要參選」,更游說他如放棄參選立法會議員,將會有不同的官職可選擇。4日後,與周永勤有20年交情的商界朋友以金錢勸說他棄選,「你知唔知你參選會得罪好多人,你最好就唔好選」,周稱對方從不知名渠道得知自由黨給予的選舉經費,並稱有「老細」給予比選舉經費多一倍的金額作補償,但周即時警告對方言論犯法,他亦堅決繼續選舉工程。



北京人士稱對身邊人採行動

直至正式參選當日(7月19日),他再次被兩位「駐港部門」人士約見,被召到沙田辦事處的密室,明確提到他的參選會影響其他候選人,「不如你唔好選,你再選會搞到建制派攬炒,包括梁志祥同何君堯」。8月24日,3名北京人士召見他,並安排到深圳一間酒店密室會晤,要求他作出3項承諾,包括不能出席任何選舉論壇、停止選舉工程、離開香港直至點票完畢才可返港,否則對他的身邊人立即採取行動。周形容感受猶如「一個考試好勤力嘅學生,儘管成績唔係好好,但竟然有人同佢講你唔准考試,直到派成績表,你先好返嚟」。該3名北京人士表示即日向「老細」交代,要他即日做決定,周永勤形容對方掌握其家人和朋友「巨細無遺」的資料,包括背景、生活來源、生活習慣,對方皆可逐一說出,「我開始驚,呢啲係超出私家偵探可掌握嘅資訊」,他擔心身邊人因他參選而付出生命代價,於是翌日在選舉論壇上宣佈棄選。周永勤說,20年的從政工作,令他見證新界西的政治複雜性,但他始終無法理解知名度低的自己會被盯上,「參選權係應該有,何況根據民調,我係微不足道,點解仲會覺得我係一個不穩定因素,而要減少我呢個不穩定因素嘅影響呢?」



直指一國兩制蕩然無存

「大家出席記者會,唔係要關心周永勤,要關心背後選舉係咪有人操控,如果係嘅話,呢次係香港人可以喺選舉自由投票嘅最後一次。」周永勤直指北京對香港的操縱已令一國兩制蕩然無存,「操控選舉,係咪已經超越一國兩制呢,大家都心裏有數」。不過,問及被多次要求棄選是否與同區另一參選人何君堯有關,周永勤不願評論,但補充指「有人是否政治傀儡,是否有能力」,自有公論。自由黨人大代表劉健儀及政協委員周梁淑怡將就事件,分別致函人大委員長張德江和全國政協主席俞正聲,要求中央徹查,查明是否有內地人員干預本港立法會選舉。何君堯競選經理張寶玉回覆《蘋果》指,由於廉署仍在調查事件,何君堯不會回應。




來源: http://hk.apple.nextmedia.com/news/art/20160908/19764275
周永 永勤 勤爆 爆棄 棄選 黑幕 中央 駐港 部門 威逼 當選 嘅人 人唔 唔係 係你
PermaLink: https://articles.zkiz.com/?id=308101

仿效美食車變時裝車老闆娘愛自由:遇到唔同嘅人

1 : GS(14)@2017-03-03 00:54:36

熙來攘往的洛杉磯市中心區域,行人腳步匆匆。時間接近中午,商業區廣場前停了幾架美食車,為附近上班族提供不同午餐選擇。這些美食車在美國L.A.並非特別景象,其中卻有一輛特別顯眼:外頭擺着假人模特兒,兩邊也掛着流行服飾,走近一看才發現原來不賣食物,而是一間專賣時裝的「行動服飾店」。駐洛杉磯記者:陳志豪這是由Cherry和Kim所開設的「roam.e行動服飾店」,兩人每天就「帶着」服飾店上班,駕車尋找適合地點開店,成為都市中的奇景之一。在開設這間行動服飾店之前,兩人同在一間大型零售商擔任服裝買手;日復一日的單調工作,讓她們興起了自己創業的想法。來自菲律賓的Cherry說:「既然我與Kim都對服飾業這麼瞭解,那就繼續做我們在行的吧!」她本來的想法很單純,就是租間舖、開屬於自己的店,「但L.A.的租金實在太高了!隨便租個空間就可能要5,000美元(約3.9萬港元),於是我們想:既然美食車在L.A.這麼普及,我們何不用類似的概念開個服飾店」。對於在時尚界打滾已快十年的她們來說,經驗就是最大的資產。從構思到實際開業,很有行動力的兩人只花了兩個月的時間籌備。不過與現在門庭若市的景象大不相同的是,剛開張時生意很冷清。Kim說,「當時我們不知道怎麼吸引客人走進來,一天下來別說沒賣出甚麼東西,連進來的人數都很少」,許多人都會在門口猶豫不決,因為對行動服飾店這種概念還很陌生,「洛杉磯人熟悉美食車的模式,點完菜就在外面等。但是要『走』入一輛卡車買東西,多數人還是不習慣」。所幸經過了一段時間的摸索,兩人也慢慢懂得怎麼吸引顧客上門,Cherry解釋,「現在我們知道要把店面『向外延伸』,把重點商品掛在外面,讓大家從外邊一路看進車內」。這個策略不僅有效,也帶來更多不同的客層,「我本來以為會以年輕女性居多,但驚訝的是,不管男女老幼都對我們的店感到興趣,評價也都很好」。來給祖母挑生日禮物的型男Edward,就是被外面模特兒身上的毛衣吸引進來的。他說,「她們的商品看起來品質很好,價格也不貴,加上服務也很細心……不像我剛在Macy's(梅西百貨)的時候,根本就沒有售貨員理我」。Edward認為,兩人詳細的解說也是他喜歡這個地方的原因,他覺得這種被重視的感覺,絕對會讓他想要再次上門。其實Edward的感受也正是兩人開店理念的一環。Kim說,從前在服飾公司擔任買手,只重視成交與否以及其背後所代表的數字,「但在這裏,我可以直接與我的顧客互動,第一時間就能夠知道他們的想法。一旦商品的評價不好,我們馬上就可以替換掉,這在以前是想像不到的」。她認為這些互動「很有溫度」,所以開店一年多以來,每天都覺得自己過得十分充實。那未來想不想找個固定地點呢?Cherry與Kim都表示,擁有一間店面當然是她們長遠目標之一,但現階段兩人都很享受現在這種自由自在的感覺,因為「在不同地點可以遇到不同的客群,十分有趣」。下次在L.A.街頭看到「roam.e」卡車,可不要猶豫,大方地走進去選購吧!話你知:想知神出鬼沒的時裝車每日在哪?可以上 http://shoproam-e.com/查詢。




來源: http://hk.apple.nextmedia.com/international/art/20170301/19943911
仿效 美食 車變 時裝 老闆娘 老闆 自由 遇到 唔同 同嘅 嘅人
PermaLink: https://articles.zkiz.com/?id=327307

樂香園:李澤鉅係點嘅人?

1 : GS(14)@2017-06-25 10:00:00

外媒日前引述長和系內部消息,指主席李嘉誠計劃在明年7月29日、即90歲前退休。正當市場認定有人在「試水溫」之際,誠哥的紅顏知己周凱旋,數小時後突然發文為誠哥解畫,說有人「亂報道」,又話誠哥感莫名其妙,孰真孰假time will tell。但正所謂,最鋒利既刀都有生銹嘅一日,大家準備呢一日都準備咗五年,與其諗誠哥幾時退,不如先了解下接班人李澤鉅係一個點嘅人。街外對李澤鉅的評價,最主要是「數口精」、「計到盡」。兩年前他主理長建(1038)併電能(006),已盡顯其「只有1蚊喺枱面、應賺嘅我都要賺盡你」的作風。佢又喜用「Poker Face」形容自己,堅持大家係「估佢唔到」嘅。他近年另一金句,是去年中期業績時,曾向分析員表示「除長江中心、和記大廈之外咩都可以賣」,仲補多飛形容自己是「No ego,No emotion.(不會意氣或感情用事)」,和李嘉誠吓吓強調自己愛香港愛祖國,好大對比。海迪一名二線地產商高層朋友,說他曾在陽明山莊的百佳遇上李澤鉅,只見他當時孤身一人站在走廊望着貨架一段時間,而盡頭有數名保鑣「把守」。另一位朋友則曾因工作原因,須於一公開活動與李澤鉅同枱午宴,但事前竟被對方要求提交CV,大感莫名其妙。或者李澤鉅是一位工作能力很高的人,符合守業者穩穩陣陣的條件,即使李嘉誠退休,短期在無敵的股份回購下,長和系根本不會見絲毫動搖。但視野、人脈長遠就會見真章,海迪相信箇中的分別,將會大過Steve Jobs和Tim Cook。海迪



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/financeestate/art/20170623/20065842
香園 李澤 鉅係 係點 點嘅 嘅人
PermaLink: https://articles.zkiz.com/?id=336842

星爺難相處?朱茵:有才華嘅人比較怪癖

1 : GS(14)@2017-08-17 08:11:54

貌似王祖藍嘅內地主持金星,一講起佢就會諗起「變性」、「毒舌」,近年佢個東方衛視節目《金星秀》,因為問題夠尖銳,又敢言而大受歡迎,索媽「紫霞仙子」朱茵日前錄新一集,未播出街,已經有兩條宣傳片流出。朱茵現時同老公黃貫中擁有幸福家庭,面對主持金星「拷問」當年同周星馳拍拖嘅往事,朱茵冇刻意避談舊愛,仲爆星爺有才華,但有怪癖,唔係一個易相處嘅人,更有現場知情者講朱茵講咗好多戀情細節,仲惹得金星即場爆粗。不過暫時就冇得睇完整版,見宣傳片中,主持金星「單刀直入」問朱茵係唔係真係同周星馳拍過拖?朱茵回答:「我們拍戲的時候,是一對好的對手。」朱茵仲話星爺係有才華嘅人,不過有才華嘅人都有怪癖,唔係太易相處,要跟星爺聊天,就要知道呢個人喺呢刻嘅狀態ok先得。問到星爺心目中最完美嘅女神係唔係佢?朱茵即問非所答:「我不覺得會是我,他頭髮白,是因為他可能不想再去染頭髮,麻煩吧!」咁佢結婚嗰陣,星爺有冇送祝福?朱茵諗咗一陣,笑容有啲尷尬:「我也沒有告訴圈內很多人,沒有!沒有!」金星又指任何一個電影男導演都有一個靈感女神,金星覺得朱茵就係星爺嘅靈感女神,見朱茵一臉愕然,金星續言:「這個你一定要接受的,我們看這麼半天,就他在跟你拍戲的時候,周星馳是發光的,你也是發光的,他下邊的作品,也可以拍,但他的靈感女神沒了。」朱茵同星爺喺大家心目中可能係「最佳螢幕情侶」,不過佢哋合作過嘅作品,其實係得《逃學威龍》同《西遊記大結局之仙履奇緣》,朱茵喺1992年同星爺拍拖,發展咗3年地下情,最後因為有傳男方偷食,朱茵決定分手,兩人再見不再是朋友,令到朱茵自信心徹底崩潰,用咗約3年時間先慢慢康復,直到黃貫中嘅出現,朱茵先覺得搵到生命中嘅最愛。




來源: http://hk.apple.nextmedia.com/entertainment/art/20170817/20123591
星爺 爺難 相處 朱茵 才華 嘅人 比較 怪癖
PermaLink: https://articles.zkiz.com/?id=340051


ZKIZ Archives @ 2019