📖 ZKIZ Archives

三年不出戶　唱歌出碟 英宅女紅爆中國

1 : GS(14)@2012-07-24 18:29:38

http://hk.apple.nextmedia.com/international/art/20120724/16540969

希克森「宅」，原來迫不得已。她6歲證實患上廣場恐懼症，在戶外會莫名驚恐，16歲輟學後罕有離家，近三年更完全沒有踏出過家中花園大閘。「病發時，我會呼吸困難，心臟彷彿快要爆炸，感覺要死。輟學後我再沒離家理由，很自然留在家裏。」
足不出戶，她卻在家中屋簷下追尋夢想。與父母住在伍斯特郡，她將自家睡房變成錄音室，只靠一支咪、網上攝影機和一部電腦，製作自己的音樂，放上 YouTube（左圖）。最初唱別人的歌，後來自己創作。
唱呀唱，網上大熱，她唱歌片段在 YouTube點擊近1,200萬次，很多由中國粉絲點擊，在中國人氣爆燈，去年更曾榮登某月點擊次數最多影片榜首位。她上周更推出首張單曲碟。「我希望能激勵其他廣場恐懼症患者，不應讓任何事阻礙自己追尋夢想。」她說。
英國《每日郵報》
PermaLink: https://articles.zkiz.com/?id=280446

草蜢出碟賀三十年

1 : GS(14)@2015-03-01 22:37:08





蘇志威昨日到灣仔為李霖恩的數碼電台節目擔任嘉賓，分享健康及跳舞心得。他說：「健康最緊要係瞓覺、飲食同做運動，自己都有盡力keep住，因為要做巡迴。」他再說到扮靚心得，他透露多年來只用洗面膏，極少做面膜。至於草蜢今年踏入三十周年，蘇志威表示慶祝活動仍在構思中，他們正努力製作新專輯，未必會舉行三十周年演唱會。





來源: http://hk.apple.nextmedia.com/entertainment/art/20150301/19058720
PermaLink: https://articles.zkiz.com/?id=288093

盧冠廷出碟唔怕蝕

1 : GS(14)@2016-04-23 18:37:51

盧冠廷日前接受有線訪問時，提到最近出唱片又開演唱會積極復出，他笑說：「唱片公司唔怕蝕，我咪唔怕出囉。」他和太太唐書琛結婚33年，問到夫妻相處之道？他笑謂：女人不外乎要花心思，所以有好多歌，我淨係作畀佢聽，氹佢開心。」盧冠廷表示曾經有位前輩說過，生活不用太多姿多采，因為激情未必能夠細水長流，反而平淡是福。





來源: http://hk.apple.nextmedia.com/entertainment/art/20160423/19582478
PermaLink: https://articles.zkiz.com/?id=299598

【馮仁昭四圍超】10日內訂1萬隻即拍板　黎明騷出碟找數

1 : GS(14)@2016-05-19 02:33:51

■黎明演唱會Blu-ray Disc噚晚6點開賣，喺3個小時左右就賣咗超過一半喇。互聯網圖片








黎明（Leon）今個月6號尾二嗰場演唱會，畀咗個好大驚喜核心內圍同外圍嘅樂迷，就係宣佈今次經歷一波幾折嘅演唱會係會出碟，仲話盡量會簽名，正所謂一言既出，男神Leon噚日「找數」，仲喺facebook開團叫人落單買碟，不過因為成本問題，講明有1萬隻定單先會成團，如果唔係就退錢唔賣。



行快步或可炒賣

Leon又化身明福俠同大家講：「其實你愛定係唔愛係冇得揀㗎冇得逼㗎，你鍾意買就買，唔買就唔會逼你買，OK？自由選擇就最好㗎喇，由而家開始10日內，喺上面個online store，即係呢個page嘅第一頁，你click入去就可以決定到買定係唔買，10日之內做唔到1萬隻我哋就唔賣㗎喇，唔好話我唔提你，一個唔覺意你走快咗，你就有炒賣價值，hahahahahaha」。



■黎明話如果喺截止訂購前有1萬隻，就會出碟。資料圖片

■黎明噚日用明福俠身份通知樂迷Blu-ray Disc開賣。互聯網圖片



不過呢，根據訂購表上嘅內容，今次呢張Blu-ray只限香港同海外地區嘅朋友訂購，內地嘅朋友呢就因為系統暫時唔支援，所以內地樂迷要買就要自己諗計喇。而團購會喺今個月26號晚上11時59分結束，成唔成到團，咁就要睇核心內外圍有幾撐男神Leon同明福俠喇。撰文：馮仁昭





來源: http://hk.apple.nextmedia.com/entertainment/art/20160517/19614573
PermaLink: https://articles.zkiz.com/?id=300380

【馮仁昭四圍超】應昌佑等8年出碟落淚

1 : GS(14)@2016-05-24 10:26:49

應昌佑（Charles左）噚日去到商台為新歌《過來人》宣傳，作曲嘅郭偉亮（Eric Kwok）亦一齊出席支持。Charles今次主動搵Eric幫手，Eric話：「佢之前離開樂壇係有苦衷，經過我了解之後，覺得佢係好值得幫。」Charles對上一次推出個人歌曲已經係08年，再次踏入錄音室，佢感觸喊住話：「可以做番我想做嘅嘢，返出嚟唔要求成績，完成心願就得。」撰文：馮仁昭





來源: http://hk.apple.nextmedia.com/entertainment/art/20160524/19624440
PermaLink: https://articles.zkiz.com/?id=301266

雷頌德明蝕照出碟

1 : GS(14)@2016-06-06 02:54:48

雷頌德（Mark）最近簽下一名18歲女新人張美儀（Jaymie）為旗下歌手，昨日他帶同這位新人到商台接受訪問及宣傳新歌《化夢》，Mark表示今次簽新歌手由自己全權負責，他說：「今時今日唱片公司未必有太多資源畀你做歌，而我就想Jaymie做好多好多歌，咁就不如自己做啦。」
Jaymie說：「而家啱啱成為歌手，感覺好似發夢咁，但知道仲有好多嘢要學。」她表示暫時已製作了三、四首歌，希望最少有十多首作品才考慮推出唱片，Mark說：「雖然而家出碟一定蝕，但都會照出，始終感覺有隻實體碟會好啲。」問到會否參考黎明做限時訂購，Mark說：「點同呀，佢做乜嘢都得㗎啦。」採訪、攝影：曹家誠





來源: http://hk.apple.nextmedia.com/entertainment/art/20160603/19638732
PermaLink: https://articles.zkiz.com/?id=301815

鄧健泓全副身家幫女友出碟
石詠莉開騷望Freeze合體

1 : GS(14)@2016-09-13 08:04:23

■鄧健泓今年3月向女友石詠莉求婚成功。資料圖片

Freeze合體演出

這對準新人有意完成手頭工作便籌備婚禮，Sukie將於下月9日在九展舉行「Sukie S My First Stage Live2016」演唱會，她還希望屆時Freeze可以合體演出。而Sukie日前跟Patrick孖咇做訪問，兩人當正演唱會是婚禮預演，他說：「完成演唱會後，我哋會重新整理一下狀況，然後準備婚禮，婚期定下年秋天，計劃喺加拿大同香港兩邊都擺酒。」至於生仔計劃，Sukie謂順其自然，但Patrick已年過四十，她說：「都OK嘅，而家科技咁昌明，我哋都有諗過生，我同佢都係好鍾意小朋友。」採訪：楊潔雯




來源: http://hk.apple.nextmedia.com/entertainment/art/20160913/19769575
PermaLink: https://articles.zkiz.com/?id=308913

享樂團寫歌明年出碟

1 : GS(14)@2016-09-18 10:51:57

樂隊享樂團昨日到九龍灣出席慈善音樂會記者會，自言屬首次參加音樂會，希望到時可以跟Supper Moment和KillerSoap合作：「同佢哋都識咗好耐，好多騷都會同台，大家嘅音樂都有厲害之處。」他們又透露正籌備新碟，預計明年推出：「我哋一直寫緊歌嘅，近期終於齊歌，應該下年新年出，而家出會蝕底，同埋我哋製作都去到出年。」




來源: http://hk.apple.nextmedia.com/entertainment/art/20160918/19773832
PermaLink: https://articles.zkiz.com/?id=309602

【馮仁昭四圍超】方大同唔出碟轉攻電影

1 : GS(14)@2016-10-13 08:09:40

曾獲叱咤男歌手金獎嘅方大同，前日喺台北宣傳新碟《JTW西遊記》，宣佈未來唔再出原創專輯，退居幕後培育新人，同朋友合資「賦影視」準備拍電影，大同自爆入行後冇拍拖：「自己每天忙得焦頭爛額，出道11年僅僅休息了20天，音樂不好做！」曾傳緋聞嘅薛凱琪噚日喺電話話尊重大同嘅決定，更戥佢喺音樂事業上有新發展而開心。撰文：馮仁昭




來源: http://hk.apple.nextmedia.com/entertainment/art/20161013/19798792
PermaLink: https://articles.zkiz.com/?id=311869

陳敏之出碟有望

1 : GS(14)@2016-10-26 08:03:07

資料圖片



孕媽媽陳敏之兩年前簽了一間「蚊型」唱片公司制樂堂，不過傳出公司賬目混亂，新碟無限期押後，最近又有自稱制樂堂前股東向傳媒爆料，指另一位股東林山川（原名林浩賢）拖欠租金和員工薪金，但是本報收到另一個消息指是另有內情。敏之接受訪問時說：「佢哋嘅恩怨我唔理喇。」如今EP碟推出有望，敏之都希望可以順利推出，因為她錄歌找來很多朋友幫手，亦順便可以傳福音。採訪：小米




來源: http://hk.apple.nextmedia.com/entertainment/art/20161026/19812014
PermaLink: https://articles.zkiz.com/?id=313535
Next Page
ZKIZ Archives @ 2019