|
||||||
|
證監會行政總裁 韋奕禮下個月8號正式講拜拜，佢前日先講話呢個月日日有歡送飯局。華華八到，今個星期四，以金利豐（1031）老闆娘朱太李月華為代表嘅上市公司商會，發 起其餘7、8個證券團體，喺灣仔一間酒樓同韋奕禮餞行，佢哋仲喺琉璃工房買咗件水晶送畀韋奕禮，認真有心。 證券業界齊集餞行 講 真，傳媒同金融界o依家最想知道邊位係韋奕禮繼任人，證監會主席方正就畀人追問到頭痕。話說方正噚日出席一個關於香港喺中國金融發展扮演咩角色嘅研討會， 方正一到場就畀傳媒圍攻，問佢知唔知新行政總裁揀成點，佢例牌耍手擰頭，話政府揀好就會聯同證監會有公佈。點知轉頭喺研討會場上，又有嘉賓問同一個問題， 方正都係照例咁答。 搵外國名牌企業嚟襯 講開又講，原來方正對於港交所（388）積極搵海外企業來港上市有些少睇法，佢認為，o依家內地企業佔港股總市值一半以上，港交所去法國、意大利搵公司嚟上市「點綴下」係好，但內地企業先至係主力。 即係話，Prada呢類名牌企業主要為本港市場起「點綴」作用，直接啲即係嚟「襯」，唔知對方會唔會有啲傷心呢？ 李華華 |
||||||