ZKIZ Archives


馬德鐘陳浩民揸胸摸陰 勢力人士介入 陳嘉桓:有人迫我收聲

2011-11-24  NM

現年19歲的新高登女神陳嘉桓(Rose),上週六(十一月十九日)在內地拍攝電影《笑功震武林》,收工後跟拍檔洪天明一齊出席「香港幫」飯局,被 兩名餓狼陳浩民及馬德鐘,在串燒店內輪流揸胸摸陰,飲大兩杯的陳浩民更箍實比自己細二十一年的Rose,粗暴地又啜又摷,摸勻全身,至於一直袖手旁觀的馬 德鐘,不單未有制止仲玩埋一份,向Rose吹耳兼狼吻。將Rose送入虎口的洪天明更加離譜,事後竟包庇孖狼兄弟,要求Rose夾口供講大話,將「俾人淫 辱」變為「餵食羊鞭」,意圖混淆視聽。 身為Rose經理人的冼國林對事件極度憤怒,召開完記者會後,隨即往觀塘警署報警,事件愈搞愈大,有人甚至借助有勢力人士幫手拆彈,身為受害者的Rose 亦默認:「有人迫我收聲。」

淫狼孖寶
陳嘉桓日前在橫店拍攝王晶新片《笑功震武林》,與同在當地開工的陳浩民及馬德鐘 食消夜時,被兩人在大庭廣眾下又摸又摷,無力反抗,據了解,連續第三晚與「香港幫」食飯的Rose,跟住好友洪天明、陳浩民以及馬德鐘等在十九日晚連走三 場,先打邊爐後唱K,再到串燒店食消夜。飲到酩酊大醉的洪天明,在串燒店內已經倒頭大睡,即將做老豆的陳浩民幾杯落肚,便開始借醉向旁邊的Rose揸胸摸 陰,見女方唔肯就範,陳浩民索性箍頸狼吻,雖然Rose即時向馬德鐘求救,可惜所託非人,馬德鐘竟加入抽水戰,將她一手擁在懷中強吻。

追究有難度
根據現行香港法例,只有關於兒童性罪行及串謀詐騙等,才會對境外犯罪行為有司法管轄權。港人在內地犯法,依例會交由內地公安機關調查及執法。   不過,有法律界人士指出,雖然非禮事件並非在境內發生,但事主可向警方備案,待涉案者返港接受問話,及安排適當法律程序;此外,有內地法律專家建議,事主應聯絡港府駐內地辦事處求助,交由公安部門處理。


淫 擒事件發生後,Rose本週一晚(十一月二十一日)被師傅冼國林召回港報警,晚上抵達機場,由十多名武館師兄弟護送返家休息。翌日下午三時舉行記者會交代 事件,由經理人及律師陪同下開腔,一臉憔悴的Rose眼泛淚光,首先向擔心她的家人及師傅道歉,之後交代當晚慘遭陳浩民及馬德鐘上下其手後,竟未有即時離 開的原因:「佢(天明)醉咗先發生咁嘅事,嗰一刻唔知點算,佢兩位係前輩,又有幸褔家庭,佢哋一直當我細路女,冇諗過會變另一個人,當時我好驚好亂,希望 呢啲事唔好再發生。(點解當時唔即刻走?)因為當時反應唔到,我信任嘅天明又醉咗,人生路不熟,我唔知點走。(係咪一次過告兩個人?)呢個容後先再決定。 (對馬德鐘好似冇抗拒?)暫時唔回應,等處理好再交代。」Rose說罷突然沉默兩分鐘,才鼓起勇氣說:「其實我識咗佢哋之後,少咗戒心,我當時係有反 抗。」而陪同Rose的律師在記者會後補充:「而家仲未知係咪一次過告兩個,邊個係證人,邊個係被告都未知。」

猛人致電求情
據 了解,一直在微博辯稱又摷又啜只屬「好客」之道的陳浩民,直至得悉Rose會返港報警,才在微博認衰,自己一時貪玩,會向有關人等道歉。據知,陳浩民為求 甩身,積極搵勢力人士致電冼國林求情:「佢搵咗好多大人物幫佢拆呢件事,雖然好多都係圈中人,不過冼師傅(國林)依然好㷫,因為關乎個女仔嘅聲譽,唔係話 食一餐飯,飲杯茶就可以解決,所以到而家都冇覆佢。」本刊記者曾就事件追問Rose,對於有勢力人士介入拆彈,她默認:「係有人叫我收聲。」但其他細節內 容,則不願再透露。 至於同場另一色狼馬德鐘,則在事發後意圖置身事外,表示後悔未有及時制止陳浩民借醉非禮,至於對Rose又錫又攬,馬德鐘強調:「我見到佢唔開心,安慰佢 啫。」

天明教改口供
據了解,出事後第二日,陳嘉桓第一時間向洪天明哭訴,但卻遭最信賴的好朋友,教唆她講大話,將當日的慘痛經歷改為另一版本,企圖將大事化小。 「天明幫Rose度好晒,話浩民只係同佢玩,用嘴餵佢食羊鞭,唔係錫佢。其實嗰晚天明一早飲到醉晒,食串燒時成晚伏喺張枱瞓覺,但講到底佢都有責任,帶得個女仔出去,就要負責照顧人。」知情者說。 自知事態嚴重,大話無人信,天明亦改口風,表示當晚醉到不省人事,根本唔知女方俾人玩:「我嗰晚醉得好緊要,佢哋實際食過咩,有冇食過羊鞭都唔知,我明白睇到相嘅人,覺得佢哋好過分,但希望冼師傅肯原諒。」

浩民嫂臨盆落淚
兄 弟有難同當,但身為浩民嫂的蔣麗莎,臨盆在即,仍要扮無事,在微博支持老公,據了解,早在個多月前,蔣麗莎被安排入住在陳浩民跟前女友佘詩曼位於大坑的舊 愛巢,由於在港舉目無親,在內地拍戲的陳浩民只要有空檔,就會飛返香港陪老婆,上週三(十六日),他便約埋洪天明等老友跟蔣麗莎食飯,翌日再滾水淥腳飛返 內地開工。 一早擇定吉日在月底開刀,蔣麗莎已搵定陪月,準爸爸陳浩民亦計劃好收爐,陪老婆入院睇囡囡出世,據知蔣麗莎坐完月之後便會抱囡囡返家鄉,交由媽咪照顧,未 有打算在港定居。 「發生件事之後,佢喺朋友面前扮到好樂觀,仲話浩民平日都係咁,飲多兩杯就發癲,不過今次登晒啲相出嚟,都擔心老公形象會有影響。」知情者說。 本週一(十一月二十一日)淫狼事件曝光後,蔣麗莎三點離開屋企,記者將陳浩民淫辱Rose的相片遞給她看,蔣麗莎嚇得即時擰轉身並雙手合十,接着耷低頭, 待抹乾眼淚後才敢面對記者,但仍為陳浩民講好說話:「我相信老公,可能有人利用呢件事,或者係炒作新聞。(你覺得有人利用你老公?)我絕對相信老公。」之 後即登上的士走人。

微博道歉
一個係好色馬騮,另一個係色途老馬,陳浩民和馬德鐘出事後一直死撐,到最後責無旁貸要在微博再三認錯,可惜為時已晚,遭全國網民鬧爆,色字頭上一把刀,更有可能賠上演藝事業。 陳浩民死撐全國圍插 11月21日,Rose受辱經過全面曝光,陳浩民一概否認,更在微博死撐「好客累事,以後會謹言慎行,帶眼識人」,結果遭全國Fans插爆,急急於五小時內二度認錯,承認貪玩惹禍,向Rose和其師傅冼國林再三道歉。 馬德鐘捐款補鑊 11月22日,辯稱出於關心慰問,絕無出軌舉動的馬德鐘,在微博上與好兄弟劃清界線,並表示後悔未有及時制止浩民不當行為,之後親自向Rose的經理人解釋,尋求諒解。好色惹禍,馬德鐘「自插」因事件令社會不安,會效法冼師傅樂善好施之心,捐款東華回饋社會。

PermaLink: https://articles.zkiz.com/?id=29447

Next Page

ZKIZ Archives @ 2019