ZKIZ Archives


【開心學嘢】跳K-pop讀書更專心 細路舉手爭住學

1 : GS(14)@2016-09-06 04:42:41

學跳K-pop舞的小朋友越來越多,他們在一個暑假舞蹈表演裏都跳出得似模似樣,好有韓星的格調!



好多家長以為子女鍾意K-pop只是愛娛樂或者發明星夢,睇得多會唔鍾意讀書,一班學跳K-pop舞一段時間的小朋友在一個暑假舞蹈表演裏都跳得似模似樣,好有韓星的格調!



郭太:「他學跳舞之後令他更有動力讀書,因為他喜歡跳舞,我就跟他說你安排好讀書,之後星期六日我就可以跟你去跳舞,他就會覺得如果唔努力,我不會給他報名學太多舞班。」郭俊廷(9歲):「有時(體育)老師會找我出來做示範,我們有分組的會選我做隊長。」余太:「本身我覺得她比較鬆散,但她喜歡跳舞之後就會回去練習,我覺得這是最好的,知道要出去表演就會回家自動練。」余一言(9歲):「因為有時好想郁但又不知道怎樣郁,所以就想學跳舞,讓我知道怎樣可以做些活潑點的動作。」許冠熹婆婆:「不會覺得是壞孩子活動,因為跳舞是運動的一種,既然是他的喜好,就給他去學習發揮。」許冠熹(12歲):「暑假就一星期跳六日左右,上學就一至五;以前鍾意跳舞但只是亂郁,現在知道了舞步,很有成功感。」這班小朋友都在藝人狄易達5年前開設的舞蹈學校Dance Kingdom學舞,導師施朗然(Moon Sir)指學童家長已經越來越接受街舞文化,「有些家長跟我說她女兒已經跳了六至七年某些傳統舞種,感覺女兒跳得很機械式,反而學街舞之後女兒隨時隨地聽到音樂,就能夠跳出自己的動作出來,令他們很有驚喜。」而且很多家長也因為小朋友多留意了K-pop文化,感覺「真係幾有型、原來有很多技巧、唔係打扮古靈精怪咁簡單」,跟子女拉近了距離。舞蹈學校創辦人狄易達就指,教學多年最大的成功感就是在跳舞的過程中看到同學找到自己,「好多人在香港生活、讀書,未必有很大的夢想、沒甚麼目標,也不會知道自己想做甚麼,但跳舞的時候卻就可以投入進去;他們再將這個方式或態度去處事,已經是很好的事。」小朋友學興趣班排到密密麻麻,當中有幾多係小朋友自己舉手話要學的呢?被迫接觸和主動吸收效果可以差天共地,值得家長們反思。
Dance Kingdom幼兒(3-5歲);兒童(6-11歲)舞蹈班:每堂$160體操班:每堂$200
facebook:DanceKingdom HK記者:容慧心攝影:周芝瑩


舞蹈學校Dance Kingdom狄易達指,教舞多年最大的成功感就是在跳舞的過程中看到同學找到自己。

10歲的姚子樂(左)和12歲的王日朗(右)是表兄弟,他們現在一起學locking。子樂:「我覺得我型了很多!」日朗:「我覺得我活潑了很多、好動了很多!」

(左起)8歲的周映藍、10歲的袁曉彤和9歲的馮彩嵐齊齊學hip hop。映藍:「好cool好好玩!」曉彤:「平時都好斯文,跳街舞之後就型咗好多!」彩嵐:「身手靈活了呀!」


9歲的郭俊廷學舞兩年,媽媽說他之前比較內儉,跟人說話頭會垂下,聲音也很小,但學跳舞後表演多了,跟人說話溝通也多了眼神接觸,所有事都大方自然很多。

12歲的許冠熹是個舞癡,暑假一星期跳六日,開學了也會一至五舞照跳,身邊的婆婆說全家人都非常支持他。

9歲的余一言學舞2年,媽媽讚她跳舞很越來越自動自覺,知道要出去表演會回去練習,不像往日鬆散。


舞蹈學校Dance Kingdom導師Moon Sir指學童家長已經越來越接受街舞文化。

狄易達和其他導師不時會舉辦不同活動讓學員有表演的機會。



來源: http://hk.apple.nextmedia.com/su ... t/20160905/19760096
開心 K-pop 讀書 專心 細路 舉手 爭住 住學
PermaLink: https://articles.zkiz.com/?id=307674

【有種運動】彈網唔係童軍跳彈床 滑水高手爭住學

1 : GS(14)@2017-10-09 03:10:01

跳彈床唔係彈下彈下咁簡單,好多滑雪愛好者同埋專業滑水高手都會學埋一份。



跳彈床彈下彈下有乜好玩?唔講唔知原來滑雪愛好者以至專業滑水高手都學跳彈床,你又知唔知道點解呢?


跳彈床體能要求高及全面,而且需要非常大嘅專注力。

黃sir(Christopher)係前彈網港隊成員,80年代曾代表香港參加多項國際賽事。黃sir教咗彈網20幾年,除咗教中小學以至大專院校,黃sir亦都會擔任彈網裁判及評述員。四年前更成立香港彈網理念協會,目的係想推廣彈網運動至唔同層面,令更多人認識及了解呢項運動。跳彈床體能要求高及全面,而且需要非常大嘅專注力。學跳彈床首先要學識點跌,而最大難度係要衝破心理關口,因為如果你膽怯身體未能好好放鬆,就好可能唔能夠喺空中順利完全整個動作。



跳彈床需要練習基本及連貫動作。基本動作講求完美度,當基本動作做好咗之後就可以練習連貫動作,例如空翻接空翻再轉體等。雖然彈網運動喺香港比較少人玩,不過原來滑水滑雪愛好者都跟黃sir學跳彈床。黃sir認為因為滑板同個浪撞擊所產生嘅彈跳力同跳彈床非常相似,所以如果先喺彈床上學好空中動作,然後再喺水上練習咁就會事半功倍。因此如果一種運動有騰空嘅動作,學跳彈床可以令到練習更安全,而且更容易達到理想嘅效果。黃sir話教咗咁多年跳彈床最大得著係見到啲學生成長同埋令到佢哋喜愛呢一種運動。曾經有一年黃sir帶同60幾個學生參與農歷年花車巡遊表演,能夠將60幾個來自不同學校嘅學生聚埋一齊好專注咁完成呢項表演令黃sir畢生難忘。80年代香港彈網運動員喺國際比賽嘅成績其實都唔錯,黃sir希望佢嘅學生將來可以有機會代表香港出賽,同時可以令更多人留意同有機會接觸呢項運動。採訪:Wing@有種運動製片:Penn@有種運動攝影:Penny@有種運動剪片:Karen@有種運動混音:Nile@有種運動2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20171004/20171781
有種 運動 彈網 網唔 唔係 童軍 跳彈 彈床 滑水 高手 爭住 住學
PermaLink: https://articles.zkiz.com/?id=342038

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019