ZKIZ Archives


前女富豪俾人鬧到喊中環在線:張茵「多得老公撐

2009-03-10 AppleDaily




 

對好多人嚟講,08年係一個永誌難忘嘅年份,身家縮水成90%嘅玖龍紙業(2689)董事長張茵就直言,佢雖然曾經因為委屈而喊過,但認為08年對佢嚟講,係收穫最豐富嘅一年,亦係人生中最精采嘅一年,仲大讚老公喺佢需要support嘅時候,默默支持佢!

百年企業 夢想不變

張 茵同內地《中國新聞網》講,話舊年被人鬧玖紙係「血汗工廠」嗰陣,當公關將厚厚一本負面資料放喺佢面前時,佢覺得好難過同好委屈,更坦言曾經因為呢件事喊 過o忝!佢好感性咁話:「我也是個苦孩子,能夠切身體會到工人嘅難處。」佢話事件發生後,學識咗放低:「我看開了,玖紙一間咁大嘅企業,內部出現不同聲音 好正常;人一生總經歷坎坷。」佢話o依家無論係正面或負面報道,都唔會再影響到佢將玖紙打造成百年企業嘅夢想喎,認為歷史會給予玖紙公正嘅評論。

莫叫女強人 只做企業家

「女 王」仲叫大家唔好再叫佢「富豪」或「女強人」,比較鍾意人哋叫佢做「企業家」,認為咁至最適合自己。佢仲相信,女人喺開創事業嘅同時,要將家庭、愛人同孩 子照顧好,先至係最完美嘅女性!唔知用呢個做標準,張女士會畀自己幾多分呢?最後張女士仲特別鳴謝老公、即係玖紙副董事長兼行政總裁劉名中,話若果冇呢個 無名英雄,佢就唔會有今日嘅成就喎。佢話:「到現在為止,我嘅家庭生活十分幸福。」雖然事業受挫折,但家庭得意又有丈夫撐,難怪張菌話去年係豐收年。李華 華LiWaWa@AppleDaily.com



前女 富豪 俾人 人鬧 鬧到 到喊 中環 在線 張茵 多得 老公
PermaLink: https://articles.zkiz.com/?id=6494

【專題籽】從火場到舞台 前女消防隊長變文武生

1 : GS(14)@2017-10-09 03:10:01

後台,上好妝畫好眉,貼上頭帶的一刻,她已變了劇中的角色。



【專題籽:果籽人話】上好妝,縛上頭帶,站在虎度門之時,她,就會變身。她叫李曄,藝名文華。2014年以前,曾是香港少有九位女消防隊長的其中一位。以往的七年都在行動組,不是站在外面聲大大得個講字那隻,就是上山下海、衝入火場、走在前線那種,「雖然我不夠你們大力可以搬重物,但我有自己的過人之處,可以給大家信心。」完成學業安好家,超額完成父母的期望,女人四十,係時候走返轉頭,做她最愛的粵劇。



萬綠叢中一點紅,那時當消防員最困難的,是如何讓下屬信任你,「你得唔得㗎,唔係入到火場我揹番你出嚟?上到山又要揹你番落嚟?」由細個睇《新紮師兄》覺得八十下掌上壓是「黐線!做戲啫?」由操練操到雙手痠痛,衫都換唔到,操到八十下、一百下掌上壓濕濕碎,到半夜跑山搜索失蹤人士,她都帶在前頭。體能,沒得說。目的是要在男人叢中,不成為負累,不被比下去,「我成日話,捱得過,我人生冇乜嘢過唔到。」



2014年以前,李曄是香港女消防隊長。

李曄:「我通常會早點站在虎度門,慢慢進入角色。」

昆劇有地區樂器,惟粵劇海納百川,把能做到效果的樂器都融入其中,越發展越豐富。


男同事做人辦 變臉話咁易

2014年李曄不再當消防員,全職投身粵劇表演。做粵劇最講究演員功架,有一定的體力要求。以往當消防員的經驗,使到李曄駕輕就熟,體能不成問題,「一般女士做不到的,如一隻手抱起一個人轉身,我都做得到。」舞台上,這一秒她文質彬彬執住劇本成個才子款,下一秒執起纓槍厲眼man爆。因為長期生活在大班男人之間,粗獷的、大大隻但斯文的、讀好多書的的長官與同事,甚麼類型都有。要演繹不同性格風格的才子與武將,有晒參考人辦,要她變臉話咁易。咁你心中男神係邊個?「男神?」武將隨即睩大眼笑晒口說:「周世顯呀!哈哈哈哈!」唐滌生劇本下的《帝女花》,改編自清朝黃燮清的版本。裏面的周世顯,國家風雨飄搖仍去應徵做駙馬,守着先帝遺體,尋找公主下落。本可與公主隱姓埋名雙宿雙棲,卻說服公主降清,埋葬先帝遺體同釋放太子,最後殉情。「雖然戲名叫《帝女花》,但我覺得是一個男人在背後默默幫她成就這件事,這個男神我覺得真係沒人能替代了。」少女心突然飄晒出嚟。 她覺得每一個劇種都是地方、社會、歷史和民情的濃縮體,她隨手指指身旁的配樂組,「原來廣東人是喜歡熱鬧的民族,你睇茶樓幾嘈,對比上海式茶樓的幽靜就知。粵劇的配樂特別響亮熱鬧,你不會見到其他劇會同時用這麼多的鼓。」望望,真係成套大中小鑼鼓、銅鑼、木魚,甚至有西洋的大小定音鼓一字排開。「我們的文化就是海納百川,甚麼鼓都有!舞台服飾望落都是濃墨的,金銀線較多,望落夠重,配合鼓音。我成日形容佢係Heavy Metal!」腦裏帝女花與Punk頭同台,我都係第一次聽。



粵劇演員要熟悉曲譜,把曲詞與場景相融。寫好的劇本一發下去,演員便知道要怎演怎唱了。

做粵劇很考體能,當消防員的經驗幫助李曄應付劇中的動作場面。

李曄在中學和大學教粵劇。現在她致力宣揚粵劇,培養觀眾。


李曄演繹不同性格、風格的才子武將,活靈活現。

試過最瘋狂一次,在大陸一擲七萬元買戲服,還要畀現金,「好在我唔鍾意碌卡,唔怕欠債咋!」

演員的戲服很多都是私伙的。以前做消防隊長月薪九萬,得閒就走去買戲服,幾千蚊一萬蚊,面不改容。

粵劇保留了四、五百年的中原音韻,是文化瑰寶。

一周五日教學生 加入現代人角度

我們的粵劇更保留重要的歷史文化,「昆劇逐步復興,但沒我們保存得這麼好。因為我們用文字、工尺記譜,而且一代代流傳得很好;到要勵戲、排場戲或宮廷戲時,就會用四、五百年前的官話(即「中州話」或「中原音韻」)來唱。如「擺駕」(皇室人員出行),好好保留了幾百年的中原語言。「從開頭覺得我是香港人,只想學自己本土的藝術,慢慢覺得肩上有種承擔,需要去繼承、延續。所以我現在就培養觀眾去延續囉。」現在,她一星期五天都給中學和大學生上粵劇課,讓學生從粵劇了解各種中國文化,將故事以現代角度重新分析。2014年,她寫了《獅子山下紅梅艷》,是「獅子仙」為我們化解災難的故事;演了千百回的《梁山伯與祝英台》,「少男因被女飛而死,啲同學會覺得好難投入,會說:『唔係啩!搵過囉!』」於是她強調,祝英台到底都抵不過社會和階級的壓力,放棄了愛情。咁就唔同,「有些大學生去看都說很有感受。現在的社會讀了書出來,為何我永遠在社會底層上不去?你說我沒學問嗎?又不是。為何我的起步點來來去去都沒前進過?」當大家還怕粵劇無人繼承之時,學生其實聽得津津樂道,她的目標是培養觀眾的繼承人。能演繹男神,梗係好;而能夠創作自己的、貼近現代人生活和思想解讀的粵劇劇本,是她的心願。


Facebook:天馬菁莪粵劇團記者:陳慧敏攝影:張志孟、蕭志南、許先煜編輯:翟純恩




來源: http://hk.apple.nextmedia.com/su ... t/20171004/20171569
專題 火場 到舞 舞臺 前女 消防 隊長 文武生 文武
PermaLink: https://articles.zkiz.com/?id=342037

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019