ZKIZ Archives


重註博美股爆升 名人堂

來源: http://investhof.blogspot.hk/2014/09/blog-post_18.html

重註博美股爆升


「我重註博美股今季爆升!」凡與戰友分享此「狂言」,眾已懶問「點解咁牛?」,只深深嘆氣,面露淡然哀愁、難以置信之情,仿彿自己癌癥末期,準備永訣。何解天性極保守的我甘冒巨險? 最重要的依據是「美國中期選舉年」(Midterm Election Year)的統計。據美國投資名家費雪(Ken Fisher)統計,自1925年起,中期選舉年第四季,標普500指數上升機率為86.4%19升、1平、2跌)。

中期選舉末季升多跌少

回報率方面,上升的19次,升2%21.3%,平均9.5%。兩次下跌,分別跌5%16.4%,後者時為大蕭條爆發後的1930年。以史為鑒,本季博美股爆升,極其抵博。

捨身出擊另一原因是市場氣氛跟技術走勢呈現深度背馳。拜讀財經專欄,列舉風險因素有:俄烏幾近攤牌、伊斯蘭國(ISIS)擴張、中日或爆發海戰、蘇格蘭公投演變成黑天鵝、伊波拉失控、聯儲提早加息、中國經濟放緩等。上述因素滙集,令人想起集十種殺人武器於一身的「攞你命3000」。地球真危險!

但細聽市場之聲,局面卻別有風光。打仗必升的金銀,日日新低,彈都唔彈。經濟衰退必升的歐美長債,上周起氣勢不再。加息美股必死?標指卻化身「戰狼500」,繼續地球最強,力守溫泉關,新高僅一步之遙。蘇格蘭公投觸發銀行危機?美國金融股ETFXLF)卻穩坐海嘯後高位。此外,交易所、券商股,如NasdaqNDAQ)、CMECME)、Charles SchwabSCHW)、Interactive BrokersIBKR),上周忽然一洗頹風;美國經濟寒暑表交通指數ETFXTN),走勢仍硬淨。

眾專欄另一特大盲點:無視美國經濟已穩步復蘇。自1947年,美國經季節性調整的季度GDP,平均增幅3.3%。過去4季為4.5%3.5%-2.1%4.2%3季優於平均,只因史上少有嚴寒下跌一季。按對沖基金經理之王達利奧(Ray Dalio)的分析架構,通脹下降、增長上升最利股票,美股強勢,當真如財演所說,純屬亂炒一通?

與拍檔開玩笑,看完「倉紙」,心情恍如諾曼底登陸時的艾森豪威爾將軍。大註出擊,有贏到開巷的可能。但股場如戰場,成敗得失,只差一線。抵博不等於實贏。萬一看錯,雖不致覆軍殺將,永難翻身,但也絕不好受。惟以鐵血將軍巴頓名言自勉:「當你收集了所有事實,聆聽了內心的恐懼後,主意已決,就應無視惶恐,勇往直前!」願上天保佑。




吳瑞麟
http://investhof.blogspot.hk
聯絡電郵:lifeislonggamma@gmail.com

(原載於信報2014917)
重註 博美 股爆 爆升 名人堂 名人
PermaLink: https://articles.zkiz.com/?id=112321

二五中環 萬南 2017/10/17 (週二) 澳博美高梅傳續牌兩年 「等埋6間」先再傾過

1 : GS(14)@2017-10-23 03:48:23

http://www.metrodaily.hk/metro_c ... %E5%82%BE%E9%81%8E/
萬南上星期又過大海,今次過去主要係拜會一批經常就博彩業出謀獻策嘅智囊,佢哋不時要同政府以及各持份者周旋。智囊話呢段時間超忙,除咗搞賭場禁煙及研究荷官放假禁足賭場外,其實有壇更勁更影響深遠嘅超級大項目一直進行中。登登登櫈,講嘅就係賭牌續期!
依家澳門賭牌由3個變6個,澳博(880)同美高梅中國(2282)嘅賭牌率先係2020年到期;至於其餘4間金沙中國(1928)、銀娛(027)、永利澳門(1128)及新濠(200)嘅賭牌,則係2022年到期。
點解同一日批牌,會有兩個到期日呢?咁要由2002年開放賭權說起,澳門政府發出3個賭牌畀澳博、永利及銀娛,基於由賭王何鴻燊揸旗嘅澳博,早已在澳門擁有賭場,可以無縫交接即時開檔,所以獲批18年牌。其餘因為需時興建新賭場,一律得廿年牌。後來每個賭牌一拆二,美高梅中國透過澳博得牌,所以都係2020年到期。
數數手指,澳博同美高梅仲有兩年零賭牌就夠期,偏偏佢哋各自仲有一間位於路氹嘅賭場仍在趕工興建階段,對投資者而言存在唔少疑惑。智囊話曾經旁敲側擊,打探政府點處置賭牌事宜,發現有關當局非常咁口密,其中一位官員只答句「無例可依」,事關澳門回歸以來從未試過續賭牌,而且呢樣關乎整個澳門經濟命脈的福祉,所以每一步都要小心計算。
消息人士話其中一個較實在的做法,係先將澳博及美高梅嘅賭牌,依照原有條件,破格自動續牌兩年,可一次過同6大賭牌公司講數。消息人士仲話有競爭先有進步,分分鐘再加一兩個新牌都唔定。

萬南
筆者為資深中環
金融界人士
central25@ymail.com
二五 中環 萬南 2017 10 17 週二 博美 高梅 傳續 續牌 牌兩 兩年 等埋 先再 再傾 傾過
PermaLink: https://articles.zkiz.com/?id=343174

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019