愛情當入樽！鍾欣潼戀強國董事？
1 :
GS(14)@2017-03-22 00:47:15眼看你控球再上籃…穿針一刻竟睜不開眼…球場裡追逐…從來沒有人…這麼耀眼……呢次阿嬌真係愛情當入樽喇!!!36歲鍾欣潼(阿嬌)自從爆出同陳冠希嘅戀情後，阿嬌一個去咗大陸發展，甚少聽到阿嬌傳出緋聞。咁之前陳冠希認戀秦舒培，仲有傳佢今年4月就做老竇，舊愛小嬌嬌都好似有著落。不過昨日有大陸報道，稱阿嬌去睇大陸富二代兼上海奮榮投資公司董事長秦奮打籃球，成程猶如小粉絲做「拉拉隊打氣」，睇實佢個「最佳射球機」，喺片中見阿嬌同秦奮有講有笑，笑得幾甜蜜，仲不時眉來眼去。秦奮落場打波嗰陣，阿嬌仲望實對方，坐喺場邊位置默默支持對方，相處自然。話晒呢個大陸富二代秦奮去年7月已經同阿嬌傳過緋聞，當時阿嬌喺微博po出二人合照，祝對方生日快樂，隨後阿嬌否認戀情，發晦氣話「你們可以去當編劇去了，那我以後甚麼都不發好了」。不過去年傳過秦奮同大陸網絡紅人「喜哥」嘅合照。而且以前啲緋聞女友都成日去睇秦奮打籃球。未知係唔係男方已經換咗畫，所以阿嬌先被大陸傳媒影到佢高調睇男方球賽，晒女友身份!?《蘋果》就問過Mani，呢個係唔係阿嬌嘅新歡，佢就以短訊回應：「只是朋友呢。」而問Sa知唔知嬌拍拖？有冇見過秦奮？Sa就話：「朋友。」
來源:
http://hk.apple.nextmedia.com/entertainment/art/20170321/19965299
若為了金錢 自由與愛情皆可拋 周顯
1 :
GS(14)@2017-04-10 03:19:22http://eastweek.my-magazine.me/main/64954
詩人Petöfi Sándor（1823-1849）是奧地利帝國治下的匈牙利裔人，是文藝青年，獨立運動分子，在與奧軍戰鬥時身亡。他創作了多篇詩作，其中中國人最熟悉的，莫過於由英年早逝的共黨詩人殷夫（1910-1931）翻譯的《自由與愛情》﹕「生命誠可貴，愛情價更高，若為自由故，二者皆可拋。」（Liberty and love/These two I must have./For my love I’ll sacrifice/My life./For liberty I’ll sacrifice/My love.）
查實詩中的「自由」，並非個人自由，而是民族自主，因而它使用的是宏觀的「Liberty」，而不是「Freedom」。不過，今天我想說的主題，卻是個人自由的價值。
自由何價？我們生於現代社會，大部分的自由已經失去了，而英文的「Freedom」，強調了「dom」，已經有着「疆界」的意思，如「Kingdom」、「sheikdom」。
換言之，自由是有界限的，這界限有的是由法律所限定，例如我沒有非禮女性的自由，也有些是由社會習俗所規範的，例如不孝父母，雖然不涉犯法，但卻會被社會所厭惡和排斥。
活在現代社會，我們並不可能選擇絕對的自由，但是在原始社會，人們卻大可以選擇離群獨居，尋找絕對的自由。然而，在成吉思汗之前的蒙古，並沒有死刑，把犯罪的人放逐，所有人拒絕同他來往，已經是最大的刑罸了。
由此可以見得，人類雖然喜愛自由，但是相比起來，我們還是願意為了更大的利益，放棄部分自由。像寫《Walden》的梭羅般喜歡離群獨居的怪茄，在人類中，畢竟是極少數。
我們結婚，已經是放棄了很大程度上的自由，正是「成個老襯，從此被困」，既不可以媾仔媾女，兩人生活在一起，必然也要互相遷就，自由不再，但大部分的人類，均甘心為了心愛的人，選擇了這條失去自由的路。
其實，小孩子上學、上班打工，甚至是創業做生意，也都是在某程度上放棄了自由，但是我們深切地知道，金錢和權力，便是來自讀書、工作這些喪失自由的行為。換言之，我們喜愛金錢和權力，更甚於自由。
我曾經作過一個說法：假設你有旅行自由，可以一年365日的任何日子，去世界上的任何一個國家，但身上沒有錢買機票，這個旅行的自由，也就有等於無。但如果你去打工賺錢，一年只有14日假期，你只能在這14日去旅行，表面上，自由度比不上那位沒錢買機票的仁兄，但實際上，因為你有錢，他沒有，所以你的14日，比他的365日還要更有效。
所以說，在這個世界上，自由是拿來出賣的，只視乎賣價是多少，值不值得為此價而出售而已。因為我們深切地知道，很多事情，例如愛情和金錢，都比自由更加重要得多，周顯大師的詩句正是：「自由誠可貴，愛情價更高，若為金錢故，二者皆可拋。」（Liberty and love/These two I must have./For my love I’ll sacrifice/My liberty./For money I’ll sacrifice/both my liberty and my love.）
【男女之間】天生愛情狂？ 牛津大學研究：戀愛可以上癮
1 :
GS(14)@2017-05-13 01:34:12思念是一種病，愛情衍生了千萬種病，例如相思病、單思病等等，人思愛成病，但其實愛情本身又是否一種病呢？根據最新一期學術期刊《Philosophy, Psychiatry& Psychology》一份關於愛情的研究指，戀愛在廣義和狹義上都可以存在上癮。
牛津大學四位學者回顧由1956年至2016年間，64份關於愛和成癮的研究，建立了「戀上癮」的廣義和狹義框架。廣義來說，「戀上癮」是指戀愛時會開心快樂，分手會絕望、悲傷和抑鬱的情況，雖然行為上屬於成癮，但本質上不屬於成癮。而狹義來說，「戀上癮」是指沒有愛情的時候會感到憂鬱，想即刻尋找伴侶，分手時會纏擾前度，更有可能謀殺對方的。由於他們好像其他成癮模式一樣，會使大腦產生大量多巴胺，故本質上屬於成癮。研究亦發現，如果同時符合廣義和狹義框架下的「戀上癮」，會對生活造成負面影響，並更有可能接受虐待關係（abusive relationship），即伴侶會對你使用肢體或言語暴力。研究人員強調，當你不能不戀愛，甚致可以接受虐待換取愛情的時候，你就已經跨越「戀上癮」的分界線。資料來源︰
Earp, B. D., Wudarczyk, O. A., Foddy, B.,& Savulescu, J.(2017). Addicted to love: What is love addiction and when should it be treated? Philosophy, Psychiatry,& Psychology : PPP,24(1),77–92.記者︰盧逸文2017果籽繼續認真知味。識買惜用。行以求知。好事多為。重修舊好。緊貼果籽報道，即like：
http://fb.me/AS.AppleDaily
來源:
http://hk.apple.nextmedia.com/su ... t/20170510/20016181
分享愛情睇法阿Sa霸道女友 柏豪原諒大話情人
1 :
GS(14)@2017-06-10 13:46:55蔡卓妍（阿Sa）和周柏豪合作拍新戲《原諒他77次》，早前兩人在銅鑼灣受訪，大談對另一半的要求。同是天蠍座的阿Sa和柏豪對愛情看法不一，阿Sa對愛情看法樂觀：「我會記住一啲開心嘅嘢，第一次拖手、第一次kiss，就算睇完戲嘅戲飛或者boarding pass我都會儲起，但係分咗手就掉晒。」阿Sa認為女人很簡單，只要感到被需要、被愛，所有問題都變得不是問題，只要對方說一句「我愛你」，問題已經解決。
要愛屋及烏
所謂原諒77次，柏豪認為有一種事最不能原諒的：「如果唔尊重我嘅家人，一定唔可以同我一齊。我好愛我嘅家人，我好錫家人，都愛我嘅另一半，大家同一條船，希望相親相愛。至於有乜嘢可以原諒，如果對方講大話，但又知錯，嗰個好大嘅大話都可修補。」而阿Sa則表示，最難忍的是不忠：「一段關係冇咗信任係好難繼續行落去，天蠍座嘅人好霸道，同埋我接受唔到對方愛我之餘亦愛另一個，會好傷心。」另外，柏豪昨日到銅鑼灣出席化妝品活動，他表示暫未有生育計劃，問會否就算有咗都不公佈？他說：「我都想唔做任何嘢就有，突然間有個5歲嘅細路。」採訪：陸燕姿場地提供：柏寧酒店化妝：Vinci Tsang（周柏豪）、Natalie（蔡卓妍）髮型：Cliff Chan（周柏豪）、Sing（蔡卓妍）
■雖然阿Sa與柏豪同是天蠍座，但二人對愛情睇法卻不一樣。
■柏豪昨出席活動，笑言想跳過步驟，即時有個5歲細路。
來源:
http://hk.apple.nextmedia.com/entertainment/art/20170610/20050614
阿嬌分房瞓愛情保鮮
1 :
GS(14)@2017-06-16 01:47:46全面復出的李蕙敏前晚在8號風球下現身奧海城，出席有份參演的電影《原諒他77次》首映，同場有蔡卓妍（阿Sa）、周柏豪、鍾欣潼（阿嬌）等。未知是否陳冠希被爆為B女舉行百日宴，阿嬌拒絕受訪，只是台上回答司儀提問，問到戀愛如何保鮮？阿嬌說：「同一間屋可以分房畀空間大家，接受唔到家暴，係錯嘅，因為有一次就會有第二次，就算真係愛，摑兩巴都接受唔到。」現場阿Sa取笑柏豪是「周8號」，柏豪說：「試過兩次首映同一次簽名會都係8號風球。」阿Sa自言貴人招風雨，曾在10號風球出席活動，一度打算缺席：「點知Mani話嘉玲姐都去，既然係咁，我呢啲small potato冇理由唔出席啦！」另外，容祖兒因廣告拍攝取消，所以前來支持。採訪：卓寶花攝影：沈健程
■李蕙敏前晚現身支持電影《原諒他77次》首映。
■在8號風球下舉行首映，阿Sa笑柏豪是「周8號」。
來源:
http://hk.apple.nextmedia.com/entertainment/art/20170614/20054752
【科技籽】貼地劇情＋離地愛情 美漫達人：蜘蛛俠紅過Iron Man
1 :
GS(14)@2017-06-22 07:43:11【科技籽：玩物達人】蜘蛛俠電影又來了，劇情boot完又boot，Uncle Ben死完又死，今次還有新意？我不想寫「10個睇蜘蛛俠前必讀要點」，卻想找專家給我們一個「蜘蛛俠幾時畢業懶人包。」Marvel Cinematic Universe電影世界中，Robert Downey Jr.演的Iron Man紅爆，為保票房套套都要客串，但在漫畫世界，蜘蛛俠其實更紅，甚至是Marvel英雄中最紅一位，全因他有貼地背景，又有離地感情線，無樣無錢無時間但多女朋友，實屬人們理想生活，男性最強FF。
黃獎一個月睇超過100本美漫，「因為好多唔同故事，所以差唔多個個星期都有蜘蛛俠新漫畫睇。」
雖然據知今次電影終於沒有Uncle Ben被槍擊死去的情節，但Peter Parker又回到學生時代了，我們看了電影15年，太舊的不說，2002年開始Tobey Maguire的《Spider-Man》到2007年完成三部曲，2012年開始又有Andrew Garfield演的《The Amazing Spider-Man》拍了兩部，Peter仔仲讀緊書，今次手握蜘蛛俠電影版權的Sony終於和Marvel合作拍攝《Spider-Man：Homecoming》（蜘蛛俠：強勢回歸），Tom Holland演的蜘蛛仔又要過中學校園生活。想知電影再怎樣玩之餘，其實沒有看美國漫畫原著的我，更加想知Peter仔現在生活如何？過得好嗎？於是又去找美漫專家黃獎講故事，雖然他說自己只是愛看美漫，不算專家，但一個月看超過100本美國漫畫，看了二十多年，還是由他來說吧。
Peter發了達 上海公幹實情偷食
這個小題夠貼地吧？以下沒有電影劇透，卻有原著漫畫的最新劇情發展，如果不想知道的，請跳過這一段。首先要說的是蜘蛛俠在Marvel漫畫世界中其實差不多最紅，「如果要攞一部出嚟做代表作，一定係蜘蛛俠，雖然近年狼人、Deadpool都忽然紅咗好多，但蜘蛛俠嘅歷史夠長，有感情，求其一個配角都陪咗大家50年，未必好打，但有性格，好似Sinister Six咁，大家好有感情。」黃獎說劇情亦比較貼地，「蜘蛛俠就好似我哋身邊嘅人咁，佢捉嘅罪犯可能只係銀行劫匪等壞人，唔會年年都要拯救地球一次，邊有咁多人想漽滅地球呀？」是的，還有他夠窮，「呢段之前電影都拍過，就係佢出嚟做記者兼職影相，影自己蜘蛛俠嘅相賣畀報館，明知報館鍾意抹黑蜘蛛俠，但為生活都冇計。」嘩，好多打工仔也是這樣過生活呀！「之後講佢去教書，但教書之前好長時間係好窮，窮到冇錢交租，但又要追有錢女朋友Mary Jane。」說到和Mary Jane結婚這裏，開始離地，但又滿足到男性的幻想世界，所以蜘蛛迷仍然看得開心。「感情生活係有啲離地嘅，Peter感情生活好多，係女都鍾意佢，但實際上漫畫設定佢唔係好靚仔又唔係好有型，嘩，冇錢冇樣，最重要係冇時間，仲要有時呃住女朋友唔俾佢知蜘蛛俠身份，現實中邊有咁嘅事？」至於之前提到的「蜘蛛俠幾時畢業懶人包」，黃獎說現在最新連載故事說到蜘蛛俠做過教師之後，已經轉做生意，「?家係有錢佬嚟，搞咗間企業，發明咗類似iPhone嘅手錶，全世界都用，所以佢發咗達，係Parker Industries跨國公司老闆。都係繼續大量女朋友，話就話去上海做生意，實際係想追個女科學家。」返大陸做生意實際為追女？這個劇情又再次貼地，貼到實一實，對香港人來說，身邊絕對有一個Peter仔。說多一點漫畫中Peter的最新感情生活劇情，說到他去上海追女科學家，他不是和Mary Jane結婚了？雖然我明白大陸尤其多二奶和情婦，但事實不是這樣，「有一段故事，係講到蜘蛛俠為咗Iron Man除咗面罩，身份曝光，亦都因為咁，Aunt May（梅嬸）被人襲擊，中槍死咗，於是Peter就同魔鬼做交易，開頭話畀個靈魂魔鬼嘅，但魔鬼話要佢個靈魂冇用，於是要攞走佢同Mary Jane嘅愛情，所以?家佢哋兩個互相忘記咗對方，而且全世界都冇咗佢哋結婚呢段歷史，佢同Mary Jane只係有啲特別感覺，冇發展到拍拖階段。」
就是這本漫畫，講述蜘蛛俠和魔鬼做交易。
今集電影海報，香港又搶先美國，7月6日有得睇。
其中一個故事，就講到在不同平衡時空都有不同的蜘蛛俠，當中一位是黑人Miles Morales。
由Marisa Tomei飾演的梅嬸，是電影系列中最後生最性感的。
黃獎覺得今集的主角Tom Holland比較貼近漫畫中設定，不會太高大靚仔，因為在漫畫中起初Peter是被同學欺凌的熱門對象。還有旁邊今集登場的肥仔同學，應該係笑料源頭。
今集電影的梅嬸（右）和以前的相比，各有各好，我比較喜歡舊的，很成熟。
新電影下月上畫 混入黑人蜘蛛俠元素
多姿多彩的感情生活，似乎沒有在今集電影《蜘蛛俠：強勢回歸》中出現。「睇咗咁耐預告片，好似都冇乜女主角出場，暫時得個Laura Harrier飾演的Liz Allan，但呢個喺漫畫中只係佢嘅同學，應該冇乜大發展。如果講女主角，預告中出得最多場係Aunt May。」說到梅嬸，Marisa Tomei演嘅呢個，已經係電影系列中最後生最靚最性感，所以黃獎更覺得今集主角Peter其實混入了漫畫中另一時空的黑人蜘蛛俠Miles Morales背景。「漫畫另一個時空（現在又說到兩者已經見面合作）中，有一位黑人蜘蛛俠Miles Morales，佢都係俾蜘蛛咬咗而變成有超能力，又係有個造型好似今集Aunt May嘅阿媽，又係有個肥仔同學係佢嘅roommate，口多多成日爆料畀其他人聽，就好似預告片中着咗蜘蛛俠件衫個肥仔。所以今次電影入面嘅Peter設定，就係混合埋Miles Morales嘅現代元素入去。」奸角方面，今集就係Michael Keaton演的禿鷹Vulture，「喺漫畫入面係一個光頭佬，當然都冇咁機械化，設定低科技好多。」黃獎說他最愛的Marvel角色也是蜘蛛俠，所以對今次電影重啟都有期望。「?家話係會拍三部曲，希望之後Mary Jane會出場啦，不過講到我最想見到嘅，係另一個女主角Black Cat（Felicia Hardy），佢性感又吸引，而且最開心係佢唔使Peter娶佢，得閒又返嚟同Peter拍吓拖，大家望都望有個咁嘅女朋友啦係咪？」黃獎還提到其實Black Cat在之前的《The Amazing Spider-Man2》其實出過場，不過是以真名Felicia Hardy現身，是Oscorp企業的秘書，由Felicity Jones演出，「當時以為呢個角色之後會爆紅，可惜拍唔到第3集。不過，Felicity Jones後來都拍咗《Rogue One：A Star Wars Story》而紅咗。」說了這麼久，就算今次又故事重啟，我都決定要入場睇，有Iron Man參演喎！
活動最強影相位，這個倒轉房間最好玩。
還有大大個蜘蛛網，你可以扮烏蠅。
同場會有1/6 Iron Man Mark XLVII Figure賣，不過限量300個已經售罄。
1:1蜘蛛俠塑像，請勿攀爬。
今集蜘蛛俠的造型，但沒法還原那可放大縮小的眼睛。
自製戰衣版的蜘蛛俠其實造型比較特別，你都可以扮。
蜘蛛俠降臨旺角 三大影位
電影上映多數有活動，不過今次來得早，由即日開始玩到7月13日（電影7月6日上映）。活動在旺角朗豪坊舉行，必定要打卡的有三大影相位，首先是一個倒轉房間的情景，即是你可以好像站在房間的天花板影相，影完將相片倒轉，你就好像蜘蛛俠一樣可以黐在天花板；另一個比較普通，就是有大大個蜘蛛俠和大大個蜘蛛網；最後還有1:1蜘蛛俠塑像陪你影360度全景相，即是你扮被蜘蛛俠打飛，一跳起，360度圍着你的相機便會連拍，變成一條影片給你下載，如果你上載到社交平台再tag主辦單位，還有小禮物收。
《蜘蛛俠：強勢回歸》×朗豪坊powered by Hot Toys
日期：即日至7月13日時間：11am-11pm地點：旺角朗豪坊4樓通天廣場
記者：陳孝義攝影：蕭志南、徐振國編輯：馮秀珍美術：黃創泰
來源:
http://hk.apple.nextmedia.com/su ... t/20170621/20062630
愛情長跑睇唔到未來Stephy：阿寶似我
1 :
GS(14)@2017-07-09 12:16:12鄧麗欣（Stephy）前年12月《紀念日》上畫，幾個月後，Stephy同拍拖十年嘅方力申分手，到上年《失戀日》獨力支撐，事情發展比電影更戲劇性。
Stephy由《獨家試愛》開始，一直在導演葉念琛的電影中飾演「阿寶」，十年情路由單身、熱戀、紀念到分手，一切彷如Stephy親身經歷。兩人分手前為最後一套合作電影《紀念日》宣傳，Stephy早已表明：「我以前會見步行步，好被動，但呢幾年會諗多啲將來，同埋主動去爭取更多機會。」結果花咗一年時間，Stephy在《失戀日》訪問中承認，阿寶的愛情觀，原來跟與自己不謀而合：「阿寶正正係我呢個年紀，工作咗七八年，同男朋友拍咗好多年拖，但無見到有啲可能改變，或者有好好嘅未來，睇唔到，所以希望喺呢個框框跳出嚟。」與方力申拍拖十年，一直有傳兩人結婚，但分訊先至，Stephy喺訪問中話「唔太肯定同我過咗30歲有關，定係時間性有關。的確，喺呢幾年嚟，對感情、工作或一啲嘢嘅觀點睇法係有啲唔同咗。」
來源:
http://hk.apple.nextmedia.com/entertainment/art/20170709/20083689
羅力威 古董車愛情 2017/11/28
1 :
GS(14)@2017-12-04 03:38:24https://skypost.ulifestyle.com.h ... A%E6%84%9B%E6%83%85
羅力威今年先後推出兩首新歌《古董車》和《日落大道》，同樣以車來比喻愛情，前者是細水長流、矢志不渝的，後者則形容激情過後，變成責任的感情關係。揚言明年跟拍拖六年的女友雨僑結婚，他認為《古董車》的愛情最適合自己，更直言：「一直盡最大努力好好保養着古董車。」
羅力威09年參加首屆《亞洲星光大道》奪冠出道，12年加盟英皇唱片，同年贏得多個樂壇頒獎禮的新人獎。一直被讚擁有一把靚聲，聲綫似曹格和周杰倫，事實上羅力威亦很專注音樂事業，出道至今已推出三張大碟、三張專輯，創作歌曲逾60首，努力和才華同樣毋庸置疑。
不過，外表文靜的他常予人「悶蛋」的感覺，但想不到訪問當天他打招呼的第一句說話，竟然是「恭喜發財」；人不可以貌相，其實他亦有風趣的一面。
維繫六年情
羅力威的2017年新歌《古董車》，有別以往的小情歌風格，編曲由Swing成員Jerald負責，曲風帶點趣怪感覺，用上舊樂器的聲效和大量和音，玩味性濃，連羅力威也直言是大突破：「初時有點擔心歌曲太前衞，因編曲與我以往的歌分別很大，只帶有小量我貫徹的彈琴元素，但完成後，出了MV，覺得很新鮮，是一件好玩的事。」
歌曲描述古董車有時會拋錨，開車時又可能「撻不着」，似一段發展不太暢順的感情，但羅力威指古董車的愛情模式亦有優點，就是細水長流，若「保養」得宜，感情keep到幾十年，他更說：「我一直盡最大努力好好保養着古董車。」女友聽到必定心甜。他又承認：「拍拖總會有離合，但我的感情路很順利，我認為現在更是最好的階段。」無怪和女友計劃明年步入婚姻教堂了。
側田任監製
至於另一首新歌《日落大道》，羅力威邀來他口中的「勁人」側田擔任監製，「側田與我一樣，非常專注音樂上，覺得當音樂做得好，自然得到人尊敬。我也希望不論幕後人還是音樂人，都會覺得羅力威好掂。今次側田幫我監製兩首主打歌，其中《日落大道》是廣東歌，我自覺沒有唱國語歌那麼好聽，所以請他教我怎樣唱。」兩位出色音樂人的合作，相信沒有令樂迷失望吧。
撰文︰陳樂怡、王詠瑤
攝影︰Benny
編輯︰黃寶恩
美術︰梁政敏
一路一帶：我迷失在這場愛情遊戲
1 :
GS(14)@2018-02-21 06:22:09情人節，學名「破財節」，是全港男人們考量荷包深度及創意的「年經日」，其實香港的「愛情主義」就像現今社會的資本主義，金錢化的香港，財富、權力的階級觀念重過鐵達尼號，而港式愛情主義同樣如此。香港是一個自由市場，將愛情自由套在市場化中發揮得淋漓盡致，以量化角度來講，男女之間完全有供需關係，在香港談戀愛到組織家庭，二十年前和現今存在很大分別，能夠主宰愛情力量的人佔社會少數，像「男神」、「女神」、「富二」、「官二」等等，擁有愛情力量比低下階層來得豐厚。這些男神女神，壟斷了愛情市場大部份資源，以其顏值及財力販賣愛情力量，「毒L」、「單身狗」等要在愛情市場上生存，惟有課金換取愛情力量。香港的愛情市場發展就和地產霸權一樣，觀音娘娘掌握的顏值，是低下階層沒有的土地力量，而這種力量在香港是難以逆量，更會世世代代流傳下去，於是愛情市場便會分成幾個級別，最高級的winner，踩住最低級的;oser稱霸愛情市場。兩者的差距難以單靠外來力量去改善，就好似政府年年盲搶地一樣，樓價總是向上，而香港的自由市場，更要面對外來的競爭者，外地擁有力量的winner來爭奪香港愛情市場資源，loser要生存更加困難，香港為了維持「自由」兩個字及擁護「地產霸權」，任由愛情蝗蟲入侵，新起的豪宅，就像speed dating，設定的門檻，攔截下來的本地人，外地winner就像劉翔一樣，輕輕一跨而過，你加個15%稅，碎銀來啫！加到30%，濕濕碎啦！一日唔限制外來蟲害，香港毒L都難以生存。有朋友跟我說，男人就像股票，時間越長，複式回報越高，女人就像債券，初初出道時有活力，青春就像債息，隨年齡上升，女人的價格就像債價一樣下跌。在土地問題困擾之下，並非人人都可以參與愛情市場，這個時候，衍生工具便有存在價值，什麼PTGF、sugar daddy等，讓欠缺愛情力量的參與者，在場外一嚐愛情滋味，但有人贏就必然有人輸。至於情人節，在香港變成一種消費主義，女神在街上捧着大束花炫耀，男神駕豪車出遊，以自身的條件來證明自己的愛情力量和地位。筆者在香港這個金融大都會中，完全體會到愛情市場的運作及墮落；我，迷失在這場愛情遊戲中……斯郎
來源:
https://hk.finance.appledaily.co ... e/20180215/20305876
Next Page