| ||||||
近 日港股交投慘淡，噚日成交得番三百零億，創06年底以來新低。正所謂「生意淡薄，不如賭博」，華華噚日撞到港交所（388）主席夏佳理，佢話港交所成交 少，相反馬會嘅投注額雖然都一樣跌，但跌幅就細好多。今個馬季，馬會投注額暫時只係跌咗5%，難怪夏佳理話：「如果港交所成交好似馬會嘅投注額只係跌咁 少，咁就發啦！」 去滑雪唔諗住拉頭馬 噚晚六合彩又冇華華份，惟有寄望今個星期日可以喺馬場刀仔鋸大樹，發個聖誕財。咁蹺夏佳 理名下兩隻愛駒「超班」同「聖河」都有參賽，華華第一時間最想知道主席準備好去拉頭馬未？點知主席話嗰日唔喺香港，會同屋企人出外滑雪咁話，所以唔會到 場。兩隻馬贏面有幾大，咁就要再衡量吓。夏佳理係愛馬、識馬之人，做過一代馬王「翠河」嘅馬主，月中馬會搞嘅馬匹拍賣會，唔知主席有冇買到心頭好呢？聽夏 佳理講，嗰次佢都有競投，不過俾人截糊，空手而回。佢話睇中隻馬成本價190萬銀，佢用200萬去投，諗住呢個時勢，應該買得到，點知有人出價220萬投 咗。計華華話，對夏佳理豐厚嘅身家嚟講，三幾十萬都只係「碎銀」皮毛，既然睇啱心頭好，應該去盡啲，只係以20萬之差投唔到，華華都戥佢唔抵！李華華 [email protected] | ||||||
| ||||||
投 資騙案時有發生，咪以為受騙嘅羊生羊太都係低學歷或冇投資經驗嘅人，證監會嘅「慧博士專欄」今期引用咗英國金融服務管理局4年前嘅調查，指金融騙局之一 「鍋爐室騙案」，落叠嘅羊生羊太中，四成係有11年以上投資經驗嘅老手，亦有唔少係高學歷嘅專業人士。上個月尾英國審咗單「鍋爐室騙案」，慧博士話，騙徒 用電郵同電話高壓推銷一啲一文不值，甚至唔存在嘅本地或海外股票。點解叫鍋爐室騙案，皆因最早嘅騙徒多數係用放鍋爐嘅地庫做總部，所以先有呢個名。最易受 嘅有兩類人：一係有錢但唔得閒研究投資嘅專業人士，一係中過招嘅受害人，即係被人呃完再呃，皆因佢哋發現被呃之後，會好心急想快啲搵番啲錢，咁越心急就 越易呃，騙徒睇中呢個人性弱點，會扮獨立第三者主動幫受害人。慧博士仲教埋大家點樣防範呢啲金融騙案，都係嗰句，邊有咁大隻蛤乸隨街跳，因住貪字得個貧。 | ||||||
| ||||||
| 對好多人嚟講，08年係一個永誌難忘嘅年份，身家縮水成90%嘅玖龍紙業（2689）董事長張茵就直言，佢雖然曾經因為委屈而喊過，但認為08年對佢嚟講，係收穫最豐富嘅一年，亦係人生中最精采嘅一年，仲大讚老公喺佢需要support嘅時候，默默支持佢！ 百年企業 夢想不變 張 茵同內地《中國新聞網》講，話舊年被人鬧玖紙係「血汗工廠」嗰陣，當公關將厚厚一本負面資料放喺佢面前時，佢覺得好難過同好委屈，更坦言曾經因為呢件事喊 過o忝！佢好感性咁話：「我也是個苦孩子，能夠切身體會到工人嘅難處。」佢話事件發生後，學識咗放低：「我看開了，玖紙一間咁大嘅企業，內部出現不同聲音 好正常；人一生總經歷坎坷。」佢話o依家無論係正面或負面報道，都唔會再影響到佢將玖紙打造成百年企業嘅夢想喎，認為歷史會給予玖紙公正嘅評論。 莫叫女強人 只做企業家 「女 王」仲叫大家唔好再叫佢「富豪」或「女強人」，比較鍾意人哋叫佢做「企業家」，認為咁至最適合自己。佢仲相信，女人喺開創事業嘅同時，要將家庭、愛人同孩 子照顧好，先至係最完美嘅女性！唔知用呢個做標準，張女士會畀自己幾多分呢？最後張女士仲特別鳴謝老公、即係玖紙副董事長兼行政總裁劉名中，話若果冇呢個 無名英雄，佢就唔會有今日嘅成就喎。佢話：「到現在為止，我嘅家庭生活十分幸福。」雖然事業受挫折，但家庭得意又有丈夫撐，難怪張菌話去年係豐收年。李華 華[email protected] | ||||||
| ||||||
| 股 神畢菲特雖然失落咗全球首富嘅寶座，但佢嘅身家相對好多人嚟講仲係天文數字，自然會惹人垂涎。好似佢位於內布拉斯加州嘅大宅，07年就俾一個持假槍嘅賊打 劫，雖然好好彩冇財物損失，但呢件事似乎嚇親股神，為咗保障自己同屋企人嘅安全，舊年向巴郡支取咗一筆約31.6萬美金（約246萬港紙）嘅人身及住宅保 安費。 人工變相多八成 雖然畢菲特08年照舊攞10萬美金年薪，再加7.5萬美金董事薪金，但就額外多咗筆比佢嘅年薪同董事薪 金，足足多成81%嘅保安費，令佢舊年嘅總薪酬加到49.1萬美金，變相逆市加薪！表面睇，股神好似好自私，唔同股東共度時艱，但華華諗深一層，喺經濟不 景下，好多美國人都話要買手槍自保，何況係大名鼎鼎、身家370億美金嘅股神？上個禮拜，評級機構惠譽話畢菲特主宰住巴郡一切，呢個亦係巴郡最大風險，因 為萬一股神有咩冬瓜豆腐，巴郡股價一定大插水，股東隨時渣都冇。咁要保住巴郡股價同股東利益要點做呢？當然就係保住畢菲特嘅人身安全啦，所以呢筆保安費絕 對畀得過！李華華[email protected] | ||||||
2011-4-29 AD
伯明翰環球（2309）主席卡臣楊家誠，自從晉身做首位華人英超班主後，最近連辦公室都要「升呢」，由上環信德中心，搬去九龍站上蓋全港最高嘅ICC（環球貿易廣場）。華華收到風，佢老哥訓示班員工，要日日着老西同套裝裙返工，搞到啲馬仔鬼殺咁嘈。
華 華問卡臣搞邊科，佢笑笑口話：「大家要做好image，緊係要執到正，表現自己，唔係使乜去ICC！」據講伯明翰會喺下個禮拜正式喬遷，到時新 office起碼過萬呎。相比信德中心呎租家陣做緊40蚊左右，ICC呎租起碼50至60蚊，咁先襯得起前後用10億港紙買返嚟嘅老牌英超球隊嘛。
升呢租ICC 要員工着套裝
不過江湖傳聞，伯明翰自從由卡臣接手後，近日要步同係卡臣旗下嘅《成報》後塵──遲出糧。華華問佢因乜俾人唱，卡臣反應好大話：「黐線，緊係冇遲過！」至於伯明翰喬遷後會點大搞？佢就賣關子，話睇埋今季表現，斷估隊波今屆唔會點大輸。
|
||||||
|
散戶愛炒輪，但「烏輪」事件，又真係幾破壞輪商形象。日前聽聞中環掀起一陣炒人潮，包括輪商，華華即刻打電話畀UBS于正人（Johnny），劈頭就唔客氣問佢冇事吖嘛！點知俾佢勁鬧，「梗係冇事啦，你睇吓交易所資料，我哋間行無論成交量定街貨量都係前三名……」 好彩同Johnny熟，知佢講笑唔係真鬧華華。正如佢話，UBS喺05年8月開始搞輪，嗰時得兩丁友，呢幾年越搞越大不斷請人，佢老兄梗係冇事啦！ 不 過，講開輪場競爭大，Johnny話，曾經有客戶同佢講，喺搜尋網站想搵有關UBS產品資料，點知出咗另一間行嘅，差啲買錯。Johnny後嚟得悉，原來 係某同行喺搜尋網站落廣告時，指明網友search有關UBS時就出自己間行嘅banner廣告。華華惟有安慰Johnny，「不招人妒是庸才」，你冇 料，鬼會借你個名用咩！ |
||||||
| ||||||
周顯，要怎樣界定他身份？他在《新報》寫社論，在《蘋果日報》、《am730》、《明報》、《東周刊》等報刊講股票、寫財經，出過書講梁振英，但又會爆富豪秘聞。私人事他不多談，只知讀過中大新聞系，但無畢業。三年前寫了武俠小說《碳六十之劍》，講述一個基佬和一個太監一同練功的「愛情故事」。小說被倪匡讚極好看，一炮而紅；他的意念來自：「閹咗嘅雞會大隻啲，咁閹咗嘅人都應該會好打啲！」但他最廣為人知的，還是炒股。去年在《爽報》的投資比賽「爽組合」勝出，贏走九十萬元；他寫的那本《炒股密碼》，由○七年至今，已第十一度再版，最新版本叫「白金完全珍藏版」。他謙稱炒股不叻，但收風最強，「要自己再分析。貼士幾準嘅人最終都會戙你！我唔怪人。我道行未夠啫！」周顯已步入無敵無友的境界，這就是他圈中的「生存之道」。我的收料秘技 周顯每日三餐是他「收料」的時間，福臨門、國福樓、翠亨邨等，都是他的竇，食飯兼陪朋友鋤弟。他自認炒股不叻但收料叻，消息靈通加以篩選分析，就是賺錢契機。這天一來，他就將三部舊式Nokia黑白機擱在枱上，其中一部電話配上了太空卡。他說自己用不慣沒有按扭的智能電話，堅持用瀕臨絕種的Nokia。電話不能上網，不能看股價，但無所謂，最緊要「收到料」。 記：記者周：周顯 記：你主要向邊啲人收料？周：做呢行嘅人。我身邊好多朋友，上市公司主席、經紀、律師、三教九流、黑社會呀！股票經紀啲料會準啲，上市公司主席啲料，唔準o架！佢哋有利益衝突，有誘因老點你！叫你瞓身買嘅，通常叫遲咗，因為佢要落車喇嘛。記：人哋點解要俾料你？多唔多俾人跣？周：我都會俾番料人，A俾我啲料，我可以俾番B。係一場交易，我都有貢獻！而家一日聽十隻八隻，日日都有人跣你。呢個社會充滿陷阱，你帶錢出街，都有好多人想打劫你！我無所謂嘅，輸咗係我道行不夠啫，唔係俾料嘅人有問題。（有無試過俾錯料，人哋同你反面？）有，但好少，因為我通常先做「免責聲明」。記：你點分邊啲堅、邊啲流？周：睇吓幕後邊個係老闆，間公司有乜資產、盈利、股票歸咗邊未、當唔當炒、個古仔似唔似啦。如果公司賬目話你知間公司係五，你有好多可能性，可以係一加四、二加三、十減五，但唔會係二加四。你同我講古仔話「二加四等於五」，即係你幻想出來，希望係咁，我一聽就知你呃我。 記：幾時上車幾時落車？周：每次情況唔同，要配合市況、公司形勢等。喺股票上有太多unknown，無絕對性，只有可能性。例如你好有把握隻股聽日升，點知庄家今日飲醉咗，唔知醒無炒到，過兩日先炒番，咁已經係unknown啦！唔係所有嘢都on schedule，試過好多年前，有經紀叫我買164（中國伽瑪），佢十居九準，我即刻落盤，落完盤佢再打來，要我即刻放。我沽完，股價已跌返原位。十秒我贏咗三十萬，到而家都唔知點解！嗰市就係咁玩。記：互相收料外，你喺呢個圈有無真正朋友？周：有共同語言就係朋友，呢個圈嘅共同語言就係八卦嘢。想有朋友，有三樣嘢：第一你真心對人好；第二你有經濟效益；第三你有娛樂效益，好interesting。必須做到呢三點，最好就有一、兩點，唔係你唔會有朋友。我其實好多朋友，但因為太過無效益，我唔得閒見。舊同學呀、好好感情嘅朋友，應該見！（你又得閒見咁多女性朋友？）第一，女人梗係有效益，flirt吓都好呀！記者又係有效益。但同學係無效益，我諗臨瓜前先慢慢見番啦！ 我的炒股分析 講求經濟效益的周顯，去年參與《爽報》（已停刊）的投資比賽「爽組合」，憑一隻931（宏通集團），贏了其他對手，獲得九十萬元獎金。鏡頭前他平淡地說得獎無感覺，贏的錢好少。鏡頭後卻興奮得兩日間將獎金使掉大半。他向來懂得為自己的「人物性格」定位，轉數快，表達力亦強。正如他印了十一版的《炒股密碼》第一章——投資者須知自己身在何處，又打算從投資得到什麼。 記：散戶應以什麼心態捉貼士及炒股？周：散戶要知報紙無可能一寫即升。你必須知，第一，炒股目的。係想聽日沽，定一年後沽？如果你想一年先沽，根本唔使日日睇專欄捉貼士。你日日睇，梗係想日日炒啦！其實報紙專欄貼士，係self-fulfilling prophecy（自我實現預言）。嗰期邊個紅就當炒，孫柏文呢期紅就隻隻得！（孫近日一注貼中金寶通（320））點解？佢紅就寫咩都有人跟，有人跟咪升囉！尤其細價股，易炒上。跟紅頂白無錯o架啦！記：你認為股市係假？周：股票梗係人為，你睇窩輪就知啦！供應創造需求，簡單講水清無魚，必須要人為先有股市。不過只要搵到錢，你理得佢真定假！我最近抽一千萬股中華包裝（1439），最後中咗二十萬股。我係見佢老闆自己揸晒，靜雞雞聖誕節上市，一個廣告都唔賣，好低調，估佢得。新股就係炒供求，佢上市嘅目的為咗圈錢，唔係送錢俾你使。如果係老闆、個庄自己揸晒，咁點升都得，貨源少就炒得起囉！（訪問後數天中華包裝上市，首日最多升超過八成。）記：你睇得最中係邊隻股？周：ESPRIT（330）。當初我係第一個唱衰佢嘅！佢七十幾蚊時，我唱佢跌落五蚊，到佢跌落十蚊時，我掉番轉頭唱好！買咗到而家十五個幾未放。我覺得佢跌過龍，當時佐丹奴市值一百一十億，ESPRIT一百七十億，佢個brand點都好過佐丹奴啩？記：你炒股有無座右銘？周：好多人炒股票有一個盲點，佢哋認為呢個世界上，股票係有formula的，即係一加一要等於二，凡A則B，係錯嘅！我嘅座右銘咪無嘢係凡A則B囉，一定有變數。 我的過去 周顯很大使，自言每個月使六位數字購物。訪問時穿着的一件Loewe大褸，要七萬元！但他寧租樓亦不買樓，身家成謎。他出身小康，但家道中落，曾於中文大學新聞系讀書，坊間指他曾替蕭若元打工，寫稿度橋，後來從蕭身上學懂炒股技巧，自立門戶。由於愛寫作，他多年前曾寫過多本武俠小說，其後寫財經書及專欄，深受散戶歡迎。 記：你的出身？周：以前阿爺有錢，喺澳門有樓收租。不過當年佢為咗澳門嗰幢可以收多五十蚊租，放棄揀香港天樂里嗰幢囉！跟住阿爸爛賭，賭馬、炒股、過大海，咩都啱，最後輸晒。（你曾讀過中大新聞系？）畢唔到業，唔講。之後第一份工做公關（邊隻？），我都想做「嗰隻」！記：點諗到兩個武俠小說男主角搞基？周：我諗嗰種劍法，好難練。一隻閹咗嘅雞會大隻啲，同樣閹咗嘅人會好打啲！我用科學解釋荒唐理論。記：嚟緊仲有咩構思？周：我想出本《國富論》，研究日皇明仁係咪裕仁嘅仔，仲有講吓楚漢相爭時期嘅政治鬥爭等。而家我夜晚一點瞓，朝早九點起身寫稿，每日用三個鐘頭寫晒。你哋稿費微薄（指「壹週Plus」專欄），要合乎經濟效益，我用十分鐘寫完。下午同人食飯打牌，差唔多收市返屋企睇股票。記：你搵夠錢了嗎？周：我好大使！從來無咁諗。我周身名牌，我承認我係名牌奴隸。（睇唔出）吓？呢件褸係Loro Piana，四皮嘢，呢對鞋係BV，四千蚊！最平係條褲，7For All Mankind。我唔鍾意炒股，但我需要炒股搵返來嘅錢，咁我唯有不斷炒落去！ | ||||||
曾蔭權被判監二十個月，話重唔重，話輕唔輕，對一個七十幾歲老人家嚟講，呢個判刑都唔易捱，除非佢得到醫生證明，可以長期喺醫院服刑，咁另計喇。只不過，曾蔭權案有好多手尾係未完嘅，其中一個未完嘅手尾，就係 東亞銀行 會唔會被監管機構照肺，甚至引嚟外國反洗黑錢組織嘅註意，搞到生意難撈。
其實已經有兩單高官相關嘅公職人員行為失當案，係同 東亞銀行 有關，一單係許仕仁案，一單係曾蔭權案，許仕仁案涉及果堆無厘頭無抵押貸款，隨住許仕仁坐監梗係無得還，究竟果筆貸款係點搞出嚟至得，跟住，曾蔭權案啲錢銀嘢，係經 東亞銀行 嘅，連以前做過老廉嘅林卓廷議員都問老廉，點解唔係跟佢以前做調查員果陣嘅規矩做嘢，連李國寶都傳召。隨時喺曾蔭權案重審果陣， 東亞銀行 有更多人甚至高層要上庭作供。
依家世界各國監管機構，對果啲經常處理黑錢，例如政治人物啲唔乾淨錢嘅銀行好敏感，HSBC係咁被人查，係咁被人罰，都係因為呢啲麻煩客戶，搞到依家大家喺HSBC開戶簡直難過登天，仲要依家HSBC搞到咁嚴，都仲發現有戶口懷疑同IS恐怖分子有關，又俾人查過。HSBC都搞成咁，如果香港監管機構對 東亞銀行 一啲表示都無，恐怕都好難同世界其他國家嘅監管機構交代。話雖 東亞銀行 主要業務都集中喺香港同中國，但係反洗黑錢呢家嘢，一向都係全球進行，標準亦都全球一致，唔好唔記得，雖然中國唔係全球反洗黑錢組織埃格蒙特集團(The Egmont Group of Financial Intelligence Units)嘅成員，但香港一直都係，其他埃格蒙特集團成員國，好難當 東亞銀行 喺兩單案嘅作為無到喎。
監管機構如果想認真查 東亞銀行 ，唔該快啲查咗佢，好過搞到外國啲監管機構睇到 東亞銀行 實曬，搞乜業務都麻煩多多，依家 東亞銀行 嘅業務都唔叫靚仔，如果早啲查，至少投資者早啲決定玩唔玩落去。只不過，以近年HSBC同德意誌銀行嘅濕滯經驗嚟睇， 東亞銀行 呢類連案件都涉及啲大案嘅銀行，避之則吉係好一啲，因為監管風險無理由由投資者孭嘅。