ZKIZ Archives


醫療保險邊個賺大錢? 80後買樓記(七) Home Blogger

http://www.homebloggerhk.com/?p=5627

上回講到銀行sales Michelle約見肥佬同我飲野。一輪做銀行之苦水後肥佬先同意michelle講既苦況,再出一招「口是心非」,想招michelle入行做保險既佢竟然同michelle講「做銀行唔錯」!

 

肥佬:「我知道金管局都有留意銀行摔數既情況,及作出萬一市況下行需要面對事情的預備。市況大跌必會引致極多投訴,尤其當老人家知自己係銀行存既錢冇左,肯定搵埋仔女黎嘈。我係金管局入面有朋友,知道由2013年起,銀行會嚴密監管有冇上層迫下尋跑數既情況,同埋下屬有冇夾硬比一d客人唔想要既產品。」再講:「係咁既情況下,我認為銀行陽奉陰違既作為依然會有,始終賣產品有咁多錢賺,冇理由唔做。」

 

「不過佢地會包裝得靚d囉,估佢地5年後,即係2013年,又會話咩更新銷售程序,提供更貼身服務比客戶,又咩更專業理財咁咁…講到底,咪又係想加長銷售程序,錄哂音咁唔比個客係市況下行反口,但所用多左既時間,即成本,咪一方面食個客水深d搵返,另一方面搾壓個同事攞返。」肥佬叫michelle放心,再做銀行只會sell少左野更輕鬆,恭喜哂佢,不過paper work同客人錄音方面做多左。

 

肥佬呢招以退為進果然有效!!

Michelle話:「sell少左野!!! 咪冇錢分比員工!?」

肥佬即刻一副不以為然既樣話:「咁就一定架啦。」

Michelle講:「我sell野就係為左想賺錢,而家冇錢分仲做黎做咩?」唉,又一個無知少女中左肥佬奸計。

 

Michelle成為我同事後,由於我迷上佢細細既眼,成日借機問下佢野。就算關係未能「更進一步」,我都學到唔少人壽保險既知識。人壽同我撈開既雜險係不同的,最大不同在於雜險一般冇儲蓄成份,鍾意幾時cut就幾時。保障範圍好生活化,例如家居保我都係入行先知唔保滲水的,要爆水喉仲要意外先保。旅遊保亦因太多人去完旅行後走去報失手提電腦,而致條文有所修改,唔保手提電話、電腦。不過及後發生埃及撞車事件,我先知原來旅遊保係幾咁有用。都係一百幾十蚊。

 

咁唔好彩係外國遇到意外,你可能要負上外地高昂既醫療費用。醫得掂還好,最慘你要送返香港再醫,你訓係度坐飛機吊住鹽水入境係好貴的! 旅遊保可以比你claim返,你返到香港,仲可以有幾十日「被包」既醫療保障,我可以咁講,旅遊保係一陪一千既保險,賠得仲快過你係澳門等圍骰! 更是保險公司想「比個好印象」你既常用方法。

 

「係保險公司做左成年有多,我想係自己事業上有所突破,下章抓緊機遇,全力出擊!

醫療 保險 邊個 個賺 大錢 80 後買 買樓 樓記 Home Blogger
PermaLink: https://articles.zkiz.com/?id=43323

【任食邊個賺?】放題店月收千萬 造勢策略老闆咁解釋…

1 : GS(14)@2018-01-07 16:35:06

銅鑼灣放題店競爭激烈,食物要鬥多量鬥噱頭。

銅鑼灣有爆場放題店,每月營業額過千萬,訪問前我們曾放蛇實試,試圖找出點解咁好賺。座位一定要夠逼?賣垃圾食物?排隊造勢?拖慢上菜節省成本?


今次我們找來放題元組級人馬滿屋老闆林華海解答。他是日本料理學徒出身,2005年在漆南道南開了放題店「大吉」,當時每位148元任食約70款食物,成功突圍而出,8年內開到最高峰的12間放題店。「酒店一向有自助餐,放題雖然不是第一個做,但很早期已經做了。當時大字頭的放題都是由我們幾個一齊開,平均一間營業額每月幾百萬,以四個股東計佔全港放題量一半。」後來四人意見不合而拆夥,他現擁有四間分店,每間店平均月賺20萬,即合共約月賺80萬,究竟有甚麼策略?

(1)「座位一定要夠逼?」

銅鑼灣分店有7,500呎,300個座位,月租約$50萬。我們放蛇時被安排到最密集的兩人枱,枱與枱之間只有一部手機距離,清楚聽到隔籬食客對話,很擾人。「為甚麼會逼?因為我們一定要執個流量,人手成本好重,如果每人用一個位便會用好多,所有會有逼嘅情況出現。」每間店約有50人,樓面18至20人,跑餐(附送運送食物)8人,廚房(熟食)12人,壽司把枱12人,清潔員工4至5人,還有食物成本,叫貨量甚大。「無論多少客人,我們都要預這麼多人手、食物,當然要做得一定數量才回本,加上要限時,如果放題不夠流量,我們會輸得好嚴重,最好翻到兩轉枱,令我們壓力不會太重。」林華海說。


以前刺身陳列較簡單,現在新增乾冰放煙效果。

設自助吧,提供部份海鮮。


(2)「賣垃圾食物?」

林華海說,放題都有高低參差。我們放題有些食材,甜蝦、帶子和酒店用的質素相同。「如果客人識食的話,專針對甜蝦刺身帶子或者油甘魚,專門針對食貴食物,咁樣會冇命,有客人食得簡單些,食多些熟食蟹粥、栗米,食多幾件手卷,女士叫多些沙律,叫多幾杯特飲,在那裏中和成本。」

(3)「食物鬥多量鬥噱頭?」

單是銅鑼灣同一座大廈已有3間放題。「鱷魚潭來的,競爭好大,所以不停有不同策略,要多元化,有新鮮感。其他放題店出磯燒,我們就出矜貴食物,如鮑魚、鵝肝,定時劏吞拿魚,有酒水、梅酒清酒任飲。」放題店有20張點單紙,約有150款食物項目,四年無加價,定價在250元以下,保持競爭力。

(4)「排隊造勢?」

林華海說:「造勢可以令客人覺得這間餐廳多人食,羊群心理,加上香港人比較喜歡見排隊,好奇心較多。以前開碗屋時,樓下不停排長龍,後來有客人投訴,天氣熱就好熱,天氣冷便好冷,將這個文化慢慢調節了,不採用限時入座。」


不少放題店設限時入座,門口排滿人龍造勢,捕捉羊群心理。

落單點注明,若浪費食物需罰錢處理,但開店至今未試過罰錢。


(5)「拖慢上菜節省成本?」

記者實試落單,5分鐘首先上了海膽手卷,10分鐘便上了第二輪,12分鐘上刺身,速度算快。雖然部份和點單數目不符,但漏單情況亦不嚴重。「有時叫20隻,可能只有18、19隻,始終場大,執的食物亦多,有時執漏了,或者跑餐送漏了,這是常見的。」不過浪費食物就隨處可見。「我們樓面會提點客人,把食物盡量食完,一般客人都會聽,有些客人則可能過飽,夾硬食不到。」落單紙註明,若浪費食物需罰錢處理,但開店至今有試過罰錢嗎?林華海搖一搖頭說:「未有。」


滿屋日本料理每位$238起駱克道463-483號銅鑼灣廣場2期8樓全層記者:何嘉茵攝影:鄧鴻欣、徐振國



來源: https://hk.lifestyle.appledaily. ... e/20171223/20252928
任食 食邊 邊個 個賺 放題 題店 店月 月收 收千 千萬 造勢 策略 老闆 解釋
PermaLink: https://articles.zkiz.com/?id=346274

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019