ZKIZ Archives


你個仔入邊間? 人在中環

http://manincentral.blogspot.com/2011/09/blog-post_27.html

我個仔其實仲好細,K1都未入。不過好多朋友都問我:「咁你諗住想個仔讀邊間?」

我以為佢地問我幼稚園想入邊間,原來唔係,佢地經已講緊小學。目光果然長遠,亦令我呢個「唔緊唔要」既家長感到有d慚愧。然而我亦理解點解佢地會咁問,事 實上,有部份既小學,你能唔入唔入到同你讀邊一間幼稚園有莫大既關係。咁小學同直屬中學既correlation更加不在話下,而入唔到好既中學又會影響 你入大學既機會…OKOK,我其實有d頭暈。

其中一個比較大路,而又成日俾朋友問既問題係:你想你個仔講傳統學樣抑或係國際學校?如果撇除左學費差距呢個因素,你會點揀?

我反問番問我呢個問題既朋友們,佢地既答案絕大部份都係「傳統」。理由呢?有朋友話唔想個仔唔識中文,所以唔諗國際。又有朋友話,讀「傳統」既話個仔/女 既根底會打得好d,又有朋友話,驚個仔會變左做鬼仔,所以堅決要揀「傳統」。emmm,to be more exact:係「傳統得黎有名果幾間」。

答我呢個答案既朋友,幾乎清一式都係傳統學校長大既。當中不乏我自己當年既中學同學仔。然而我當年響傳統學校既生活,其實過得唔係好開心。同我傾呢個問題 既朋友仔,我記憶所及有部份都同我一樣,經過一段唔係太過happy既校園生活。咁,點解你仲會想你個仔,讀番你以前間學校呢?

先旨聲明,我其實仲未諗過,個仔讀傳統學校好,還是讀international好,主要係因為懶。對於邊一個path會好d,我其實未有 preference。不過我其實有懷疑,呢班實牙實齒答我,話個仔「必定」要讀傳統學校 (最好仲係佢地自己當年讀過果間!),究竟係咪真係有做過research,又或者認真思考過,讀邊種學校先至對自己個仔比較有利?還是只係一d情意結?

我傾向覺得,我地做人父母既,都有一種不自覺既傾向,就係唔希望自己既下一代,響價值觀同生活上,跟我地自己有太大既deviation。正係呢一個原 因,傳統學校出身既朋友,響「有選擇」既情況之下,都傾向想自己既仔女讀番傳統,甚至跟自己當年讀同一間就更加好。然而時代不斷轉變,今時今日,即使你當 年讀既係名校,但「讀返自己以前果間」係咪就會保證得到,你既下一代響價值觀同生活上,唔會有好大出入?

我就覺得唔會囉。

*****

你要做邊行

我認識有d朋友,自細就被人不斷灌輸,大個要做乜乜職業物物職業。我地呢一代,響細個既時候,阿爸阿媽最鍾意灌輸比我地聽,叫我地去做醫生律師。我早排睇病既時候,同街口個醫生吹開水,佢話自細就俾佢老豆逼佢做醫生。如果做唔成醫生,怕且驚個老豆唔肯認自己做仔。

咁當我地呢一代人都做左父母,我地又會唔會不斷貫輸俾個仔/女聽,大個一定要入邊行?以今時今日香港既形勢,會唔會係金融?

凡事都有另一面。有人會不斷灌輸俾仔女要做邊行做乜工,但有人又會刻意強調,要俾仔女自由發揮,盡展所長,健康成長…(下刪一萬字)。講到個仔做乜都冇所 謂既時候,忽然有一年個仔同個老豆講,話想入娛樂圈做演員,個本來話「任個仔自由發展」既老豆當堂黑面,大鬧個仔發明星夢兼冇出息。

我個仔好細,有排都未去到呢d搵野做既皆段。不過自細灌輸俾個仔聽,大個要做邊行,應該唔會係我。唔係話自己冇preference,不過二十年後係乜野 世界,邊個會知?早幾個月睇電影《歲月神偷》時有一幕印象好深,對白大概係:戲入面做鞋匠既任達華,同佢大佬好感慨咁話:「當年我地老豆,叫我地學造鞋學 剪頭髮,包辦人一頭一腳 (佢大佬選擇左做理髮師),一定唔會餓死。時代唔同左,我地而家大家都冇得做。」

事實上,當年我地老豆口中既理想職業,醫生律師會計…其實社會地位同我地上一代既時間去比較,算係下滑左唔少。今天當旺既係金融,二十年後,香港,其實有冇可能已經唔係金融中心?

唔好講遠,十幾年前,IT疑似係香港最有前景既行業之一。今日香港既大機構要cut人,IT總係行先。時代不斷變,今日唔知聽日事,何況係個仔大左之後既事?

你個 個仔 仔入 入邊 邊間 人在 中環
PermaLink: https://articles.zkiz.com/?id=28017

劉小麗,唔該搵個CFA睇睇你個proposal先 中環客

來源: http://hkcitizensmedia.com/2016/08/29/%e5%8a%89%e5%b0%8f%e9%ba%97%ef%bc%8c%e5%94%94%e8%a9%b2%e6%90%b5%e5%80%8bcfa%e7%9d%87%e7%9d%87%e4%bd%a0%e5%80%8bproposal%e5%85%88/

九龍西冒起得好快嘅候選人劉小麗,關於全民退保言論激親有一位喺新加坡教緊書嘅學者,引發大筆戰。成棚劉小麗啲fans走去學者個page度開火,唔係個個就鍾意開片,特別新加坡啲大學有名係論文工廠,做research少一陣都教席不保,果位學者急急收番啲文,費時同劉小姐啲fans開片。只不過,由於佢嘅文傳得太勁,結果果位學者個page依家被人煩到抽筋。

我中環客連學者都唔係,只係個粗鄙,讀過嚇CFA課程嘅塘邊鶴。但劉小姐竟然可以吹到有百分之五回報,我相信連新加坡政府都想知道究竟劉小麗有乜絕招,做到新加坡中央積金局都做唔到嘅嘢。

新加坡中央公積金,係唔少人夢想嘅退休保障模型,新加坡嘅公積金,供組屋又得,俾醫療費又得,用嚟投資都得。新加坡中央公積金,係全部投資喺由新加坡政府包底嘅特別新加坡政府債券(SSGS)上面,由於新加坡立法規定必須平衡預算,所以新加坡政府債券所借唔可以用喺政府日常開支,而係必須用嚟投資上。呢筆錢,正係新加坡淡馬錫控股,以及政府投資公司(GIC)嘅資金來源。

新加坡淡馬錫控股,同埋政府投資公司,喺主權基金嚟講,算係做得唔錯。但新加坡依家中央公積金一般戶口嘅年淨回報都係3%,特別同醫療戶口,以及退休人士戶口,喺政府公帑加持下至做到5%,仲要自一九八五年以嚟,新加坡中央公積金年回報都未試過5%。

而新加坡政府喺公布中央公積金年回報果陣,係俾埋主要銀行一年定期利率,同埋十年期新加坡政府債券coupon rate你參考,而一般淨回報就係十年期新加坡政府債券coupon rate + 1%。唔好講到蒙地卡羅模擬呢啲數佬係小學雞嘢,但對大眾係火星文嘅嘢(雖然CFA實要考)。請問小麗老師,點推算出一個仲高過新加坡政府債券好多嘅回報率,唔怪得被人串係雷曼迷債喇。

用今年七月嘅香港政府十年機構債券投標結果,中環客更加唔知劉小麗筆數由石頭邊度爆出嚟。政府公報嘅結果係1.68%,就算學新加坡 +1%,都係2.68%咁大把。

所以我奉勸劉老師,提任何方案前,搵個CFA睇睇先。或者問問港島人力同樣姓劉嘅劉嘉鴻,至少佢真係做退休計劃呢行出身,中環客都唔多同意佢對退休保障問題嘅睇法,但劉生嘅睇法至少喺行內,未至於不被認同。

中環客

小麗 唔該 該搵 搵個 CFA 睇睇 睇你 你個 proposal 中環
PermaLink: https://articles.zkiz.com/?id=213303

利世民:我遺憾你個遺憾

1 : GS(14)@2012-06-09 15:33:08

http://www.sharpdaily.hk/article/fin/20120608/99318
歷時三年半,耗資近二千萬,成三百幾頁,立法會嘅所謂雷曼報告,就連最簡單嘅一個問題都答唔到:「咁點樣監管至先堵塞到個『漏洞』?」
立法會唔係法庭,調查唔係講證據,政治演員亦唔識財經同政策,一味為咗博出位;對呢個所謂調查,老早就唔應該有任何期望。不過,呢一次係一個好好嘅機會,畀我哋睇吓香港班政治演員,係乜嘢水平。
權力及特權法,原意並唔係畀政治演員用來公審佢哋眼中嘅人民公敵。立法會調查,結果應該係點樣去改善政策,同埋有乜立法需要。睇吓人哋Dodd-Frank啦!雖然我唔贊成Dodd-Frank,但至少有得講吓道理。港式政治演員淨係識搵人祭旗、要人頭落地,點講道理?
如果要有人為事件負責,點解唔譴責「以伯南克為首嘅美國聯儲局,未有及時放水拯救雷曼兄弟」?爆煲之前幾個星期,雷曼仍然有三條A,「評級機構未能及時因應風險,降低雷曼評級」,立法會點解唔表示極度憤怒?當時亦唔少財經媒體日日話冇事,「呢班人未能預見問題發生,散佈錯誤訊息」,立法會點解又唔表示失望?
政治演員,你哋老竇老母有冇教過「有早知,冇乞兒」呢個道理?呢份報告鼓勵「輸打贏要」,我對此表示極度遺憾!

利世民
專欄電郵:SharpHK.Simon@gmail.com
Facebook專頁:www.facebook.com/AppleSimon
2 : 鱷不群(1248)@2012-06-10 17:22:24

輸打贏要,中晒point
利世 世民 遺憾 你個
PermaLink: https://articles.zkiz.com/?id=279769

財仔吸血 警:佢都未姦你個女

1 : GS(14)@2012-08-21 14:54:47

未到絕境都唔會咁做啦
http://www.sharpdaily.hk/article ... 0%E5%80%8B%E5%A5%B3

李先生到財仔撲水應急,豈料借萬元僅得千元落袋。
【本報訊】吸血財仔無牌放債㩒住搶!有市民急撲水上門借貸,豈料錢未到手即被收取手續費,隨後到另一區收錢,再被徵收擔保人費用;結果借一萬元僅1,000元落袋。事主報警更遭冷待,聲稱有警員說:「佢都未強姦你個女!」
42歲李先生(化名)於今年5月,到「百利達財務按揭」觀塘辦公室借貸一萬元應急,惟職員先要他填寫家人資料,並即時收取600元手續費,再安排他到旺角金雞廣場一單位領取貸款。事主到上址後,發現公司名為「富高」;富高稱要收取1,000元手續費及5,000元擔保人費用。
被收多重手續費
「我梗係唔借啦,但佢哋話走都要畀1,000蚊!」李指當時有職員稱:「知我老婆同個女喺邊度做、我老媽子住邊度。」結果他被帶到另一單位的英倫財務,簽署借貸合約。富高職員其後隨事主到銀行提款,即場拿走6,000元,「我話3,400唔好意頭,對方僅退回400元」。
據李與英倫簽署的還款協議,貸款額一萬元,年利率46%,分20星期清還,每週還款500多元。本月初,百利達及富高遊說李再借一萬元,惟遭拒絕後,「職員講曬粗口,又打電話騷擾」,以事主欠供款為由,逼他支付2,200元追債費及遲還的600元,合共2,800元。

事主到旺角警署報案,但他引述一名當值警員竟說:「人哋講粗口啫,佢都未強姦你個女!一係你搵黑社會同佢哋傾啦。」李最後向老闆借錢,還款了事。警方發言人表示,會跟進事件,如發現有警務人員違規,定必嚴肅處理;該案已列作糾紛案處理。
2 : GS(14)@2012-08-21 15:30:26

http://hk.apple.nextmedia.com/news/art/20120821/16622330



【本報訊】《蘋果》調查發現,事件中三間公司,事主李先生都以為是財務公司,但查實三間公司都沒有放債人牌照。市民可在網上查閱財務公司的牌照。
根據《放債人條例》,任何人無牌經營放債人業務,即屬違法,可被罰款10萬元及監禁2年。
兩間轉介貸款的公司百利達及富高,商業登記皆為「財務按揭顧問公司」,但百利達廣告卻省去「顧問公司」四字,令李先生以為是財務公司。
至於正式貸出款項的英倫財務有限公司,於2010年曾成功獲得放債人牌照,但自2011年起,其續牌申請已被駁回。據公司註冊處紀錄,英倫至今未獲放債人牌照。
放債人牌照可網上查閱

本港財務公司可分兩大類,一類是受金管局監管的金融機構,屬於少數,名單列於金管局網頁( http://vpr.hkma.gov.hk/cgi-bin/vpr/index.pl)。另一類是持「放債人牌照」的公司,受警方和公司註冊處監管,名單每月更新上載「公司註冊處─放債人牌照」( http://www.cr.gov.hk/tc/public/moneylender.htm)網頁。
3 : GS(14)@2012-08-21 15:31:26

http://www.cr.gov.hk/en/public/docs/ml_list.pdf
可以自己查
財仔 仔吸 吸血 佢都 都未 未姦 姦你 你個 個女
PermaLink: https://articles.zkiz.com/?id=281129

嬲到拍枱黎明拍片出埋街:頂你個肺

1 : GS(14)@2016-07-13 05:15:46

一向都鍾意玩facebook,由拍片到開live都難佢唔到嘅黎明昨日upload咗條片,原來明蝠俠都唔係咁易做㗎!
Leon本身就想拍條片(影片連結: http://bit.ly/29AY8IL)同大家講聲端午節快樂,點知佢太開心喇,笑到成個人仰後,搞到佢個「變身app」追唔到佢,穿咗崩。頭一次佢都偷笑,不過之後佢就開始發脾氣喇……仲忍唔住爆咗句「頂你個肺」呀!嘩!黎天王算唔算「爆粗」呢?大家如果對粗口敏感或者會打冷顫嘅,記得唔好睇呀!其實佢都係想大家開心下明,祝大家端午節快樂啫!





來源: http://hk.apple.nextmedia.com/entertainment/art/20160713/19692458
嬲到 到拍 黎明 拍片 出埋 埋街 頂你 你個 個肺
PermaLink: https://articles.zkiz.com/?id=303554

【蘋果照相機】鼎...你個樣好尷尬

1 : GS(14)@2017-05-18 01:02:34

一張照片勝過千言萬語!攝影師每日以相機拍下千百萬張照片,將一些大家看似熟悉的東西,以用不同的觀點與角度,讓你重新細看。【蘋果照相機】為大家呈現新聞重要時刻,以細膩照片,分享鏡頭背後的甜酸苦樂。蘋果攝記fb:http://bit.ly/1OlyZxX




來源: http://hk.apple.nextmedia.com/news/art/20170517/20024221
蘋果 照相機 照相 你個 個樣 樣好 尷尬
PermaLink: https://articles.zkiz.com/?id=333080

捉住你個心墨西哥公司「讀心術」知你諗梗乜

1 : GS(14)@2018-01-07 15:45:11

啱啱上網睇完衫,呢頭就見到廣告有啱你心水嘅衫,點解咁神奇知你諗乜?其實市場調查公司配合科技,施展了「讀心術」!一家來自墨西哥的初創企業Synapbox總裁Cristina表示,現時市場調查公司已不再需要問消費者原因和作揣測,「就知你諗乜」。一般市場調查會做問卷和焦點小組(Focus group),而Synapbox就加上自家研發的技術和大數據平台,通過鏡頭幫助企業進行各項市場調查,實行「做你肚裡邊條蟲」。技術有超過100個面部感應位,只要幾秒程序掃瞄面孔就可以開始測試。在看廣告時,系統會每分每秒追蹤消費者表情反應,再配合Heat map(熱圖)功能,追蹤消費者的眼晴每一秒在看甚麼,瞬間讀懂表情變化的背後原因。測試可在世界各地進行,用電腦、手機、Ipad便可,消費者不會感覺到被追縱,有別於以往的市場調查方式。Cristina指每項調查可以超過100個人參與,收集所有數據後,只要2-5日就會有結果。香港本地成立的策劃公司Ztoa Group CEO Kenny表示,Synapbox可以令消費者不用說話就被讀懂背後原因,而這項技術涉及AI和要不斷儲存數據,才能夠令分析結果準確。他說以往收集數據靠人用問卷收集,而大數據時代已經不需要用人,做行為和情緒測試有即時反應,可能更實在,也較以往做樣本(Sampling)準確。現時面對龐大的客戶數據,市場對IT基礎的市場調查公司,需求顯然愈來愈大。



來源: https://hk.finance.appledaily.co ... e/20180105/20265224
捉住 你個 個心 墨西哥 公司 心術 知你 你諗 諗梗 梗乜
PermaLink: https://articles.zkiz.com/?id=346066

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019