ZKIZ Archives


Earnings Per Staff 吳光正大勝董建華 何車

2005-05-24 AppleDaily

今日本文引用的EPS,代表Earnings Per Staff,即「每名員工過去1年為公司所賺盈利」,而非傳統的Earnings Per Share或每股盈利。

■昨日問題EPS最高的是哪1家公司,有人答是前特首董建華的東方海外(316)。昨日提示是W字頭的公司,自然不是Oriental Overseas。答案是吳光正的會德豐地產(049,Wheelock Properties)。

會德豐地產上年賺10.54億元,員工人數92,EPS高達1146萬元。 會德豐地產前名「新亞置業」,再之前「置業信託」,置業信託原擁有「聯邦地產」,聯邦地產去年由會德豐地產私有化。以前,聯邦地產的主要資產是干諾道中的 國際大廈與聯邦大廈(已易主兼易名,現名「中保」及「永安」)。兩廈地皮,近1個世紀前據說是用作絞製麻纜麻繩,供船舶使用。這個滄海桑田資料若然有誤, 請高明賜教。

董建華家族的東方海外,其實也十分出色。上年盈利52.30億元,員工 5500,EPS 95萬元。吳光正97年競選特首,輸給董建華,但在上市公司EPS的比拼上,大勝董建華。(股票的評價或是否抵買,與本文今日所引用的EPS幾乎絕無關 係,與Earnings Per Share則有絕大關係。)

陳俊豪自豪幾十年

■會德豐地產EPS是今日的掄元者,但卻未破舊紀錄。玩具公司彩星集團(635,Playmates Holdings),原來較會德豐地產更厲害。

「635」原屬「075」(早年亦名「彩星集團」(Playmates International),後改「彩星地產」,現在是「渝太地產」),94年初分拆自「075」上市。「635」上市前,「075」的盈利主要來自 「635」。90年,「075」憑幾隻其貌甚寢的忍者龜,盈利高達12.17億元,當年員工約100,EPS高逾1200萬元。「075」的股價,由89 年6月的最低0.27元,至91年4月升至最高12.54元,不足兩年暴升45倍,10萬元變460萬元。

彩星的EPS奇高,其中1個原因是本身不搞生產線,毋須兵馬俑員工。彩星主席陳俊豪,足以自豪幾十年。去年,彩星賺2.60億元,員工121人,EPS 215萬元,排名仍然極高。

開達實業(180)業務亦包括玩具,但涉生產,員工較多。去年盈利340萬元,員工4800人,EPS 708元,與彩星相距十萬八千里。

■87年10月股災至今,礇控(005)升18.2倍,新鴻基地產 (016)升9.4倍,長江實業(001)升8.1倍。新世界發展(017)升了多少倍:1 0.5倍以下;2 0.5倍至3倍;3 3倍以上?(提示:礇控、新地等升幅,有misleading引導性作用。)
Earnings Per Staff 吳光正 大勝 董建華 何車
PermaLink: https://articles.zkiz.com/?id=459

中環在線:吳光正行衰運身家縮摩通落井下石叫沽會德豐(20) 李華華

2008-06-20  Appledaily會德豐(020)主席吳光正Peter近排認真黑仔,旗下九倉(004)嘅時代廣場過去15年出租公眾地方,搞到畀政府告上法庭,之前袋袋平安嘅租金隨時要 上繳庫房。一波未平,一波又起,前日大行摩根大通落井下石,出份報告唱淡會德豐,加上市況唔就,會德豐噚日股價急挫逾半成,累Peter單日賬面身家唔見 14億。話說時代廣場之前最高以日租12.4萬出租公眾地方,鶽條財路15年來都相安無事,俾人揭發之後唔只見財化水,之前落咗袋嘅錢分分鐘要畀番政府。


摩通估計,鶽筆數唔會多過5000萬美金,即係約3.9億港銀,對九倉濕濕碎。不過摩通認為,九倉阿媽會德豐家吓嘅股價,對資產折讓太窄,所以狠手將投資 評級由增持調低幾級到減持,目標價由23.85蚊降到20.77蚊,以噚日收市價22蚊計,仲有差唔多半成調整空間。

單日賬面身家唔見14億

俾 政府告單嘢未收科,自己旗艦又俾人唱淡,會德豐噚日股價跌咗1.2蚊,據會德豐舊年年報,Peter揸住12.05億股,即係單計噚日賬面身家就蒸發咗 14.45億銀。Peter屬狗,佢今年運程應該唔錯,不過今年6、7月嘅運程麻麻,某位堪輿學家著作度仲批屬狗嘅人喺6月生意唔好,要慎防因一些地方出 了小錯,引起一連串難以解決嘅問題,希望醜嘅唔靈好嘅靈。LiWaWa@AppleDaily.com
中環 在線 吳光正 行衰 衰運 身家 縮摩 摩通 通落 落井 下石 叫沽 沽會 德豐 20 華華
PermaLink: https://articles.zkiz.com/?id=1209

中環在線:零售王國第二把交椅吳光正愛女接棒差一步 李華華

2008-08-06  AppleDaily

商 界唔少女兒代父從軍,噚日The Lane Crawford Joyce Group(簡稱LCJG)宣佈,現任連卡佛總裁吳宗恩(Jennifer,吳光正愛女),8月尾開始兼任LCJG副主席。集團旗下嘅Joyce、 Pedder Group等總裁,都直接向佢滙報,加埋時裝女王Joyce Ma(Joyce創始人馬郭志清)退下火線,吳宗恩大有潛力成為第二個時裝女王。

老竇揼本二億試身手

家陣,吳光正透過私人持 有嘅LCJG揸住Joyce(647)近52%股權,上年Joyce Ma唔玩,由吳光正愛將吳天海做公司主席,照咁嘅安排,吳宗恩距離做Joyce話事人兼執掌連卡佛王國,仲差一步。Jennifer條青雲路一早由老竇鋪 好,9年前加入連卡佛學嘢,由市務推廣、買手到財務,乜部門都去實習,打好個底;跟住老竇揼本2億銀畀乖女,將國金二期同太古廣場兩間連卡佛嚟個大翻新。 老竇嘅苦心經營,Jennifer一啲都冇辜負,初次擔大旗落手落腳指揮project,連《時代》雜誌都讚佢Sharp eye(銳利眼光)。國金二期開幕時,吳氏一家三口齊齊亮相,吳光正夫婦擺明係撐愛女。之後,Jennifer整頓內地業務,將內地合營嘅連卡佛執晒,搞 到市場誤會連卡佛敗走,原來係重新定位再重鎚出擊,佢手起刀落嘅膽識,可以話技驚四座。

摺起內地合營顯膽識

除咗 Jennifer,富豪家族中叻女仲有幾個,好似富豪(078)主席羅旭瑞個女羅寶文,細時係資優兒童,04年開始幫老竇手,首次擔大旗賣赤柱富豪海灣, 結果喺沙士後嘅逆境中,依然賣到8000蚊呎,幫公司進賬唔少。至於糖王郭鶴年女兒郭惠光就喺SCMP(583)幫手,佢喺哈佛大學畢業,曾到SCMP做 財經同時裝記者,04年正式升做執董,不過暫時未見代表作。電郵:LiWaWa@AppleDaily.com
中環 在線 零售 王國 第二 二把 交椅 吳光正 愛女 接棒 差一 一步 華華
PermaLink: https://articles.zkiz.com/?id=1629

中環在線:吳光正千金膺亞洲商界女星 李華華

2008-11-11 AppleDaily



《華 爾街日報》噚日公佈08年全球最值得關注嘅50位商界女性,有4位亞洲女強人入選。更加吸引華華嘅,係同時選出10位亞洲最值得關注嘅商界女性。榜上除咗 有百度首席財務官(CFO)李昕晢同美國私募基金德太投資(TPG)馬雪征,華華留意到有兩粒新星──賭王愛女何超瓊(Pansy)同吳光正囡囡吳宗恩 (Jennifer)。賭王都讚過Pansy虎父無犬女,佢入選可以話係順理成章。咁Jennifer呢?應該係後來居上,而且越戰越勇,加入連卡佛唔夠 十年就坐上第二把交椅,市場人士都視佢為新一代時裝女王、明日嘅Joyce Ma。今次連《華爾街日報》都留意到佢,睇嚟吳小姐的確耀眼。至於全球計50位商界女性中,排名最高嘅亞洲代表,係最多香港人識嘅人行副行長胡曉煉,排第 4;其次係排第7嘅淡馬錫首席執行官何晶,佢老公就係新加坡總理李顯龍。另外兩位分別係日本DeNA Co創辦人Tomoko Namba同韓國Hann Corp創辦人。

08亞洲最值得關注10位商界女性

入選人:Shamshad Akhtar公司:巴基斯坦銀行

入選人:孫瑋公司:摩根士丹利

入選人:何超瓊公司:美高梅MGM

入選人:李昕晢公司:百度

入選人:馬雪征公司:德太投資

入選人:Chisato Nojiri公司:Terumo Heart

入選人:Yoshiko Shinohara公司:Temp Holdings

入選人:Pia Singh公司:DLF

入選人:吳宗恩公司:連卡佛

入選人:張蘭公司:俏江南

資料來源:《華爾街日報》
中環 在線 吳光正 千金 亞洲 商界 女星 華華
PermaLink: https://articles.zkiz.com/?id=3177

中環在線︰吳光正懶理業績差照加薪 李華華


2009-04-24  AppleDaily





 

噚 日輪到會德豐(020)公佈年報,主席吳光正舊年人工加15%至2931.9萬銀,佢兩名左右手李唯仁同吳天海,亦分別加薪11%同10%。舊年會德豐盈 利倒退超過五成,但吳光正人工就由2544.5萬加到2931.9萬銀,當中底薪升7.8%至1505.6萬銀,花紅更大增17%至1400萬銀。老臣子 李唯仁亦唔失禮,人工由1082.2萬增至1204.5萬銀,當中底薪同花紅分別佔492.5萬同700萬銀。

吳天海人工加一成

不過華華最有興趣係吳天海份糧,雖然佢舊年人工加一成至1380.6萬銀,但當中佢喺有線寬頻(1097)嘅人工,就縮水7.6%至693.2萬銀。咁又係嘅,舊年有線業績係上市9年嚟首次「見紅」,身為當家嘅佢又點能夠唔減少少做啲嘢呢。



中環 在線 吳光正 懶理 業績 差照 加薪 華華
PermaLink: https://articles.zkiz.com/?id=7528

會地私有化靠股東睇化 吳光正鬥長命圓10年夢 李華華

2010-6-25  AD





 

李超人講過,響 香港地要搞私有化成功,先決條件係無得罪人又無俾人搞,但計華華話,佢老人家應該數漏咗一點,就係班小股東要睇得化!

舊年電訊盈科 (008)、華潤微電子(597)、鱷魚恤(122)同JOYCE(647)私有化單單撻Q,大家都諗住會德豐地產(049)今次衰硬,點知噚日佢哋個法 院會議同股東特別大會,投票過程竟然出奇咁順利同詳和,兩個會夾埋唔使兩粒鐘就通過咗私有化。第一場法院會議,贊成私有化嘅小股東票有98.76%;第二 場股東特別大會仲誇,有99.92%贊成。

其實,會地大股東吳光正10年前已經想圓呢個私有化美夢o架嘞。當年會地仲叫做新亞置業,00年 9月會德豐想私有佢,但最後失敗咗。估唔到吳生同股東鬥長命,今次終於成功圓夢。

雖然過程話就話祥和,但點都有啲聲音嘅!好似曾經反對電盈 同鱷魚恤私有化嘅「私有化剋星」梁國強就投反對票,佢嫌作價低過資產淨值好唔合理;另一位激動伯伯雖然狂呻,但覺得小股東幾時都唔夠大股東鬥,所以覺得唔 合理,但亦惟有無奈贊成,畀番啲股票大股東。如無意外,會地喺下個月22號就會除牌。

不過,你又唔使戥小股東慘喎,事關有人歡喜有人愁唧! 有個婆婆笑到四萬咁口同華華講,佢相當滿意私有化作價,皆因佢揸咗會地N咁多年,成本好平咁話。

李華華

LiWaWa@AppleDaily.com



會地 私有化 私有 股東 睇化 吳光正 長命 10 年夢 華華
PermaLink: https://articles.zkiz.com/?id=16298

中環在線:陸東搵吳光正借場幫弱勢社群 李華華

2010-8-3  AD





 

地產股星級(其實可能係神級)分析員陸東,自從自立門戶做基金公司老闆之後,可以好奢侈咁花多啲時間做自己喜歡嘅嘢,唔再淨係為生活賺錢咁dry,佢一向都想回饋吓社會,好似最近,佢就忙於瞓身幫一幫弱勢社群!

聖雅各福群會噚日喺海港城舉行「泥造人.樂造人」陶藝展覽,畀善長人翁競投弱能人士親手製作嘅泥公仔。搞手陸東為咗個event,近日好高調咁接受周刊同報紙訪問,順帶「硬銷」呢個展覽會,噚日仲親自出席開幕禮做埋主禮嘉賓,真係盡心盡力!

東哥同華華講,海港城呢個展覽場係佢負責搵返嚟,而且九龍倉方面一傾即合,立刻借個場出嚟,「我同地產商嘅關係都幾好嘅!」原來佢同吳光正嗰面關係咁好!東哥又會唔會學人從政咁呢?佢就話自己冇興趣。

講開東哥自己個基金,佢話其中一個大中華基金主要投資內地工業、地產同消費股,公用、航空同電訊股就冇掂,點解?好似航空股咁,係受保護動物,好極有限;電訊股就冇乜增長……嗱!又袋錢落大家個袋喇!

李華華



中環 在線 陸東 東搵 吳光正 借場 場幫 弱勢 社群 華華
PermaLink: https://articles.zkiz.com/?id=17211

中環在線:吳光正買飛甩雞毛打造No.1名牌王國 李華華

2011-3-3  AD




 

如果問邊個係香港「名牌」嘅代表,大家會毫不猶豫話係潘迪生同Joyce Ma馬郭志清。不過,呢個答案應該係10年前嘅事,今時今日,華華話係吳光正。

意 大利時尚精品集團「飛甩雞毛」Ferragamo噚日發聲明,話佢哋已經將旗下奢華成衣品牌Salvatore Ferragamo 8%股權,賣畀香港嘅吳光正家族,聲明無講用咗幾銀。除咗賣少少畀吳光正,總部喺佛羅倫斯嘅「飛甩雞毛」仲話,會增加喺大中華區分銷公司嘅股權,由50% 升到75%。

名牌潘Joyce Ma頓失色

「飛甩雞毛」掌門人Ferruccio Ferragamo話,佢希望咁樣做可以鞏固集團喺第三個千禧年奢華產業關鍵區域嘅地位。

查實吳光正幾年前已經同「飛甩雞毛」搭上,佢家族幾年前已經透過3間公司,經營連卡佛、Joyce(647)同埋俊思集團,而俊思就正正係「飛甩雞毛」同Guess等名牌喺香港嘅內地代理。

反觀「名牌潘」嘅名牌王國就開始失色,先失Polo Ralph Lauren,再失Tommy Hilfiger,真係賣少見少。至於Joyce Ma更加唔使講,成間Joyce幾年前都已經過戶畀吳生。

收 集咁多名牌,相信唔單止係個人喜好,仲記得,吳光正趁低將連卡佛收歸私人所有,其後買埋Joyce,早前更加想將佢私有化,但唔成功,不過無阻吳生繼續密 密「買」名牌,心水清嘅都會諗,他朝名牌滿袋,打包上市,仲唔係No.1名牌股。家陣最多銀両買名牌嘅係中國同胞,吳生喺內地各大城市都有大商場,仲唔相 輔相成。

LiWaWa@AppleDaily.com


中環 在線 吳光正 買飛 飛甩 雞毛 打造 No 名牌 王國 華華
PermaLink: https://articles.zkiz.com/?id=22882

吳光正被挾住

2014-05-29  NM
 
 

 

澳門賭業興旺,搞到唔少民營企業家賭到連間上市公司都無埋。綠城中國(3900)大股東宋衞平,最近被內地私募基金經理閻焱,踢爆「衰爛賭」,要將旗下綠城24.313%股份,以63億元出售予融創中國主席孫宏斌,手頭只剩番一成八股權。

睇真啲,綠城第二大股東、九倉嘅吳光正,一樣揸緊24.313%股份噃!即係大家扯平,你唔多過我、我又唔多過你。咁邊個話事先? 綠城公告指成立了「財務及投資委員會」,由九倉、宋衞平及孫宏斌派代表議決,一人一票。不過後兩者friend過打band;如果下下投票都二對一,吳老闆仲有無癮?

吳光正兩年前入股,主要係想搵支盲公竹,打通內地政經商情,但佢幾年來股份賬面無賺,又無話事權。 睇番往績,佢同人「合作」,都無咩好結果。九三年,同長實李超人洽商鹽田港計劃,雙方就項目管理權爭持不下,最終九倉退出。再早啲,九十年代與英國國民西敏寺銀行合作,創辦豐敏集團進軍金融業,但差強人意,會德豐又終止投資。難怪吳光正早年曾對「合作」下了定義:「符合雙方利益才叫合作……要維護自己利益……誰做得好,誰就做曬100%!」咁對佢下一步,有無啟示呢又?

啤梨豪宅有幾嘆?

上期小宗爆啤梨張震遠「慳人闊自己」,被人申請破產但照樣續租三千呎豪宅。係嘅,雖然月租十七萬,但坐擁無敵淺水灣靚景,露台又大到可以開兩枱麻雀,點捨得走?今期再睇啤梨豪宅有幾嘆!

人大定人大嘅代表

陳智思話自己係「中華人民共和國人民代表大會香港代表團代表」,乜佢唔係人大嚟嘅咩,點解變咗做代表團嘅代表呢?唔使刻意矮化自己噃!

職場秘笈鬧人要有同情心

港大建築系畢業,由一個小小的項目經理,扶搖直上,升任至富豪國際(78)、百利保(617)及世紀城市(355)的董事。他每期分享不同的職場經驗及秘笈;要上位,無往不利。我打工多年,很多時也會發脾氣,或者控制不到自己情緒。回想起來,原因大部分都很無謂。其實,憤怒時做的事情多是錯,又或會說一些令自己後悔的說話,覆水難收。作為上司,假如無法控制自己的情緒,有很多壞處。他一定會向下屬發脾氣,下屬再向下屬發脾氣,造成反面的multiplying effect,向下擴散。即是一個人唔開心,而令到全世界都唔開心。究竟,怎樣做到泰山崩於前而色不變?當你想發脾氣時,先深呼吸一下,我試過左手畫圓圈、右手畫四方形,然後不發一言,對方(激怒你的那位)當然也沉默下來。如果可以,雙方最好離場一會。經過兩、三分鐘cool down,讓氣氛緩和下來。當下屬出錯,令人憤怒,需要發一封信(或電郵)責罵。信,可以照寫,但請等到二十四小時後,心情平復下來後,再把信讀一遍,看看是否有地方可作出修飾。事關最憤怒時候寫的信,一定寫了很多難聽的說話,收唔番。罵人的時候,也要有同情心。易地而處,如果被人用同一番說話罵的是你自己,你有什麼感受?找一個比你叻的人,做你榜樣。如果同一件事情發生,想像一下那人又會怎樣處理?他一定會比你淡定和輕鬆。你懂得這樣想,情緒又會好一些。我枱頭放了三個字警惕自己:勿動怒。經常看著,慢慢已經潛移默化,不再容易發脾氣。

金牙大狀講嘢詩姑改姓

詩姑話經過一百五十六年殖民統治,香港人俾紅毛鬼「洗腦贏心」,以致「國家觀念薄弱」,窒礙中港融合。一句講曬,所有嘢都係英國佬唔好、香港人唔啱、香港人唔著,乜都唔關強國事。一個唔覺意,仲令人以為詩姑係姓賴嘅,唔係姓梁。講起「洗腦」,呢味嘢唔係共產黨嘅看家本領嚟嘅咩?否則班學民仔又使乜反國教,拒絕洗腦呢?點解詩姑長他人志氣、滅自己威風,話啲紅毛鬼玩呢家嘢玩得仲叻呢?若果紅毛鬼果有本事贏盡香港人嘅心,甚至回歸十七年後依然仲有班後生死心塌地撐住支龍獅旗去遊行,咁詩姑係咪好應反省反省呢?自己唔照鏡,淨係識得賴人,唔通咁都可以贏心?冇可能o架噃。

吳光正 被挾 挾住
PermaLink: https://articles.zkiz.com/?id=100717

內房孖寶玩殘吳光正

2014-11-27  NM
 
 

 

出名數口精嘅九倉(4)主席吳光正講過,做生意「合作」係要好小心,所以喺香港甚少合資項目,九倉入股綠城(3900)一役,可謂正中下懷,遇到高手過招。兩年前綠城缺水,九倉一鋪攞五十億人仔入股綠城兩成四,做個第二大股東,點知十幾日後,綠城收第二家——融創(1918)茶禮,將綠城九項優質資產注入兩家嘅合資公司——融綠,吳光正眼白白睇住隻金蛋被「移動」都無聲出。

最近綠城同融創更殺吳光正一個措手不及,綠城個老細宋衞平將手頭兩成四股份賣晒俾融創老細孫宏斌,大拿拿六十三億銀交易袋袋平安後,突然話「悔婚」,分手費係咩呀?孫宏斌話要隻金蛋融綠五成股份喎,讀番書嘅吳光正應該聽過Fool me once, shame on you. Fool me twice, shame on me道理,拿拿臨派副主席周安橋上杭州,做乜?「維權」啩!

踢竇創興頂樓擦蛇羮

喺中環幾乎絕跡嘅華資銀行,以往老細都鍾意自設廚房宴請客戶食私房菜,早前把創興銀行賣俾越秀集團嘅廖氏家族,仍揸住成幢創興銀行中心磚頭,呢,喺廿八樓就有個宴會廳,用嚟招呼吓以往廖創興銀行嘅客仔,咁梗係有番咁上下嘅「大」客戶先book到枱啦。咪以為呢啲地方食嘢好貴,因為唔使交天價租金,反而真材實料無打斧頭喎,工廈小王子楊國佳上週五就宴請友人吃蛇羮,唔知係咪「料」足,食到回復青春期爆瘡,佢啲朋友就話呢度嘅蛇羮可媲美以往恒生崩牙成出品。不過唔係話食就食,好似廖氏另一潮州友好楊海成,一個月前已訂位寫菜單,等師傅去搜挖食材;聽聞呢個私竇個廚,跟四叔李兆基個御用廚師李霖分屬同門師兄弟,又喺恒生做過,所以蛇羮有番咁上下水準。呢個廖氏私竇又唔多見越秀啲老總、企管人員嚟食喎,有中環口痕友話,自從華潤集團前董事長宋林,被中紀委揭發喺灣仔華潤五十樓豪飲豪食,國企啲老總又豈敢踏足私竇呢,係都行遠啲啦。

「收租王」倫伯仙遊心願未了

坐擁百億物業、有收租王之稱的「倫伯」倫志炎,於十月三十日突然離世,享年八十五歲。上星期,銅鑼灣堅拿道天橋旁的伊利莎伯大廈停車場外牆,掛出兩幅巨型訃文,所有進出紅隧的車輛,都可以清楚看到。倫伯縱橫地產投資界近五十年,治喪委員會成員逾二百人,政商界猛人雲集,包括前律政司長梁愛詩、嘉華主席呂志和、滙豐亞太區副主席王冬勝等。後人高調治喪,但倫伯在世時生活低調、節儉,是名副其實的隱形富豪。倫氏持有近八十個柴灣杏花邨單位,倫伯亦擇居於此,出入沒有名車、司機,最愛搭的士,或拿住張長者八達通,搭巴士、港鐵,周圍巡鋪。倫伯凡事愛親力親為,近年最掛心的,相信就是以伊利莎伯商場為中心的銅鑼灣發展計劃。自○五年以近十五億元,向上海公路大王劉根山買入伊利莎伯大廈地下至六樓商場及停車場後,倫伯之後再陸續買入謝斐道多個地鋪,計劃將該地段重新包裝。可惜,計劃進展緩慢,不少商場及地鋪長期丟空。後人將其「訃文」懸掛於此,相信亦呼應倫伯的心願。他日謝斐道變天,大家都會記住這位傳奇收租王。

澳門爆爭地戰

話說澳門一幅位於青州山、市值過百億嘅土地,最近引來當地兩大幫派人馬垂涎。呢幅地面積有成五萬六千平方米,鄰近珠海邊境,屬澳門青州山重建計劃範圍,絕對有潛力發展。根據土地登記資料,塊地由香港商人孫衞民旗下公司持有,佢係前特首董建華表弟,實力有番咁上下。問題係,塊地嘅舊業主唔肯放手,雙方仲鬧上澳門法院。官司未有裁決,但塊地已經俾不少有勢力人士吼住,仲高姿態喺幅土地「插牌」,宣示主權咁話,當澳門司法制度冇到!小宗收到風,舊業主為咗抗衡對方,已經搵嚟曾經叱咤澳門一時、兩年前啱啱出冊嘅江湖大佬相助。新舊澳門勢力正面迎戰,嚟緊仲有連場好戲。

金牙大狀講嘢大孖沙冇飛士俾

滬港通1117號列車並冇出軌,卻化作無人駕駛、無客乘坐之幽靈列車,咁搞法非但詭秘,連親手送上大禮嘅李克強總理都冇晒飛士。學得魯平主任話齋,怎麼辦?怎麼辦?滬港通單嘢由總理親自掛帥,係十二五規劃嘅重點項目。按理班大孖沙好好醜醜,冇理由唔支持o架。就算整色整水都要啦,係咪?而家搞成咁難睇,非但證明以兩地股市現今之格局,滬港通根本就冇啖好食,更深層次嘅意義係班大孖沙唔再俾飛士最高國家領導人。果真如此,都咪話唔濕滯也。濕滯成點?咁即係話班大孖沙猛然驚覺,事到如今,聽最高領導人支笛亦唔會有運行,咁仲使乜俾飛士你先?手尾長也。

內房 房孖 孖寶 寶玩 玩殘 吳光正
PermaLink: https://articles.zkiz.com/?id=120990

吳光正執靚三千億家產交棒

2017-03-16  NM

連希特拉都cut唔到有線,有邊個話cut就cut到?答案是老闆吳光正。上週四意外爆出有線寬頻(1097)賣盤不成,兼夾九倉(4)決定不再注資,意味有線隨時執笠。在有線大樓內,一直收看直播的有線新聞部員工,全場鴉雀無聲,「大家唔太接受到。」有線九年累積虧損十七億元,雖然同系商場海港城的租金收入,每年達八十億元,足夠「照」起有線有餘。不過長貧難顧,加上會德豐系正大重組,銀行出身、性格「密底算盤」的吳光正計過度過,決定cut走蝕本貨。今年七十歲的吳光正,早年從外父包玉剛手上、接掌三千億元會德豐及九倉系,但畢竟是外姓人,已是時候執靚盤數,全面交棒有一半包氏血緣的兒子吳宗權。

上週四下午十二時多,有線寬頻停牌。有線員工皆靜候賣盤消息,「估應該有結果。」豈料四小時後,主席吳天海在九倉業績會淡然宣布︰「不再額外對有線寬頻財務支持。」一直睇住直播的新聞部員工「靜咗,唔太接受到」。這幾天,部分主播和記者都不約而同穿上黑白灰等素色衫,「同事可能係想表達悲哀或不滿。」

電影愈播愈舊

有線員工指公司近年已慳得就慳,兒童台已完全無新的自製節目,每日不斷輪流播三套卡通片度日。電影台的電影亦「愈播愈舊」,有○一年的《麥兜故事》、九五年的《烈火戰車》及九二年的《鹿鼎記II神龍教》等等。有線大樓門口的數排電視已經「熄機」幾年。就連王牌的有線新聞台亦要慳,「《Sunday有理講》近期由兩個主持變一個主持加一個主播,就是要慳。新聞台只在週末部分時段提供字幕,也是為了節省人手。」有線開台之初,已處於燒錢狀態。翻查招股書,九九年上市前三年,共虧損二十五億五千二百萬元,上市首年繼續見紅,錄得三億八千七百萬元虧損。後來拿到世界盃獨家播映權、英超獨家播映權等,球迷落訂,形勢改變,曾經每日上客量達一千多人,有線終有盈利。到○九年底訂戶更突破一百萬戶,但後期由於購入頂級體育節目支出龐大,加上球賽轉播權屆滿導致客戶流失,廣告收入又開始減少,有線由○八年起再度虧損,去年更蝕三億多元。曾在無綫任體育記者、現為樂視體育新聞高級經理的馮堅成,分析死因︰「我裝過有線睇英超,佢哋(有線)無播後,我就走咗,join咗Now。」他認為,有線始終是收費電視,一定要有主菜吸引︰「你想上客的話,英超係最大吸引力。相比其他(如)西甲、德甲,都無英超咁吸引。無英超一定會走失好多客。」然而現在購入英超轉播權實在太貴,「億億聲,無可能回到本。」而且他指近兩、三年太容易在Facebook找到link睇波,部分人以此省回二、三百元。就體育節目而言,馮堅成認為Now的分類比較清晰,「有睇桌球的,有睇網球的,但有線則只有一個體育台包晒所有嘢。」

cut極cut唔到

有線另一死因,是訂戶cut極都cut唔到的恐懼。資深廣告人The Bees老闆曾錦強指:「市民不敢申請有線,因為啲人怕cut唔到。雖然發生過cut唔到有線斬人事件,已經改善咗,不過呢個形象都好影響。」他自己亦曾是有線客戶,「有線新聞是做得好,但我前幾年都取消了,因為畫面咁差(未有高清),好似我部電視壞咗咁。如果有線縮細規模,專攻新聞台,質素做好啲,或者有得做。」不過,這個未必是掌舵人吳光正的如意算盤。他雖然於一五年辭去九倉主席,但仍為首席顧問,九倉母公司會德豐的主席一職,則由三十八歲兒子吳宗權擔當。不過吳光正往往在背後教路,公司近年開始大刀闊斧重組。其中一步,就是剝離電訊及媒體業務,去年先以九十五億元售出九倉電訊,並將有線放盤,至於本業地產,亦進一步重組。其中會德豐將大量收租物業出售,所得資金用作投地起樓,變為純發展商。例如將旗下One Bay East東、西座,以九十九億元賣給宏利及花旗;及將One HarbourGate東、西座,以一百零四億元賣給國壽海外及祥祺集團。而會德豐大廈亦以六十二億元售予九倉,並於去年推出山頂Mount Nicholson、何文田One Homantin、將軍澳Savannah等多個樓盤,賣樓收入增加一倍半至一百六十九億元。至於九倉,主力變身收租股,近日指會分拆部分投資物業上市,刺激股價。

搶奪有線

吳宗權畢業於美國普林斯頓大學建築系,曾任瑞銀地產分析員,○五年加入會德豐,逐步坐上主席位。本身是運動健將的他,曾於○六年代表香港參加多哈亞運水球比賽,又經常參與「維港渡海泳」及「公益金百萬泳」等大型賽事。有線開台時,他只有十五歲,對有線的感情,不如吳光正。當年吳光正對有線極度緊張,甚至為此與香港兩大家族,李嘉誠、新地郭氏交惡。八九年,李嘉誠和吳光正競投有線電視專利權,後來李嘉誠轉軚搞衞星電視,吳光正與新地合作奪得有線。為搞好有線,當年吳光正調動了二十九個職員和三個董事幫手,另外從隆豐大廈和連卡佛中心騰出地方供有線電視員工使用。吳光正曾說過他的營商哲學,是承襲外父包玉剛,生意一定要自己管,「包先生做船都係咁,一直自己管理,從無一隻船係人哋幫我哋管理。只係出錢,唔管理,唔算做生意,只算投資。」不過新地高層卻很反感,認為是吳光正「扮大佬」。吳所佔股權只較新地多百分之一,卻搵了幾十個自己「馬仔」入公司,又將一幅觀塘地皮,「質」入公司做總部。因此一年後,新地退出唔玩。有線因而重新招標,吳光正捲土重來,當時和黃亦有意競投。但李嘉誠在一個酒會中被問會否與其他財團合作競投,竟說:「一定唔會與九倉合作。」後來雙方針鋒相對,李嘉誠在九○年搞衞星電視,說服港府改變衞星廣播條例。當時估計全港最少有十五萬座大廈,可安裝同類衞星天線,形成對九倉有線電視的重大威脅。吳光正指政府批准衞視違反承諾,李嘉誠則認為此指控不公平,雙方裂痕由此而生。傳聞指,當時吳光正禁止負責安裝衞星天線的公司,進入旗下大廈;而和黃亦出招,不准長實興建和管理的屋苑安裝有線電視。及後九三年,深圳鹽田港口有一個六十億元人民幣的發展項目,二人鬥個你死我活。兩人曾與前國務院總理李鵬會見,提出股權上大家合作,管理權則輪流管理,每人五年,但都無功而還。

密底算盤

吳光正一向給人「密底算盤」的形象,跟商人、銀行家、承建商都「鍊」得好盡,甚至有市場人士指:「件嘢明明賺一元,佢要賺一元一角,要你蝕番一毫俾佢。」九倉便曾指控一間建築師行,未能用盡海港城面積比率,令九倉興建少了逾百萬呎樓面,損失收益以十億元計,官司由八二年直到九二年,其間該則樓的四個合伙人,兩個離世,甘洺也中風癱瘓,二百名員工凋零至兩三人,吳光正亦未肯罷休。直至九一年法官判九倉敗訴,事件才告平息。 進擊的吳光正,與吳宗權一樣,以三十多歲之齡接替包玉剛,領導會德豐及九龍倉。在船王包玉剛決定「登陸上岸」後,吳光正即全力進攻,買入大量地皮、將海港城重建、從政府手中購入香港隧道公司兩成四的股權等,替王國建立根基。在打理生意上,吳光正是很成功。不過他始終是外姓人。金融界盛傳,沒有男丁的包玉剛,以四名女兒為受益人成立基金。一五年年報顯示,吳光正持有六成會德豐股份,但其中四成九股權以滙豐信託形式持有、一成一屬於他與妻子包陪容共同擁有,至於吳光正個人持有的會德豐股份,只有不足百分之一。九六年他暫時放棄九倉、會德豐的工作,出面參選特首時,已露了端倪,表明希望建立自己事業,更指有需要可以賣了手頭上所有會德豐股份,不過最終參選失敗。近年他以私人名義,買入另一家上市公司龍湖地產股權,現持股百分之六。

同系重組九倉勝會德豐

近期屢傳九倉及會德豐重組,兩公司股價均造好。一個阿媽,一個阿仔,新鴻基金融財富管理策略師溫傑認為,兩者比較下,九倉前景較吸引。首先九倉業績優於預期,又提及考慮將投資物業分拆上市,或採用實物分派給股東形式,令股價有憧憬︰「如果業務分拆出來,估值得到提升,持有它的九龍倉就會受惠。」此外,有線寬頻業績一直拖累九倉,在長貧難顧下,放棄有線有止血效果。溫傑指出,以前兩間公司業務有點亂,但重組後,兩者分別更明顯︰「收租、內地嘢放九倉,香港房地產放會德豐。」他直言,既然做重組,有潛質項目當然會加碼,無潛力的項目就要忍痛割愛。放棄有線是重組幾部曲的其中一部曲。另一邊廂,會德豐有機會受美國加快加息影響,市場需要關心即將議息完結後的記者招待會,留意耶倫講話︰「如果3月已加息,而她口吻較強硬,今年加息三次或四次的機會率就上升。但目前資產價格未完全反映加三、四次息的境況。」雖然九倉都會受加息影響,但其業務較分散,影響會相對小。

乘龍快婿

船王包玉剛家族在七十年代時,陸上資產僅七千萬,今時今日會德豐及九倉市值已三千億元,吳光正居功至偉。吳光正五歲時隨父母移民香港,後曾到美國留學,主修物理與數學。七○年暑假,廿四歲的吳光正回港度假,認識了包玉剛的二女包陪容,兩人感情迅速發展。同一年,吳光正放棄理科改讀商科,在紐約哥倫比亞商學院修讀兩年工商管理碩士課程。當時包玉剛正與怡和爭奪九倉,希望一舉奪得這個旗艦,作為建立地產和酒店王國的起點。他急需一個可靠的人協助。有美國大通三年金融經驗的吳光正,成為外父包玉剛的近身智囊。吳光正亦沒有辜負包玉剛的期望,八○年成功收購九倉後,八十年代又奪得會德豐控股權。此時包玉剛年事已高,九倉和會德豐的重組及發展重任,就由吳光正一力承擔。吳光正能得外父歡心,包家的工人曾向本刊指,吳光正最肯陪老人家。每逢假期,一眾女婿與孫兒必定到包玉剛的深水灣大宅吃飯,但晚飯後客人離開,只有吳光正留下來跟他傾談。包玉剛舅仔黃均乾曾說:「吳光正平時晚上都到來,談到晚上十一時,他們都用上海話或普通話傾偈。」除此以外,包玉剛曾在中央信託局工作,專做保險,而吳光正又在銀行做過,所以關係比較密切一些,結果互相成就了地產千億傳奇。

違反續牌承諾要罰款

根據規定,假如有線續牌,須支付一筆履約保證金,按機構而定,由四百萬元至一億元不等。另外,有線每年須支付周年牌費,合共為五百一十四萬元,當中包括「固定費」約一百五十萬元,及「可變動費用」約三百六十四萬元。假如有線未來財力不足以支持營運,致不能符合牌照要求。根據法例,通訊局可施加懲罰,包括警告、罰款、暫時吊銷牌照,甚至向特首會同行會建議撤銷牌照。奇妙電視去年五月獲批免費電視牌照,為期十二年,預計五月中啟播。通訊事務管理局指,奇妙電視承諾十八至四十二個月內,投資六點六億元於資本及節目開支,若未能符合承諾,將被沒收一千三百三十三萬元保證金。

撰文:黃嘉慧、孫樂祈

攝影:林志謙

news@nextdigital.com.hk

吳光正 執靚 靚三 三千 千億 家產 交棒
PermaLink: https://articles.zkiz.com/?id=246517

[貼圖]吳光正

1 : GS(14)@2011-05-18 22:28:49


2 : GS(14)@2011-07-29 22:35:12

http://hk.apple.nextmedia.com/te ... 104&art_id=15471935

富豪到期續霸路
吳光正女傭鎖閘禁記者離開
2011年07月28日
貼圖 吳光正
PermaLink: https://articles.zkiz.com/?id=274358

吳光正:海運郵輪碼頭新翼 已入紙城規會

1 : GS(14)@2013-06-08 15:27:04

http://www.mpfinance.com/htm/finance/20130607/news/ea_eab1.htm




九倉的海港城近期引入黃鴨海上巡遊,引來大量參觀者。吳光正昨天也特意與黃鴨合照。(郭慶輝攝)

九倉去年續約海運大廈時,承諾將興建4層樓高的新翼大樓,以及提升郵輪碼頭設施。吳光正昨在股東會後稱,啟德郵輪碼頭的發展是好事,倘能吸引更多國際郵輪訪港,對旗下海運碼頭生意亦有裨益。

去年國際郵輪使用率10%

據集團副主席吳天海透露,旗下海運碼頭去年共有70艘國際郵輪到訪,相當於使用率10%,倘連同其他船隻,使用率為約30%。康泰助理總經理樂紹基指出,粗略而言,海運停泊的郵輪可容納旅客量約700至1200人。按此計算該碼頭去年的接待約4.9萬至8.4萬人次郵輪旅客。

九倉沒有透露新翼建築的投資額以及時間表。翻查政府向立法會提供的資料,九倉去年6月簽訂新協議中,將在現時海運大廈末端建造4層高的新翼大樓,當中約3.2萬方呎樓面作為郵輪碼頭設施及相關政府辦公地方,包括出入境和海關辦事處、檢疫區及行李處理區等。餘下約6.2萬方呎可作商業用途,倘按2012年度海港城整體每月每平方呎零售銷售額約2600元推算,單是新翼租戶的每月營業額可達1.6億元。

九倉期望兩個碼頭帶來協同效應,樂紹基亦指,海運為私營碼頭,運作可以更靈活,啟德雖交由私人公司運作,但作為大型官方碼頭,雙方經營模式以及定位不同。另兩者的可容納的最大排水量均有所不同,料能吸引更多不同噸數的郵輪訪港,形成良性競爭。啟德兩個泊位均可停泊世界上排水量最大,總噸位達22萬噸的郵輪,而目前海運的可容最大排水量為5萬噸。

被問接班 回應身體健康愛工作

另外,早前會德豐(0020)委任吳光正次子吳宗權擔任董事及常務董事。吳光正昨被問到有沒有退休計劃時,笑言「自己身體健康,又鍾意工作」,但心中已有接班工作的安排。

吳光正指自己年屆67歲,「年紀唔算大亦唔算細」,有承繼計劃亦屬正常。但即使逐漸退下上市公司職務,仍繼續在家族控股公司中工作,包括參與連卡佛的管理等。他未有正面回應二子吳宗權何時會被安排加入九倉董事局,只稱滿意現時九倉管理團隊表現,又笑言兒子「已夠多工作要做」。
2 : GS(14)@2013-06-08 15:28:33

文件
3 : GS(14)@2013-06-08 15:29:03

http://www.mpfinance.com/htm/finance/20130607/news/ea_eab2.htm
話你知﹕Norman Foster 幾壟斷港地標設計
  2013年6月7日

【明報專訊】英國人Norman Foster與香港淵源頗深,他有一個中文名叫霍朗明,成名作是香港匯豐總行大廈。

事實上,除了匯豐大廈外,霍朗明幾乎壟斷了香港地標建築的設計,作品包括香港國際機場、啟德郵輪碼頭等。

霍朗明生於1935年,是60年代起興起的高科技建築的代表人物,過往獲獎無數,90年代就被封爵及獲封終身貴族。霍朗明的設計大多是銀行大廈、機場等標誌性建築,他在中國也留下不少足舻。例如北京奧運配套工程中、投資規模最大的首都國際機場三號航站樓,也是由霍朗明設計。

不過,再高明的設計師也有失手之時,霍設計的美國拉斯維加斯豪華酒店The Harmon,於建築過程中被發現存在安全問題,最終被要求炸毀重建。
吳光正 海運 郵輪 碼頭 新翼 已入 入紙 紙城 城規 規會
PermaLink: https://articles.zkiz.com/?id=283011

中環在線: 吳光正父子「百萬泳」籌款 李民橋落水失威

1 : GS(14)@2013-10-29 01:25:30

http://hk.apple.nextmedia.com/financeestate/art/20131028/18482450
公益金噚日首次以渡海泳方式籌款,晨早喺淺水灣舉行「公益金會德豐百萬泳」,活動籌得超過400萬元。富二代當中,會德豐(020)主席吳光正阿仔吳宗權(Douglas)既係公益金董事,又係游泳健將,義不容辭擔任活動籌委會主席兼落水,東亞(023)太子爺李民橋亦有參賽,可惜落水冇耐就抽筋,被救番沙灘治理。
Douglas參加咗團體接力賽、兩代接力賽同埋領袖賽,團體賽三甲不入,其餘兩場就得第二名。顧名思義,兩代接力賽由佢同阿爸吳光正分別游800米同400米,成績係23分01秒。領袖賽只得12人參加,游400米,Douglas同執董吳天海都有落水,吳生冇搶太子爺風頭,三甲不入,Douglas就以8分20秒完成賽事。
中環 在線 吳光正 父子 百萬 萬泳 籌款 李民 落水 失威
PermaLink: https://articles.zkiz.com/?id=284045

李曉佳﹕吳光正在有線並非「全輸」

1 : GS(14)@2017-04-28 00:19:57

【明報專訊】有線寬頻(1097)長年虧損,大股東九龍倉(0004)終於按捺不住對有線「截水」,引起市場嘩然,最終要大比例三供五供股集資逾7億元,借此引入新主永升亞洲解財困。市場內很多人將焦點放在有線股權是否染紅,今次交易最巧妙之處,在於九倉分步將有線以實物分派予股東,母公司會德豐(0020)又再向其股東派發,最終會德豐大股東吳光正家族不費分文取得有線最少9.9%權益,在有線留有一手。會德豐其他股東分段獲派的有線股份較零碎,要沽貨也只能掛低幾格,被迫繼續持股,變相令有線貨源歸邊,托住股價。

有線近年經營備受挑戰,人盡皆知。特別是傳統電視如電視廣播(0511),也大推OTT(網頻電視),以少於800元的年費搶客,令收費套餐較高的有線招架不住,經營上則繼續燒錢,並且長期由大股東墊支及出面,從銀行取得借款度日。九倉事前又將最賺錢的電訊業務出售,令整個通訊、媒體及娛樂業務只餘虧損連年的有線,影響賣相,無奈問題始終要解決,唯有出動「截水」這一招。但是亦因為如此,有線整個重組過程,才有希望加快。

有線連年虧損 賣相肉酸

新主永升透過包銷供股股份「泵水」逾7億元,雖然最快要9月中才告完成,但是確保永升能以低價每股0.21元入貨。就算完成供股後,有線股價跌穿除權價0.36元,最少有足夠空間做緩衝,保證不會蝕本,最惡劣時也最少保留上市地位賺「殼價」。當然這亦是有線獲「新水」必須付出的代價。

不過,九倉及會德豐是否因此「全輸」,看來又未必。九倉懂得化危為機,將手上的有線股份及給予有線的4億元貸款作為資源,索性將現時手上逾14.85億股有線股份全數派予股東,不單令有線完成供股後保持公眾持股量,更變相向九倉股東有交代,真正全面淡出僅餘的有線股權。

有線股票藉打散減低沽壓

對持有九倉61.03%的會德豐而言,初步計算分派比例最少為每持2股九倉可獲1股有線,會德豐據此取得有線現有股本45.52%權益。繼而會德豐將行第二步,就是將有線派給股東,比例約為每持有2.2股會德豐派1股有線。其後九倉將給予有線的3億元貸款轉為股票,並將其中逾半,亦即4.22億股再派給股東,九倉股東因此最少平均每持7.1股可再獲發1股有線。會德豐在有線公眾持股量達標下,可將手上有線股份保留,最終會德豐會持有有線逾2.6億股,持股比例為4.2%。有線的股票因而全數打散,由於會德豐及九倉小股東持貨零碎,欠缺誘因沽貨,間接減低有線的沽壓,令有線股價得以保持。這亦向新主永升有個交代,真正做到一家便宜兩家着。

重組後九倉仍持有線6.76%

有線完成重組後,九倉在有線仍留有一手,持股6.76%,按理論除權價計算,最少值1.5億元,兼保留對有線1億元貸款,計及已派有線股份的價值,相比有線在去年底於九倉的帳面值少於4億元,損失不致太大。會德豐及吳光正家族則不費分文,各在有線持股4.2%及9.9%,表面上這可視為吳氏家族對有線存有感情。但是在吳光正家族日後在持有會德豐、連卡佛、Joyce(0647)、隆豐投資、會德豐控股(私營)及Salvatore Ferragamo少數股權之餘,手上投資再添一員,以吳光正近年傾向精簡架構而言,這或為有線股權下一步變動埋下伏筆。

[李曉佳 財經澡堂]


來源: http://www.mpfinance.com/fin/dai ... 5925&issue=20170427
李曉 吳光正 有線 並非 全輸
PermaLink: https://articles.zkiz.com/?id=331449

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019