📖 ZKIZ Archives

深夜突宣佈特首人工加兩皮

1 : GS(14)@2015-01-18 23:51:39





梁振英


【本報訊】立法會財務委員會昨通過公務員加薪撥款後，政府在深夜發出新聞稿，以香港經濟已經回復，決定取消二○○九年時因經濟不景，特首、問責官員及行政會議成員自願減薪5.38%安排，重回二○○二年水平，二月一日起生效，特首梁振英薪酬因有關安排，將加薪約兩萬元至37.1萬多元。政府新聞處昨深夜十一時發出新聞稿，宣佈特首、全體政治委任官員、以及行政會議非官守議員的薪酬，由二○一五年二月一日起，回復到二○○二年立法會財務委員會批准的薪酬水平。政府發言人稱，有鑑於二○○九年香港社會經濟情況，政府為與香港市民共度時艱，當時特首曾蔭權及問責官員曾自願減薪5.38%，與當年首長級及高級公務員減薪幅度相若，有關安排一直未有取消。政府發言人稱由於香港經濟已經回復增長，也較二○○九年有明顯大幅改善，所以維持自願減薪的理由已不復存在。據政府於二○○九年提交立法會減薪資料，特首減薪後由原本月薪約為37.1萬多港元，減至35.1萬元左右，有關薪酬一直維持至今，而取消自願減薪5.38%後，梁變相加薪兩萬元。■記者莫劍弦





來源: http://hk.apple.nextmedia.com/news/art/20150117/19005899
PermaLink: https://articles.zkiz.com/?id=287287

Money Walker：一年加兩次息最啱數

1 : GS(14)@2017-01-12 08:01:22

隨住特朗普當選同美國經濟數據靚仔，越來越多人預計今年加息步伐會由一年一次變成一年四次，莫講話呢個預期成真，單係市場逐漸反映有關預期，相信都已經會影響到投資氣氛。筆者就傾向睇全年只加兩次息，因為今年儲局投票官員鴿派多過鷹派，而且多次議息都撞正歐美政治事件高峯期，要加息的話，睇怕只有6月同12月兩次議息會議郁手最適合。先講儲局擁有投票權官員嘅鷹鴿比例，今年可以用失衡形容，因為10個今年可投票官員中，佔咗6個都係鴿派，餘下4個仲要有兩個係中間派，只得副主席費希爾（Stanley Fischer）同費城聯儲銀行行長哈克（Patrick Harker）兩個屬鷹派。鴿派佔上風下，一年加四次息極難發生。下次美國議息係本月底，繼上月加息後，再加機會近乎零。再下一次會議係3月份，但撞正英國開始啟動脫歐之餘，屆時亦係特朗普就職兩個月，政策路向開始清晰之時，英美政經風險隨時升溫下，儲局未必敢出手。不得不提仲有4至5月法國大選，當地極右翼民粹主義政黨候選人已講明當選後會放棄歐元，倘激進派入圍，儲局唔止3月動手嘅機會低，5月議息亦會觀望為上，所以計落上半年似乎只有6月較適合加息。另外，德國大選預計8至10月間舉行，因具體日期待定，暫難預計會否影響9月份議息決定。再數落去得返10月底同12月中兩次會議，當中以設有記者會嘅12月加息機會較高，畢竟同之前兩年一樣，12月乜政經大事都冇，holiday mood濃厚，就係儲局做嘢嘅好時機。
El.
http://fb.com/moneywalkerhk本欄逢周三刊出




來源: http://hk.apple.nextmedia.com/financeestate/art/20170111/19892761
PermaLink: https://articles.zkiz.com/?id=322135
Next Page
ZKIZ Archives @ 2019