ZKIZ Archives


【今晚打喪屍(1)】寫喪屍入城緬懷舊香港作者余兒:同萬子合作好夢幻

1 : GS(14)@2017-06-23 02:58:29

■余兒(左)的小說《今晚打喪屍》,將由葉偉青畫成漫畫版。



即將上映、由萬梓良、張繼總、白只主演的電影《今晚打喪屍》,改編自同名本地小說,原著作者便是撰寫著名小說《九龍城寨》的余兒。曾擔任漫畫編劇的他,自少已鍾情喪屍電影,但令他執筆寫這部小說,一切原來出於偶然。「因為有一段時間無做漫畫編劇,個腦都諗咗好多故仔,好想寫一個完全屬於自己嘅故仔,所以就開始寫小說。」余兒的創作靈感源源不絕,《今晚打喪屍》暫時已推出兩部,分別是「浴血富山邨」和「旺角大血拚」,兩個位於平行時空的獨立故事,中間又有些少連貫。「當初冇諗過會寫到兩個小說,諗住一期完。點解會寫富山邨?其實因為以前我喺嗰度讀書。去到第二集點解會寫旺角呢?因為細個其實我又曾經住嗰區。」電影版《今晚打喪屍》,其實又是另一獨立故事,發生地區位於西環,而葉偉青主理的漫畫版《今晚打喪屍》,則會將三個平行時空拉在一起。余兒說:「原來《今晚打喪屍》可以喺香港唔同地區伸延落去,用唔同嘅媒體不斷發展,我覺得幾有趣。」另一個偶然,便是萬梓良。原來,兩部小說不約而同有提及過萬子,余兒說:「小說裏面有個女仔,佢嘅偶像就係萬梓良。第二集有一個人嘅造型,或者個樣係跟萬梓良嚟度嘅。同電影公司傾嘅時候,問我邊個角色係特別想去搵,我淨係諗到萬子哥呢個角色。」結果經過幕後的游說,終於請到萬子哥出山,余兒認為很夢幻和幸運:「因為我喺現場都有睇過佢做一兩場戲,嗰個氣場真係好犀利。」《今晚打喪屍》人物角色很本土和草根,其實是否有些喻意?余兒解釋:「其實第一集就冇諗咁多嘅,只係想寫一個funny啲嘅故仔,好睇同開心。去到第二集就投射左啲社會人物或者現象入去,有少少喻意啦。香港某一部份人其實都幾似喪屍,未必會有一個追求思想自由嘅意志,第二部就係講呢樣嘢。」採訪:馮國康、何永寧、Sapna攝錄:馮峰、Neo




來源: http://hk.apple.nextmedia.com/entertainment/art/20170622/20063976
今晚 打喪 喪屍 寫喪 屍入 入城 城緬 懷舊 香港 作者 余兒 同萬 萬子 合作 夢幻
PermaLink: https://articles.zkiz.com/?id=336620

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019