ZKIZ Archives


實力取勝:炒龔醫生剪綵概念股

1 : GS(14)@2012-09-18 23:05:02

http://www.sharpdaily.hk/article/fin/20120918/135122/
自己係中國人都係咁話,有冇搞錯!反日反到咁樣,基本上已經演變到唔係反日,而係搞事!連公安、保安、日本車內嘅婦孺、小孩都唔放過,簡直係暴徒所為,一定要嚴懲!最衰係以反日呢個咁具意義嘅題目來傷害中國人,完全係用錯題目,誣害良民!好羞家!
鬧完!講番股票,昨市雖先高後低,但大市成交開始轉活,事實上,呢幾港滙呢幾日都逼近強方兌換保證,反映持續有熱錢流入,睇嚟個市仲有得炒。不過個指數已在短時間內由低位彈咗過千點,短期點都要進行整固,所以更有利炒股唔炒市。短線而言,既然炒印銀紙,即係商品有價,按理江銅(358)一回就要買,不過嫌大隻,可以留意隻專收爛銅爛鐵嘅中金再生(773),呢隻股一樣可以受惠印銀紙,隨時爛銅爛鐵變黃金。其中期盈利10.88億元,年度化市盈率僅3.5倍,抵買,短期上番7元唔過份。另早前熱炒嘅華懋系孖寶安寧(128)及丹楓(271)昨又郁過,而明日華懋旗下嘅如心艾朗酒店舉行開幕典禮,華懋集團執董兼管治委員會主席龔仁心醫生會出現,未知係咪佢明日有嘢講,故有春江鴨炒定先。既然呢兩隻股有勢,不妨望多眼,或明日醫生會發表相當重要嘅講話,而對兩間公司有正面刺激作用。
陳承龍
爽報專欄作者
2 : GS(14)@2012-09-18 23:05:09

no buy 773
3 : gary9489(35058)@2012-12-15 04:37:57

好期待128、271的動向丫
實力 取勝 炒龔 醫生 剪綵 概念股 概念
PermaLink: https://articles.zkiz.com/?id=281543

專程回港為老店剪綵馮寶寶憶亡兄:唔想接受

1 : GS(14)@2016-03-11 13:31:21

馮寶寶昨日與方伊琪在旺角出席某食品店開業50周年慶典,對於亡兄馮克安在本月初因食道癌病逝,與哥哥感情要好的馮寶寶,活動上見她輕鬆展笑顏,心情似乎稍有好轉,她表示自己專程由馬來西亞返港出席活動,問到寶寶姐現時心情是否已平復?寶寶姐說:「呢兩日好番少少,完全唔去諗件事,唔想接受。」



■寶寶姐表示會在香港逗留至亡兄馮克安(小圖)的喪禮。

■雖然哥哥剛剛病逝,不過寶寶姐仍然堅持出席活動。



更正馮克安67歲

馮克安的喪禮於本月25日在大圍寶福紀念館寶福堂設靈,翌日大殮,談到亡兄後事的安排,寶寶姐說:「有姪仔姪女,尤其個姪仔好乖,拖住爸爸手陪住大半年,所以都幾安慰,呢個仔咁好孝順,戥佢(馮克安)開心。」馮寶寶透露會留港至出席喪禮,哥哥沒有宗教信仰,所以不會有宗教儀式,不過寶寶姐表示今次是有任務而來,這個50周年慶典活動是幾個月前已經答應出席,她再三強調:「喺人哋呢個慶典上講呢啲,對人哋唔好,所以我唔想講呢件事,唔想掃興,但係我有啲嘢要搞清楚,就係哥哥嘅年齡,大家寫嘅歲數都唔統一,佢係67歲。」後來,見到舖內掛有一張在當年拍攝的相片,當時只有6歲的寶寶被邀請做剪綵嘉賓,回想當年,寶寶姐笑說:「記得嗰時係油麻地舖,估唔到間舖咁長情,咁多年都仲搵我嚟慶祝,真係感動。」笑問事隔多年酬勞是否大幅上升?寶寶姐說:「我都唔記得當年幾多錢,但而家乜都起晒價啦,只係記得嗰陣燒爆仗又塞滿街坊好熱鬧。」採訪:卓寶花攝影:陳俊強





來源: http://hk.apple.nextmedia.com/entertainment/art/20160311/19524489
專程 回港 港為 老店 剪綵 寶寶 憶亡 亡兄 唔想 接受
PermaLink: https://articles.zkiz.com/?id=297614

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019