立會午膳 笑稱「頹頹哋」
1 :
GS(14)@2016-03-05 01:08:12【特寫】初次在立法會上陣的楊岳橋，昨日成為記者焦點，而楊對議會工作明顯十分上心，就算離開會議廳，仍念念不忘官員在會上答非所問、推卸責任的態度。楊岳橋昨於大會上向局長蘇錦樑發炮後離開會議廳，仍對蘇未有回應圍標問題非常上心，繼續向記者批評蘇「答咗等如冇答」，認為政府不負責任，「如果唔係要個政府嚟做乜？」對於他以較粗俗的「bloody serious（非常嚴重）」形容圍標問題，楊笑言他並不是和理非非的人，「我係一個和理非，唔係和理非非嘅人」，笑稱會在民主黨劉慧卿面前「保持克制」。到中午楊岳橋用不足30分鐘，到距離會議廳只半分鐘步距的宴會廳午膳，再到只供議員使用的草地短暫講電話，就立即返回會議廳開會。對於首次在立會開餐有何感覺，楊苦笑說：「感覺好似喺寄宿學校，頹頹哋，唔能夠話佢難食，亦唔可以話係品嚐，都係食完就要入去『上堂』。」楊岳橋又說，昨首度發言後，有朋友笑言他發言風格似在法庭陳詞，也有人嫌他「唔夠激」，他日後會作出檢討。他笑指：「可能太耐冇上庭，今次有機會喺嚴肅場合講嘢，就突然大狀上身。」■記者林俊謙
來源:
http://hk.apple.nextmedia.com/news/art/20160303/19514088