我Q你答問會：全智賢 VS 老婆阿徐Eason只能揀一個
1 :
GS(14)@2015-06-10 09:01:59■陳奕迅被問到有關脫髮問題時，他瀟灑回應。攝影：陳志嵐髮型：Derek Li@Xenter化妝：Karry Wong
連續一星期刊登的《我Q你答問會》，第二彈輪到「吹神」陳奕迅（Eason）嚟玩啦！日前Eason到將軍澳蘋果大樓坐定定，喝着咖啡睇16位在銅鑼灣行街的讀者的提問，連揀A餐定B餐的有趣問題，他都無條件地爽快答大家。有讀者問Eason閉起雙眼會掛念誰？他的答案竟然不是「老婆徐濠縈」而是另一位女藝人的名字，完全不怕被老婆扭耳仔。採訪：皓騫、魏嘉琳
■Eason話好想演丁蟹，因為「未試過揼人落街」。
■Eason話自己有陪過老婆徐濠縈跑步，但因為步速唔同，所以唔再陪。
1.呂同學：我想問你《大時代》裏面想做邊個角色呢？
Eason：呢個學生講嘢好快，同埋笑容好靚。都係丁蟹啦，我未試過揼人落街，連續揼4個，嗰種狀態已經失去理智，好狠！
2.彭同學：幾耐去一次炳記（茶檔）？點解撞極都撞唔到你？
Eason：呢位男同學有啲嗲，我其實朝早去炳記多啲，佢6、7點開門，可能你返咗學啦，炳記都正。
3.劉同學：你早餐會食A餐多定B餐多？
Eason：（大笑）乜嘢料？我冇理A、B喎真係，我就咁指住個牌，通常食五香肉丁公仔麵、腸蛋，唔知A、B乜嘢餐。
4.顏小姐：你老婆靚啲定全智賢靚啲呀？
Eason：嘩！（諗咗30秒）好難答喎呢題，各有各靚啦，我同我老婆熟啲，對一個人有感情，梗係唔同啲，問得幾好喎呢題。
5.黃先生：可唔可以唱兩句《無條件》畀我聽呀？
Eason：「當潮流愛新鮮，當旁人愛標籤」
6.王小姐：你最近有冇買CD？有邊個歌手推介吓？
Eason：外國買咗Blur《魔鞭The Magic Whip》，本地就盧凱彤《Pillow Talk》、李榮浩兩隻碟都鍾意，楊千嬅、梁漢文又未出，你試吓搵武漢樂隊逃跑計劃，好嘢嚟。
7.李小姐：你個女咁靚，如果佢帶男仔返屋企叫你Uncle，你會點反應呀？
Eason：多謝先呀，叫我Uncle我覺得啱，唔通叫我哥哥，叫我Uncle都幾有禮貌。
8.蕭小姐：你扮鹹（譚）校長同張學友咁叻，你仲識扮邊個呀？
Eason：（抵死地）邊個叫鹹校長？我其實幾鍾意扮郭富城，通常都係圍內，好欣賞佢仲係咁fit，同埋佢啲歌真係幾好聽。
9.黃小姐：你瞓覺有冇鼻鼾㗎？
Eason：我真係唔知，聽聞有，都幾大聲。
10.梁先生：你認為一段關係點先係無條件？
Eason：我個人好少有條件，唔識答，我冇乜要求，簡單咪得囉，唔好諗咁多。
來源:
http://hk.apple.nextmedia.com/entertainment/art/20150610/19178539
周國賢送新歌氹老婆
1 :
GS(14)@2015-07-15 08:56:23周國賢、Super Girls和洪卓立等人昨日在銅鑼灣出席「香港流行音樂頒獎禮2015」記者會，周國賢透露今天將會到大阪拍MV《我們都不是無辜的》，今次他更親自執導。新歌有關夫妻關係，由於之前有傳他與太太感情有變，問他是否送給妻子，他說：「曲線式算係，但我哋感情都係一樣好。」問他為何不找太太做MV女主角，他笑說：「唔好，佢太上鏡，我唔想太靚嘅人做主角。」另外，洪卓立回想入行初時於日本拍首個MV，辛苦得哭了，現在仍敢挑戰難度，笑說可跟比堅尼女郎合作，但不許女友湯怡這樣穿着與自己拍攝，怕被睇蝕。採訪、攝影：王連連
來源:
http://hk.apple.nextmedia.com/entertainment/art/20150715/19219453
同學變情人 99支玫瑰求婚徐天佑下月娶老婆
1 :
GS(14)@2015-10-07 01:31:55【有夫妻相】■徐天佑昨忽然宣佈與拍拖8年的中學同學Olive下月拉埋天窗，認真鬼馬。
男子組合Shine成員徐天佑於今年情人節向拍拖8年的中學同學Olive求婚成功，昨日天佑宣佈下月8日在香港舉行婚禮。求婚當日，天佑以99朵玫瑰和鑽戒打動女友，早前二人並到意大利舉行訂婚儀式和在歐洲拍攝婚照，浪漫爆燈。天佑昨否認是奉子成婚，但就揚言：「都有計劃生BB。」
娛樂圈近日喜事連連！正當黃曉明、錢國偉和盛品儒忙於籌備後日婚宴之際，現年32歲男子組合Shine成員徐天佑，昨日突然宣佈婚訊，下月8日將與拍拖8年圈外女友Olive結婚，並在尖沙嘴洲際酒店擺喜酒，筵開40席。原來天佑與Olive是中學同學，8年前二人再度碰面並拍拖，今年2月14日情人節，天佑以99支玫瑰和鑽戒向女友求婚成功，結束愛情長跑。天佑感激女友在自己經歷低潮時期一直陪伴在側，揚言有信心大家能繼續一起面對人生未來挑戰。早前天佑與Olive在意大利小鎮舉行了訂婚儀式，並在意大利和法國拍攝婚照，Olive先後穿上淺金色晚裝及潮牌Self Portrait連身裙，並襯以Valentino窩釘尖頭鞋，時尚感十足。
【品味新娘】■Olive穿上$4,400中價潮牌Self Portrait作婚紗，時尚感十足。
【感激扶持】■天佑感激Olive在自己經歷低潮時一直陪着他。
【情深對望】■早前一對準新人在意大利訂婚，又在當地和法國拍攝婚照，又浪漫又幸福。
婚禮冇兄弟姊妹團
記者昨日致電恭賀準新郎天佑，他笑說：「我哋係中學同學，畢業冇拍拖，之後見番再拍拖。」說到求婚過程，天佑謂：「今年年初求婚，好簡單，預備咗99支玫瑰同鑽石戒指，佢好驚訝，覺得好突然，因為之前兩年我哋都傾過，想專注工作衝刺，我覺得而家係時候，所以同佢求婚。」問是否奉子成婚？天佑說：「唔係，但都有計劃生BB。」天佑表示結婚當日會做足斟茶及接新娘傳統儀式，但就不會有玩新郎遊戲，也不會有戥穿石和姊妹團，天佑說：「想件事簡單同感動，之後行禮。晚上擺酒。」天佑還表示人生下半場才剛開始，自己將繼續為事業和人生奮鬥，希望得到大家支持和祝福。
■去年天佑被發現與Olive在台北撐枱腳享受浪漫燭光晚餐。
■情人節求婚百試百靈，今年天佑便以99朵玫瑰打動女友芳心。
■天佑曾與Miki拍拖5年。資料圖片
早過舊愛Miki結婚
其實半年前，天佑舊愛楊愛瑾（Miki）亦被踢爆於今年情人節兼30歲生日當天，在芬蘭的北極光下答應永安太子爺男友郭永淳的求婚，之後Miki承認明年舉行婚禮，想不到天佑亦巧合地在同一日向女友求婚，更搶先Miki一步舉行婚禮。對於天佑下月榮升人夫，Miki昨送上祝福說：「恭喜晒恭喜晒，都戥佢開心，因為都識咗好耐嘅一個朋友，希望佢兩個幸福快樂。」說到被舊愛爬頭，Miki笑謂：「開心事都冇話爬唔爬頭嘅，最緊要大家都開心啫！」此外，天佑Shine拍檔黃又南昨祝福一對新人白頭到老，開開心心。雖然天佑表明不會找兄弟姊妹團，但又南當日會一早到場幫忙迎賓，又南說：「以前我哋成日話30歲前結婚，估唔到個衰仔一嚟就話結婚。聽到佢話結婚，我都有一下愕然。」採訪：皓騫、魯吉、小米
來源:
http://hk.apple.nextmedia.com/entertainment/art/20151006/19321778
老婆接機 錫錫打氣陳國邦拒回頭 「公開信當求職」
1 :
GS(14)@2015-10-12 14:25:07■陳國邦越講越感觸，羅敏莊一度想中止訪問。
陳國邦上周五一封「給無綫電視的公開信」，宣佈結束他與無綫15年賓主關係，也感動了無數電視迷的心。阿邦昨由台灣返港，指數年前已為前途問題考慮離巢，公開信其實是求職而絕非「勒索」，縱使無綫高層稱極力挽留，但阿邦以分手情侶來喻謂：「自己都唔想有彎轉！」身為太太的羅敏莊昨日接機，與阿邦咀嘴打氣，給予支持。
現年47歲的陳國邦，演技雖然出色，但卻一直苦無機會發揮，多年來屢被派演行行企企第三、四線角色。為免自己長此下去變成「一潭死水、發黑發臭」，阿邦上周五在網上貼出一封「給無綫電視的公開信」，宣佈不與無綫續約。這封公開信，大大感動了觀眾、網民甚至台前幕後，反應之熱烈，連他本人也始料不及。昨午阿邦與恩師鍾景輝在台灣演出完舞台劇《相約星期二》返港，太太羅敏莊專程往接機，也有市民認出阿邦，主動邀合照與他打氣。問阿邦發公開信後心情如何？他說：「冇乜點，封信唔係因衝動而決定。考慮咗幾年，點解而家先寫？真係時間惹的禍，因為喺加拿大演出（上月舞台劇巡迴）有好多時間，思考好多嘢，自己真係應承咗簽約，唔想傾約同事受責罰，希望高層唔好怪佢。呢個念頭孕育咗一段時間，諗吓應該幾時，定係等吓再抱希望呢？諗完之後就決定做呢件事。」
暗示高層官腔挽留
發公開信後無綫高層可有「打鑼」找他傾約？阿邦支吾以對，身旁的羅敏莊代答說：「冇打鑼，但有搵囉。」問是否無綫高層樂易玲時，阿邦只笑而不語。對於樂易玲謂會極力挽留，阿邦說：「無綫同演員有事發生，佢都會出嚟講說話，好似公司一個橋樑，唔通佢話陳國邦你應該走咩！」羅敏莊亦忍不住插嘴問阿邦：「你係咪覺得好官腔呀？」阿邦又笑而不答。是否與無綫沒彎轉餘地？阿邦說：「自己有同太太傾過，太太都話既然決定咗就咁啦，唔係有冇彎轉，自己都唔想有彎轉。好似一對情侶，我已經單方面講咗分手，對方一定做番相應嘅嘢挽留。」樂易玲表示會再與阿邦再傾，看看他有甚麼想做而未達到，對此阿邦說：「自己想做嘅嘢，喺封信嘅文字已經交代得好清楚，呢封唔係勒索信，唔係封信出咗之後，你講乜嘢條件就喺番埋一齊。唔係話留喺TVB就錯，走係啱。」
■陳國邦昨由台灣返港，多次強調公開信不是要脅無綫，其實是他的求職信。
■羅敏莊錫錫老公陳國邦打氣。
演舞台劇重拾熱誠
信中阿邦謂不想自己作品變作一潭死水及發黑發臭，莫非他見到現時有此情況？阿邦謂：「唔關人哋事，只係自己等咗咁耐、盼望咗咁耐，但隨住年月，心智會被磨滅，唔係公司或邊個令我變成咁。好在自己每年同老師演舞台劇，唔同地方演出，觀眾畀我嘅反應，維持咗演戲衝動同熱誠。」說話至此，阿邦顯得有點口窒窒相當感觸。之後阿邦說：「呢封唔係要脅信，係求職信，等外界知道我係自由身，可以嘗試好多唔同嘅嘢。」可有後着？阿邦說：「真係冇，可能試吓教學，做舞台劇同湊女。」問羅敏莊可擔心老公前景？她說：「冇㗎，佢演舞台劇之後冇乜大project，不過我又唔介意，我都有工作能力，如果人生唔開心，即使賺幾多錢都冇用，不如轉換環境。老公演舞台劇返嚟開心好多，我鼓勵佢喺舞台劇發展，雖然唔係搵好多錢，但都夠使啦。」訪問後，羅敏莊還與阿邦咀嘴打氣，給老公無限量支持。採訪：譚倩宜攝影：陳慧安
■陳國邦和鍾景輝日前在台灣演出舞台劇及出席座談會，反應熱烈。微博圖片
■陳國邦昨與恩師鍾景輝返港，對陳國邦決定，鍾景輝不欲多言。
來源:
http://hk.apple.nextmedia.com/entertainment/art/20151012/19329416
英國兩黨之爭中國老婆慘變箭靶
1 :
GS(14)@2015-10-14 02:54:16英國兩名議員政見之爭波及妻子，妻子是中國人的衞生大臣侯俊偉（Jeremy Hunt）早前呼籲英國人該像中國人般勤勞，反遭工黨議員在社交網上反問：「如果中國真的那麼好，為什麼侯俊偉（Jeremy Hunt）的妻子要來英國？」言論引起種族歧視爭議。事源是英國政府削減稅務寬免，侯俊偉曾公開呼籲英國人應該像中國人般努力工作。他2009年與中國籍妻子Lucia Guo結婚，他上周稱：「我太太是中國人，我們希望英國可以在未來20、30、40年內，成為全球成功國家之一。」工黨議員古德曼（Helen Goodman）於是在Twitter作出反擊，質疑他的太太如果覺得中國好，就不會來英居住。保守黨議員質疑她的言論可能構成種族歧視，向她怒斥：「古德曼這真是非常糟糕的說話，我希望你刪除留言並向侯俊偉太太道歉，你賬戶是否被人入侵了？」英國《每日鏡報》
來源:
http://hk.apple.nextmedia.com/international/art/20151013/19331333
茵媺陀第3胎陳豪：會畀老婆副偈唞吓
1 :
GS(14)@2015-11-02 00:08:26【三年抱三】■索爆人妻陳茵媺生完第二胎八個月，昨又宣佈第三度懷孕，三年抱三，生產力相當驚人。
陳豪近日不但開行turbo工作頴銀，原來更開行turbo跟老婆陳茵媺（Aimee）造人。今年2月才為陳豪生下二仔Nathan的Aimee，昨日又宣佈懷孕三個半月，三年抱三，雙陳生產力可謂極度驚人。Aimee昨日谷咪上陣出席活動，腰肢圓潤。至於三度一擊即中的陳豪，昨被讚勁力十足時鬼馬地以「hehe」回應，並笑說：「生完三個之後會畀佢副偈唞唞㗎啦。」
陳浩民早前宣佈太太蔣麗莎第四度懷孕，還以為他五年抱四最勤力，但原來一山還有一山高！34歲陳茵媺跟44歲陳豪結婚才兩年多，已三度懷孕，前年12月產下大仔Aiden陳梓燁的Aimee，今年2月再誕下二仔Nathan陳浩鋒，原以為她月前約滿無綫後全力湊B，但原來她又準備生第三胎，三年抱三，生產力極度驚人。
【追B成功】■陳豪與陳茵媺認兩個未夠數，所以繼續造人，成功製造第三B。資料圖片
【谷出巨咪】■懷孕三個半月的陳茵媺昨谷咪上陣，腰肢顯得十分圓潤。
【友人扶實】■上落樓梯時均由前經理人嘉莉小心扶實。
「三個夠喇，四個太攰」
昨日Aimee穿上低胸晚裝襯五吋高踭鞋出席在九龍環球貿易廣場舉行的ASHOKA鑽飾品牌活動，身上佩戴過億鑽飾，閃爆全場，但最「爆」的，還是她宣佈第三度懷孕消息。Aimee昨上落台時均由前經理人嘉莉小心扶實，記者問她老公可有送她甚麼貴重禮物時，Aimee笑指兩個兒子，並大爆：「嚟緊就會有第三個！呢份係一份最大嘅禮物。有咗喇！三個半月！未知仔定女，仔女冇所謂，最緊要健康。」昨見Aimee腰肢圓潤，她指今次懷孕並非意外，自言跟老公都早已有共識生三個小朋友，並有預感今胎也是囝囝，她說：「因為阿Mo（陳豪）嗰邊都係三兄弟，我自己都有細佬，仔女都冇所謂，都係嗰句，好開心！」記者笑指她三年抱三豈非很辛苦時，Aimee則表現輕鬆說：「屋企已經有兩個小王子，加埋阿Mo有三個小王子，所以知道點照顧，多一個都冇問題。」三度懷孕的Aimee，不但不會推工作安胎，還揚言會繼續出席商場活動賺奶粉錢。Aimee今年8月舉家到蘇梅旅行，至上月到大馬與杜汶澤拍攝電影《開飯喇！》，當時又跑又拍通宵的她還未知道懷孕，直至拍攝完返港後才獲悉。問BB是否在蘇梅製造？Aimee表示未敢肯定，並說：「其實我同阿Mo係plan咗要三個小朋友，三個夠喇，四個太攰，而且我自己想繼續演戲。」
【狂影愛女】■陳茵媺父親昨日在活動上不停為愛女拍照。
【又係大馬】■陳茵媺前年在大馬拍攝劇集《單戀雙城》（左圖）時未知自己懷有第一胎身孕，豈料上月到大馬拍攝電影《開飯喇！》又是懵然不知懷有第三胎，還毫無顧忌喪跑（右圖）。
陳豪：多啲嚟密啲手
密密造密密生的陳豪，昨日透過WhatsApp回應本報說：「I'm rather happy to share this joyful news of ours to the public.（我很開心可以同大家分享喜訊）」記者笑指他「好勁」，陳豪即鬼馬回應「Hehe」，揚言會加倍努力搵奶粉錢。之後他再於電話分享喜悅說：「自己一直希望五年生三個小朋友，而家係快咗啲，比預期嚟早咗，但呢啲係上天賜畀我哋，多啲嚟密啲手囉！」問為何不讓老婆「副偈」唞唞時，他笑說：「趁佢後生快啲收工吖嘛，生完三個之後會畀佢副偈唞唞㗎啦。」今胎是否想生女？陳豪謂：「如果係女就固然好啦，但我同Aimee仔女都冇所謂。」採訪：譚倩宜、魯吉攝影：陳志嵐
來源:
http://hk.apple.nextmedia.com/entertainment/art/20151031/19354522
老婆產後入ICU老公傳sweet爆字條鼓勵
1 :
GS(14)@2015-11-02 14:46:22近日有內地網友於微博上傳一個感人小故事。指一名女子因產後大量出血，被安排住進深切治療部（ICU），經過幾天的搶救，病情趨於穩定轉入普通病房。女子住院期間，其丈夫每天24小時在門口守候，每天送餐時都附上一張小紙條。每張紙條都寫上鼓勵字句，例如丈夫希望妻子好好吃東西，以盡快康復，紙條又附上可愛配圖，讓醫護人員看到都感動不已。據內地媒體報道，這名26歲女患者於約一周前入住在浙江寧波市鎮海區人民醫院（寧波市第七醫院），應該是第一次當媽媽。發微博的護士姓胡，是ICU病房的護士。胡護士說，這些便利貼就貼在患者的床頭，她一開始巡房就發現了，接下來一天天增加，醫生護士都覺得很溫暖，就拍了下來，分享這份愛。護士告訴女患者，微信上大家都紛紛為她老公的這份愛點讚呢，她說，老公平時是不會畫畫的，讓他畫個圓，畫出來都是扁的。這次不知道怎麼回事，如此浪漫，她很開心。這些便利貼她都會貼在床頭，好好珍藏。網民紛紛大讚丈夫窩心紙條，認為人妻遇上這樣的丈夫是福氣，並送上祝福，希望人妻盡快康復。當然亦有網民提出酸溜溜的說話，指「別人家的老公」。網民意見：陪我打發時間的微博：有才又有愛的老公偉大的鴿子：別人家的老公邊走邊吃冰激凌：z嫁的好木魚結婚：好溫暖，被感動哭了
Exclusive1565：遇見這樣的老公是福。羨慕《京華時報》／新浪微博
來源:
http://hk.apple.nextmedia.com/international/art/20151102/19357055
城堡婚禮配千萬鑽飾林知譽扮鬆弛熊娶老婆
1 :
GS(14)@2016-01-04 15:06:48■林知譽昨穿上中式禮服，迎娶針織大王羅定邦孫女羅穎怡。
坐擁家族270億資產、已故針織大王羅定邦孫女羅穎怡（Wendy）昨日嫁給有絲綢王子之稱、達利國際集團創辦人林富華兒子林知譽（Will），一對新人早上先以中國習俗接新娘斟茶儀式，晚上在君悅擺酒，以城堡為主題，兄弟姊妹團包括有趙式芝、林建名二女林煒琦及霍英東孫兒霍啟文。
■羅穎怡的好友趙式芝、雷怡暉及郭詩慧做姊妹團。
■霍啟山單拖出席飲宴，未有回應與超蓮的緋聞。
■郭晶晶拖實霍啟剛出席婚宴。
霍啟山避談超蓮
Wendy穿上巴黎牌子Rosa Clara婚紗及過千萬鑽飾行頭與老公Will見傳媒，Will透露接新娘大玩扮鬆弛熊遊戲：「佢鍾意鬆弛熊，我就要扮鬆弛熊跳高難度嘅舞，同食甜酸苦辣壽司。」提到愛的宣言，Will就肉麻地表示：「會一生一世咁愛佢，照顧佢，要佢一生一世咁幸福。」一對新人表示未有造人計劃，之後會去南美秘魯及玻利維亞度蜜月：「想去睇天空之鏡，大概去兩個禮拜。」晚上出席婚宴名人包括有霍啟剛與郭晶晶、霍啟山、李民橋、薛嘉麟諸葛紫岐夫婦、劉鳴煒、羅君兒、林忠豪與女友等，薛嘉麟同諸葛透露除夕在家同兒子睇煙花倒數，問到二人會否再生BB，諸葛反問老公：「吓，你得閒咩？」而薛嘉麟表示要問過兒子。記者問二人有否問兒子？諸葛同老公打情罵俏：「你鍾意呢？」薛嘉麟笑言：「我鍾意你。」此外，問到霍啟山是否與超蓮拍拖，他揮手說「Happy new year」便直入會場。採訪：羅慧敏攝影：仇志德
來源:
http://hk.apple.nextmedia.com/entertainment/art/20160103/19436919
拜年老婆親戚到陸永好彩裝備好
1 :
GS(14)@2016-01-20 17:49:19陸永揀禮物咁「精準」，當然深受眾親友歡迎
陸永雖然結婚多年，新年與外父外母拜年，選擇禮物依然講究。但如果拜年時，遇上突如其來的親友，而沒有準備足夠禮物，有甚麼應急方案？除了超級市場和便利店年中無休，美心西餅於新春期間也照常營業，提供不同賀年禮盒，讓你隨時隨地也買到貼心禮物。
面對六姨婆咁心大心細嘅長輩，有三款口味（包括原味、黑糖咖啡及榛子味)嘅美心杏仁條禮盒，其精心巧製192層鬆脆酥皮，又香、又鬆、又脆，定能滿足佢所有願望。
好似三姑姐咁崇尚法國文化，美心雞蛋卷禮盒就最適合不過。用上法國頂級A.O.P.牛油及新鮮雞蛋製作，不含防腐劑、香精及色素，鬆脆可口。
想得女神歡心？怎少得美心甜心酥禮盒！以雙重烘焗技術製成焦糖外皮，外脆內鬆。每盒有三款口味，包括原味、楓糖味及榛子味，點會唔甜入心？
美心瑤柱蘿蔔糕以新鮮蘿蔔，配以北海道瑤柱、上等臘味及蝦米等材料，鮮味十足。
特約報道
來源:
http://hk.apple.nextmedia.com/entertainment/art/20160120/19458439
Next Page