ZKIZ Archives


何傲兒勁冧林建名「都唔錯嘅」

1 : GS(14)@2014-07-23 18:31:38

http://hk.apple.nextmedia.com/entertainment/art/20140723/18808600

【林爺爺.小傲兒之繼續交往】現年25歲的何傲兒,上月與年屆76歲的林建名結伴看陳慧嫻演唱會,隨即爆出二人譜出「爺孫戀」,事後何傲兒含淚澄清,林建名被傳媒追問時則一度標眼淚,見者心酸。昨日何傲兒在灣仔藝術中心出席香港動漫電玩節記者會,她曾謂會繼續與林建名交往,有朋友提議她只要找一個真命天子,便可以打破傳聞,昨日問她有何擇偶條件?她說希望找到一個思想上可保護她的人,現場記者即表示林建名符合她的條件,何傲兒即爆笑說:「林生……都唔錯嘅!哎吔!真係唔知點答,總之以工作為先啦!」





爺孫戀感覺得意

其實,一直有傳何傲兒父親何世根,希望一對女兒嫁入豪門,故經常介紹富家子弟予兩女兒認識,有消息指何傲兒埋林建名身,目標其實是他的孻仔林孝信(Howard),林建名只是會錯意。但何傲兒看中Howard這位富二代向來花弗多女,何傲兒無機會埋身,她才轉行老爺政策。何傲兒被追問此事,她即高八度說:「Howard?我哋係同年同月同日生,佢一家人都好錫我,知道唔係事實嘅嘢,林生個囡囡都有幫我講說話,至於Howard係我好朋友,(傳聞)真係得啖笑。」






■何傲兒上月中與林建名結伴欣賞陳慧嫻演唱會後即傳出「爺孫戀」。
資料圖片

■林建名早前接受媒體訪問,曾流眼淚說何傲兒沒接他電話。資料圖片

■林孝信(右)身邊女伴如車輪轉,有雜誌指何傲兒其實是看上他。
資料圖片





問何傲兒覺得Howard為人如何?她大讚對方又乖又孝順,那麼她喜歡成熟型還是年輕人?何傲兒即笑說:「其實真係O咗嘴,點解會咁樣寫嘅呢!總之而家以工作為主。」何傲兒又指愛情雖然沒有年齡界限,但「爺孫戀」放在她身上感覺好得意。
採訪:黃曉妍
攝影:沈健程
何傲 傲兒 兒勁 林建 都唔 唔錯 錯嘅
PermaLink: https://articles.zkiz.com/?id=284899

偷會斷正分頭閃傲兒周子揚秘戀有默契

1 : GS(14)@2014-10-06 23:18:13




■何傲兒和周子揚被問到是否復合,合拍地指忙着工作要掛線。資料圖片



惹火的何傲兒在一個月內先被指跟77歲林建名譜出「爺孫戀」,繼而又爆出跟西貢地王之子周子揚拍拖,更在沙田一家品店施展連環13咀。豈料戀情曝光僅14日,傲兒突然以「自己未ready」為由單方面宣佈分手,但女方一直表現冷靜,完全沒有傷心神色,令人質疑兩人是否假分手。


夾口供避記者

昨日有報道指何傲兒和周子揚上月底曾偷偷見面,但一見記者便落荒而逃。當晚兩人出席完大台的慶功節目後,何傲兒先行離開,但坐的士並不是返回日出康城寓所,而是去將軍澳商場地下的上落客處坐低,過了一會,傲兒接了一個電話後準備行出商場,此時周子揚的白色座駕便出現。不過周子揚驚覺有記者,即校低車窗,並揮手叫傲兒不要上車,傲兒便立即飛奔上商場,而周子揚就開車連衝兩次燈撇甩記者離開。記者昨日致電兩人求證是否復合,他們似是已經夾定口供,說法一致,周子揚說:「我
偷會 會斷 斷正 分頭 閃傲 傲兒 兒周 周子 子揚 揚秘 秘戀 戀有 默契
PermaLink: https://articles.zkiz.com/?id=285936

【冇甩臼喎!】傲兒BB瘋狂實試 眾少女反手摸肚臍

1 : GS(14)@2015-06-12 08:50:14

女生們,真係可以用盡所有方法去證明自己瘦,家陣又有新方法喇!李蘊、楊冪,等等等等個個自命fit爆嘅女生都去試,一場「網戰」就咁開始...嗱,剛離開大台嘅何傲兒,一知道呢場「Showoff戰」,即刻話:「我都得0架!我都得0架!」OK,就睇佢表演,嘩,左右手都得喎,傲兒BB仲一貫勝利者姿態舉V,咁高興,佢仲臨場騷多啲佢嘅軟骨功,背脊雙手合十!其實,好多人都有挑戰呢個「反手摸肚臍」絕技,仲要好多人都順利摸到肚臍...點解!點解你哋可以咁瘦!!!!





來源: http://hk.apple.nextmedia.com/entertainment/art/20150612/19180870
冇甩 甩臼 臼喎 傲兒 BB 瘋狂 實試 少女 反手 肚臍
PermaLink: https://articles.zkiz.com/?id=290814

見傲兒得寵心酸麥貝夷唔識氹大少 月薪三千

1 : GS(14)@2015-06-15 01:09:05

何傲兒早前「豪嫁」大名娛樂老闆林建名(大少),在簽約儀式上收4卡巨鑽;同樣跟過大少搵食的麥貝夷,兩年前不獲公司續約,至今仍未找到好「歸宿」。麥貝夷早前自費在西九龍中心搞活動,宣傳在YouTube自拍兼翻唱別人的音樂習作「Sing Sang Song」,她說:「今日呢個係啟動禮,搞咗兩個月,唱《誰願放手》、《愛很簡單》等好歌,每次拍唔同樂手,幾好玩。」



■傲兒「嫁」得風光,麥貝夷酸溜溜說:「可能中間有啲協議啩。」資料圖片

■麥貝夷於2010至13年間簽約大名娛樂,但人工曾低見只有3,000。資料圖片


■曾憑《勾手指尾》成網絡紅人的麥貝夷,最近再翻唱其他人的歌作自我宣傳。互聯網圖片

呻冇收過巨鑽

其實麥貝夷跟大少時都風光過,她與鍾一憲合唱《勾手指尾》在YouTube累積近400萬點擊率,但有傳傾合約時「唔聽話」被迫提早解約。麥貝夷無奈說:「係佢唔簽我,有失望,唔知點為之態度差,當時有委屈,過程有喊。」問是否唔識氹老闆?她帶點酸溜溜說:「我冇收過(巨鑽),或者我內斂啲。以前佢(傲兒)都有出活動,同uncle(傲兒爸爸)都好nice,好人有好報啦,我都希望自己有好報。咁佢做得耐啲,可能中間有啲協議啩,我都唔係好清楚。」



儲錢再謀發展

麥貝夷在名校瑪利諾中學畢業,並於浸會大學主修英文系世界文學,甚至連家庭背景亦與傲兒相似,家人同樣是做生意,早前因周轉問題賣樓,現跟家人租住親戚物業。她說:「屋企人含辛茹苦供我讀大學,問心一直好努力,但連最低工資都冇。」問她是否普通文員薪酬?她放聲說:「梗係冇啦,試過一個月得3,000蚊,搵得最多,試過儲埋幾個月都唔過5萬蚊,真係生活唔到。屋企人都有勸唔好做呢行,所以之前去咗廣告公司做公關,但其間亦有人搵我做舞台劇或微電影,唔想返工成日請假,見之前返工儲到啲錢,想再試吓呢行發展。」採訪:嵐山





來源: http://hk.apple.nextmedia.com/entertainment/art/20150612/19180875
見傲 傲兒 得寵 心酸 麥貝 貝夷 夷唔 唔識 識氹 氹大 大少 月薪 三千
PermaLink: https://articles.zkiz.com/?id=290926

街頭親熱:何傲兒周子揚啜足13次

1 : GS(14)@2015-09-25 01:17:17

葉璇與男友小默先生於銅鑼灣街頭親密調情,舉動大膽,很多藝人亦曾被撞破於街頭親熱。



何傲兒周子揚

去年8月,何傲兒與周子揚於沙田睇傢俬時,情到濃時更咀唔停,一共啜足13次。本月,二人泊車於將軍澳工業邨食外賣時,被警察「照田雞」。




李澤楷齊蔭女

今年8月,有讀者爆相爆片指小小超與女友齊蔭女蜜遊泰國,二人舉動親暱,攬腰、拖手、錫面珠。



盛品儒郭奕芯(Ashina)

去年7月,盛品儒被發現背女友蔡一鳳,帶僆模Ashina到灣仔夜店gathering,離開時盛品儒意猶未盡,當街猴擒啜爆Ashina。



彭順李悅彤(Liddy)

去年5月,導演彭順被發現背妻與僆模李悅彤(Liddy)於圓方睇戲,兩人肆無忌憚當眾拖手、啜嘴、搣胸、搭膊、攬腰。





來源: http://hk.apple.nextmedia.com/entertainment/art/20150924/19306884
街頭 親熱 何傲 傲兒 兒周 周子 子揚 揚啜 啜足 13
PermaLink: https://articles.zkiz.com/?id=292610

何傲兒擇偶:真誠專一

1 : GS(14)@2016-02-09 03:35:21

何傲兒與袁嘉敏日前接受有線訪問,去年傲兒的緋聞多多,與林建名「爺孫戀」更成為熱門話題,傲兒坦言為此而感到壓力,她說:「其實老闆冇特別錫我,佢個個都錫,我唔知點先可以阻止到啲報道,不過我好佩服老闆,佢係一個好玩得嘅老人家,值得我尊重。」傲兒還說:「其實我自己唔係拍過好多次拖,一齊過都係一個過程,即使係對我唔好嘅人,我覺得都一定有得着。我希望另一半為人真誠同對我專一。」在過去一年被是非纏身的袁嘉敏,她直言希望猴年減少負面新聞:「我喺大掃除嗰陣都忍唔住喊,諗番上一年好感觸,仲需要專業人士輔導,所以希望今年唔好有咁多是非。」撰文:張悅





來源: http://hk.apple.nextmedia.com/entertainment/art/20160208/19483741
何傲 傲兒 擇偶 真誠 專一
PermaLink: https://articles.zkiz.com/?id=295593

【馮仁昭四圍超】傲兒孭4磅假肚扮女鬼

1 : GS(14)@2016-07-06 08:11:37

何傲兒最近同李逸朗、朱咪咪喺佛山拍內地網絡電影《迷離夜話》,傲兒話自己平時唔敢睇鬼片,今次竟然演一隻女鬼,仲要係陀住8個月BB:「個假肚重4磅,本來要孭住一個重4磅的缽仔糕,不過一孭條帶就斷,結果要用最原始方法,將啲衫一件件咁塞入去扮大肚婆。」佢仲笑話劇情要扮死、瞓棺材、家人過身。撰文:馮仁昭





來源: http://hk.apple.nextmedia.com/entertainment/art/20160706/19682596
馮仁 仁昭 四圍 傲兒 磅假 假肚 肚扮 扮女 女鬼
PermaLink: https://articles.zkiz.com/?id=302732

何傲兒幻想做體操公主

1 : GS(14)@2016-07-12 22:08:17

何傲兒及湛琪清昨日到大埔超級城出席「森巴運動嘉年華」,欣賞小朋友體操表演。何傲兒自小在體育學院受訓練習體操,她說:「以前幻想過自己係體操公主,小學一至四年級學過體操,而家每晚都有拉筋半小時。」何傲兒透露有做瑜伽等運動,除令身體柔軟,最主要令線條更美。同場的湛琪清表示,她亦自小學習芭蕾舞等,她說:「曾經練習跳舞受腳傷,但而家仍堅持每星期做4、5日運動。」採訪、攝影:陳俊強





來源: http://hk.apple.nextmedia.com/entertainment/art/20160712/19690684
何傲 傲兒 幻想 體操 公主
PermaLink: https://articles.zkiz.com/?id=303437

【馮仁昭四圍超】Coffee師兄傲兒今戰OH!運

1 : GS(14)@2016-08-07 01:48:25

四年一度嘅奧運今屆喺巴西舉行,將於香港時間後日揭幕,全城期待。由《蘋果動新聞》主辦、今日下晝3點喺灣仔修頓室內場館搶先舉行「明星OH!運會」,邀得王宗堯、劉浩龍(師兄)、周家怡、羅霖、何佩瑜(Jeana)、鄧洢玲(阿旦)、何傲兒、范振鋒、陳蕊蕊、林芊妤(Coffee)、唐紫睿(Hazel)、Kevin Boy(李健宏)、張建聲、蔡瀚億(BabyJohn)、陳詩慧、女子組合As One、崔碧珈、楊尚斌、唐貝詩同鄭妍之等參加。眾星會分成藍神大軍團、紅霸天下會同黃金聖衣隊共三隊,並由王宗堯、周家怡同劉浩龍出任隊長,率領隊員、粉絲同觀眾角逐多項競技比賽,考考佢哋嘅反應同體能,除咗爭奪冠軍殊榮之餘,仲可以齊齊熱身迎接巴西奧運。



■黃金聖衣隊隊長劉浩龍,今日率領同門落場比賽。資料圖片

■出鏡斯斯文文嘅藍神大軍團成員何傲兒,其實都非常熱愛體育運動。資料圖片

■紅霸天下會成員阿旦笑言近排捉小精靈,練得身手敏捷。互聯網圖片



競技遊戲練身手

參賽藝人平日都有做運動keep fit,競技起嚟必有一番龍爭虎鬥。近日沉迷玩Pokémon GO嘅阿旦就晚晚落街捉小精靈,佢噚日喺電話講笑話:「呢排練得身手敏捷,玩競技當然係冇難度。」撰文:馮仁昭





來源: http://hk.apple.nextmedia.com/entertainment/art/20160804/19721638
馮仁 仁昭 四圍 Coffee 師兄 傲兒 兒今 今戰 OH
PermaLink: https://articles.zkiz.com/?id=304494

傲兒中國舞賀林爺爺

1 : GS(14)@2016-08-19 06:55:51

大名娛樂揸弗人林建名(林爺爺)本月30日踏入79歲,由於老人家習慣計虛齡,今年隆重慶祝80大壽,前晚在廣州一酒店筵開26席,契女戴夢夢和胡渭康做司儀,得寵的何傲兒上台唱歌助興,穿短旗袍的傲兒盡騷曲線,昨在電話說:「今年好高興,因為林生80大壽,主題係中國風,大家都要着中國衫。」傲兒表示:「我唱《情義兩心堅》送畀老闆,因為佢對身邊人有情有義,希望佢長命過百歲,身體健康,自己都跳咗少少中國舞。」夢夢說:「林生着咗一套長衫好似皇上,心口好大塊玉,寓意年年有餘,佢好開心,仲親自敬酒。」採訪:皓騫




來源: http://hk.apple.nextmedia.com/entertainment/art/20160819/19741639
傲兒 中國舞 中國 賀林 爺爺
PermaLink: https://articles.zkiz.com/?id=306523

傲兒獲林爺爺嘟嘴錫

1 : GS(14)@2016-08-20 11:41:49

■林爺爺嘟嘴扮咀傲兒,場面搞笑。

何傲兒、許懷谷與大名娛樂老闆林建名(林爺爺),昨日於觀塘宣傳許冠傑(Sam)的10月紅館演唱會,Sam兒子懷谷透露爸爸已準備就緒,日日做運動,而傲兒將於演唱會中化身Sam女郎,問她會否跟Sam咀嘴?傲兒說:「冇問題,之前見蔣怡都好sexy,我要減吓肥先,要減10磅。」林爺爺日前於廣州慶祝80大壽,昨日傲兒怕醜隔空送飛吻,相反林爺爺就嘟嘴扮咀傲兒。問到生日願望,林爺爺說:「希望大家和諧,仔女送咗好多嘢,最緊要有心。」採訪:羅慧敏攝影:陳順禎




來源: http://hk.apple.nextmedia.com/entertainment/art/20160820/19743143
傲兒 兒獲 獲林 爺爺 嘟嘴 嘴錫
PermaLink: https://articles.zkiz.com/?id=306640

何傲兒私伙比堅尼玩新郎張名雅花球遮肚嫁律師

1 : GS(14)@2016-09-10 13:54:37

【金器逼人】■張名雅昨日戴上約19對龍鳳鈪及金豬等金飾出嫁,至少有幾斤重,認真誇張。



9月娛圈喜事浪接浪,繼何潤東、舒淇和朱孝天後,2012年港姐冠軍張名雅昨日與律師男友蔡錦豪舉行婚禮。姊妹何傲兒昨借出私伙比堅尼泳衣作玩新郎兄弟之用,但張名雅出嫁時身上的金豬頸鏈及約19對龍鳳鈪更為搶眼奪目。張名雅昨不時以花球遮肚疑似有喜,對此笑謂:「今日唔講。」似是默認。



現年28歲港姐冠軍張名雅,於昨日9月9日與律師男友蔡錦豪(Joe)舉行婚禮,取其意長長久久。新娘子昨接新娘時穿上傳統裙褂,由陳庭欣、何傲兒、唐貝詩、譚凱琪及上市公司執董林珈莉等九位美女任姊妹團,其中何傲兒更借出私伙三點式泳衣,要新郎及兄弟團穿上行石春路,最終新郎過關斬將成功娶得美人歸。由於新郎哥親戚朋友眾多,新娘收金飾收到手軟,見張名雅除掛大金豬頸鏈外,手及頸上更有約19對龍鳳鈪,估計至少有幾斤重。



【父母祝福】■張名雅與新郎哥及雙方父母見傳媒時不時以花球遮肚疑似有喜。

【做足禮節】■一對新人依足傳統跪地斟茶給長輩。

【連咀三次】


鑽飾逾百萬

一對新人昨晚於尖沙嘴洲際酒店註冊及擺酒,筵開40席。婚禮前,張名雅換上白色婚紗與老公Joe接受傳媒訪問,雖然她穿上5吋高踭鞋,但見她腹部微隆,拍照期間又不時以花球遮肚,疑似有喜。記者問新娘子是否有BB,張名雅未有否認,只笑說:「今日唔講呢啲,之後有嘅就交畀老公。」再追問是否懷孕,張名雅仍是同一答覆:「今日都唔講,今日係結婚大好日子,唔講呢啲住,大家恭喜我新婚快樂啦!」答案似是默認有身孕。問到二人預計生多少個小朋友?新郎搶着謂:「越多越好。」嚇得身旁的張名雅眼凸凸說:「等我哋大家夾吓啦。」問到與Joe拍拖多久,張名雅亦不肯透露,揚言是秘密。記者指張名雅昨日滿身金飾出嫁,新郎Joe搶着解釋說:「屋企好多親戚,都係大家心意,唔係似土豪。」張名雅昨戴上三卡求婚鑽戒及逾七位數字鑽飾現身,她指父母送她鑽石耳環作嫁妝,婚禮上會佩戴當年港姐后冠出場,她說:「今晚婚禮會戴埋當年后冠,首飾都係嗰間珠寶公司贊助,計埋超過七位數,婚紗係朋友設計贊助。」她並表示完成香港婚禮後,將再飛往溫哥華與親友食飯慶祝。擔任姊妹的何傲兒昨拒絕透露開門利是多少,又笑言可能問題太易,新郎Joe在問答環節目輕易過關,她又指昨日接新娘儀式場面十分感動:「特別係女方父母將名雅交畀男方嘅時候!」



【泳衣上身】■何傲兒借出私伙比堅尼玩新郎及兄弟。

【省鏡姊妹】■陳庭欣、何傲兒、唐貝詩等好姊妹昨日陪張名雅出嫁。


麥明詩到賀

而昨晚婚宴,出席圈中人不多,與林作分手的麥明詩到場時揚言未有留意新聞,免影響自己心情。伍允龍逗留約一小時便離開,問到女友劉佩玥有否前來時,他說:「張名雅應該有請,不過可能唔得閒嚟唔到。好恭喜佢哋,覺得佢哋好襯。」他表示送人情作賀禮,笑問何時輪到他結婚,他笑說:「呢啲等神安排啦。」翟威廉去到時,剛巧緋聞女友陳庭欣下來,但陳庭欣否認接翟威廉。採訪:張俊銘攝影:沈健程


■麥明詩昨晚獨自到場,表示沒有看前度林作的新聞。

■翟威廉到場時碰到陳庭欣。

■伍允龍揚言何時結婚等神的安排。



來源: http://hk.apple.nextmedia.com/entertainment/art/20160910/19766296
何傲 傲兒 兒私 私夥 夥比 堅尼 新郎 張名 名雅 花球 遮肚 肚嫁 律師
PermaLink: https://articles.zkiz.com/?id=308493

【馮仁昭四圍超】林建名送金碗 傲兒跪地上契

1 : GS(14)@2016-09-14 05:52:13

■何傲兒跪地向林建名斟茶,正式上契。





上月底80歲大壽嘅林建名,前晚同愛將何傲兒喺西環搞上契,筵開6席,除傲兒父母同胞姊傲芝,黃婉曼同老公馮柏基、新婚嘅王賢誌同陳爽等都到賀。上契做足傳統儀式,傲兒雙膝跪地斟茶,又送契爺玉馬擺設,契爺回贈契女一套金碗筷後叮囑:「生生性性,將來有金飯碗一定會好。」傲兒仲叫林建名做「老闆」,林建名忍不住提佢要改口叫「契爺」。



■何傲兒同契爺林建名囝囝林孝信同年同月同日出世,月底齊齊28歲生日。

■林建名給契女何傲兒送上一套金飯碗。


孝信同慶生

傲兒承諾會孝順契爺:「以後對你好似對我爸爸一樣,我將來有穩定男友,仲會同佢一齊去睇你搞嘅演唱會。」契爺聽完猛叫好,她識做左擁右抱親生爹哋同契爺合照。本月27日就28歲牛一嘅傲兒,同林建名孻仔林孝信竟有緣到同年同月同日生,所以前晚雙喜臨門,呢對壽星仔女仲孖住切蛋糕。傲兒講到生日願望時話:「開開心心,希望身邊人都健康就好,我事業又有好發展。」撰文:馮仁昭




來源: http://hk.apple.nextmedia.com/entertainment/art/20160914/19769836
馮仁 仁昭 四圍 林建 名送 送金 金碗 傲兒 兒跪 地上
PermaLink: https://articles.zkiz.com/?id=309051

何傲兒恨有男士追

1 : GS(14)@2016-09-24 23:30:53

■陳嘉桓呻難找拍拖對象。

何傲兒和陳嘉桓昨日在尖沙嘴出席活動,何傲芝現身支持妹妹。快將生日的何傲兒,被問到契爺林建名送甚麼禮物?她說:「唔使啦!之前上契儀式已連埋慶祝生日,做契女都要做,努力工作。我需要有男士追求約會,但要先做朋友。」最近崔建邦、吳浩康和張致恒被視為花心郎,何傲兒說:「我只同過崔建邦、張致恒合作過,但同佢哋唔熟,不便評論,唔好拉我落水呀!」此外,陳嘉桓最近忙於在內地和香港工作,很難找到拍拖對象,又怕異地戀難維繫,最怕對方有小三。採訪、攝影:王連連




來源: http://hk.apple.nextmedia.com/entertainment/art/20160924/19780129
何傲 傲兒 兒恨 恨有 男士
PermaLink: https://articles.zkiz.com/?id=309876

Ig曾被取消關注傲兒:我撐名雅

1 : GS(14)@2016-10-02 13:35:30

■張名雅(右二)結婚當日在Ig有tag何傲兒(左一)名字。互聯網圖片



張名雅上月與圈外律師男友蔡錦豪結婚後,有人向傳媒爆料指當日只得3,800元開門利是,令當日陪嫁的唐貝詩、何傲兒、譚凱琪及陳庭欣等9位姊妹成為放料嫌疑人。陳庭欣前日出席活動時堅稱自己不是內鬼,指張名雅已在兄弟姊妹團的WhatsApp群組中,表示已知內鬼是誰,其後並將群組刪除。



■張名雅(左)被指取消關注何傲兒Ig,因而惹來何傲兒是放料人疑雲。資料圖片

■張名雅於8月底嫁蔡錦豪,傳開門利是只得3,800元,引發連串是非。資料圖片


曾標籤何傲兒

就在此時,又突然傳出張名雅取消follow何傲兒的Instagram,令何傲兒一下子又捲入嫌疑人之列。對此,張名雅前日表示自己打從一開始沒follow何傲兒Ig,所以絕對不是unfollow對方。張名雅又指何傲兒甚少更新Ig,所以不肯定Ig賬戶是否屬何傲兒本人。不過,記者發現張名雅結婚當日在Ig放大合照時,曾tag何傲兒名字,她揚言沒follow何傲兒Ig似乎有點前後矛盾。


事件曝光add番

對於成放料嫌疑人,何傲兒昨透過短訊回覆說:「其實呢件係開心事,我已回應過了,我撐名雅的。關於Ig事,已告訴她『misslilyho』是我的個人Ig,她知道後已add咗我。其他事不回應了,只希望這事快點完結,等佢開開心心做人妻。如果仲有啲乜平台未加,隨時話畀我哋知,等我哋可以一次過加埋佢㗎!」張名雅昨午再於Ig貼出婚禮當日與姊妹團大合照,並寫道:「發生的都是小事,幫得我嘅都係好姊妹,大家感情依然要好。Delete groupchat是避免複雜,亦無謂再估係邊個,這些都不重要,因為已經過去。最重要大家繼續開心生活。」而她昨日已重新在Ig follow何傲兒。採訪:皓騫、非非




來源: http://hk.apple.nextmedia.com/entertainment/art/20161002/19788102
Ig 曾被 取消 關註 註傲 傲兒 我撐 撐名 名雅
PermaLink: https://articles.zkiz.com/?id=310976

邀TVB藝人明年5月入屋傲兒姊妹奇妙電視開餐

1 : GS(14)@2016-10-18 08:15:24

■何傲兒和何傲芝(右)將在《何家姊妹何家餐》比拼廚藝。資料圖片



繼ViuTV之後,香港另一全新免費電視台奇妙電視將於明年5月中開台,使用數碼頻道77台全日24小時高清播放。為奇妙電視提供製作的有線團隊高層昨公佈開台節目內容,新電視台將以娛樂節目為主,除娛樂新聞、星級訪問及中日韓人氣劇外,更有旅遊飲食資訊節目,目標觀眾群為3歲至80歲。過去幾年無綫撬走不少有線藝人過檔,今次輪到奇妙電視力邀無綫離巢藝人合作,包括陳倩揚、林芊妤(Coffee)、何傲芝和妹妹何傲兒等。其中陳倩揚將主持小朋友飲食資訊節目《細細Love》,何傲芝和何傲兒主持《何家姊妹何家餐》,到著名食府比拼廚藝,邀請林建名等名人藝人擔任嘉賓。



■有線高層陳詠萍(中)及霍澤基(右二)昨日拉隊公佈奇妙電視節目內容。

■Coffee亦會主持《吾男吾女》,大膽討論兩性關係。資料圖片


攻一家大細

有線節目發展及宣傳總監霍澤基昨說:「我哋想做得family啲,估計到大台rating出年一定跌,新電視台一定搶rating,2017年畀觀眾有得揀,我哋唔會做《真PK》呢類,太婆媽冇資訊性嘅節目我哋係唔會考慮。玩SM嘅節目唔會長久,我哋會製作一啲啱一家大細睇嘅節目,希望觀眾睇完有得着。」另外,《帶阿媽去旅行2017》將由李司棋與女兒葉子青往東非,戚美珍與兒子苗俊到不丹等;而黎燕珊主持的《朝拜傲媽》則會邀請郭晶晶、吳婉芳等分享成功媽咪教仔心得,又有曾美華和趙海珠兩位前新聞主播主持《放試》,進行不同社會實驗等。據有線節目發展及製作總監陳詠萍透露,奇妙電視亦將有自家製劇集和音樂節目,詳情有待稍後公佈。



■黎燕珊(圖)將邀請郭晶晶等成功媽咪分享教子女心得。資料圖片

■已是兩子之母的陳倩揚,明年將為開台的奇妙電視主持節目對撼無綫娘家。資料圖片


酬勞勝無綫

陳倩揚昨被問到倒戈時笑說:「又唔好咁講,只係有唔同合作平台,佢哋個節目好適合我,自己都好期待。呢個行業要百花齊放,大家終極目的都係想觀眾睇得開心,演員自己又多發揮空間。」問酬勞是否更勝無綫時,她說:「都會多過嘅,但唔係睇呢樣嘢,只要有機會、有發揮空間已經好開心。」採訪、攝影:魯吉


【有乜睇?】Coffee討論性上癮


《吾男吾女》

林芊妤(Coffee)主持,每集找來城中型男gathering談兩性話題,例如何謂草食男和肉食女,甚至性上癮等,並跟觀眾互動一起談論。


《無『恐』不入》

歐錦棠和心理學家及催眠師主持,邀請嘉賓作不同恐懼考驗及體驗,然後由專家分析因由。


《細細Love》

陳倩揚主持,針對小朋友健康之四時飲食,並配合中西醫和營養師之設計,與觀眾分享特色餐單。


《朝拜傲媽》

主持黎燕珊邀請郭晶晶、陳美齡、曾華倩、吳婉芳等不同令人引以為「傲」的媽媽,分享教子女心得和秘訣。


《帶阿媽去旅行2017》

李司棋與女兒葉子青前往東非、戚美珍與兒子苗俊前往不丹,以及李彩華與媽咪前往印度。


《何家姊妹何家餐》

由何傲芝和何傲兒兩姊妹主持,到城中名人藝人至愛食肆比拼廚藝,並邀請不同嘉賓出席。




來源: http://hk.apple.nextmedia.com/entertainment/art/20161018/19804008
TVB 藝人 明年 月入 屋傲 傲兒 姊妹 奇妙 電視 開餐
PermaLink: https://articles.zkiz.com/?id=312570

何傲兒彈古箏撐阿Sam

1 : GS(14)@2016-10-24 04:21:02

許冠傑(Sam)本周四(27日)在紅館舉行一連三場演唱會,即將開騷要加緊綵排練歌,所以前日在超強颱風「海馬」襲港掛8號風球下,阿Sam依然去綵排,而何傲兒、糖妹、陳凱彤及雷琛瑜(J.Arie)等作為後輩的表演嘉賓,當然亦不敢怠慢。將會首度表演古箏的何傲兒坦言非常緊張,即使近日要到佛山拍戲,也帶了古箏同行,有空檔可以馬上練習,希望演唱會上有好表現。




來源: http://hk.apple.nextmedia.com/entertainment/art/20161023/19809288
何傲 傲兒 兒彈 古箏 撐阿 Sam
PermaLink: https://articles.zkiz.com/?id=313296

座駕夠方便 何傲兒周子揚被「照田雞」撞破

1 : GS(14)@2016-10-29 13:20:31

「十優港姐」麥明詩同前男友林作喺車廂中短敍,雖然上車食宵夜就……獨特咗啲,但係勝在空間窄窄哋,距離近番啲,又有番少少私隱,傾咩又冇其他人聽到,所以係個好選擇,其實以往都有好多藝人試過玩車廂短敍。何傲兒、周子揚有「爺爺」林建名照(顧)住嘅何傲兒,喺舊年9月被發現同西貢地王太子爺周子揚於車廂中密會4小時,點知遇着警察「照田雞」被撞破。林師傑、Gwen前年仲同緊女歌手鄧穎芝(Vangie)拍拖嘅「木偶哥」林師傑,被發現喺西貢短敍,更被Vangie當場捉到,最後Vangie怒斬情繼,狠飛林師傑。文頌嫻、男友Jason一向低調嘅女星文頌嫻,喺08年被撞破同男友Jason喺車廂內激吻纏綿,最後兩人修成正果,於12年奉女成婚。林莉、韓姓富商港姐林莉喺11年被拍到喺台灣夜會韓姓珠寶富商,更有指二人有親密行為,其後林莉喺香港出席活動時否認消息,指當日係食完飯,並喺車內為一個台灣嘅珠寶廣告試鏡。梁潔華、同事黃日華嘅前藝員老婆梁潔華喺00年被揭疑與同事關係曖昧,幸好華哥最後決定原諒老婆。




來源: http://hk.apple.nextmedia.com/entertainment/art/20161029/19816020
座駕 方便 何傲 傲兒 兒周 周子 子揚 揚被 田雞 撞破
PermaLink: https://articles.zkiz.com/?id=313992

傲兒伴舞 許冠文放笑彈阿Sam送肉嘴 歌迷狂呼

1 : GS(14)@2016-10-29 13:20:33

■歌神許冠傑前晚在紅館開騷,何傲兒晒美腿伴舞。



現年68歲歌神許冠傑(Sam)一連三場紅館個唱前晚開鑼,唱盡《印象》、《梨渦淺笑》等經典金曲,其中不少歌更是與糖妹、J.Arie和陳凱彤合唱,而何傲兒為《十個女仔》及《先敬羅衣後敬人》伴舞外,更大顯身手為《滄海一聲笑》彈古箏。阿Sam一向愛與歌迷互動,前晚個唱上他不停圍住舞台與粉絲握手甚至咀嘴,令粉絲high爆。每次阿Sam開騷,其兒子懷欣、懷谷及胞兄許冠文例必上台力撐,前晚阿Sam跟兩子演唱《摩登保鑣》和《賣身契》等電影歌曲後,許冠文便上台棟篤笑。許冠文指手機的發明令人與人之間變得冷漠,他說:「而家出到街個個都耷低頭,就算出到去同朋友食飯,個個都係一樣,淨係喺度睇facebook同WhatsApp,同啲唔喺度嘅人傾偈,反而唔同身邊嘅人講……真係似足死鬼老竇,佢未行之前,阿媽唔同佢講嘢,到老竇走咗,阿媽去拜山就鬼咁多嘢講。」最後,許冠文大彈過去十年情歌水準下降,並以《江南Style》為例,他邊跳馬舞邊說:「歌詞話『性感的女人呀,你着咗衫好睇過你唔着衫,性感的女人呀,快啲過嚟同我騎馬』,都唔知係乜嘢情歌嚟!」全場拍手大笑。


阿倫唯一偶像

阿倫譚詠麟前晚為阿Sam個唱擔任嘉賓,二人合唱《沉默是金》,將整晚氣氛推至高潮,阿倫說:「可能我係好多人嘅偶像,但係我嘅偶像只得阿Sam一個!」阿倫指他的《雨絲情愁》與阿Sam的《是雨?是淚?》很夾,希望將來可以合作將兩首歌crossover。安哥時,Sam最後以一曲《浪子心聲》結束演唱會。採訪:曹家誠攝影:沈健程


■阿倫(左)與許冠傑過往鮮有合作,前晚合唱《沉默是金》絕對是難能可貴。

■阿Sam前晚不停與粉絲嘴咀,前亞視藝人兼BabyJohn經理人黃美芬也有份。

■許冠文短短15分鐘棟篤笑令觀眾爆笑。



來源: http://hk.apple.nextmedia.com/entertainment/art/20161029/19815479
傲兒 伴舞 許冠 冠文 文放 放笑 笑彈 彈阿 Sam 送肉 肉嘴 歌迷 狂呼
PermaLink: https://articles.zkiz.com/?id=313999

何傲兒暗收歌神之吻

1 : GS(14)@2016-11-13 11:32:44

何傲兒(右)和李卓庭昨日在旺角出席「讓夢想飛」慈善音樂會記者會,現場有任職機師的嘉賓,何傲兒直言不會找機師男友,因沒有安全感。早前何傲兒擔任歌神許冠傑個唱嘉賓,稍後會跟對方走埠。提到她得不到「歌神之吻」,她笑說:「收到呀,你哋見唔到咋。」因契爺林建名令歌神不敢獻吻?她說:「講呢啲,梗係唔係啦,儍豬嚟架!」




來源: http://hk.apple.nextmedia.com/entertainment/art/20161113/19831746
何傲 傲兒 兒暗 暗收 收歌 歌神 神之 之吻
PermaLink: https://articles.zkiz.com/?id=315358


ZKIZ Archives @ 2019