ZKIZ Archives


李小加叫人試A餐

2014-09-25  NM
 
 

 

今年十月除咗有佔中,仲有滬港通。小宗聽聞滬港通將於十月中開車,近排港交所就同班經紀演習咗N次。早兩晚,港交所搞嘅「滬港通投資者教育講座」舉行第一場,港交所行政總裁李小加現身支持,仲笑晒口打咗個比喻。佢話自家出品嘅H股未必好食,但保證乾淨,出咗問題要負責,但A股呢,就係賣對面餐館嘅餸菜,唔係自家出品,出咗問題當然「零負責」啦!李小加擺到明「有鑊唔孭」,小宗啲證券界老友,當堂聽到O晒嘴!

而家已有好多華資證券商狂呻,呢個「滬港通遊戲」去到咁大,無得唔玩埋一份。但陪玩嗎?如果A股出事班客詐晒型,佢哋只能硬食,無得向上反映。證券商呢幾個月已成日問港交所,究竟證券商有咩具體風險及權責,但對方闊佬懶理,答唔出。或者好似李小加呼籲大家咁,無乜嘢做,咪隨便買一千股A股,感受吓大陸股市操作先囉。嗱,不過後果自負呀!

貼金 vs 擦鞋

喺中環,無邊間夠文華酒店頂樓間文華廳「寸」,淨係週六、日至有點心食,仲過百蚊一碟,夠喺地踎酒樓食一餐;週六去過踩場,睇吓佢寸定我寸。點咗幾個點心,四粒蝦餃皇$90;兩粒蜂巢鮑魚盒$107,一盅燕窩雞豆花,私人帶咗一樽日本嚟嘅「金箔」,city'super貨色,四嚿幾水;呢排日圓貶值抵玩呀,等我即席表演咩叫做「貼金」,搵牙籤撩丁點金箔鋪喺蝦餃、鮑魚盒個面,啲貴氣出晒嚟,咁搞一搞,碟點心賣貴一百幾十都得呀!其實以前幫襯文華地下間coffee shop食早餐多啲,特別係溫哥華坐完飛機返香港有jet lag,朝早等如嗰邊晚黑,坐低食個早餐時,有碗粥落肚,好似食晚飯咁;周不時見到啲老細約埋下屬晨早八點食power breakfast(即係工作早餐會,通常有重要決策),遲到者負責找數,九點啲友就散水返公司做嘢。以前文華門口有個殘障嘅擦鞋佬,咪睇佢又殘廢又擦鞋,條友好鬼有霸氣,擦鞋由佢開價o架,見你行完地盤沙塵滾滾又話要貴啲,著去飲嘅鞋啲皮靚啲,都係要收貴啲。佢仲好少出聲o架,用個鞋刷喺木箱上敲吓「dot dot」,客仔自動提上另一隻腳;朝早文華有專人同佢搬個木箱出去俾佢搵食,夜晚幫佢收返嚟,抵佢招積喎,無法,全條街得佢一檔,所以話擦鞋佬有本事,佢霸到個有利位置,喺佢個行業都可以彈起做number 1,又唔見踎喺皇后戲院班擦鞋仔去到?從呢個殘障擦鞋佬身上,我學到嘢o架,特別係俾老豆鬧到頭耷耷嗰陣!

中環寸嘴

工廈大王楊耀松大仔,家族的收租物業,遍布港九,屬正牌收租公。自認寸得起,謂「有我咁得閒,無我咁有錢;有我咁有錢,又無我咁得閒」,經常流連富豪飯堂品嘗美食,仲喜歡到新開食肆「踢竇」試新菜。

陳啟宗阿媽至高權威

朗尼.陳啟宗呢輪捐錢捐上癮,半個月前,以「晨興基金會」之名捐咗三億五美金俾哈佛,支持其公共衞生學院發展;到上星期,佢又同老婆捐兩千萬美金,俾南加州大學嘅職能科學與職能治療學部。雖然金額比捐哈佛少,但已係該學部最大筆捐款,所以同樣有得冠名。上次用咗阿爸陳曾熙個名,今次輪到阿媽啦!朗尼陳阿媽譚慶芬,今年已九十幾歲,朗尼陳話想藉冠名向做過多年護士嘅阿媽致敬!睇個冠名係「Mrs. T.H. Chan」,即係陳曾熙夫人,無用到「陳譚慶芬」呢個名,貫徹老人家「嫁夫隨夫」嘅精神。其實恒隆系由陳氏嘅信託基金持有,而陳老太就係信託成立人,由佢「話事」增持減持;佢同新地郭老太一樣,揸住把「尚方寶劍」,單係恒隆地產(101),市值已一千億元。原來陳老太先係揸弗人,失敬!

本週暴戰

李小 小加 加叫 叫人 人試
PermaLink: https://articles.zkiz.com/?id=113161

【巨衣店】肥人試衫要踎要轉圈 240磅老闆:唔做地舖免尷尬

1 : GS(14)@2017-06-10 12:56:17

吳約翰(John,圖右)於2007年開設巨型便服專門店,現時月賺十餘萬元。



街上服飾店林立,正常身形的人要買件稱心的衣服,隨便在商場逛逛便有收穫,但對於身形龐大的肥人而言,卻是另一回事。今年44歲的吳約翰(John),十年前開設巨型服裝專門店,扎根葵興,其後在觀塘區再設一間分店,清一色只售供肥仔肥佬穿的超大碼潮服。



看着240磅的John,自然聯想到搞這門生意與他個人的需要有關,他笑言自己是山東人,身形高大在所難免,但變肥卻是投入社會工作後的事,「小時候沒這麼肥,只是出來工作後,香港地工作忙,連僅餘有機會運動的體育課都沒了,慢慢就越來越肥。」他做過酒店,也跟兄長一同做過成衣原材料入口生意,開店的契機,源自一次去日本的見聞。「十年前有段時間我經常要去日本,有次看到一條某大牌子的42吋牛仔褲,這是從來都沒有在香港見過的。」他忽發奇想,與當時還是女朋友的妻子,買了大量巨型衣物回港,發現當時的香港還未有人專售有品牌和優質巨型時裝,便應朋友的建議開始試賣,葵興店亦應運而生。回想十年前剛開業面對的問題,他坦言首當其衝的是經驗,因為是香港首家專門店,沒有借鏡可參考,整個巨型服裝店的運作模式都靠自己一手一腳摸索而來,就連貨源也得自己鋪橋搭路。加上香港寸金尺土,租金高昂也是一大問題,幸得兄長願意借出工廈內部份寫字樓空間,他的舖頭才能順利開張。



在工廠區開樓上舖,全因租金較便宜、地方較大,最重要是客人有足夠私隱。

葵涌店店面由寫字樓改建而成,面積不大,但仍見寬敞。

葵興總店與觀塘分店都是於工業區的樓上舖,John坦言租金問題只要其次,更重要的是考慮到肥人購物時的感受和需要。正常身形的人買衣服可以隨手拿上身拼拼,但肥人買衣服,會希望可以伸展一下,試試坐着、蹲一下、轉個圈,確保衣物合身,需要的空間自然較多。他說:「就算我很有錢,可以在銅鑼灣開地舖,我都不會這樣做,因為你可以想像到,當肥人在入面挑衣服,出面可能有正常身形的人指指點點,會令到我們覺得尷尬。」讓客人可以放心挑選心頭好是他的宗旨,私隱度高的樓上舖就順理成章成為他物色開舖位置的不二之選。雖然樓上舖的人流一定不及地舖,但John卻指一個月純利最少可達十餘萬,因為已經開業十年,累積不少翻頭客,「不只香港,就算是亞洲其他地區的肥人,很多都認識我、認識我公司、認識我舖頭,他們有時還會特地乘飛機來買衣服,或者來港時順道上來購物。」加上發展了網購平台,生意越做越好,不愁拍烏蠅無飯開。



店內有不同巨型擺設,配合店舖主題。

除了衣服、褲子、帽子外,就連內褲都一樣有售。

到過葵涌廣場、旺角中心等商場,一定會見過不少專售加大碼服裝的店舖,不過John就強調這些店舖並非他的競爭對手,「他們賣的跟我們不一樣,出面就算有XXL或XXXL的衣物,都是從國內購物網站購得,而我們的則是日本優質貨。」他指,曾試過有客人在自己的店舖光顧後,認為巨型服裝有市場,遂自立門戶,最初也會賣有品牌的日本貨,但很快便覺得利潤不多,久而久之賣回沒有品牌的大陸貨色,「你一去淘寶網入貨,或者一賣質量低貨品,我就不覺得你是我的競爭者。」
John認為衣着對提升任何人的自信都有幫助,包括肥人。對他而言,「肥」絕對是件正面的事,「肥人比較大方、不介意小節、不會很小器。小器又怎樣做肥人呢?你谷吓谷吓已經瘦了吧,哈哈!」對於肥人衣物配襯,他同意深色衣服有顯瘦效果,但自己卻更愛白色衣服,「要視乎天氣,例如夏天穿深色的,衣服容易濕透,別人看上去就更覺你肥胖;白色看上去會較好看,但當然要自己企理一點,慎防食物醬汁沾污。」他認為,顯瘦不是穿衣重點,最重要是透過配襯,襯出一套能夠代表自己的衣服。



店內最大的牛仔褲腰圍達60吋,John坦言要購入這尺寸褲子的客人不多,留在店內是以備不時之需。

肥人一樣可以潮,款式花紋與一般尺碼的衣物無異,既可花巧,亦可樸實。

XSXXL.COM葵興店:葵興葵昌路40-52號葵昌中心9樓913室觀塘店:觀塘開源道55號開聯工業中心A座11樓1107室記者:李煒汯攝影:劉永發2017果籽繼續認真知味。識買惜用。行以求知。好事多為。重修舊好。緊貼果籽報道,即like:http://fb.me/AS.AppleDaily




來源: http://hk.apple.nextmedia.com/su ... t/20170607/20046888
巨衣 衣店 肥人 人試 試衫 衫要 轉圈 240 老闆 唔做 做地 地舖 舖免 尷尬
PermaLink: https://articles.zkiz.com/?id=334880

【人人試iPhoneX】旺角擺檔畀人試 分析員:早一晚都值畀多$3000

1 : GS(14)@2017-11-05 17:38:09

Gadget Guy喺旺角街頭擺好檔等大家試機!

呢兩日不停睇住iPhone X試機片嘅你應該蠢蠢欲動了吧!2/112pm未夠,喺iPhone X還未出貨之時,「人人試玩iPhone X」專車已經落到旺角西洋菜街銀行中心附近,幾位Gadget Guy就地擺檔準備畀大家一齊試玩iPhone X,先達分析員亦Simon亦有到場,一摸上手表示手感唔錯,評分都有7.5-8分,咁又覺得值唔值炒價萬幾蚊呢?


「睇下有幾心急,蘋果好多fans的,有啲fans可能會覺得早一晚都值$3000。」另一位分析員阿基同場表示,今日收機價已開始跌,因傳聞內地貨量不少,唔想收香港機。另外大家同樣關心的是,如果唔小心跌爆芒,iPhone X換芒會唔會好貴呢?阿基估計,首個月換芒的話費用大約要$3000,玻璃機背也要$1500。睇嚟大家真係要小心拎實部機嘞!記者:韓繼聰、朱崇德、司徒港燊



來源: https://hk.lifestyle.appledaily. ... e/20171103/20202621
人人 iPhoneX 旺角 擺檔 檔畀 畀人 人試 分析員 分析 早一 一晚 晚都 都值 值畀 畀多 3000
PermaLink: https://articles.zkiz.com/?id=343843

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019