阿信改歌詞冧阿嬌
1 :
GS(14)@2015-07-20 08:38:21台灣歌手阿信前晚在九展開騷,全場爆滿,鍾欣潼(阿嬌)與幾位朋友去撐場。阿嬌儼如小粉絲不停用手機影相,阿信腦筋急轉彎,將歌詞改做「我要阿嬌陪我去」,阿嬌當然受落,甜笑不停。之後阿信再用半鹹淡的廣東話歌唱「少林功夫好嘢」,令全場爆笑。有傳阿信明年結婚,他直認不諱說:「現在找地方,如在台北舉行最方便,但外地較浪漫,好似峇里、法國,但好貴。」當他知道有粉絲早上8時已排隊,即好關心地說:「辛苦大家,其實可以先行街、吃東西。希望可以再來香港開騷,由細地方一步一步來。」採訪:譚倩宜攝影:陳志嵐
來源:
http://hk.apple.nextmedia.com/entertainment/art/20150719/19224463
Juno冇諗阿嬌唱《羅生門》
1 :
GS(14)@2015-07-30 08:19:38麥浚龍(Juno)和謝安琪(Kay)昨日在商台宣傳合唱歌《羅生門》,外界猜測這歌中提到跟前女友有十年之約的女主角是鍾欣潼(阿嬌),Juno否認並指只是一個角色,他說:「全件事係10年前首歌《耿耿於懷》開始架構,歸功於黃偉文,我只係一個導演。」至於唱此歌時可有想起阿嬌,他說:「我只係成日諗起Kay。」
Juno和Kay同樣感覺此次合作很夢幻,Kay謂二人差不多時間出道,大讚Juno成熟、有男人味。另外,最近有情侶分手,男方激動企圖自殺,女方用他們合唱歌的歌詞抒發感情,Juno說:「希望大家都和氣,聽眾有佢哋嘅智慧,唔好聽到自毀。」採訪、攝影:王連連
來源:
http://hk.apple.nextmedia.com/entertainment/art/20150730/19236438
阿嬌唔怕Juno同場
1 :
GS(14)@2015-11-02 08:53:00■阿嬌前晚與因工作缺席頒獎禮的Juno(小圖)緣慳一面。
「香港流行音樂MV頒獎禮」前晚在九展舉行,鍾欣潼(阿嬌)與蔡卓妍(阿Sa)的Twins和麥浚龍(Juno)分別憑《LOL》和《羅生門》MV攞獎,除阿Sa外,Juno亦因工作未有出席,與阿嬌緣慳一面。問阿嬌會否親自執導拍MV?她表示未有此想法,問是否喜歡拍片?阿嬌說:「真係好少。」會否怕跟Juno同場尷尬?阿嬌說:「冇呀,佢嚟唔嚟關我乜嘢事箒?見到咪Hi囉。」跟Juno是否沒聯絡?阿嬌反問:「佢唔係自閉咩?」
麥浚龍(Juno)資料圖片
同場的吳若希對於有報道指她與鄭俊弘一齊出騷合共收2萬5千元酬勞,吳若希寸爆回應:「你哋信唔信吖?呢啲新聞都係搵嘢嚟寫。」採訪:盧妹攝影:陳俊強
來源:
http://hk.apple.nextmedia.com/entertainment/art/20151101/19355334
阿嬌公開徵婚想生B
1 :
GS(14)@2016-08-10 07:54:51■阿嬌不介意姊弟戀,最重要是彼此價值觀相近。
鍾欣潼(阿嬌)、林峯、張敬軒、鄧紫棋(G.E.M.)及王菀之等,前晚在九展出席「香港流行音樂MV頒獎禮2015」,阿嬌直認恨生B:「我基因唔差,但要搵個靚仔老公先。我唔揀擇,但基本條件要有,為下一代着想,要四四正正,經濟有基礎更好,細過我唔緊要,最重要思想成熟,彼此價值觀相近。」提到鄭嘉穎離開無綫,林峯認為每人所選的路都不同。對於最近內地實施「禁韓令」,林峯認為應該多支持中港台藝人。G.E.M.雖然晒半球示人,但心繫千語BB的林峯也目不斜視。採訪:馬建華攝影:沈健程
來源:
http://hk.apple.nextmedia.com/entertainment/art/20160810/19729731
阿嬌拒接花球 驚嫁唔出
1 :
GS(14)@2016-08-18 06:04:28■阿嬌笑言接到花球半年不結婚,3年內會嫁唔出。
蔡卓妍(阿Sa)、鍾欣潼(阿嬌)、周柏豪、J.Arie及鄭希怡(Yumiko)等昨在九龍灣為電影《原諒他77次》開鏡。戲中Yumiko與阿Sa等為J.Arie擔任姊妹,Yumiko接到花球後順勢推給阿Sa,阿Sa即搞笑謂:「幻覺嚟㗎箒。」
■(左起)阿Sa、Yumiko等在片中飾演J.Arie(右)的姊妹。
Yumiko直言希望阿Sa現實生活中能得到幸福,阿嬌則笑言不敢接花球:「人哋話接完半年都唔結,就3年都嫁唔出。」她又自爆被楊受成問有沒有男朋友,記者笑指可以考慮楊生的兒子楊政龍,阿嬌說:「老闆叫我唔好,佢話我會傷心。」採訪:盧妹攝影:仇志德
來源:
http://hk.apple.nextmedia.com/entertainment/art/20160818/19740643
賀「霸道總裁」生日阿嬌:永遠愛你的我
1 :
GS(14)@2016-11-23 07:53:23蔡卓妍(Sa)自從同「的士陳」分手,身邊一直未見有伴侶,不過華麗單身嘅阿Sa一向係圈中嘅開心果,人緣極佳,前晚開34歲生日P,好友Yumiko(鄭希怡)、Niki(周麗淇)、鍾欣潼(阿嬌)及何超蓮等都有去,仲喪post合照上網。靚靚嘅阿Sa著上紅黑格仔衫,露出膊頭,大晒型格成熟美,阿嬌就喺Instagram貼出扮錫錫嘅相,留言:「生日快樂!生日快樂!生日快樂!重要嘅事情要講三遍,祝我的霸道總裁幸福快樂,心想事成,永遠愛你的我。」而好姊妹Niki亦有攬緊阿Sa嚟錫。至於,一直被外界覺得同阿嬌好似樣嘅超蓮,佢喺Ig寫道:「Sasa生日快樂!love you…」馬天佑就笑阿Sa一見蛋糕個樣,佢就留言:「睇吓邊個個樣咁含羞答答就知邊個生日啦!Happy Birthday!」
來源:
http://hk.apple.nextmedia.com/entertainment/art/20161123/19842559
Next Page