遭《歌手》封殺後 與王菀之踩入紅館軒仔唱被消失的歌 跪地謝Fans
1 :
GS(14)@2017-02-18 09:51:46■軒仔感激歌迷入場支持，前晚以嗌爆咪聲量向大家講多謝。
張敬軒與王菀之（Ivana）這對老友，前晚起一連四晚踩入紅館，舉行「The Magical Teeter Totter張敬軒．王菀之」演唱會，二人又唱又跳，加上不時鬥嘴互窒，場面搞笑。軒仔被內地封殺，早前被飛出節目《歌手》，軒仔前晚在台上重提「被消失」之餘，又唱兩首本來在節目唱的歌圓夢，還單腳跪地答謝觀眾。
張敬軒早前上內地節目《歌手》被踢出局，他完成第一集錄影後，內容卻全被刪走，用CG、剪接刪除所有拍到他的鏡頭，原因軒仔被翻舊賬，指他是撐港獨撐佔中，雖然事後他再談被飛，表示細節記得不清楚，又謂對節目得失看得不重，但前晚在演唱會台上重提此事，還唱出陳百強的《等》，以及其代表作《櫻花樹下》，表示兩首歌本來是在節目內唱，又向台下觀眾鞠躬，再單腳跪地答謝觀眾。
微博多十幾萬Fans
軒仔在台上說：「唱呢兩隻歌，其實係我特意揀嘅，大概喺差唔多一個月之前，我諗大家都有睇報紙喇。」此時有觀眾大聲叫他「唔好講」，軒仔聞言向四面觀眾作90度鞠躬，然後以嗌爆咪聲量向大家講多謝。他續說：「當時呢個節目想我唱多啲廣東歌，呢兩首歌原本打算喺節目唱，一首係代表作，一首係粵語流行曲最輝煌嘅歌，係我偶像陳百強作品，今次可以把握機會，向觀眾致意，唱畀大家聽，算係圓咗心願。」完騷後，軒仔與王菀之齊齊接受傳媒訪問，問軒仔是否好感觸要多謝觀眾？軒仔說：「唔係，只係好開心有咁多觀眾嚟支持，有啲歌迷喺台灣、馬來西亞飛過嚟睇。」至於是否刻意選唱那兩首歌？軒仔謂：「我又冇咁諗過，只係當時畀個導演睇，覺得呢個版本好好聽，係想個演唱會好好聽。」前晚不少內地歌迷專程來港捧場，軒仔表示知道：「人生就係咁，每件事都有兩面，嗰件事之後我微博多咗十幾萬fans，Ig都多咗，今晚係一個我同Ivana嘅演唱會，想帶畀大家視覺同聽覺享受，冇諗太多嘢！」
■軒仔前晚在紅館開騷，重提被飛出《歌手》，更下跪多謝歌迷。
■軒仔與王菀之扮鬼扮馬?觀眾。
■一班舞蹈員化身迴轉壽司，在軒仔與王菀之身邊團團轉。
針唔拮到肉唔知痛
問軒仔是否好感動？他坦言：「感動㗎！其實話針唔拮到肉唔知痛，對於我嘅感覺，我冇歌迷咁心痛，或者好多歌迷支持我好多年，佢哋心痛我捲入咗呢啲事入面，所以今晚我都冇留力，將最好嘅留畀佢哋，我知好多搭飛機同火車嚟，可以振興埋零售業！」前晚演唱會於8時35分開場，王菀之以全黑打扮現身，配襯穿白西裝的軒仔，之後二人鬼馬跳舞，又唱《娥姐賣粉果》兼在台上猜包剪揼，結果軒仔輸了，王菀之就扮連續掌摑軒仔。另外，王菀之於唱《表參道》時，穿黑色deep V性感大露背裝與男dancer跳辣身舞。採訪：馬建華攝影：沈健程
■軒仔任由性感女舞蹈員在他身上摸來摸去。
■着低胸裙的王菀之被男舞蹈員又攬又錫跳辣舞。
【演唱會曲目】
1.《開籠雀》2.《相對論》3.《柳暗花明》4.Medley：《相逢何必曾相識》、《叉燒包》、《牛油蛋撻》、《娥姐賣粉果》5.《找對的人》6.《好時辰》7.《畫意》8.《酷愛》9.《水百合》10.《留白》11.《井》12.《最好的》13.《該死的快樂》14.《迷失表參道》15.《等》16.《櫻花樹下》17.《羅賓》18.《頭髮亂了》19.《小團圓》20.《青春常駐》21.《迷失藝術》22.《笑忘書》23.《末日》24.《伴我啟航》25.《低科技之歌》、《粒糖有毒》26.《Chotto等等》27.《友誼的小船》28.《My Way》29.《我真的受傷了》30.《下次愛你》31.《風起了》32.《擁抱一個人》33.《手望》
來源:
http://hk.apple.nextmedia.com/entertainment/art/20170218/19931737
王菲囡囡「女承母業」做歌手彭羚遭老公「嚴禁」復出
1 :
GS(14)@2017-03-25 10:34:25今年50歲林憶蓮(Sandy)係實力派女歌手，85年入行，代表作有《愛上一個不回家的人》、《至少還有你》、《當愛已成往事》、《放縱》等等都係一等一嘅名曲。其實當時香港樂壇非常之咁鼎盛，除咗憶蓮之外，仲有唔少天后級人馬。王菲喺89年以王靖雯之名出道，短短幾年間走紅，仲被視為「天后級」女歌手之一，佢嘅名作有《約定》、《暗湧》、《郵差》、《開到荼蘼》、《守望麥田》等等，佢喺2005年仲宣佈無限期休息。去年，佢喺上海舉行「幻樂一場」演唱會，門票仲被炒到上天票。而佢囡囡竇靖童仲「女承母業」成為歌手。葉倩文55歲嘅葉倩文80年喺台灣出道，83年到香港發展，仲因為錄製《重逢》一曲認識林子祥，代表作有《零時十分》、《瀟灑走一回》、《愛到分離仍是愛》。96年佢仲同林子祥結婚，去到2006年以後葉倩文減少喺幕前演出。彭羚今年48歲嘅彭羚喺90年出道，代表作有《小玩意》、《讓我跟你走》、《如夢初醒》等。佢喺98年同林海峰結婚，2002年過後淡出幕前。2012年為好朋友黃偉文演唱會破例出山，令大家都希望佢可以復出，不過老公林海峰講明老婆係佢同囡囡嘅「經理人」，所以「嚴禁」復出。
來源:
http://hk.apple.nextmedia.com/entertainment/art/20170325/19969647
學友唔玩《歌手》怕計算
1 :
GS(14)@2017-04-12 22:42:37■張學友拒絕參加內地歌唱比賽節目，他坦言過不到自己那一關。微博圖片
張學友曾多次拒絕參加內地《我是歌手》節目，前年他接受商台訪問的短片被翻抄，被問到會否參加節目？他霸氣說：「我唔會，我唔係反對嗰啲節目，只係過唔到自己嗰關，我已經比（賽）咗一世，一路咁比都好攰，近呢十年我覺得幾自在，而且我唔需要去比啦！」學友坦言好佩服參賽歌手：「大佬，嗰啲評判都唔知識唔識嘅，老實講，我係歌手嚟，我唱歌，仲要俾你去講，咁你究竟知唔知我做緊乜嘢呢？先講嗰啲評判，有時聽得耐想瞓覺㖭，咁如果你突然間嘈一嘈佢：『好嘢呀！』佢可能咁樣揀你都未定，如果要比賽就要計算，呢樣我唔係好鍾意，唱歌太多計算唔好！」撰文：皓騫
來源:
http://hk.apple.nextmedia.com/entertainment/art/20170411/19986259
旗下歌手為拍拖輪住講大話何哲圖超尷尬
1 :
GS(14)@2017-04-15 23:27:55何哲圖擔任唱片公司高層好多年，一手捧紅過嘅藝人都唔少。佢除咗係歌手伯樂，好可能仲係月老，因為俾佢睇中嘅歌星，都喺瞞住何哲圖下請一排假，就即刻搵到好姻緣。鍾嘉欣大台當年同四大唱片因為版權問題鬧翻，劇集主題曲搵番大台演員自己唱，嘉欣由08年加入星娛樂開始，到公司改組成星夢娛樂，都得到何哲圖寵愛。不過嘉欣15年底結婚、再於16年生女，何哲圖都只係知對方請假，而為乜請假就唔知情。沉醉於家庭生活嘅嘉欣，日前就獲老公舉行驚喜生日會，非常幸福。吳若希講完鍾嘉欣，就一定要提埋吳若希。兩人同時獲星夢娛樂力捧，吳若希仲試過被《蘋果》發現同何哲圖喺尖沙嘴開餐。當鍾嘉欣選擇結婚，吳若希理應坐正一姐，不過吳若希喺去年中放風話要休息一段時間。直到吳若希有喜3個月，先打電話通知何哲圖，再一次被旗下女藝人蒙在鼓裡。鄭俊弘最經典嘅，一定係上星期宣佈拍拖嘅鄭俊弘同何雁詩。鄭俊弘先喺上星期三，在何哲圖陪同下，喺電視節目訪問到話冇一腳搭兩船，何哲圖仲代答「佢哋只係朋友嘅關係」。點知過咗一日，鄭俊弘同何雁詩喺機場滿面幸福咁拖手認拍拖，為咗低調保護愛苗，出此下策連老闆都呃埋。
來源:
http://hk.apple.nextmedia.com/entertainment/art/20170415/19990657
歌手驚打仗 開騷前走佬
1 :
GS(14)@2017-04-16 10:15:52美國及北韓隨時開戰，男歌手都要「走佬」。英國搖滾樂隊Echo and the Bunnymen主音Ian McCulloch，原定前晚（14日）於日本東京新宿舉行演唱會（圖），但Ian及其經理人突然在開騷前「走佬」，令演唱會告吹。主辦單位在twitter發聲明，指二人因擔心北韓試射核武，美朝局勢趨緊張，未經准許下離開。Ian於周四晚（13日）仍有出席音樂交流會，不知他是於何時離開日本。演唱會臨時取消，不少樂迷批評Ian不負責任，反應過敏。互聯網
來源:
http://hk.apple.nextmedia.com/news/art/20170416/19991629
【馮仁昭四圍超】張惠妹幫拖對唱憶蓮《歌手》奪冠
1 :
GS(14)@2017-04-17 07:20:09■林憶蓮（左）噚晚喺決賽搵台灣天后張惠妹合唱，贏得冠軍。微博圖片
林憶蓮返內地參加《歌手2017》，是非不斷，如張敬軒喺開賽前「被退出」，教唱歌嘅杜麗莎亦喺早段出局。前晚終於舉行總決賽，雖然有8位歌手比賽，焦點就落喺憶蓮同哈薩克籍歌手迪瑪希之爭。迪瑪希就捉晒內地歌唱比賽路，以Michael Jackson串燒歌參賽，更加入喪嗌歌技、跪地chok樣、打鼓乜到齊。
■王賢誌（右）帶同性伴侶去長沙撐憶蓮。互聯網圖片
導演指導觀眾反應
而憶蓮就搵咗台灣天后張惠妹幫拖，兩個平靜對唱《也許明天》，有時憶蓮畀阿妹歌聲蓋過，不過最後都係壓倒性贏咗迪瑪希，登上冠軍寶座。之前佢喺節目季前宣傳片強調「我不喜歡光環」，不過光環都係落喺佢身上。憶蓮之後接受內地傳媒訪問，提到抱住學習心態嚟參加，喺呢三、四個月學到好多，仲感謝阿妹氣管炎發作都嚟幫手。另外，憶蓮嘅粉絲王賢誌帶埋同性伴侶Kevin去長沙撐場，之後喺facebook打千字文講感受，又講到節目嘅觀眾收錢傳聞唔係事實，仲話入場要提早4小時，又要核對身份、金屬探測搜身，銀包電話都要寄存，開騷前有監製導演指導現場反應。撰文：馮仁昭
來源:
http://hk.apple.nextmedia.com/entertainment/art/20170417/19991990
【歌手之苦】李蕙敏聲帶生繭開刀
1 :
GS(14)@2017-06-23 01:44:34聲音是歌手的生命，不少歌手都受過失聲之苦，甚至被迫轉行。
容祖兒
02年容祖兒因喉嚨問題影響事業，曾憂不能再唱歌，四出尋名醫根治，甚至飛到南京做針灸。14年再出現聲沙，醫生指聲帶爆血管勒令休息3個月。
林欣彤
於《超級巨聲2》奪冠的林欣彤，12年因失聲患抑鬱，加上厭食及焦慮症嚴重，激瘦至84磅，其後獲容祖兒介紹南京醫師，情況才好轉。
李蕙敏
李蕙敏在97年開始經常失聲，其後承認聲帶生繭，動手術後令聲線比以前更低沉和沙啞，今年宣佈再戰樂壇。
大AL
資深歌手張武孝（大AL）於80年代因喉嚨生繭不能唱歌，轉行任的士高公關經理，某日因掛單問題被3大漢追斬，肺、背中刀及左手斷了幾隻手指，幸好能駁回。
來源:
http://hk.apple.nextmedia.com/entertainment/art/20170619/20060474
心穎BB同家姐打對台曹敏莉妹妹做Hi-Fi碟歌手
1 :
GS(14)@2017-08-02 05:59:40曾幾何時港姐被視為香港一年一度嘅盛事，而脫穎而出嘅佳麗就被認為係「美貌與智慧並重」。除咗佳麗本人之外，其實有唔少佳麗嘅姊妹都非常出眾。李嘉明1988年嘅港姐冠軍李嘉欣，2010年嫁許晉亨，之後生活幸福就唔使講啦。而佢家姐李嘉明一啲都唔輸蝕，經嘉欣介紹認識身家估計達10億嘅上市公司主席顧毅勇，而佢哋仲喺2010年奉子成婚。黃心美黃心穎喺大台上緊位，而佢家姐黃心美講美貌真係同阿妹有番咁上下，黃心美現時喺ViuTV做緊「一姐」，曾經結過婚嘅佢，年前同台灣籍老公離婚後仲一蚊贍養費都唔要，實行靠自己。曹敏寶曹敏莉喺2003年參選港姐，成為「五料冠軍」，2010年就同金融才俊男友結婚，仲生咗兩子一女。佢妹妹曹敏寶就07年參加有線主辦嘅歌唱比賽入行，做過節目主持，喺11年出道做歌手，近年做出咗多隻Hi-Fi碟。
來源:
http://hk.apple.nextmedia.com/entertainment/art/20170802/20108716
竇靖童出道做歌手李嫣法國行天橋勁自信
1 :
GS(14)@2017-08-02 06:15:05「樂壇天后」王菲喺97年同06年生咗囡囡竇靖童同李嫣，佢兩位千金盡得媽咪遺傳，夠晒表演慾。其中大女童童就唔使講，已經出咗道做歌手，喺去年仲推出第一隻專輯《Stone Cafe》，而為電影《七月與安生》唱主題曲《(It's not a crime) It's just what we do》更入圍金馬獎最佳原創電影歌曲獎，都咪話唔犀利。而細女11歲嘅李嫣嘅表演慾一啲都唔輸蝕，佢不時自拍之餘仲會拍片放上網，早前仲去咗法國巴黎為童裝品牌嘅2018春夏時裝騷行catwalk，而李嫣當日表現非常自信。
來源:
http://hk.apple.nextmedia.com/entertainment/art/20170801/20108079
格林美音樂會登陸中國封殺撐藏獨歌手
1 :
GS(14)@2017-08-06 18:40:29向中國跪低？美國年度音樂盛事「格林美獎」（Grammy Awards），其主辦單位近日宣佈與中國公司合作，將於明年首度在中國舉行巡迴音樂會，並會請過往的格林美獎得主及提名歌手參與演出。不過主辦方卻表明，會尊重北京當局的相關限制與規定，更稱會致力宣傳歌手的正面形象，意味美國天后Lady Gaga（圖）、加拿大小天王Justin Bieber等曾被內地封殺的國際巨星或將無緣參與演出。
Lady Gaga或無緣演出
負責主辦格林美獎的The Recording Academy上周四（3日）在北京召開記者會，宣佈明年將在中國舉行巡唱「GRAMMY Festival」；不過其主席Neil Portnow同日稱，「如果（內地）有限制與規定，我們必須尊重」。合辦的Bravo Entertainment行政總裁Steven Fock則明言：「我們會宣揚藝人正面、健康的形象。」
Lady Gaga及美國搖滾樂隊Bon Jovi等因高調與達賴喇嘛會面或支持藏獨，曾遭內地官民狠批封殺。而Justin Bieber上月亦遭北京市文化局禁止他在內地演出，稱他曾有一系列不良行為引發公眾不滿，有關做法是為「淨化演出市場環境」，並有網民翻出他曾於2014年到東京參拜靖國神社引發爭議。格林美獎去年曾首度於中國直播，吸引逾千萬觀眾觀看；而主辦方今年1月更宣佈將於內地建造首個海外格林美博物館，可謂瞄準中國市場「掘金」。路透社
來源:
http://hk.apple.nextmedia.com/international/art/20170806/20112935
Next Page