四太14億大手筆買地做埋發展商起屋
1 :
GS(14)@2016-10-24 04:20:54四太梁安琪大手筆出資幫超盈、超欣置業，有咁好父母幫手做生涯規劃，真係好幸福！其實四太一向都有買賣物業嘅習慣，已經縱橫地產界廿幾年，絕對稱得上係老手，佢早期除咗投資信德中心、星光行呢類寫字樓，仲買入過好多豪宅同地舖。淨係計四太喺香港嘅單幢物業組合價值，就已經超過300億，如果加埋海外物業，資產價值就過千億，令好多人望塵莫及。上年初，四太仲成立咗私人投資公司尚嘉（L'Avenue），由前恒隆地產（101）執董吳士元擔任行政總裁，至今加加埋埋用咗成34億入貨，包括以5.48億元奪得元朗新潭路洋房地段，以及14.01億元投得屯門青霞里官地，由投資者變埋發展商自己起屋！但唔好以為四太起屋係新丁，佢12年嗰時就將山頂貝璐道6幢三層高獨立屋，改建成4幢洋房，升值約9億元。四太最犀利嘅投資，就係05年以27億收購中環娛樂行，持貨11年，現時娛樂行估值超過80億，淨係睇賬面都賺50億！
來源:
http://hk.apple.nextmedia.com/entertainment/art/20161023/19809817
【円跌追星】8個位天婦羅店摘二星 老闆：「做埋今年結業了」
1 :
GS(14)@2016-12-01 00:02:022017東京米芝蓮二星有4間新上榜，其中兩間是由一星升上二星，包括壽司店「ます田」及主打天婦羅的「銀屋」，不過銀屋店主表示他已決定在今年年尾結業，所以極有可能成為史上最短壽命的米芝蓮二星餐廳；另外兩間全新上榜的是壽司店「東麻布天本」及日本料理「宮坂」，而原本名列二星的壽司店「水谷」則被除去米芝蓮的光環。
（a）東麻布天本東麻布天本今年6月才剛剛開業，但旋即奪得米芝蓮二星，實在有它的過人之處。店主天本正通曾於米芝蓮二星壽司店「海味」學藝9年，對魚類食材有深厚造詣，尤其是切魷魚的刀法，魷魚表面切直紋，裏面則以橫紋切，這樣可以最大程度地引出魷魚的鮮味。店內每天至少入25款魚，魚類新鮮、款式也多，而且天本正通也跟許多釀酒廠相熟，所以在這裏可以找到很多市面上少見的清酒。消費：晚餐20,000円-29,999円地址：東京都港區東麻布1-7-9ザ・ソノビル1F電話：03-6885-2274（b）御料理宮坂御料理宮坂剛開業一年即榮登米芝蓮二星，店主宮坂展央曾在京都米芝蓮三星名店「未在」學藝。為了追求最好的味道，宮坂展央會在全國各地找不同的合適食材來做料理，例如店內所用的菜都是丹波篠山產的，而為了突出湯汁中昆布和鰹魚的味道，他則特地用岐阜的天然水來煮湯。消費：晚餐20,000円-29,999円地址：東京都港區南青山4-26-12ボ・アード青山 B1F電話：03-6805-0058網址：
http://www.miya-saka.tokyo/（c）銀屋消費：午餐4,000円-4,999円；晚餐10,000円-14,999円地址：東京都港區白金台5丁目17-9電話：03-5422-7612（d）ます田消費：午餐：20,000円-29,999円；晚餐：20,000円-29,999円地址：東京都港區南青山5-8-11 BC南青山PROPERTY B1F電話：03-6418-1334網站：
http://sushimasuda.jp/記者：飲食籽
東麻布天本店面
佃煮海苔鯛魚（b）
宮坂展央
海老天婦羅（c）
中拖羅壽司（d）
來源:
http://hk.apple.nextmedia.com/su ... t/20161130/19849729
全力進軍商界洗米嫂做埋model宣傳品牌
1 :
GS(14)@2017-01-06 02:07:52女人，都係靠自己最實際！洗米嫂陳慧玲(Heidi)15年底決定同老公周焯華(洗米華)軌纜後，逐漸開創自己嘅人生，先後開過果汁店、美容舖，仲有指佢大手掃商場舖，磨拳擦掌做女強人。冇咗婚姻，都可以有自己嘅事業！喺啱啱過去嘅除夕，洗米嫂同朋友搞嘅網站「Ladycode」開Party，而呢個網站原來已經開咗幾個月，係專賣高級訂製時裝同名牌手袋。事事親力親為嘅洗米嫂，為咗宣傳公司，呢幾個月仲親自着公司嘅時裝，做埋model放上自己Ig宣傳。有老闆娘親自做示範，難怪網站生意聽講做得唔錯啦！
來源:
http://hk.apple.nextmedia.com/entertainment/art/20170105/19886814
【幕後花絮】星爺戲癮爆發臨場做埋導演教拍攝
1 :
GS(14)@2017-01-19 08:08:02星爺最初聽到扮記者問自己問題條橋，佢都話唔係好明。
周星馳果然魅力非凡，一舉手一投足即令到現場歡天喜地，日前星爺聯同徐克、吳亦凡出席《西遊：伏妖篇》記者會，佢哋接受《蘋果》訪問時仲客串扮記者，上演一場「自己問自己」嘅答問大會，場面極度搞笑！拍攝當日好多幕後花絮，為免讀者、觀眾睇漏星爺等人背後嘅搞鬼場面，我哋決定將訪問過程嘅花絮公開！
越玩越興奮，星爺突發要再問多幾條問題。多謝你呀！
星爺即場發揮導演功力，教我哋點樣走位連戲接shot。
星爺最初聽完我哋講解「扮記者亂入」呢個玩法後，原來都一頭霧水，仲問隔籬位嘅徐克導演：「你明呀？你真係明呀？我唔明喎，死火喇！但係我又唔好意思講我唔明。」做完專訪後，星爺、徐克、吳亦凡齊齊移位扮記者發問，星爺即刻戲癮爆發，飾演記者一角似到十足十，仲問到唔想走。「吓？冇喇？整多一兩條啦，問多兩個吖！」玩得盡興嘅星爺，仲教現場工作人員點樣走位連戲接shot，盡顯導演功架。至於為《美人魚》聲演珊珊的謝依晴（林允粵語配音），當日亦客串幫手扮記者，可惜遇到星爺、徐克同吳亦凡個個搶住發問，根本冇機會舉手。好彩，星爺等人最後都好有風度，畀依晴問到一條問題。
來源:
http://hk.apple.nextmedia.com/entertainment/art/20170119/19901351
傳特朗普妻女不和伊萬卡做埋第一夫人？
1 :
GS(14)@2017-04-28 02:10:52雜誌《名利場》（Vanity Fair）周日引述兩位分別來自時裝界及傳媒界的消息人士稱，美國第一夫人梅拉尼婭（Melania）與第一女兒伊萬卡（Ivanka）原來關係欠佳，早已鬧僵。消息人士指，其中的蛛絲馬跡包括特朗普入主白宮後，梅拉尼婭寧願與11歲幼子巴倫（Barron）留在紐約，反而伊萬卡立即與丈夫庫什納（Jared Kushner）、三個孩子，立即搬到華盛頓的豪宅居住。特朗普出席活動時，梅拉尼婭都經常不在他身邊，反而換上女兒伊萬卡，包括會見中國領導人、訪問空軍基地及在白宮橢圓形辦公室會見獲釋的美國人質，儼然扮演了「第一夫人」的角色。伊萬卡下周更會代表特朗普到德國，悼念當年納粹大屠殺的遇害者。白宮發言人否認梅拉尼婭及伊萬卡關係惡劣，強調兩人很親近。英國《每日郵報》
來源:
http://hk.apple.nextmedia.com/international/art/20170426/20002350
袁偉豪變身07年港男羅仲謙做埋人夫娶楊怡
1 :
GS(14)@2017-05-27 00:06:51余文樂當年做模特兒入行，不過講到真正為人所認識，就係為港台拍青春劇《Y2K》系列做男主角，《Y2K》系列陪住唔少八九十後長大，仲造就咗唔少男星。《Y2K前的暑假》1999年播出嘅第一輯《Y2K》系列作品，其中仲周子駒同方力申參演，而方力申拍完冇耐仲正式簽咗畀當時嘅金牌經理人旗下，仲歌手、演員雙線發展。至於周子駒曾經喺新城做過DJ，又先後為有線、大台擔任主持，離開大台後，主力為活動擔任主持、司儀。《青春@Y2K》2000年暑假播出，除咗余文樂之外，最為人所認識嘅就係黎國輝（阿感），佢拍完之後就加入港台做DJ，又曾經轉投大台。《Y2K+01》翌年播出的《Y2K+01》劇中有唔少演員現今仲活躍喺幕前，當中包括柯有倫，當年拍完呢套劇之後返到台灣陸續參演唔少電視劇作品，之後仲出埋碟做歌手。另外，仲有袁偉豪當年佢有唔少幕前演出，不過真正令佢廣為人知嘅就係佢2007年參加香港先生贏得冠軍加入大台，近年仲被受力捧。此外，關智斌仲因為呢套劇而被英皇娛樂睇中簽約成為旗下歌手，以Boy'z出道，近年關智斌主力喺內地發展。《過渡青春》闊別5年再推出的《Y2K》系列，當中以羅仲謙為男主角之一，當年被電影公司發掘投身演藝界，拍《過渡青春》前已經參演過電影《阿嫂》。上年仲娶得楊怡歸，兩人非常幸福。
來源:
http://hk.apple.nextmedia.com/entertainment/art/20170526/20034015
見工一招拋窒Steve Jobs做埋蘋果CEO
1 :
GS(14)@2017-08-17 08:12:26蘋果公司創辦人Steve Jobs出名難服侍，就連在80年代搵CEO嘅時候，廿個IT界猛人應徵都全部唔要，最後反而請來當年百事CEO John Sculley，Sculley在接受《Business Insider》podcast訪問時分享當時他如何最得Steve Jobs嘅信任。他指出，在面試時「我就決定同佢講一啲佢唔識嘅嘢！」希望令佢明白佢唔會有所有問題嘅答案，然後帶佢去大都會藝術博物館，睇希臘雕塑之類嘅嘢，又同佢講建造帕德嫩神廟的數學程式，教佢一啲佢之前從未接觸過嘅嘢。就咁份工就見成咗。
Steve Jobs在五個月後向Sculley提出CEO職位的邀請，起初Sculley拒絕，不過Steve Jobs同佢講，「你想呢世人都買汽水？定係同我一齊改變世界？」最後Sculley在1983年入咗蘋果做CEO直到1993年才離開，他於1987年曾為矽谷中最高薪的管理層，當年他的年薪是220萬美元。
來源:
http://hk.apple.nextmedia.com/financeestate/art/20170817/20124180
【地獄實測】國產三防手機車碌爛唔爛？做埋對講機全世界用到
1 :
GS(14)@2017-09-17 16:29:47智能手機年代，三防手機已成一種較稀有的機種，這部國產Ulefone Armor2還要平賣$2,480，相信能吸引一些戶外運動類用家。
當手機踏入智能年代，明顯三防設計的款色變得不太多了！事關大大個顯示屏幕，要做到耐操耐勞、又不能爆芒的確不是一件易事；請教三禾電氣的老闆Simon：「市面上三防手機不多，早前曾有四千餘元的Cat S60，至於最近新返的，還有一部國產Ulefone Armor2（$2,480），以二千餘元的價格定位，感覺真的相當平。」
Armor2配置有IPX68防水認證，在1.5m水深可承受30分鐘，而且機身還做了加厚及防撞處理，據稱可承受很強的撞擊力！不過出來的只是數據，還是用實測來體驗說話的真假吧！第一項測試是要Armor2面對一般家居意外，首先是將機身及芒的一邊，在木枱上大力拍打，基本最多只能對金屬機身做成一點凹痕，而芒面連花都冇花；再來是模擬在聽電話時，不小心將手機從高處墮下（約1.5m），而且試跌的方法都有一定名堂，分別為用機背落地、面芒落地，甚至是機身角位落地，由於機身由厚厚的膠料再加金屬機殼包裹，在多次墮地測試後，機身完全沒有爆芒或操作上的問題出現。
機身有金色及黑色兩種選擇，屏幕底部有一指紋辨識按鈕。
插卡位使用了雙卡雙待，而且microSD卡位是另放一槽；而且卡槽位還做了很強的密水功能，要用螺絲批先可以換卡。
叉電位用了厚身膠料作密水，而且還使用了USB Type-C格式，如果使用跟機火牛還有9V快叉功能；另外機身電量超高，達4,700mAh。
芒的四邊一樣用了凸起的厚料膠邊包裹，防止撞爆芒。
相機鏡頭使用1,600+1,300萬像素設計，感覺唔似一般國產機粗糙，據稱設計主打國際市場的，影相功能有大廠中、高階機效果。
木枱拍打測試中，不論機背及芒面，都未能對機身做成致命性傷害。
第二項測試，是模擬一些街外發生的嚴重事故，一來是不小心跌入放冷飲的冷水箱中，翻覆浸泡了近15分鐘，手機除了是凍了一點，操作及使用上完全沒有問題。再來我們把行動升級，用份量十足的單轆平衡車，輾過手機，測試中分別是在機背及芒面翻覆輾過了多次，甚至以超技術方法，以一個成年人的體重再加單轆平衡車跳上芒面，都完全不能對機身做成任何破壞。老實說！肥通最後都好想知道如何才能令此機爆芒，終極測試，是以一輛七人車在機背上輾過，最後以如此重量，都只能做成面玻璃爆裂，但仍未能對深層的液晶體顯示部份做成破壞，而且手機在裂芒下仍能正常運作，只要重新配上面玻璃，估計手機還可以繼續使用下去。
1.5m高度以角位墮地，相信不少手機都會馬上爆芒，但Armor2完全絲毫無損。
以單轆平衡車，連人的重量跳上芒面，相信亦不是很多智能手機受得起，但Armor2竟全無問題。
終極測試是用七人車在機背上輾過，Armor2終於要爆「面玻璃」了。
如果是老機迷都應該知道，一般這類三防手機，硬件規格上始終會差上一點，Simon說：「論規格是還可以的，機身使用P25八核處理器，6GB RAM、64GB內存，而且顯示屏亦不失禮，使用了Sharp5吋全高清顯示屏，以三防機來說算相對很高了。對應機身的粗獷造形，手機內置Apps方面，都有不少『上山下海』功能，例如機身內置有指南針、高度計、壓力計，甚至可以測量心跳軟件等。」不過肥通最愛者，還是Armor2機身內置有PTT、類似對講的功能；它的操作原理是使用了流動數據或Wi-Fi，做出對講機的功能，Simon補充說：「如果一班人開一個頻道，一齊行山及旅行時使用，這樣通訊很方便。」喜歡玩對講機功能的用家留意了，機側還配置PTT對講機專用按鍵，所以就算在冬天、戴着手套篤唔到芒，亦可以隨時用到此對講機功能。「試玩Armor2時還發現，它可支援6模27頻功能，亦即可對應全球4G/3G/2G頻道，甚至是CDMA制式！簡單說就是全世界沒有地方，Armor2打不通電話。」
機身內置有對講機軟件，而且機側還有一PTT的對話按鍵，使用上很方便。
行山Apps都得多，指南針、高度計、壓力計，甚至測量心跳，全都是內置軟件。
查詢：三禾電氣（旺角亞皆老街83號先達廣場1樓F33）記者：朱崇德攝影：徐振國2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170911/20148759
二五中環 萬南 東瀛遊沖繩插旗 做埋酒店營運商
1 :
GS(14)@2017-10-30 12:13:13http://www.metrodaily.hk/metro_c ... %E5%85%A9%E7%90%83/
香港人一向鍾意去日本旅行，就算之前「311大地震」後，有好多傳言話日本輻射嚴重，遊日港人依然年年創新高，舊年就高達184萬人次，比2012年嘅48.2萬人足足多咗接近三倍，當中萬南都佔咗幾次！因應商機無限，主力做日本團做到上市嘅東瀛遊(6882)，就諗到喺當地起埋酒店，實行一條龍賺錢咁話！
東瀛遊噚日中午就宣布，啱啱喺日本沖繩買咗四幅土地，佔地面積2,103平方米，作價折合大約6,800萬港元，會用嚟起酒店發展同埋營運，主要迎合公司沖繩旅行團以及自由行產品嘅住宿需求。計我話，6,800萬喺香港分分鐘連一間豪宅都買唔起啦，作為地膽嘅東瀛遊，而家可以用嚟買到四幅地皮起酒店，而幅地皮仲要喺正那霸市牧志三丁目，即係港人經常去掃貨嘅國際通同牧志市場附近，簡直係抵刁啦！
Next Page