中環在線：俄鋁CEO唔認係曱甴 李華華
|
|
《志雲飯局》喺香港曾經叱咤一時，喺英國，《金融時報》都有個文字版嘅《名人飯局》，專係訪問啲名人然後同讀者分享當中對話。啱啱過咗嘅星期六，佢哋就登咗同俄羅斯首富、俄鋁（486）大股東兼CEO歐柏嘉（圖）食飯嘅文章，其中一段仲提到金融海嘯呢個話題。
話 說09年6月，普京叫歐柏嘉去俄羅斯一個小鎮簽份保障本土工廠嘅文件，點知普京當住好多人面前叫佢做「蟑螂」！嘩，堂堂首富喎，俾人叫曱甴，真係冇晒 face！勢估唔到……歐柏嘉可以處之泰然咁回應，話「蟑螂」並唔係針對佢而講，只係針對一啲想趁機逃離行業嘅人啫。歐柏嘉似乎冇介意過總理咁鬧佢，因為 佢根本唔覺得係講緊佢，真係唔知佢係詐唔知費事尷尬，定係豁達睇得開嘞。
|
| |
Next Page