ZKIZ Archives


中環在線:旺旺蔡董收息唔夠買中時 李華華

2008-11-19  AppleDaily

旺 旺(151)噚日宣佈派發特別現金股息0.6美仙,相當於4.68港仙,持股量達51.11%(67.3億股)嘅大股東兼董事長蔡衍明,就有3.16億港 銀袋袋平安。蔡總啱啱買得成台灣中時集團,諗住做「傳媒大亨」,今次雖然有大筆股息落袋,但似乎都唔夠找中時條數喎!兩個禮拜前,蔡總同埋家族成員以私人 名義收購中時集團,當時冇披露收購價,旺旺亦強調上市公司冇份買,不過台灣媒體報道,旺旺母公司旺旺集團係以204億新台幣(大約48億港銀)買入中時集 團。

以旺旺食品起家嘅蔡衍明,根據今年6月福布斯公佈富豪排名榜,佢喺台灣富商中排第9,身家有成26億美金(近203億港銀),睇嚟特別股息只係補幫 吓,蔡總另外要扲荷包找數。旺旺就話,派特別息係為咗感謝股東喺「如此艱難的資本市場環境下」給予支持,董事會仲話有考慮到公司現金水平,以及財務狀況穩 健咁話。
中環 在線 旺旺 蔡董 收息 唔夠 夠買 中時 華華
PermaLink: https://articles.zkiz.com/?id=3313

聯想唔夠飽中環在線:柳傳志復出撲饅頭 李華華


2009-02-11 AppleDaily








內地IT企業教父柳傳志為咗「命根」聯想集團(992)復出,做非執行主席,成效係點,仲有待時間驗證,但金融海嘯再次引起坊間質疑,聯想係唔係行錯國際戰略呢一步棋?

宏願做百年老店

內 地《第一財經日報》訪問咗柳傳志,佢老人家堅持,無悔「走出去」併購美國IBM嘅個人電腦業務,之不過,佢話融合過程係要交學費嘅,一來有語言問題;二來 條路行嚟跌跌撞撞,營業額起起伏伏,仍未達標,「本來要五個饅頭才能飽,現在吃了兩、三個饅頭,可能快到了第四個」,睇嚟,集團仲有一段時間至飽,但起碼 已經睇到聯想有食飽(營業額達標)嘅希望。柳傳志又講到,以前聯想都曾經遇到呢啲大風浪,甚至係沒頂之災,但佢有信心憑經驗帶領聯想走出今次困境,邁向偉 大嘅國際化公司。乜嘢為之「偉大」?就係壽命要長過百歲,仲要對社會有更大影響力同埋財務回報。嘩!屈指一算,聯想o依家得嗰25歲,真係前路遙遙……

開會、專訪冇時停

食 飽先可以瞓,聯想仲未食飽,柳傳志又點會有覺好瞓。話說集團上個禮拜四宣佈管理層大執位,同日下晝3點仲公佈第三季度業績,柳傳志嗰陣身在紐約,已經係凌 晨一兩點鐘,唔單止要主持電話業績記者會,又要接受國內外傳媒個別訪問,之後仲馬不停蹄同集團董事開會,搞到成晚冇瞓覺。後生仔捱一晚半晚無所謂,但對於 行年快將65歲嘅柳傳志嚟講,都咪話唔辛苦。華華希望佢保重身體啦。李華華LiWaWa@AppleDaily.com
 



聯想 唔夠 夠飽 中環 在線 柳傳 傳誌 復出 饅頭 華華
PermaLink: https://articles.zkiz.com/?id=5833

放榜翌日增持價位唔夠陸掌櫃筍霍大班挺和黃掃入「一球」 李華華



2010-8-11 AD


 

做得上市公司高層,幾時都應該兩脇插刀力撐公司,口講都未夠好,最實際係自己扲荷包增持,之不過,增持都要揀啱時機,搵個靚價位!

話說和黃(013)上星期四派中期成績表,3G業務否極泰來,出年仲可能自負盈虧,超人主席講明前景都秀麗,第二日和黃股價即刻升咗近一成。

只得開市見過吓54蚊

根據聯交所資料顯示,嗰朝早,超人兩隻頭馬──大班霍建寧同埋掌櫃陸法蘭,原來都有出錢撐老細,老霍豪掟5675萬(大概係佢年薪一半喇)買咗100萬股,而老陸就用咗810萬買咗15萬股。

再 睇睇兩位嘅入貨價,一向精明嘅老霍,平均入市價係56.751元,但係原來老陸先至係真正嘅「精明眼」,平均價只係54蚊,而嗰日和黃除咗喺開市嗰陣見過 吓54蚊,之後就一直有升無跌,絕對係超抵價……唔係話老霍俾唔起錢,之但係執輸行頭慘過敗家,嗰朝佢到底做乜咁遲出手?唔知醒?抑或部iPhone 「hang機」,落唔到盤呢?

李華華

LiWaWa@AppleDaily.com


放榜 日增 價位 唔夠 夠陸 掌櫃 筍霍 大班 和黃 掃入 一球 華華
PermaLink: https://articles.zkiz.com/?id=17373

中環在線:天氣唔夠凍高盛唔睇好波司登 李華華




2011-1-28  AD


 

賣衫嘅同農夫一樣,大家都要望天打卦!如果嗰排多打風落雨,咁就梗係少人行街買嘢啦;又或者嗰年唔夠凍,啲大褸、厚衫就唔使旨意賣得出!不過,畀個天玩嘅唔單止服裝零售商,仲有零售股分析員!

話 說喺舊年12月中,波司登(3998)嘅首席財務官麥潤權就曾經同華華講過,覺得一開始啲天文預測話今年會有「千年一遇」嘅寒冬,真係有少少吹大咗,佢希 望到1月真係會凍番啲。華華喺香港,就覺得1月已經幾凍嘞,大陸好多地方仲落晒雪結晒冰o忝。高盛原本係以為今年會「超凍」,1個月前先估波司登羽絨銷售 可以按年升40%,仲叫人買;o依家就發現信錯咗個天氣預測,將今年度羽絨銷售增長大減去到得番13%,又要降番級去「中性」,仲將波司登剔出埋亞太區買 入名單……唔怪得波司登呢幾日急插,噚日仲跌咗8%啦!


中環 在線 天氣 唔夠 夠凍 高盛 唔睇 睇好 波司登 華華
PermaLink: https://articles.zkiz.com/?id=21860

中環在線:惡搞股東踩場嫌四叔唔夠點心 李華華


2011-6-10  AD




 

上市公司每年一度嘅股東會,除咗俾公司管理層同股東見吓面,接觸一吓,好多上市公司都好識做,會預備定茶點畀小股東享用。不過,噚日恒基地產(012)嘅股東會就出現唔夠點心派,搞到股東喺傳媒面前發難嘅場面,出手一向闊綽嘅四叔恒地主席李兆基今次真係失威。

其實恒地已經有幾好嘅分配制度,股東只需要拎住張飛,就可以去換點心,但失策在四季酒店竟然唔夠貨,又唔即刻加碼,反而叫股東第二日再嚟過。

至於發難嗰位股東,亦唔係善男信女,明明已經離開會場,但因為換點心不果,所以折返喺傳媒面前「告狀」。眼厲兼心水清嘅記者行家,一眼就認出,佢曾經出現喺電盈(008)股東會,同樣係用各種方式引傳媒注意,可能呢位股東志不在區區點心。

其實近年上市公司股東會嘅「膳食」安排已經比以前改善,華華記起當年金融風暴,唔少上市公司嘅股東都變咗「大閘蟹」,於是將不滿化為「食」量,所以偶然都出現小股東鬧唔夠點心場面。

03年沙士,由於衞生問題,好多公司先行將茶點打包,股東每人一份,乾手淨腳唔使爭。

萬邦招呼好港鐵水都冇

據華華多年出席股東會經驗,最抵讚係萬邦投資(158),可能股東人數唔多,所以每年都喺中環翠亨邨招呼股東食餐晏。仲有就係超人李嘉誠嘅長和系,會喺自己嘅酒店請股東食自助餐。至於最慳家嘅應該係港鐵(066),皆因咁多年股東會,水都冇杯畀小股東飲。

李華華

LiWaWa@AppleDaily.com


中環 在線 惡搞 股東 踩場 場嫌 嫌四 四叔 叔唔 唔夠 點心 華華
PermaLink: https://articles.zkiz.com/?id=25621

謝天華唔夠料無綫捧黎耀祥陳豪冧庄

2011-9-22  NM




距離無綫《萬千星輝頒獎典禮》不 足兩個半月時間,暫時被睇高一線做新科視帝、視后人選,只有鄭嘉穎、謝天華、陳法拉以及鍾嘉欣,相比兩屆盟主鄧萃雯、黎耀祥,差太遠。唔想頒獎禮失色,無 綫立即「做嘢」,於台慶月推出四套由一線花旦小生擔正的重頭劇,包括黎耀祥、張可頤主演的《法政先鋒III》,陳豪、林保怡、佘詩曼擔正的《天與地》,宣 萱、胡杏兒雙旦出擊的《萬凰之王》,以及由阿姐汪明荃同福祿壽合演的《荃加福祿壽探案》,製造視帝、視后爭崩頭話題。據了解,愛打穩陣章的無綫,為保持視 帝水準,大有機會再捧黎耀祥、陳豪做視帝,令大熱Laughing Sir謝天華空歡喜一場。變陣捧大熱

踏入九月份,無綫至今僅得《潛行狙擊》一劇成為視迷話題之作,即使《怒火街頭》和《點解阿Sir係阿Sir》有口碑,但收視點卻未能創歷史新高,導致視 帝、視后大熱人馬,是根本未坐穩一線的謝天華與曾經做過視帝的鄭嘉穎,以及鍾嘉欣、陳法拉之爭。「到現時為止,只係得Michael(謝天華)同嘉穎叫做 突出啲,但又未至於夠料做視帝,已經有高層開聲,話佢哋兩個攞獎唔夠noise。」一名無綫幕後人員透露。唔想頒獎禮暗淡無光,無綫內部急忙對策,決定在 台慶月前夕,陸續推出四部由正宗一線小生、花旦主演的劇集,務求在短時間內捧出視帝視后大熱。

最後衝刺

打頭陣有阿姐汪明荃和王祖藍、李思捷、阮兆祥領軍的《荃加福祿壽探案》,十月三日晚上八點半播出;至於被指有機會三度問鼎視帝的黎耀祥,同張可頤主演的 《法證先鋒III》,安排在十月十日緊接「Chok王」林峯的《不速之約》九點半檔上場。《荃加福祿壽探案》之後,就有《金枝慾孽》加《宮心計》混合版, 由宣萱、胡杏兒擔正的《萬凰之王》,十月三十一日播。至於原定今年五月出街,由陳豪、林保怡、佘詩曼主演,講人食人的《天與地》,最後變成台慶月壓軸劇, 於十一月二十一日緊接《法證先鋒III》檔期推出。

全 抄 宴

無綫劇集經常被指抄襲,近作有林峯的《不速之約》,被指明抄《死亡筆記》加《情約今生》。而即將播出的四套台慶劇,同樣欠新意,《法證》、《天與地》繼續 「老翻」西片,而《萬凰之王》、《荃加福祿壽探案》則翻炒無綫舊劇。

《法證先鋒Ⅲ》抄《CSI》演員:黎耀祥、張可頤《法證III》講述警方從科學角度破案,利用指紋、鞋印、血漬、毛髮等證據,作為破案關鍵。查案期間,又 加插男女主角愛情支線,內容橋段似足外國電視劇集《滅罪鑑證科》(CSI)。

《天與地》抄《天劫餘生》演員:佘詩曼、陳豪、林保怡、邵美琪以人食人具爭議性話題作賣點的《天與地》,擺明車馬抄西片《天劫餘生》。《天與地》講述四個 主角去旅行,在雪山遇險,最後為充飢,迫不得已人食人,後來地球暖化,雪山溶雪發現屍體,令人食人事件曝光。

《萬凰之王》《宮心計》mix《金枝慾孽》演員:宣萱、胡杏兒、陳山聰、陳錦鴻講述後宮妃嬪惡鬥的《宮心計》、《金枝慾孽》,女主角個個「奸到出汗」深受 觀眾歡迎,《萬凰之王》重抄舊橋,飾演皇后的胡杏兒,出陰招陷害宣萱,二人在宮內明爭暗鬥,完全是《宮心計》和《金枝》混合版。

《荃加福祿壽探案》演員:汪明荃、陳茵媺、王祖藍、阮兆祥、李思捷《荃加福祿壽探案》以60年代做背景,講述開偵探社的阿姐,聘請了福祿壽三人扮鬼扮馬合 力查案。無論故事背景、手法都同98年由羅嘉良、張可頤合演的《難兄難弟之神探李奇》相似,兩套劇亦同樣加入扮嘢元素。

法拉中空寶

無綫變陣迎接十二月的《萬千星輝頒獎典禮》,有視帝黎耀祥坐鎮,又有戀情帶旺人氣的陳豪,謝天華、鄭嘉穎隨時由大熱變大冷。至於視后,有指陳志雲歸位,會 恩賜迷雲黨成員陳法拉上位做視后,但據知在陳志雲涉貪污案期間,陳法拉一度變節暗投樂易玲,令封后機會存在變數。「法拉係醒目女,唔會好似 Bernice(廖碧兒)咁擺明車馬同陳總劃清界線,其實陳總出事無耐,法拉已經過檔樂易玲馬房,每次樂小姐吹雞搞飯局,都會俾面出席,好多時仲會帶埋男 朋友去添!」一名幕後人員透露。

黑馬胡杏兒

陳法拉的忠誠度,陳總心裡有數,憑Madam Jo一角爭視后的她,攞獎機會大打折扣。至於《點解阿Sir係阿Sir》的鍾嘉欣,雖然跪喊羅Sir陳豪一幕感動唔少觀眾,但有指無綫高層嫌她未夠火候, 非視后最佳人選,勝算大減。相反,被指演技一般,冏樣纏身的胡杏兒,卻被讚在尚未出街的《萬凰之王》中有脫胎換骨表現,大有可能以黑馬姿態跑出。「有份拍 過《萬凰之王》嘅導演同幕後,都話胡杏兒今次收埋晒冏樣,演技好似變咗另一個人,不過佢唔算好有觀眾緣,都要睇套劇出咗街嘅反應同高層口味,先知有冇機 會。」幕後人員說。

預測視帝視后五甲

每年的台慶頒獎禮,無綫一眾小生花旦為視帝、視后爭崩頭。今年暫以演「Law霸」的鄭嘉穎及「Laughing Sir」謝天華,被捧為大熱人選,至於視后,做「Madam Jo」的陳法拉和「Miss Cool」鍾嘉欣,同樣被看高一線,但仲有四套「台慶劇」未出街,預計十二月頒獎禮,以下十位人選,最有牙力角逐視帝、視后寶座。


謝天 華唔 唔夠 夠料 料無 捧黎 黎耀 耀祥 祥陳 陳豪
PermaLink: https://articles.zkiz.com/?id=27875

股票經紀唔夠單做看更

2012-10-04  NM




港股投資氣氛慘淡,以往每日成交近千億的記錄,俱往矣。今年頭八個月,每日成交金額已萎縮至只有四百多億元;但全港經紀卻有近四萬個,僧多粥少,無單開又點算?

做了五年股票經紀的Tommy,每月只賺三千元,要在假日到博物館做看更;而算是儲了一批熟客、做了逾二十年的林德明,亦要節衣縮食,早餐併午餐,靠老婆 撐起頭家。這些故事,在瀕臨淘汰邊緣的證券界中,比比皆是;從前「身光頸靚、魚翅撈飯」的股票經紀,早已風光不再。新丁

一個月搵三千

上星期五,三十歲的Tommy帶記者到他工作的證券行拍照;千餘呎的大廳內,坐了近三十個經紀,每個人對著面前的兩、三部大螢幕電腦,全神貫注。望一望 Tommy的電腦,原來他正在用看股票的電腦專注玩online game「Dream World」,其他經紀則上團購網打發時間,亦有經紀一邊聽歌,一邊閉眼養神,「日日都係咁,無生意,上年紀咪睇報紙,後生多數拎電話出來打機。」 Tommy見慣不怪地說。

Tommy在這間證券行已「掛單」快兩年,原來因為近年成交大萎縮,證券行已不再以底薪連佣金請新人,改為找來「自僱人士」分租行內的股票機及地方接客, 亦即經紀要「拆傭」當交固定租金,餘下才是自己袋。「不過市最淡時,拆傭後一個月只袋千八蚊,今個月叫好,有三、四千蚊。唯有自己炒埋一份搵食,每個月搵 多四千蚊左右啦。」他隨即打開即月恆指一分鐘圖,指半小時內上下波幅不足三十點,「個市根本無人炒,而家每日四百幾億成交,其中六成係基金左手交右手,散 戶落盤唔多,我哋根本無咩傭收。」

《大時代》啟蒙

近半年來,Tommy每個月都有五至十日完全無生意,結果在朋友介紹下,他在週末到中環的孫中山紀念館兼職做客戶服務員,但工作性質與看更無異,每個月做 三至五日,朝九晚七點半,時薪三十五元,每個月幫補到千多兩千元,「其實係巡館,搬嚇枱,有人問路咪答嚇囉!」但計及這份兼職,Tommy每月總收入仍不 足一萬元。 Tommy當初入行,全因為九二年熱播的電視劇《大時代》,他說這套劇令他對股票產生了興趣,「細個睇丁蟹炒股、指數上上落落覺得好得意,好想知道係點賺 錢。」大學畢業後,他就在銀行做落盤,每日至少二、三百個成交,「○七年真係做唔停,月入三四萬,公司出雙倍人工、送埋飯盒,想你食晏都坐喺度做埋!」不 過其後他的經歷,就反映了港股近年的起伏。○八年金融海嘯,Tommy每日成交由三百個大跌至四十個,銀行要求額外幫手推銷保險,「開市落盤,收市就打俾 啲客sell保險、sell債,嗰時爆完雷曼無幾耐,邊有人買,老細捽數捽得好勁,最後頂唔住壓力走!」Tommy轉到華資證券行做了一年多,但又因華資 行加薪不及大行,最後決定自己在證券行「掛單」。

無錢拍拖買樓

Tommy現時單身,和家人同住,坦言自己份糧,計落低過洗碗,別說買樓、連拍拖都難,閒時落街踢波,放工便回家打機,慳得就慳,「以前每個月儲到四千 蚊,間中去食自助餐!而家餐搵餐食,搭車食飯上網及電話費都三千,家用又俾三、四千,每個月剩番一千蚊,儲唔到錢o架!」他說家人不時勸他轉份有底薪的穩 定工作,但他仍然想捱多兩年,搏股市由谷底反彈,「今年頭半年,每日得二百億成交、一百點波幅,日子真係好難捱!我都曾經心灰意冷,我有學位又有證券、期 貨牌,搵份銀行客戶經理,月入都過兩萬啦!」他說,掛牌前的目標,就是在三年內賺到五十至八十萬,可惜做了近兩年,事與願違,「咁我自己盡咗力,個市差都 無辦法;但自己仲後生,搏個市成交量升番、波幅多啲,我就一定有得做!」

老經紀瀕「死」上街反擊

Tommy對前景仍抱有一絲希望,但做了二十多年的老經紀林德明,卻認為前路艱難矣。早上九時半開市,本應很忙,但林德明卻買份早餐,在證券行施施然地 吃,「你睇,個個都喺度睇報紙咋。」他說未遇過如此艱難境況:「唉,自由行,樓價升,唔關我事;股市成交愈來愈少,我哋收入仲少。」他說以往差極都搵三 萬,今年開始連公司每月給予的數千元車馬費,收入最多只有一萬,養的是一家四口及八十歲母親。他的慳錢招之一,是一份早餐當午餐吃,「慳得就慳囉!」這天 記者請他吃大家樂的牛扒早餐,他說:「譁!多謝你塊牛扒,好耐無食。」隔籬同事搭嘴,「嚇,我食杯麵咋。」整個早上,林德明就只有一宗成交,還要是前一 日,有熟客落「柯打」要求在三十元沽出二千股中國神華,今天一到價,他將這單交易寫落空白的交易簿上。計一計數,他與公司四六拆賬後,這個早上有六十元傭 金落袋;生意淡薄,怪不得吃個早餐都要計數。記者跟他由開市傾到臨中午收市前,他枱頭電話終於響起,林德明興奮地說:「嗱嗱嗱,終於有電話喇。」收線, 「哦,原來係你同事喺reception想入嚟。」他無奈地說。

經紀只一滴傭

林德明本來在地盤做管工,當年地盤老闆開證券行,帶他入行做出市代表,他穿著背心畫黑板,就是《大時代》的經典場面,到了九十年代初正式轉做經紀,高峰期 月入廿萬,他憶述:「當年電話響唔停,有成八百幾個客跟我o架,同事講笑話:『德明,你咁多客不如自己開舖啦。』」○三年,政府取消最低佣金制,「間間行 大劈價,我哋算好喇,有0.25%,有啲經紀得一滴(0.01%)咋。」但還要與公司六、四分賬。客人買一手滙豐,他只有二十多元落袋。佣金大跌,但山大 斬埋有柴,客多的他,月入也有三至五萬元。直至去年開始港交所分兩個階段延長交易時段,現時交易時段為上午九點半至十二點,及下午一點至四點,即午飯時間 只有一小時。他說這就如在市淡下向經紀踩多一腳:「李小加(港交所總裁)話要同內地睇齊,但攤長時間波幅就因此收窄,少咗好多即日鮮客。」以往午餐可相約 客人吃日本菜,交流股票心得,客人可於下午入市,現在要一小時內一來一回,已經無時間,林德明說:「唔通等收咗市先傾咩?聽日開市又唔同曬環境啦!」

作曲抒發鬱結

林德明不平則鳴,取消最低佣金制後,他把林子祥的《似夢迷離》改編,他開金口:「在歲月中我們繼續籌旗。」金融海嘯,滙控供股,他改編許冠傑的《天才白痴 夢》:「人皆沉重,滙控股海失寵;半百關終失去,害得苦命捱窮。」他把作品傳給經紀行家,大家自嘲一番,抒發情緒。延長交易時段後,他說有次搭的士,遇見 以前相識的同行竟然轉行揸的士,他深感火燒後欄,認為齋唱無用,於是組織示威遊行,竟一呼百應。今年二月,千多名經紀放下身段,湧上港交所門口,最終獲李 小加接見,林德明透露:「當時佢都話唔覺得第二階段(即下午一點便開市)咁有迫切性要執行。」李小加答應他會跟港交所管理層商議,但大前提是要求林德明: 「你先不要跟傳媒說。」林德明相信李小加,照做。結果是,在一片反對聲音下,港交所堅持延長交易時段。為了發聲,他走去參加今屆的立法會選舉,出選金融服 務界,最後「只得五票」落選,輸給張華峰。「無辦法,支持我嘅經紀係無票喺手o架,預咗輸嘅。」最痛苦是,「兩萬五蚊按金無得攞番,好肉赤o架!」幸好他 有做會計的太太支持,「我諗我走水貨可能仲好搵,不過我五十五歲喇,仔大女大,得老婆體諒,幫手撐住頭家先啦!」

證券行吊鹽水

Tommy和林德明的個案,在在反映現時經紀及股市的慘烈情況。歸根究底,環境經濟不明朗,令股市低迷,成交萎縮;加上有財有勢的銀行及大行劈傭,甚至多 年免傭,以及網上交易的興起,令中小型證券行非常難撈。據港交所的資料顯示,今年已經有十間證券行結業,當中如韓資的三星證券,已經向百名經紀「派大信 封」,沒有結業的證券行,亦不過在「吊鹽水」。一名不願透露姓名的華資經紀行老闆透露:「而家個個月都蝕錢,要引入新股東先捱得住;仲要節流,以前喺中 環,間行要俾十幾萬租金,根本入不敷支,而家唯有搬入上環,幾萬蚊一個月,希望捱得住。」他說,整間行現只裁剩一個經紀。而本來位於中環環球大廈高層的永 富證券,亦為節省開支搬到灣仔富通大廈。據知除了小型證券行,近日連投行都加入裁員行列,如Jefferies,有員工透露:「我哋公司股票嗰組已裁咗一 半人。」事實上,即使日後成交反彈,這些替客人電話落盤、靠與熟客維繫感情的股票經紀,在時代的巨輪下,亦難逃被淘汰的命運。

股票 經紀 唔夠 夠單 單做 做看 看更
PermaLink: https://articles.zkiz.com/?id=38240

嚴磊輝呻「搵唔夠」


2013-04-18  NM
 
 

 

貴為HIT董事總經理嘅嚴磊輝,年薪千五萬,一個水上姑爺要做一百年先有咁嘅薪水,但佢老哥仲同老友呻,家陣搵嘅錢唔及以前咁和味。嚴磊輝咁值錢係有原因嘅;九十年代,佢喺Jardine Fleming跟羅慧娟老公,來自新加坡嘅劉志敏學師時,正值怡和系內公司大重組,繼遷冊百慕達之後,怡和再分別轉到倫敦同新加坡作第一及第二上市,從九四年起怡和撤銷香港上市地位。當時金融市場上搞遷冊,到海外上市嘅人才唔多,就係咁嚴磊輝成為搶手貨。

和黃港口信託前年喺新加坡上市,公司即從希慎翻兜嚴磊輝坐鎮,除咗睇中佢熟悉新加坡金融市場,會唔會仲貪佢來自Jardine Fleming呢?在新加坡掛牌的置地,九七年曾一度獲誠哥垂青,掃貨至4%;如果誠哥對置地未死心,嚴磊輝應該仲有運行喎。

Give me a break最豪廁 「去」得奔放

香港高級食府唔少,但肯揼本整靚個廁所卻唔多。好多中環人去食飯嘅尖沙咀半島酒店廿八樓Felix Bar,可以話係全港最豪華嘅廁所,呢個出自法國設計師手筆嘅男廁,尿兜由雲石打造,小宗站於落地玻璃前如廁,可俯瞰九龍景觀,實在有「大地在我腳下」嘅氣派,仲有「飛流直下三千尺」嘅暢快之感。不過酒店都有考慮客人私隱,所以加番高身少少嘅板遮擋。英國作家Luke Barclay寫咗本《廁所景觀大全》,世界第一廁係美國華盛頓北喀斯特國家公園,用家喺開放型馬桶上如廁,同時欣賞巍峨雪山嘅山脈。香港嘅Felix Bar有幸排第六,難怪小宗方便時,見到有遊客係咁影,鬼死咁尷尬。廁所級數有番咁上下,所以酒店規定,如廁者,拖鞋背心免進!

永泰廿億賣祖屋

永泰去年賣殼予萬科後,令市場譁一聲。近來又有傑作,鄭家三公子鄭維強叫天價三億坡紙(約廿億港元)放售鄭氏祖屋。永泰亞洲創辦人鄭翼雄,喺深水埗做製衣起家,後來到星洲發展地產,離世前一直住在這大屋,直至○四年在家去世,鄭家更跟足當地習俗,為防先人「迷路」在家設靈。對於香港人來說當然「大吉利是」,不過當地經紀話鄭翼雄乃星洲巨富,就算喺屋內離世亦無人怕,啲人最驚嘅都係鄭維強嗰口叫價。雖說Nassim Road好近植物公園,而且轉個彎就到購物熱點烏節路。之不過去年二月的成交價,都係二千銀呎坡紙,但鄭維強的叫價卻逾三千五百銀坡紙,貴足七成七!仲有,好似呢啲別墅,喺星洲叫free-hold land,係唔賣得俾非星洲公民,咁又少咗一批潛在買家嘞。下月截標,若有願者上釣,真係嚇死唔少坡佬喇。

燈神決戰金價之「癲」

塞浦路斯話要賣金還債,美國又嗌收水,嚇到金價一個星期內跌咗成千蚊港幣。另一邊廂,日本「紮行馬」印銀紙,好多「o架妹」即刻賣曬屋企嘅金條,換番啲Yen傍身及消費。白銀戰隊隊長孫柏文就話:「人人都賣金,係見底信號,買!」佢覺得白銀會跟黃金在三年內升四倍,仲話佢屋企有成三個大喼嘅白銀。之不過,佢老友沈振盈聽到,就標曬汗:「你同我祝佢好運啦,我好擔心佢,黃金已經進入熊市,會跌到去千一美金,佢今鋪真係好大鑊!」之但係,兩位都係出曬名嘅燈神,今鋪信邊個好呢?

金牙大狀講嘢永遠的空櫈

林奮強卒之就佢行會成員地位開聲,表示冇時間表復職,亦冇打算請辭,即係維持原判無限期休假。咁都得?試問香港有邊份工係一開波即無限期休假,更莫說係行會成員咁吃重嘅任命。林奮強喺舊年七月一日加入行會,四個月後喺十一月二日開始無限期休假,於今五個幾月矣。即係佢休假時間已經長過佢服務行會嘅時間矣。呢五個幾月嚟,行會繼續每個禮拜開會,林奮強休假顯然並無對其運作造成負面影響。此又不禁令人要問,行會係咪真有需要林生嘅參與先?如果係,咁點解俾佢無限期休假?如果唔係,咁又點解俾林生孭住個行會成員括弧無限期休假嘅招牌喺江湖行走?行會成員從來只有一個功能,就係為香港人嘅福祉出謀獻策。無限期休假中嘅林生顯然唔可以履行呢個責任,既唔填補林生嘅空缺,又唔叫林生借歪等第二個人頂上,梁振英真係有心幫香港人做嘢?唔似囉!

嚴磊 磊輝 輝呻 搵唔 唔夠
PermaLink: https://articles.zkiz.com/?id=54618

賣糖唔夠搵出騷搲銀

2014-10-23  NM
 
 

 

每個小朋友都曾夢想自己住在一間色彩繽紛的糖果屋中,各種糖果任食。隨着年齡漸長,很多人把糖果屋拋諸腦後,除了今年廿六歲的林汛展(Jeffi)。Jeffi為了吃甜,走到葡萄牙,花半年時間學做手拉糖。回港後,在糖果店再磨劍三年,去年十月,與學生兼拍檔Manie在荃灣工廠大廈開設糖果店「Hey Candy」。曾在糖果公司打工的Jeffi,知道逐粒逐粒賣糖,有排未回本。因此他們決定為品牌策劃「糖果活動」,並開班授徒,連同零售三管齊下,現月賺五萬元。Manie定了下一個目標:「租地鋪、開門市!」

上週Jeffi和Manie,帶着他們的糖果,來到城市大學的Mega Sale擺檔。他們的糖果色彩繽紛,除了手拉糖外,還有小熊、兔仔、鴨仔形的波板糖,成功吸引不少女同學的留意。Manie說:「我哋每個星期會出嚟擺三次檔,唔同場合都擺。因為我哋喺廠廈,較少街外客,所以盡量爭取出街擺檔嘅機會。」記者見Manie不停主動讓客人試食糖果,「我喺Häagen-Dazs做咗七年店員,習慣晒面對客人。啲客要試食過,覺得好食先會買。」其實一粒糖,零售價平均才五毫子,請人任食拉生意,根本無需吝嗇。記者見Manie以左手把糖送到客人手上時,會以右手有意無意輕托客人接糖果的手,「手與手之間有接觸,可以增加親切感,仲可以拉住佢哋傾吓偈,sell耐啲嘛!」Manie指其男友都是sales,兩人經常分享sell客之道。不過,身為糖果師傅的Jeffi當日就無用武之地,只能密密切糖,「今日場地無電提供,否則我可以表演整糖,仲多客睇呀!」

替品牌搞活動搵銀指數:$$$$$

事實上,這種手拉糖店,市面上已經有好幾家。包括元祖手拉糖店Papabubble,本欄多年前訪問這店時,Jeffi就剛到那兒任職,至去年儲夠錢,才自立門戶。做這門生意,他認定賣糖競爭激烈,而且他們是新店,市場佔有率在短時間內,一定不夠其他龍頭高。他計過數,一樽糖果才七十五元,要賣多少樽才夠交租?故與曾做活動統籌的Manie商量後,決定以糖做主題,替品牌籌備活動。「我哋會幫客人set好派糖嘅活動內容,仲會主動要求到現場幫手派糖。除咗幫個客手,其實仲可以係現場撈客!」開業後,他們接的第一個活動,就是在婚紗雜誌公司的活動上,派發印了「囍」字的糖。Jeffi回憶指他們的第一次並不順利:「喺太陽暴曬之下,啲糖都溶溶哋,搞到啲途人都話我哋啲糖唔得!」Manie則接着說:「下次識得同客講明,夏天室外搞活動會有問題,室內就唔會咁。嗰次係朋友介紹,我哋唔收錢,賣大包;雖然有小小意外,但對方都好包容,喺雜誌某個廣告位,免費俾我哋賣廣告。」現時,Hey Candy每月平均接到最少一單活動大單,客人包括NARS,City'Super及Chocolate Rain,Chocolate Rain老闆Prudence說:「佢哋係好有心好年輕,很有創意。」每單生意平均收費達兩萬。如果計零售,幾乎要賣夠四萬粒糖才可做到此數。上月他們幫夜店Dizzi搞活動,為他們度身訂做四千支細波板糖,「今個Halloween,又會幫一間酒店嘅宣傳活動做兩萬塊波板糖。」Manie興奮地說。為了爭取宣傳機會,只要客人願意讓Hey Candy在包裝上留下公司名字及聯絡方法,便可得到折頭,他們則當是宣傳成本。而有時Jeffi又會應客人要求,在會場表現整糖。他說:「只要有電,我帶啲小型工具就得,氣氛比齋派糖高興得多。」

開班搵外快搵銀指數:$$

不過,一個月得一單活動,其餘日子都不能坐以待斃。事關開設糖廠,對於他們來說,成本甚高,因此必須要物盡其用。Jeffi指:「張工作枱溫度會去到一百度,咁先可以保持糖的溫度,以做出不同形狀。而張枱每日至少要用六個鐘,所以用電比平常工廈多幾倍,要申請『大電』先夠用。單是處理工作嗰啲供電,便花了十萬元。」因此,Jeffi及Manie更會開班授徒,Jeffi會一星期開兩班教學生,每位收費二百九十八元。好多人擔心開班授徒,將手技外傳,會惹來更多競爭者,「所以我哋淨係教整波板糖,因為較為容易整,好似人哋整紙黏土咁,學咗都唔怕。」上週五,來學師的莊生莊太,希望整熊仔及免仔波板糖,送給三年級的女兒,亦順便拾回童真,做家庭主婦的莊太說:「真係幾得意,好特別,香港好少有呢啲咁嘅機會,價錢又唔算貴,好啱一家大細嚟玩。」兩人跟着Jeffi,先把三公斤的糖漿,水和砂糖煮熱至百多度,然後再倒在發熱工作枱上,把色素加入糖漿之中。再把處理好的糖漿拋在牆上的鈎,來回拉三十下,將空氣注入糖漿內,令口感變得較脆,顏色較有光澤。「整塊圓形的面,原來都咁難控制嘅,不過整完都幾有滿足感,下次帶埋阿女嚟。」Hey Candy一星期約有兩班,每班四至八人,一個月約有萬多元收入。始終要待假日才開班,亦因為要把桌子發熱至攝氏一百度,故不可以「跳出糖廠」,相比搞活動,此做法較受局限。

開地鋪「響朵」搵銀指數:$$$

現時零售生意只佔營業額兩成,但Jeffi一直希望可以開拓多一點零售市場「響朵」,「Jeffi對味道要求好高,試味都試咗兩個月,起碼用咗十萬。因為每試一種口味,都要用三公斤的材料,整三個鐘先得,所以每日最多都係試到三種味。」Manie說。Jeffi接着說:「其實葡萄味我都試咗十幾種,有的像黑加倫子,有的像巨峰提子。經過朋友試味後,結論是巨峰提子最適合香港人口味。因為相對上唔甜,甜中更帶點酸。我哋仲研究緊西瓜味。」現時,Hey Candy零售主要靠在Mega sale擺檔及網購。為了吸引更多人網上買糖,除了口味,其實糖果的創意及外形更重要,「好似『厚多士』字樣,高登膠樣,要多啲款式,做到塊面咁大,先有人留意我哋!」Jeffi說。由於分散投資、兩人要搞活動、開班,顧及零售及做糖,不時做到一頭煙。難得有空,Jeffi環顧八百呎的糖廠說:「做生意真係好多嘢煩,我試過唔記得交水費,被水務署停咗一個月水,搞到我日日都要抬兩公升水返廠。」為了長遠發展,他們正打算多請一個學徒。Manie說:「多個人幫手整糖,我就可以全力出去搵客,目標係接到酒店單,每間房都有我哋嘅糖去迎接住客。咁不單可以幫到零售收入,客人對我哋嘅信心都會大好多。建立咗品牌形象之後,賣幾多粒糖就唔係困擾啦。」他們希望有一天,能夠由廠廈走到地鋪。

開業資料(10/13)

租金:$50,000^裝修:$250,000入貨:$10,000器材:$150,000流動資金:$250,000總共:$710,000^兩按一上

營業資料(9/14)

營業額:$75,000租金:$7,000入貨:$7,000雜費:$8,000盈利:$53,000

行家點講?Sticky創辦人Jen:賣得太便宜

與Hey Candy一樣,Sticky同樣是賣人工手拉糖,開業短短三年,已在尖沙咀K11和天后擁有兩間門市。其店內更有師傅表演即時拉糖,深受年輕一族歡迎。Sticky負責人Jen認為荃灣工廠的位置偏遠,而且沒有門市,較難成功建立品牌。同時,Hey Candy出外擺檔時,一包四十克的糖果賣緊二十元一包,平均五毫子粒。Jen認為對方的糖果定價偏低,起碼要賣約七毫子一粒。「賣貴啲,可以幫補番零售收入。我嗰啲糖七十克都賣緊四十八元一包。」

賣糖 糖唔 唔夠 夠搵 搵出 出騷 騷搲 搲銀
PermaLink: https://articles.zkiz.com/?id=116233

開始不理智,夠唔夠薑入市?

美圖是下一隻騰訊,219日吾介绍時,收市價是$9.83。三十日後,升了一倍。

「侵侵」登基當天,美圖突然間紅遍全球,英美主流媒體例如TimeBusiness InsiderTelegraphMirror進行了鋪天蓋地的報導,紛紛提問,這個Meitu倒底是乜東東?

截止201610月,美圖公司擁有11億使用者的app產品矩陣,4.56億的月活,月活用戶僅次於微信、QQ,女性用戶70%90後用戶超60%,用戶標籤明細,定位極強。我們的細行報告一出,紛發客戶,D友仔話,「目標幾多?」乜你冇睇我原文咩?看回2.19老博

美圖發展的4個重要節點,第一是2011214日情人節,美圖秀秀iPhone版正式發佈,軟件從PC端向移動端轉型。第二是20135月,美圖手機正式發佈,迎合了當年軟硬結合的大趨勢。第三則是20145月,美拍正式推出,意味著公司從工具向社區轉型,開啟了公司的平臺化進程。第四個重要節點則是美圖對未來的投資,但沒有一個明確的時間點,那當然是電商。今年二月,推出了T8。


1357老闆是福建佬,福建佬是中國的猶太人。其中,蔡文勝負責戰略制定,蔡文勝本身就是非常知名的天使投資人,強國互聯網第一代用戶及第一代風投,一直活躍在這個圈內,截至目前,美圖旗下的核心應用共包括美圖秀秀、美顏相機、美拍、美妝相機、潮自拍、beautyplus,這些軟體主要以自拍、視頻拍攝、直播等功能為主。

Angela Moscaritolo是美國資深手機市場評論專家,為PC Magazine寫了很多出色的文章,她對美圖T8的整體感覺印象良好。佢話從整個手機的設計及開發就能體現出開發者對高端和完美的追求。T8在前部有兩個高解析度鏡頭,在背面還有一個高解析度鏡頭。這款手機出廠時就合成了幾款性能很高的App和濾鏡功能。

所以,使用美圖T8手機就不用再下載安裝其它App了,也不用在拍照後進行後續編輯了。關鍵是就這手機,你還買不到,美國市場上,年輕人對蘋果手機漸漸出現了審美疲勞,更加期待有更多的新鮮力量加入手機市場來促動手機的品質提升,很多美國囡囡說還買不到這款手機。

美圖一進入手機市場直接就是盈利的,每部盈利353元,論成功,美圖手機一出生就是成功的產品,與蘋果、OppoVivo一樣,有屬於自己的用戶群體。女性消費能力簡直可怕,二手市場美圖的手機基本上翻倍,甚至過萬,還有就是



美圖算是較早佈局全球化的互聯網公司,2014年公司就啟動了全球化戰略,截止201610月,美圖海外用戶4.3億,佔美圖用戶總數的20%以上, 並且超越了在海外做的比較好的UCWeChat

對比,SnapchatMomo和美圖集合體的屬性,目前市值大約對應用戶價值80美元,去年IPOLine,目前市值大約對應用戶價值35美元,美圖目前的市值對應用戶價值14美元,由於美圖沒有社交屬性,所以感覺並不能直接拿來Apple to Apple對比,而且Snapchat目前嚴重高估,與FB旗下的Instagram Stories 競爭壓力巨大。

電商方面,美圖預計2017年上半年推出社交電商平臺,公司目前已組建一支專門為電商平臺招攬品牌、分銷商及網紅的團隊,獲利方式主要來源於促進商家與消費者之間的交易,從而向商家收取佣金。這個上面應該主要以美鋪為主,美鋪目前主打最新潮流、全球買手、明星入駐以及品牌首發。

美圖是一家好公司,毫無疑問,從管理上面、執行上,海量用戶變現潛力和全球化佈局,2013年至2016年中期,美圖累計虧損11.39億(扣除優先股價值和股權激勵),對於一家快速發展的互聯網公司來講,這個資料已經很好了。這間風格獨特的公司的長期價值不言而喻。

只是外面的三流分析員睇唔明。


開始 不理 夠唔 唔夠 夠薑 入市
PermaLink: https://articles.zkiz.com/?id=241871

用firefox,邊欄可能唔夠位

1 : GS(14)@2010-11-12 14:43:11

搞到現在在下面,不是和版面平排
2 : abbychau(1)@2010-11-21 22:31:09

fixed
firefox 邊欄 可能 唔夠 夠位
PermaLink: https://articles.zkiz.com/?id=271526

魔鬼合約剝削保險經紀 影視藝人唔夠數被追百萬元

1 : GS(14)@2011-02-19 19:16:17

http://hk.apple.nextmedia.com/te ... 104&art_id=14990872

【本報訊】密密麻麻的英文字,堆砌出一紙長逾十頁、列出多項不平等條款的合約,是保險經紀的入職陷阱。保險及金融從業員權益分會近三個月接逾 20名經紀求助,指合約至少有九項苛刻條款漠視勞方權益。有轉戰保險界的男藝人「跑唔夠數」,被公司入稟法院追逾百萬元;亦有新入職大學生辭工後,被追討已「落袋」的薪金及佣金。
記者:馮永堅

全港有逾六萬名保險經紀,絕大部份以自僱形式「受僱」於保險公司。保權會總幹事張麗霞稱,去年 11月至今年 1月接逾 20名經紀求助,指公司與他們簽訂的合約有問題,較前一年同期勁升 10倍。苛刻條款包括公司可隨意更改合約內容及毋須理由就可終止合約,又可禁止離職員工短期內轉職其他保險公司。
離職遭追回薪金佣金

慘被保險公司追討逾百萬的是一名影視兩棲男藝人。三年多前他入職永明金融,保險公司看中他知名度高方便拉客,遂與他簽了一份每月要「跑」約 10萬元保費的三年長約。據了解,男藝人每月都跑足數,得到可觀佣金,但合約屆滿前數月他突然失準,找不到新客戶,永明金融向他追討未能履行合約的逾百萬元款項。
據悉,該男藝人仍有拍電視劇及電影,認為可靠其知名度繼續跑數,遂主動提出再簽約兩年,及希望公司撤回追討。但他續約後做不夠數,永明金融日前正式入稟高等法院追討。本報昨曾致電永明金融查詢事件,但找不到發言人回應事件。
本港多名藝人已轉戰保險業。入行六年多的鄧一君說,未聞有男藝人被保險公司追數,「聽過有啲 sales收咗過檔費,達唔到標被公司要求退錢就有」。有 10年銷售保險產品經驗的戴志偉則說,保險公司多預先給經紀一筆錢,經紀要承擔一定額數,「做唔到就退錢,願打願捱啫」。
被苛刻條款綑綁的還有大學畢業生。城大畢業生 K小姐(化名)以為保險業前途無可限量,去年加入英國保誠保險工作,簽約三年,但她做了四個月後「頂唔順」辭職不幹,噩夢才開始。保誠月前表示會按合約向她追討過去數月所發薪金及佣金,「估唔到出咗嘅糧公司都可以攞番,都唔知會被追幾多錢!」
保誠發言人指,根據保險行業慣例,協議已列明經紀達到指定銷售業績下可獲得的佣金、津貼或預支金額。若從業員銷售未能達標,就需退回有關預支的金額。
2 : GS(14)@2011-02-19 19:16:26

辭職或被炒要賠培訓費
2011年02月19日

【本報訊】保險公司與保險經紀簽訂的合約,可說是各行業中最「辣」。保權會分析過六間大型保險公司合約內容,發現全部合約只有英文版本,保險公司更加入可終止合約通知期及隨意更改合約等不公平條款。有立法會議員表示,簽合約時要先了解每項條款細節。
禁轉職其他保險公司

保權會分析過 AIA、永明金融、 AXA、 Manulife、英國保誠及 Ageas六間保險公司與經紀簽訂的合約內容,發現全部公司為保障自己,在合約中都列明可隨意更改合約。此外,多間公司合約列明無論是員工自己辭職或被炒,員工都要賠上培訓費用。各公司對付員工另一辣招就是禁止離職員工在半年至一年內,轉職到其他保險公司工作。
保權會理事張偉業要求政府加強對保險業的監管,如設立投訴及處理個案機制,令保險公司不會任意剝削員工利益。本身是律師的立法會議員涂謹申表示,除非合約條款違反法例,否則員工一旦簽署就要履行合約內容。他建議市民簽署任何合約前,都要先了解合約細節及內容。
3 : abbychau(1)@2011-02-19 19:24:40

呢個絕對係陷阱
4 : idsdown(1658)@2011-02-19 19:36:04

2樓提及

辭職或被炒要賠培訓費


好有foxconn feel 喎
希望無同樣事發生啦
5 : 龍生(798)@2011-02-20 02:02:09

食得咸魚...

我真係唔信佢地事先唔知
連我呢的街外人都知...
6 : GS(14)@2011-02-20 10:05:51

5樓提及
食得咸魚...

我真係唔信佢地事先唔知
連我呢的街外人都知...


總之都是捉替死鬼
7 : 股中樂(1411)@2011-02-20 20:13:03

而家連內地人都知只要把事件爆大,就有計嗎
魔鬼 合約 剝削 保險 經紀 影視 藝人 唔夠 夠數 數被 被追 追百 百萬 萬元
PermaLink: https://articles.zkiz.com/?id=273040

呢D女人好惡毒又聰明,唔夠玩

1 : GS(14)@2011-05-29 11:59:30

http://hk.apple.nextmedia.com/te ... 335&art_id=15294873
台灣桃園縣近來出現「收屍部隊」,這支「部隊」全由四、五十歲或更年輕的女子組成,任務是專挑風中殘燭的富豪老翁騙婚,等老翁死後收遺產。女子選定目標後會主動上門攀談,聊開後騙老翁吃藥,趁他們神志不清時帶到戶政事務所辦理結婚登記。日前,一名 53歲女子盯上一名 82歲富翁,二人到戶政所登記結婚,被機警的戶政人員拆穿騙局。
2 : cqb(1533)@2011-05-29 13:08:21

所以要納定遺囑law
3 : 亞力士(1473)@2011-05-29 22:53:31

騙老翁吃藥,趁他們神志不清時帶到戶政事務所辦理結婚登記<------- 唔計呢樣 老少配大部份人都係想到錢
4 : GS(14)@2011-05-30 21:39:01

我只想起那些復仇劇片段...
女人 惡毒 聰明 唔夠 夠玩
PermaLink: https://articles.zkiz.com/?id=274548

沙膽虹手記:定力唔夠

1 : GS(14)@2012-03-10 16:04:11

http://www.sharpdaily.hk/article/index/4104/20120309/64915
《爽報》晚版前天頭版登了一張疑似唐英年私生女照片,翌日晨早收到讀者陳先生來電,指相中人是她女兒,《爽報》不查證清楚就刊登,是不負責任。陳先生來電簡直是當頭棒喝,作為《爽報》老總的沙膽虹責無旁貸,謹向陳先生父女、唐英年及讀者致歉。
沙膽虹翻查這件事,發現《蘋果》其實早一晚就有此照片,只是擔心網民惡搞,並沒有刊登。翌日個別報章刊登照片,變成內銷轉出口,《爽》晚怕蝕底,遂登埋一份,鑄成錯誤。
沙膽 膽虹 手記 定力 唔夠
PermaLink: https://articles.zkiz.com/?id=278199

爽視彈:《一分鐘》派錢唔夠多 朱國亮

1 : GS(14)@2013-03-30 23:14:16

http://www.sharpdaily.hk/article/entertain/20130204/173224
周日親友飯聚,電視正播映《決戰一分鐘》,當獎金只是幾千元時,大家的注意力仍在飯餸上,到挑戰過萬元獎金時,大家開始顯得緊張投入。
傳媒揭發俊男美女參賽就認定造馬,其實是誤中副車,參賽者只是媒介,李克勤也不是主角,觀眾有興趣的,是獎金!
《決戰一分鐘》首播時觀眾曾期望又有《百萬富翁》式派錢遊戲,那知送來送去沒有掀起話題,明顯是錢派得不夠多。
《百萬富翁》的成功勝在易投入,有張嘴巴就可以參與;可是,叠杯、碌波子、叠蘋果,比填寫六合彩難度高太多了,對於想發達的平凡人如我,參與門檻過高,觀眾就會覺得遙遠。
既然獎金才是主角,送出獎金愈多收視應該愈高,挑戰25萬是第一步,之後是50萬、100萬,即使擦身而過,起碼可以製造話題。
朱國亮
逢一、三、五
爽視 視彈 分鐘 派錢 錢唔 唔夠 夠多 朱國 國亮
PermaLink: https://articles.zkiz.com/?id=282444

蘋影話:《嚇鬼阿嫂》 (Pee Mak Phrakanong) 唔夠嚇鬼 但幾過癮 仰止

1 : GS(14)@2013-05-22 13:10:50

http://hk.apple.nextmedia.com/entertainment/art/20130522/18267346
                              
                                                                                                                                                                                                                                                                    別忘記彭氏兄弟是來自泰國,到處是佛像的國家,信得眾神,當然也信有鬼。泰國鬼片向來有水準,但要碰運氣,有些水準不及格的,鬼咁悶者多的是,《嚇鬼阿嫂》的班莊比辛達拿剛(Banjong Pisanthanakun)肯定不是水皮導演,只要看幾個鏡頭便知是個中高手,電影語言流暢,剪接準確。難怪在票房上爆個小冷門,這是一部非常港產片的泰國鬼片。
因為這部電影不是一部純鬼片,它還是部喜劇,雖然那四位東南西北造型老土,是必然的諧角樣子,而無論是笑話還是搞笑動作,幾乎都是編劇字典內已經有的,隨時可以拿來用,卻頗有點新意,尤其結局更是非常樂觀,是同類電影少有的。
男主角馬里奧梅爾不知何許人也,卻勝在頗英俊兼儍更更,對於老婆矢志不移的愛情有足夠的說服力,所以當人鬼相認時還是頗感人。
我已經不知道究竟用甚麼方法可以把我嚇死,我指的是電影或者電視,對於這類電影要不是五窮六絕,沒有電影可選,才不會購票入場。也許對於其他觀眾看來這部電影很驚嚇,對於我則沒有甚麼值得一談的,尤其是每次嚇人後,四儍便出來插科打諢,令你減低驚嚇度。我幾乎認為這是少有的兒童可以觀看的鬼片。
一個在戰場受了重傷竟然不死的男人,在戰場上已不斷地說十分掛念老婆,若在戰爭中死去便不值得了。結果他果然活着回家,並跟四個戰友一起返到原來的小鎮。但影片的第一個鏡頭是看見一間屋的牆,然後鏡頭向右移動,看到一個簡陋的房內,一個女子大着肚子,按着腹部狀甚辛苦,血自她的腿流下來,她終於倒下,把地上的油燈碰到地上,燈滅了,一片漆黑。
任何觀眾都認為她死了,這將是個老土的人鬼情電影。導演怕你亂猜,中斷來個猜猜誰是真鬼的橋段,令影片多了一個有趣的轉折。
誰是真鬼不重要,這部片未至鬼咁好看,卻是娛樂性到位的電影。今天晚上深夜我也打算站在鏡前,背向它,從自己的胯下看看鏡中的自己到底是不是鬼,我會是自己死了也不知道嗎?
撰文:仰止
蘋影 影話 嚇鬼 鬼阿 阿嫂 Pee Mak Phrakanong 唔夠 夠嚇 但幾 過癮 仰止
PermaLink: https://articles.zkiz.com/?id=282913

港人自講 陳志雲:CY唔夠真

1 : GS(14)@2013-11-30 15:52:59

http://hk.apple.nextmedia.com/su ... t/20131130/18529949

                              你未必喜歡陳志雲,但你會喜歡陳志雲的聲音,欣賞他的說話技巧。從政務主任、韋家晴旁白、商台主持、TVB總經理,到今天再開咪,主持《在晴朗的一天出發》,他的工作歷練,令他成為一位能說的人。當日官司纏身,一句自稱冇度過的「真的假不了,假的真不了」就成為他的金句。真,是他的核心價值,亦用真,維護香港的核心價值:言論自由。
記者:陳芷慧
攝影:伍慶泉、蔡家輝、周旭文

              ■陳志雲:「CY唔夠真,說話唔夠自然流露。」

相信自己所說的

                剛在梁振英當選後兩日,陳志雲現身《在晴朗的一天出發》,親自邀請特首再重申當日政綱。特首再一次展現狼英笑容,強調:「言論自由是香港的核心價值,從其他公職人員口中說出別具意義。」志雲亦謹此宣佈繼續留任商台,維護「珍貴、賴以成功、不可或缺、引以為傲的核心價值」。
今日,陳總是《晴》主持,問及CY的說話特色,志雲即說:「我覺得佢唔夠真。可能佢係真,但我猜想因為佢過於小心、計較,以致說話時唔夠自然流露。」對於演說的技巧,他說:「一篇演說只要真心,就能動人。更重要係相信自己所說的。」這是志雲大學二年級加入辯論隊時陳耀南教授所教,「後來當我喺英國進修公共行政科,在公共演說課中,老師更要求我哋演講自己睇唔明的文章,原來只要你扮明去演講,聽眾都會好似好明咁樣。」
不過,很多時候公司立場,不代表個人立場,衝突時,怎說真?「我喺TVB工作18年,好多時要解釋一啲政策,你未必個人認同,但作為管理層,應站在公司的角度去想。」

              ■他最深刻的是在父親靈堂上說的一番話,讚揚父親幽默樂觀。

藏了幾十年的話

                「但是,我可以肯定地說,沒有一篇成功的演說是沒有準備。包括我做節目前,跟團隊花不少時間研究用詞如何做到精準,三言兩語如何交代重點。」他說。還記得三年前陳志雲涉嫌貪污,在記者會上發表四分鐘講話,最後以一句「真的假不了,假的真不了」作結。「這真是沒有花時間準備,真是連日來一些真感受,只要想想如何說得流暢而已。」
而他最深刻的一次是於父親靈堂上含淚讀出的弔文,「雖然沒有預備,但那番說話藏在心裏好幾十年。我讚揚我爸爸為人積極樂觀、幽默,如果你認為我有一點幽默,那都是遺傳他。爸爸臨終時卧在病床,有朋友探望他,我問他認唔認得係邊個,他反問,點解唔問那個人認唔認得他。哈哈!」雖然這番話未能於他爸爸生前向他說一遍,但陳志雲最後也讓爸爸聽到他一直最想說的一句話,「我喺佢彌留間講咗好多次我愛你。佢放開眉頭,我就知佢聽到。」那一刻,一定是真的。

              ■商台中他欣賞的一對對聯「話到口中留幾句、理從是處讓三分」。

我真係喊出嚟

                演說可以準備,但是批評隨時隨地擲入你耳中,何況志雲都說,現在充斥「抽水式」批評。還記得在一次電視牌照檢討的諮詢大會中,一男子高呼「真的愛你陳志雲」以反諷他。很深刻,他當時幽默地回應:「先多謝你的錯愛……」志雲:「陳耀南教授也曾經教導,辯論時不要跟別人敵對,而要包容,循循善誘解釋對方的漏洞。我相信理性的辯論勝過感性的宣洩,何況那男子在其後別的場合也支持我,所以我唔排除佢其實真係愛我。」任何時候,即使你心裏壓根兒不同意他的想法,他的回應都讓你眼前一亮,不慍不火,總說合宜的話。然而,這是經過很多磨練。「初出茅廬,當政務主任,聽到那惡秘書在說我壞話,一怒之下我把她罵哭了,但我發現我冇開心;最深刻一次係20年前商港台之戰,因為港台7台收商品贊助,雖然最後我哋打贏,但係對方公關真係好強,連無關係的《電影雙周刊》都抨擊我。就喺呢間房,俞琤問我:『仲頂唔頂得住呀?』我真係喊咗出嚟。但我跟自己講,唔能夠再係咁,大家都係打份工,做乜咁上心呢啲說話,何況我沒做錯。」

我以為你哋想聽我做節目

                                    不過,陳志雲並非愛說話的人,而是愛聽。「與其講說話技巧,我會講態度更重要。」就是因為愛聽,令他都有一份說話的恩賜,因為「成功的演說家,都是很好的聆聽者。辯論中,當你唔留心聽對方說話,你唔能夠找出漏洞。」如今《在晴朗的一天出發》沒有李慧玲,換上他自己,外面的世界都指摘調動是因為怕李慧玲的快狠準,令商台未能續牌。香港的言論自由是否晴朗不再?「李慧玲說話快,聲音尖,黃昏時間令人醒晒,而且她收風強,加上分析力強的黃潔慧,呢個組合最好,好過跟我配搭。」陳志雲自言未算是成功人士,但他肯定他的說話能力,沒有一份是自己的努力,全都是神給他的恩賜。
記者會上,記者問陳志雲何以決定加入《晴》,他這樣反問:「我以為你哋好想聽我做節目。當日我重返商台,你哋都問我幾時開咪。」幽默是重要的,因為他的人生宗旨是活得開心,令別人開心;辯明真理更為重要,因為他說:「尤其喺混沌年代,唔查根究柢,真係唔知邊個係人,邊個係鬼,傳媒力量真係好重要。」
2 : GS(14)@2013-11-30 15:53:14

http://hk.apple.nextmedia.com/su ... t/20131130/18529951
在速食文化的影響下,香港人未必有耐性欣賞一篇冗長的演說,但是,過往香港靠着一句又一句的金句,度過了不少難關。從「我哋呢班打工仔」的年代,到現在董建華「國家好,香港會更好」、曾蔭權「我會做好呢份工」、梁振英被批「你呃人!」三個特首的時期,This city is dying,因此沒有甚麼可以再輸。既然如此,不要再說「認真就輸了」,因為這是最後一戰,冇得輸!
記者:陳芷慧
攝影:伍慶泉、蔡家輝、周旭文
模特兒:Ho Ting@Pure Models
呂秉權(資深傳媒人):

「面對無邏輯,無章法的政府,大家一起笑吧。只要一路有人說出真話,其他人也相信真話的力量,他們也不敢太造假。」
邵家臻(浸大社會工作系講師)

「以前總有好多軟弱,應該勇敢時又退縮,好多理由。左思右想左思右想,就唔會做。今次佔中,就當為以前N次軟弱嘅贖罪。」
張鐵志(《號外》雜誌主編)

「香港某一部份正在死亡,但另一部份正在重生,新力量正在湧現。」
黃岳永(「有機上網」行政總裁)

「面對艱苦生活,感覺就好像刨鉛筆,並非越刨越尖,而是越刨越短。只要懂得如何調配資源,香港依然有無際機遇。」
[■彭志銘次文化堂社長] ■彭志銘次文化堂社長
香港人未認真過

「認真,就輸了。因為香港人從未認真過。輸了,甚麼都沒有,根本冇得輸,又何必太認真。」彭志銘以簡單一句說話,解釋何以「認真就輸了」、「冇得輸」這些句子會在香港人口裏響起來,「經歷過長期的壓力,在絕望之下,來到今天,終於有一句說話完全道出香港人的心聲,港人情緒繼之而爆發。」稍停,香港人怎會未曾認真過?歌都有得唱:「人生總有歡喜,難免亦常有淚,我哋大家在獅子山下相遇上,總算是歡笑多欷歔。」曾經活出過獅子山下精神的香港人,難道連這份「認真」嘉許也談不上?彭:「從1841年英國旗插入香港土地開始,香港人曾經認真地艱苦,曾經快樂,但肯定是未曾認真過。香港作為殖民地,香港人寄人籬下,怎會認真?認真,意即是對自己的理念、原則、生活堅持。但香港人只會為家人拼搏。你想想,香港人是講求靈活變通,會變,又怎會認真?」
驀然回首,從「我哋呢班打工仔,一生一世為錢幣做奴隸」的勞力拼搏,到香港成為國際金融中心,香港人學會了一個原則,像《少林足球》一句:「我秒秒鐘幾十萬上落㗎!」而經過高峯,到回歸後前董特首一句「國家好,香港更好」,香港人對未來開始懷疑,結果遇上金融風暴、沙士,連當日滿有熱誠的董建華都喊腳痛,說:「離去係好容易決定,留下來很艱難,要有勇氣。」他「bye bye你條尾」之後,換來曾蔭權的「我會做好呢份工。」彭志銘說得妙:「從這句開始,我就看出他向阿爺示意聽話的手段。」香港人期待的普選,結果是「三年之後又三年,十年都嚟緊喇老細!」曾經令香港人自豪的首富李嘉誠,到今天變成一堵力場,香港人以為颱風吹襲可以放假一天都變成妄想。情況每下愈況,今日玩死香港的是「記憶中我無講過話我無僭建」的689。香港人不會再想「如果命運能選擇」這個年少無知的提問,因為今天我們連一個電視台的選擇都沒有。
3 : GS(14)@2013-11-30 15:53:29

http://hk.apple.nextmedia.com/su ... t/20131130/18529953
This city is dying。有誰還未察覺?「今天,政治已經敲門了,過往對社會政治再冷感的人,都會察覺這個城市正步向死亡。若你態度仍然冷漠的話,這未免太虛假了。」香港藝術家周俊輝一語道破。周俊輝從07年開始,以類似截圖形式,一模一樣地重新描繪電影經典對白,從起初集中探討香港人本色、身份認同,到今天,他希望更多地加入政治議題,從矛盾中找出藝術作品張力。周:「香港人一直在身份認同的問題上打轉。有些電影金句我感受良多,啟發我創作,就是《傾城之戀》中的『我的確不能算一個真正的中國人』,另外我將另一幅作品《各位,我們都是炎黃子孫》並置。一位放洋回流青年的對身份疑惑,正正是香港人的寫照,但我相信沒有人會說自己不是中國人。」這些對白之所以能夠成為金句,是因為當藝術家再次呈現時,發覺原來問題依然存在。而香港人、中國人、中國香港人的身份認同未得統一,香港政治依然是一潭死水。「過往我覺得新聞圖片、政治議題太直接,所以少於創作。但現在卻找出一種新的玩法。今年最新的作品《精武風雲──反正現在中國不是中國人作主》,戲中正談論上海租界問題,但今天中國依然不是中國人民作主;當日《英雄本色──想不到香港夜景這麼美,一下子沒有真不值》,吳宇森的潛台詞是1984年香港剛簽署《中英聯合聲明》,表達出香港人對未知政制的憂慮,而今天再翻起另一波移民潮,會否一下子便沒有?當天梁振英還是行政會議召集人,他說『六四是中國一個悲劇』今年我以此創作,對比今年六四他避走上海的表現。」你覺得我們的香江正在步向死亡嗎?周俊輝:「只要更多香港人意識到這個城市正步向死亡,才會有希望,因為我們都不願作沉默的大多數。」若以一句金句作結,答案依然是:「想不到香港夜景這麼美,一下子沒有真不值。香港,其實不會一下子就沒有。」
4 : GS(14)@2013-11-30 15:53:43

http://hk.apple.nextmedia.com/su ... t/20131130/18529955
浸大人文學科副教授黃國鉅博士表示,因香港民主制度未成熟,雖然有辯論,但在用詞上未能發揮;官僚制度下,官員更欠缺幽默感。對於CY,他說:「歷任特首中,佢最唔好,唔真誠,只係玩語言藝術,話記憶中冇講過有僭建。但係用得低招,俾人發覺佢喺度玩字。」那誰做得較好?
1.余若薇

黃:「不慍不火,有理據,說話時唔會太用力,令人慢慢接受。」
2.何秀蘭

黃:「我尤其欣賞佢在高鐵事件中的演說,論據清晰,結構完整,唔係市井層次。只係香港人慣咗速食,冇金句,就唔細心聽。」
3.黃毓民

黃:「佢強項係好有信心,鬧人唔心虛。但其實佢有技巧,唔會一開始就力竭聲嘶,令到你覺得佢啱。其他一些民主派議員只得把聲。」
5 : GS(14)@2013-11-30 15:53:54

http://hk.apple.nextmedia.com/su ... t/20131130/18529961
彭志銘:「香港人都是難民。70年金句反映社會現實,涉及身份認同問題;80至90年代是香港人最快樂的年代,流行『你講嘢呀?』這類無厘頭對白;90年代以後及至現在,政治氣氛越漸灰暗,港人情緒受盡壓抑,更多負面金句走出來。」
何謂金句?

1一些發人深省的人物格言。
2一些流傳已久的經典句子,包括歌詞、說話、口號、電影對白,只要能表現出社會意義。
3一些人物說話,讓人銘記於心,不論說話帶來正面或負面的影響。

電影對白:「有水放水冇水散水!」《72家房客》(73年)指當時貪污情況十分嚴重的香港消防隊員不付錢就不肯救火的故事!   許冠傑:「家陣惡搵食,邊有半斤八両咁理想(吹脹)。我哋呢班打工仔,一生一世為錢幣做奴隸。」《半斤八両》(76年)   蔡楓華在《勁歌金曲》季選恭賀張國榮後說:「一時的光輝未必係永恒。」可見當年娛樂圈之競爭激烈。(85年)
「當生意更上一層樓的時候,絕不可有貪心,更不能貪得無厭。」李嘉誠登上富豪榜(87年)   「我聽別人說這世界上有一種鳥是沒有腳的,它只能夠一直的飛呀飛呀……」《阿飛正傳》(90年)   「寧化飛灰,不作浮塵。寧投熊熊烈火,光盡而滅;不伴寂寂朽木,默然同腐。」彭定康引用美國詩人Jack London詩句(96年)
「香港好,國家好;國家好,香港更好。」董建華就任特首時,傳頌一時的名句。(97年)   「今日無論結果如何,都冇贏家,輸家只會係香港。」立法會否決不信任梁愛詩議案,夏佳理離席。(99年)   「如果多一張船票,你願不願意跟我一起走?如果有多一張船票,你會不會帶我一起走?」《花樣年華》(00年)
「做人如果無夢想,同鹹魚有乜分別?」周星馳《少林足球》(01年)   「放長隻眼睇啦各位,葉局長係無呃你哋㗎!」葉劉淑儀就23條條例草案回應。(02年)   「今時今日咁嘅服務態度係唔夠㗎!」劉德華拍政府宣傳片(02年)
「我會做好呢份工!」曾蔭權以此為競選特首連任宣傳口號。(07年)   「真的假不了,假的真不了。」涉及貪污罪,陳志雲在記者會上以此作結。(10年)   「點解第一個攞諾貝爾和平獎嘅人,唔係中國的鄧小平先生?」在中大被問劉曉波獲和平獎時,梁振英回應(10年)
「我揸住嘅宗旨係『做好自己唔好理人』,地球唔會因為我而冇咗地心吸力升咗我上天。」金句王黎明在演唱會上說(11年)   「This city is dying,you know?」《天與地》此話一出,全城討論香港未來。(11年)   「你呃人,唔好講大話!」特首選舉辯論中,唐英年斥梁振英說謊(12年)
「我好了解中產,因為我都係中產……中產是一種生活態度,例如飲咖啡及看法國電影。」財政司司長曾俊華(13年)   「我唔覺得你哋係撐我,而家社會唔係撐王維基,而係大家都好憎嗰一個人。」王維基(13年)   「……有一籃子因素。」香港商務及經濟發展局局長蘇錦樑(13年)
港人 自講 陳誌 誌雲 CY 唔夠 夠真
PermaLink: https://articles.zkiz.com/?id=284194

【一周回顧】星夢幫唔夠閃無綫跪求歌星撐《勁歌》

1 : GS(14)@2014-12-08 08:27:26





無綫跟四大唱片環球、華納、EMI和Sony Music因歌曲版稅問題09年決裂,自此四大唱片拒派歌手參與無綫節目,去年的《勁歌金曲》總選只有來自英皇的天后容祖兒撐場,今年無綫跟星煥合併成立星夢力捧「星夢幫」,導致英皇極其不滿拒跟無綫續簽歌手合約。鑑於大量歌手流失,無綫日前在電視城舉行《2014年度勁歌金曲頒獎典禮》記者會,綜藝及音樂科助理總監陳家揚宣佈從12月1日起,所有歌星毋須再簽歌星合約,可以亮相無綫及宣傳,並呼籲各大公司的歌手出席《勁歌》頒獎禮,實行拋磚引玉,跪低博翻身。但陳家揚強調缺席的歌手,將不獲發任何獎項。同場的星夢娛樂行政總裁何哲圖更表示年初已有將以往嘅歌星約制度取消的想法,讓歌手可以平等參與,身為星夢高層的他強調不會偏幫星夢。不過今年的《勁歌》優秀選第一回,超過四分之一的得獎歌手來自星夢,而70多首入圍總選的歌曲,除了40首來自優秀選,其餘30首無綫聲稱是由投票和積分決定是否入圍,所以變數相當之大,生殺大權仍操控在無綫手中。





來源: http://hk.apple.nextmedia.com/news/art/20141208/18962079
一周 回顧 星夢 幫唔 唔夠 夠閃 閃無 跪求 歌星 勁歌
PermaLink: https://articles.zkiz.com/?id=286710

唔夠瞓?做呢個姿勢10mins=休息3hrs

1 : GS(14)@2015-03-26 19:31:09





每個上班族都希望每天能睡上6至8小時,但很難啊。睡眠不佳,身體不但會提早老化,還容易生病。有日本瑜伽中心指導講師介紹,想在有限時間做到完全放鬆,可嘗試瑜伽姿勢中的「大休息」(SAVASANA,又名「攤屍式」)。只要維持這姿勢10分鐘,就能達到平常休息2至3小時的效果。「大休息」姿勢:1.仰躺,雙手放身體兩側,手心朝上,雙腳打開與骨盆同寬。2.閉上眼、緩緩呼吸,維持10分鐘。進行時,讓頭、眼、肩膀、指尖等身體各部位放鬆,想像自己的身體不斷往下沉,直到緊貼地面。另外,可事先將燈光調暗,有助放鬆心情,也可準備薄毛毯,避免感冒。甚麼時候進行最理想?就是快睡着、又未睡着的朦朧狀態。一旦太舒服睡着了,也沒有關係,因為這姿勢不僅能消除疲勞,也有助入睡、增加睡眠質素。下次如果覺得自己睡不飽,不妨試試這個簡單姿勢,只需短短10分鐘,就可睡得美麗又健康。良醫健康網





來源: http://hk.apple.nextmedia.com/international/art/20150326/19090791
唔夠 做呢 呢個 姿勢 10 mins 休息 3hrs
PermaLink: https://articles.zkiz.com/?id=288957

汪詩詩驚老公唔夠打

1 : GS(14)@2015-03-27 08:42:06





意國手袋品牌Furla昨日在中環ifc店舉行活動,汪詩詩與妹妹汪圓圓及表妹湛琪清齊齊現身。提到甄子丹會在《葉問3》與泰臣對打,詩詩笑言:「戥佢驚,要幫佢準備跌打酒,到時要陪佢多啲,煲靚湯都唔夠,泰臣咁大隻。」圓圓今日正日29歲生日,她表示等老公安排驚喜:「佢喺度扮嘢唔記得,佢不嬲浪漫應該搞緊,今年好特別,係做咗媽咪後過嘅生日,希望6個幾月嘅囡囡識叫我做媽咪,就係最好生日禮物。」此外,梁漢文太太Karen透露近日開始行山:「之前同祖兒、蔡一智行山,排吓汗去吓水腫,身體都好番晒,
汪詩 詩詩 詩驚 老公 唔夠 夠打
PermaLink: https://articles.zkiz.com/?id=289013

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019