ZKIZ Archives


【揀樓攻略】荃灣柏傲灣 分體式廚房點煮飯

1 : GS(14)@2017-01-22 02:14:06

萬科及新世界發展的荃灣柏傲灣昨日首推400伙,全郭沽清,同日加推199伙,星期二再賣樓。首批單位遍及兩座開放式至四房大戶,今次發展商亦引入「一口價」策略,部分同座同座向的單位,不為樓層高低,都統一以相同價發展,當中包括今次最受人談論的Tower2B A分體式廚房單位。由3樓至26樓,定價皆為921.8萬元,實呎1.673萬元,折盡則為719萬元或實呎1.305萬元。理論上,抽得好籤,揀高層有着數。至於所謂分體式廚房,是廚房一分為二,一邊是鋅盆,隔條走廊先到煮食爐,簡單煮個即食麵,先去鋅盆攞水,然後去另一邊開爐。有網友笑言如果要煮飯,步驟如下:1)首先雪櫃係煮食爐那邊,去雪櫃取野出來後,要過對面廳洗。2)洗完再過對面煮。3)煮好喇,碟放係邊呢?碟係鋅盆個邊既櫥櫃,又要過對面拎。4)碗碟如果擺爐頭個邊,咁洗完碗一樣又要搬過去?5)如需要洗既蔥蒜呢類點安排呢?真係好考功夫。在鋅盆個邊洗完後全部一起拎過去?但係爐頭個邊係冇料理台,擺邊?每個流程都好唔順,煮餐飯來來回回行咗一公里路,說實話,媽媽會很累。今次發售的開放式至兩房單位,全部皆是開放式廚房。甚至三房單位, Tower2B B單位(765呎),以及Tower1B C單位(646呎),都是開放式廚房設計。對於鍾情在家煮飯,有囝囡的換樓家庭客,這戶型可能並非心目中的首選。




來源: http://hk.apple.nextmedia.com/financeestate/art/20170121/19904206
揀樓 攻略 荃灣 灣柏 柏傲 傲灣 分體式 分體 廚房 煮飯
PermaLink: https://articles.zkiz.com/?id=323513


ZKIZ Archives @ 2019