ZKIZ Archives


八方相當年:留學電「洛琳頭」扮型黃金盛女譚香文 回味鬼仔約去街

1 : GS(14)@2017-04-12 07:32:56

■當年21歲嘅譚香文想「展開事業」,所以電咗洛琳頭。





女士若然未婚就從政,好多時從此孑然一身,59歲嘅黃大仙區議員譚香文(Mandy)似乎好有感受,自爆當年喺英國讀書仲有少少「艷遇」,畢業後卻幾乎「乏人問津」,笑稱:「從政真係死多幾錢重,好容易浪費青春,盛女(從政)一定要三思呀,哈哈~」Mandy有八兄弟姊妹,佢排第3,何文田木屋區呱呱墮地,「所以叫『香文』,紀念喺香港何文田出世」,後嚟木屋大火而遷入紅磡東頭邨徙置大廈。佢自稱係奀皮妹,小學試過俾老師罰坐無影凳,但亦做過風紀隊長。中一至中五讀文理書院,中六同中七就讀基督教女青年會丘佐榮中學;考唔到港大,去母校文理書院教書,年半儲夠錢就赴笈海外,英國密德薩斯大學文學士畢業後喺會計界打滾,其後仲從政。



■譚香文遊長城時獲老外行注目禮。受訪者提供圖片

專心學業失良緣

咪以為Mandy一直短頭髮,那些年都係長髮女,赴英時趁電視劇《家變》旋風捲咗個汪明荃飾演嘅「洛琳頭」,「我都要展開事業、要獨立專業吖嘛,咪跟住嚟整扮型囉」,想當年約21歲,趣趣緻有冇人吼?佢自爆有個鬼仔同學約佢去街但佢冇應邀,「嗰時可以去到外國讀書喎,梗係要專心讀啦,哈哈哈……」齋回味都笑到gap gap聲,有冇後悔錯失良緣?「佢之後搵到女朋友,仲話畀我聽㖭呀……(即係話你走寶?)可能係想話我為咗讀書,有好多風景錯失咗囉……」李八方




來源: http://hk.apple.nextmedia.com/news/art/20170411/19986852
八方 當年 留學 洛琳 琳頭 扮型 黃金 盛女 女譚 譚香 香文 回味 鬼仔 仔約 約去 去街
PermaLink: https://articles.zkiz.com/?id=330040


ZKIZ Archives @ 2019