ZKIZ Archives


張秀文谷34D披嫁衣

1 : GS(14)@2016-02-15 02:19:55

■張秀文表示將來結婚亦不介意性感示人。攝影:沈健程


張秀文與崔建邦前女友陳嘉莉(Kelly)昨日在灣仔為婚紗展行騷,兩人分別示範8套婚紗。谷胸上陣的張秀文勁騷34D上圍,但首次行騷的她,多次險些仆倒,見張秀文胸墊疑似移位,她說:「唔知呀,可能係甫士問題。」
Kelly自與崔建邦分手後首次出席活動,有傳兩人有第三者及她被男方怒打,Kelly說:「新年唔講呢啲,總之佢OK就OK。」問到如崔建邦約她情人節外出,Kelly謂會應約,更表示:「唔會恨佢,點解要恨?」處處維護是否有意翻撻?Kelly笑而不答,但強調兩人仍是好友關係。採訪:盧妹





來源: http://hk.apple.nextmedia.com/entertainment/art/20160214/19490245
PermaLink: https://articles.zkiz.com/?id=295905

張秀文沖涼專目及內衣

1 : GS(14)@2016-02-18 00:37:45

張秀文昨日在上環出席賀年活動,以tube dress亮相,雖然已經露了少少事業線,不過仍嫌不夠性感,她笑說:「我養到你哋好重口味,其實有其他角度可以欣賞,唔一定係少布,可以睇曲線或者感覺,最緊要個style要合身,我得閒都會上網睇衫,睇吓有乜嘢款啱我,希望帶畀大家溫暖同驚喜嘅感覺。」近期因頻頻以性感造型亮相,她坦言工作量比以前多了不少,問她會否考慮接泳衣或內衣騷?她說:「如果係泳衣騷我會接受,我本身好鍾意買內衣,最鍾意沖完涼嗰陣自己睇番,但係行內衣騷要諗吓,我怕有啲款太女人唔知襯唔襯自己。」採訪、攝影:盧妹





來源: http://hk.apple.nextmedia.com/entertainment/art/20160217/19493627
PermaLink: https://articles.zkiz.com/?id=296120

張秀賢走出抑鬱低谷:搵番希望

1 : GS(14)@2016-09-01 06:15:47

【本報訊】學民思潮前發言人、中大學生會前會長張秀賢,3年前患上嚴重抑鬱及焦慮,曾因情緒爆煲萌生自殺念頭,現已康復走出低谷。他促政府由教育制度做起,改變社會功利、冷漠氣氛。他批評政府忽視學生聲音,「勇敢地講現實有乜問題」才有望治本。


稱教局措施「冇乜用」


張秀賢3年前擔任學民發言人時,因自我要求高,加上學業、朋友離世等因素下出現情緒困擾,「一時會覺得好鬱悶,試過連床都落唔到,但一時狀態、情緒又好高漲,連續廿幾個鐘唔瞓」。情況持續近兩個月,張憶述爆煲一夜更打算「死咗佢算」,「記得喺半夜嚟,我爆喊,覺得唞唔到氣,好辛苦,真係崩潰到想死」,最終靠理智撐過,「講都唔信,當時諗嘅係『邊種自殺方式唔會影響到人』,諗諗吓發現冇,於是就打消咗念頭」,最後張到精神科求診。張分享過來人抵抗情緒病的經驗,「人人唔同,我自己後來學識咗時間管理,同埋了解自己極限,即係知自己就嚟爆,就真係去唞」。尋死前更應想清楚,「始終最明你嘅係你自己,諗清楚會唔會影響到人,自己仲有乜未做同好想做;就算係好虛無嘅都冇所謂,要搵番個希望,搵番自己繼續生存嘅動力」。張直言教育局宣揚正能量、提高抗壓力等措施「冇乜用」,未能針對包括學業壓力、前景憂慮等問題;張現就讀中大政政系4年級,慨嘆校園氣氛亦日趨功利,「老師要兼顧行政、教學、研究,冇時間接觸學生;學生就要追GPA(成績)換嚟實習、出國交流機會,成個校園嘅人際關係同氣氛都變得好冷漠」。■記者葉偉東




來源: http://hk.apple.nextmedia.com/news/art/20160901/19756404
PermaLink: https://articles.zkiz.com/?id=306958

張秀文谷胸嚇窒坤哥

1 : GS(14)@2016-10-24 04:20:57

■張秀文穿上貼身谷胸裙出席活動,她笑稱大家已習以為常。



張秀文、吳業坤、梁嘉琪及唐詩詠昨日應邀到鑽石山荷里活廣場出席CP世界雞蛋日繽紛嘉年華活動,藝人分組以平底鑊接雞蛋,咪神張秀文貼身谷胸上陣夥拍坤哥玩遊戲,但坤哥不敢直視張秀文。



■坤哥不敢直視張秀文,但與唐詩詠(右)有不少互動。

坤哥直認感尷尬,不知眼神放哪裏,後來表示望平底鑊,眾所周知咪神豈止平底鑊,張秀文解圍說:「圓底鑊啦。」坤哥說:「後台望到秀文打扮,都知眼神要好小心。」至於張秀文則說:「以為大家習以為常,天氣就快凍,今日玩遊戲好開心,條裙好fit,唔會擔心。」而唐詩詠透露近日為健康減少吃肉,躁脾氣也會減少,但一個月有幾日女性周期仍會情緒起伏,男友洪永城不敢惹她。採訪:卓寶花攝影:仇志德




來源: http://hk.apple.nextmedia.com/entertainment/art/20161023/19809274
PermaLink: https://articles.zkiz.com/?id=313283

中大教務會前成員角逐高教界選委參選被DQ 張秀賢斥荒謬

1 : GS(14)@2016-11-18 17:03:20

【本報訊】繼參選工程界選委會的「進步工程」團隊6名成員被指與業界無密切聯繫遭取消資格後,參選高教界的中大學生會前會長張秀賢昨亦獲通知提名無效。張秀賢牽頭組成學生團隊「學界同盟2017」參選,7人中僅他不獲放行。張指自己卸任中大學生會教務會成員不足一年,「學生都唔係高教界一分子,但一年嚟學校開一次會嘅校董就係?好荒謬!」記者:陳雪玲選管會主席馮驊昨在選委會簡介會上指,最終收到1,539份有效提名,13個界別及小組已自動當選,另有25個分組及小組需要投票。選舉事務處提名前共收到1,553份提名,當中4人退選,10人提名無效,6人來自工程界,另高教界、體育小組、進出口界及教育界各有1人提名無效。由於體育界1人提名無效,只餘15個候選人,與議席相等,自動當選選委人數料增至403人。


被指與業界無密切聯繫

張秀賢指昨早收到助理選舉主任來電,指選舉主任在諮詢律政司及提名顧問委員會意見後,認為他與高教界無足夠聯繫,故裁定其提名無效,但未有進一步解釋原因。據《行政長官選舉條例》,選委會界別分組選舉候選人須為年滿18歲的地方選區已登記選民,及已登記為有關界別分組投票人、或令選舉主任信納他與該界別分組有密切聯繫。22歲的張秀賢以中大學生會教務會成員身份參選,他於今年2月卸任。他說理論上在一年內做過相關工作亦可參選,他今年2月底才卸任但提名卻無效,形容情況是「龍門任佢搬,佢話晒事」,只憑選舉主任主觀判斷。張相信事件非政治審查,但認為已反映小圈子選舉的荒謬,因學生被指與高教界無密切聯繫,反而一年到校參與一、兩次會議的校董,卻可投票。「學界同盟2017」名單另外6名參選人已獲確認提名,他們均以大學教務會成員或校董會成員身份參選。「學界同盟2017」提出4大原則作提名及投票參考,包括特首參選人是否支持大學就特首出任大學校監的公投結果、會否主動向中央反釋法、是否就特首普選實踐公民提名和真普選、會否開放香港前途討論等。張說:「我哋幾年前出嚟抗爭為咗公民提名,唔會刻意用ABC做主打,因為反對梁連任已係既定立場,我哋冇人會提名或者投票畀佢。」高教界選委會今年競爭激烈,65人爭逐30席位,其中泛民陣營共3張名單,包括「高教民主行動」、「Politics1001:學者抗命」及「學界同盟2017」共47人。




來源: http://hk.apple.nextmedia.com/news/art/20161118/19837695
PermaLink: https://articles.zkiz.com/?id=316046

張秀賢設新組織 否認鋪路補選

1 : GS(14)@2017-06-25 10:29:59

【本報訊】中大學生會前會長、前學民思潮發言人張秀賢,昨日宣佈成立「立言香港」並出任召集人。他指「立言香港」是議政平台而並非政治組織,成立目的期望為各個非建制派提出民間政策的建議及合作基礎。他強調不會以此組織名義參與立法會新東補選,成立組織亦非為參選鋪路,「立言香港同參選兩者係冇直接關係,人生有好多嘢可以做」。「立言香港」提出五大以「自」為題的主張,包括「經濟自主、體制自強、社區自治、文化自成、國際自立」。張秀賢強調「立言香港」不屬於自決派或本土派,「不會標籤為任何派別,不會自我局限,而係要達到民主化,提出更多民間可能性」。組織未來將舉行不同的研討會及活動,首階段已準備推出數個項目,包括分析紅色資金在港運作的情況。


戴耀廷作顧問


新組織現有5名成員,除張秀賢外,另外4人是巫堃泰、梁繼平、鍾焱豪及張崑陽,學術顧問及政策顧問包括佔中發起人陳健民、香港大學法律系副教授戴耀廷等人,當中亦包括前學民思潮及學聯的成員。青年新政梁頌恆、游蕙禎被取消議員資格後,盛傳張秀賢有意參與立法會新東補選,他強調新組織並非政黨,但組織內的成員可以個人參選,「我都希望佢兩個上訴得直,真係唔係為參選成立組織」。■記者梁佩珊



97年主權移交至今,香港前進還是倒退?「蘋果」與你細數廿載風雨。【回歸二十年】專頁:http://hksar20.appledaily.com.hk




來源: http://hk.apple.nextmedia.com/news/art/20170625/20068030
PermaLink: https://articles.zkiz.com/?id=336955

【馮仁昭四圍超】張秀文寫真拒露點

1 : GS(14)@2017-07-07 02:42:28

張秀文同劉穎鏇噚日喺銅鑼灣hmv出席Hong Kong Express獎賞計劃活動,張秀文透露今年有人提議佢出寫真,但佢堅拒露點,唔係咁容易同人分享呢樣珍貴。喺活動上,講到搵理想伴侶去旅行,劉穎鏇就不避嫌話希望邀請吳卓羲,因為細個睇佢喺《衝上雲霄》入面飾演機師,有型又有幽默感,而事後劉穎鏇話曾經搵對方集郵,所以唔擔心會傳緋聞。撰文:馮仁昭




來源: http://hk.apple.nextmedia.com/entertainment/art/20170705/20079063
PermaLink: https://articles.zkiz.com/?id=338339

Next Page

ZKIZ Archives @ 2019