中環在線：六福黃偉常錫女多過仔 李華華
2008-09-04 AppleDaily
上市公司老闆委任仔女入董事局，吸收經驗為接棒鋪路好正常，六福（590）噚日發出通告，公佈委任集團行政總裁兼執董黃偉常嘅兩個仔女──黃浩龍同黃蘭詩做執董，兩人嘅董事袍金每年為5.5萬蚊。
細妹人工贏阿哥
黃 偉常嘅公子黃浩龍，今年31歲，早喺02年加入六福，佢現時係集團營運經理，主要負責六福嘅海外分店，公司新形象同新店嘅設計，都由佢一手打造，相信係希 望令公司年輕化，吸引多啲後生仔。家陣黃浩龍緊32.9萬銀年薪。黃蘭詩就喺黃浩龍細妹，今年28歲，喺楓葉國多倫多大學畢業，擁有商學士學位，亦係美 國註冊執業會計師。黃蘭詩06年加入六福，主要負責六福業務策略同市場推廣。華華唔知黃蘭詩係咪黃偉常細女，點解咁諗，因為零舍錫佢囉，黃蘭詩加入兩年幾 就升做六福執董，兼且人工又高過做咗六年嘅阿哥6萬蚊，一年收38.9萬。不過，做阿哥黃浩龍嘅應該唔會計較，一家人嘛。