ZKIZ Archives


友邦懶理孤兒單 經紀亂開新單搶佣

2010-10-14  Nm




近來保險業界頻現挖角潮,經紀流 失率高達三成,令孤兒單不斷湧現。專家表示平均十張保單,便有一張為孤兒單。而接手孤兒單的保險經紀,往往嫌佣金太少懶得跟進,又或游說客人開新單賺佣。

有讀者成為友邦的孤兒客後,被新經紀落足嘴頭游說他開新單,事主最終蒙受金錢損失,向友邦投訴,公司卻一味卸膊。

○五年,蔡先生在友邦買下具儲蓄成分的人壽危疾保單,年供七千多元,供款期為二十年,供滿以後可以領回本金。五年來,他已供了四萬元,現金價值及紅利累積 為八千元。

今年一月,蔡先生收到友邦經紀羅錦烽的電話,指一直跟開蔡先生保單的經紀已離職,由他負責接手,他藉口為更新客人資料,相約蔡先生見面。甫見面,羅即拿出 大堆新產品單張,不斷落足嘴頭游說他開新單。

「我講明有經濟問題,唔想開新單,佢就好含糊話只係喺我張單度加多少少嘢,包埋男性疾病保障。」蔡先生誤以為保單稍稍「升呢」,認為自己有能力年供一萬元 新保費,遂答應付款。其間羅錦烽又叮囑蔡先生要多付一年舊年費,事主不解,問對方為何加保後仍要供舊年費。羅錦烽氹事主,謂新保障要一年後才生效,續供舊 年費可確保在等候期間得到保障,事主不虞有詐。

八月中,蔡先生閒來認真翻閱保單條款,赫然發現中計。羅錦烽並非幫他將舊單升呢,而是另開一張性質相同的新保單,需供十八年。兩份單的年費合共一萬七千 元,往後亦須同時供款,若斷供舊單,之前儲落的八千元便渣都無。他質問羅錦烽,對方即刻變臉,一口咬定已說明其實是兩份保單,事主誤會了亦愛莫能助。

蔡先生遂向友邦投訴,要求取消新單並索回保費。友邦調查後回信亦承認,事主曾向經紀表明無意供兩份單,但因冷靜期已過,拒絕取消保單,實行新舊單照收錢, 「個經紀叫我買兩份相同嘅嘢,友邦都唔跟進處分經紀,真係好離譜!」蔡先生氣憤難平。

跟進迴避問題

記者致電質問羅錦烽,為何替事主開兩份同性質的保單,羅口窒窒找理由,「我想佢有雙重保障囉!」記者追問事主早已清楚表明不欲開新單,他則支吾以對,未有 正面回應。

專家話新單有十倍佣金

事實上,孤兒單佣金微薄,不少經紀都嫌「無肉食」。國際專業保險諮詢協會羅少雄解釋,「開單頭一年經紀可分五成佣,到第二年少於兩成,五年之後已經少到無 咁滯,但開新單就可以分五成佣!」

以蔡先生個案為例,羅錦烽接手舊單,一年最多得五百元佣金,但如果開新單,首年已可賺約五千元,利潤是十倍。「其實個個經紀都想開新單,但一定要同個客解 釋清楚,唔可以呃人!」羅少雄說。

變招免被查

雖然新單佣金和味,但行內人說,公司一旦發現經紀游說客人轉保,經紀不但無佣分,更要接受內部調查。為了防止經紀違規,現時保險公司規定,客人斷供舊單轉 買新單時,需要填寫客戶保障聲明書,並要經公司批核。

惟這規條也有漏洞,只要客人買新單一年後才斷舊單,經紀便可相安無事,佣金袋袋平安。亞太區壽險總會前會長黃錦輝指出,「好多經紀會游說客人新舊單一齊 供,又或者一年後先斷供舊單,咁就毋須填寫證明書,公司好難察覺。」故此羅錦烽才騙事主新保單要一年後才生效,着他續供舊保單。事實上,保單生效日期最長 只是三個月,不會有一年這麼久。

友邦要負責任

友邦在回覆事主的信件中,已承認蔡先生講明不想開兩份單,惟仍不願跟進。黃錦輝批評友邦明知事主無辜仍闊佬懶理,處理投訴草草了事,擺明偏幫自己人,「公 司有好大責任查清楚經紀有無隱瞞,向客人推銷產品。要查吓涉事經紀過去有無同類投訴。」他又呼籲客人不要盡信經紀,「同經紀幾好朋友,都要睇真啲條款先好 簽。」

回應退保補鑊

本刊將蔡先生的個案轉介至友邦,友邦繼續口硬,死撐經紀無錯,但又轉軚指事件純屬誤會,答應取消新保單及退回保費一萬元。(周潔媚)

壹判官

保險經紀誘騙客人開新單,固然可恥,事主亦應了解新單內容才好簽,否則只會重蹈覆轍中招。

評分:劣劣劣劣

(五個劣為最嚴重)


友邦 懶理 孤兒 經紀 亂開 開新 新單 單搶 搶傭
PermaLink: https://articles.zkiz.com/?id=18606

電視風雲 - 王奇雲偶像劇咪亂開 (2013年07月08日)

1 : GS(14)@2013-07-09 09:18:41

http://www.am730.com.hk/article.php?article=162281&d=2096
【am730專欄】近來女朋友追看台劇《真心請按兩次鈴》,每晚都喺平板電腦上面逐集追,我身為大男人一件,當然無興趣睇呢亭軟淋淋嘅偶像劇,不過有時候見佢睇得入迷,都會伸個頭過去裝下,睇下究竟有咩嘢法寶?可以連行家都吸引追看,果然,睇咗我都唔明,又係兩男爭一女扮情深古仔,成集瑣瑣碎碎,除咗畫面的確幾靚之外,真係揾唔到追看嘅原因。
台灣近年生產大量偶像劇,一時無兩,差不多「偶像劇」成為台劇嘅代號,但係響2012年,「偶像劇之母」柴智屏決定解散旗下專拍偶像劇嘅公司,全身退出戲劇市場,十二年前佢拍攝嗰套《流星花園》,一舉捧紅F4,紅遍中港台,帶動偶像劇熱潮,正好代表台灣偶像劇泡沫化情況嚴重,除咗玩呢味男女愛情故事,似乎搵唔到咩嘢出路。近年加上各家電視台刻意標榜自家品牌,不過重複鬆散的劇情結構,水分十足,以及的爛尾和老土,多數難逃收視低迷命運,《華麗的挑戰》同《國民英雄》就係例子。
咁香港可唔可以拍偶像劇呢?我話千祈唔好!好簡單,大家睇下日劇近年嘅題材,連「純愛」系都放棄,台灣方面又太濫,韓劇供應又太多,如果香港仲開呢啲戲,只有死路一條!而且香港男女喺亞洲裡面最無愛情feel嘅人,一個二個認錢唔認人,又點會相信周圍會發生一啲咁哀怨纏綿嘅故事呢?仲有,香港真係有「偶像」咩?唔好玩啦!叫做紅少少嘅,個個三十幾歲,仲嚟扮青春?愛到生生死死?邊度有人信呢?我勸電視台老闆,不如拍多幾套鬼片好過!至多得泰國同你爭!
(逢周一至五刊載)
電視 風雲 王奇 奇雲 偶像劇 偶像 咪亂 亂開 2013 07 08
PermaLink: https://articles.zkiz.com/?id=283255

網版WhatsApp有漏洞電子名片咪亂開

1 : GS(14)@2015-09-11 07:50:26

美國一間電腦保安公司發現,通訊軟件WhatsApp的網絡版出現保安漏洞,令黑客植入惡意程式,騎劫電腦。
Check Point指出,黑客會向用戶發送隱藏惡意程式的電子名片檔案(virtual business card,vCard),用戶打開即中招,讓黑客騎劫電腦或竊取資料。
Check Point表示,上月已將漏洞通知WhatsApp,Whatsapp一周後發放修補了的更新版。Check Point呼籲WhatsApp用戶確保使用最新版本WhatsApp。法新社/英國《太陽報》





來源: http://hk.apple.nextmedia.com/international/art/20150911/19291189
網版 WhatsApp 漏洞 電子 名片 咪亂 亂開
PermaLink: https://articles.zkiz.com/?id=292167

股票掌故 | 香港股票資訊 | 神州股票資訊 | 台股資訊 | 博客好文 | 文庫舊文 | 香港股票資訊 | 第一財經 | 微信公眾號 | Webb哥點將錄 | 港股專區 | 股海挪亞方舟 | 動漫遊戲音樂 | 好歌 | 動漫綜合 | RealBlog | 測試 | 強國 | 潮流潮物 [Fashion board] | 龍鳳大茶樓 | 文章保管庫 | 財經人物 | 智慧 | 世界之大,無奇不有 | 創業 | 股壇維基研發區 | 英文 | 財經書籍 | 期權期指輪天地 | 郊遊遠足 | 站務 | 飲食 | 國際經濟 | 上市公司新聞 | 美股專區 | 書藉及文章分享區 | 娛樂廣場 | 波馬風雲 | 政治民生區 | 財經專業機構 | 識飲色食 | 即市討論區 | 股票專業討論區 | 全球政治經濟社會區 | 建築 | I.T. | 馬後砲膠區之圖表 | 打工仔 | 蘋果專欄 | 雨傘革命 | Louis 先生投資時事分享區 | 地產 |
ZKIZ Archives @ 2019