【出力打】全球最快一秒三下 去奈良睇喪揼麻糬騷
1 :
GS(14)@2016-06-21 07:39:29艾草紅豆麻糬（一盒5個） 650日圓
啪啪啪啪！撞擊聲此起彼落，中間仲夾雜住兩個人嘅叫喊聲，唔通係……
嗱，你咪心邪啊，呢啲聲係嚟自日本奈良菓子店中谷堂，嗰度每日都會不定時上演麻糬騷，兩位職人會一人揸槌喪揼、一人用手翻動米糰，你進我退、你來我往，睇到人眼都花。點解要咁做？因為麻糬（即日式糯米糍）嘅主要材料係糯米，蒸熟之後要反覆搓打，整出嚟先會Q、彈、軟、糯。中谷堂嘅巴弊之處就係，負責用手打嘅嗰位職人，亦即係老闆中谷充男先生，曾經上過日本電視節目《SASUKE》露兩手，仲被譽為最快手嘅麻糬職人。有幾快？佢本人就話每秒三下！咪同我講其實唔難吖！不過打邊爐最緊要個爐，麻糬都要好食先得。呢度嘅麻糬加咗艾草，食落有啖啖香氣，中間包住大大粒嘅十勝紅豆，外面就撲上日本黃豆粉，一盒5粒賣650日圓，真係睇後又食得！下次去奈良，除咗餵鹿仔、行神社、食布丁，記得去碰吓運氣，欣賞一場真人快打騷啦！資料來源：ANA、EATER記者：陳國棟
老闆中谷充男先生（右二）被譽為最快手嘅麻糬職人。
中谷先生2010年上過日本電視節目《SASUKE》表演絕技。
艾草糯米糰包住香甜嘅十勝紅豆，真係諗起都想食。
好多遊客都慕名去睇表演兼幫襯。
來源:
http://hk.apple.nextmedia.com/su ... t/20160621/19662513
【真人試着】日本豐胸背心一秒變警鐘胸？男人着都work！
1 :
GS(14)@2017-06-10 12:41:32日本洗版創意之作──視覺豐胸背心，效果誇張。
英國《鏡報》早前報道，日本一件產品幫你免開刀豐胸。說的是這件神奇背心，日本amazon都有售，我們就馬上買件試真身。
這件豐胸背心有大中小尺碼，售價約190港元，都頗貴。原理是透過格子圖案的大小，塑造上圍撐開背心的錯覺，到底實物上身是否有效？【正常尺碼：Work!】找來上圍屬正常尺碼女記者實試，穿起普通黑色背心，沒很大睇頭是正常效果。換上視覺豐胸背心，馬上升級，有效！【豐滿身形：更Work!】我們再用厚墊胸圍和缽仔糕，模仿上圍很睇頭的女生，測試穿效果會否更大。果然豐胸的視覺效果更誇張，簡直有逼爆螢幕的感覺！【男生試穿：都Work!】想不到連男生穿也有升級效果，Steve馬上擁有42吋胸肌，效果誇張！
視覚大胸燑背心約190港元
【正常尺碼：Work!】換上視覺豐胸背心，馬上升級，有效！
【試後感】測試員Sa：「我覺得這件衫上鏡效果很澎湃，但真人看十秒大家會否頭暈？這件衫要$190我不會買，$190我不如買個push up胸圍，還可穿其他衣服，這件衫設計很怪。」測試員Steve：「正面看誇張很多，特別透過鏡頭更強勁到凸出來般，不過側面看就變回正常。加上設計奇怪，應該不會有女生穿出街。」其實胸大都不一定美，還是自自然然最順眼，買來朋友派對玩玩就適合。
【豐滿身形：更Work!】上圍很睇頭的女生，簡直有逼爆mon的感覺！
【男生試穿：都Work!】男生也有升級效果，Steve馬上擁有42吋胸肌！
記者：羅祖兒攝影：王國輝2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170606/20045562