【馮仁昭四圍超】無綫施壓ViuTV棄播《金帆》
1 :
GS(14)@2016-12-03 05:12:38收視雖然未達標，但ViuTV經常爭取到唔同類型節目嘅播映權，好似今晚舉行嘅韓國年度樂壇盛事《MAMA亞洲音樂大獎》，仲有廣告界盛事《2016金帆廣告大獎頒獎典禮》。
■（左起）應屆港姐劉穎鏇、馮盈盈同陳雅思係座上嘉賓。
藝人版權問題
《金帆》頒獎禮原定本月18日喺《美選D.n.A》總決賽後晚上10點半播出，對撼無綫《萬千星輝頒獎典禮》後段時間，但無綫日前突然向《金帆》主辦商施壓，話當晚有份出席嘅旗下藝人唔可以亮相其他電視台，即使轉播都唔得，搞到ViuTV要抽起整個節目。
ViuTV發言人王小姐以短訊回覆時話：「日前突然收到主辦單位香港廣告商會通知，由於其頒獎禮內出席的TVB藝人未能於ViuTV亮相，故ViuTV未能轉播《金帆》。在這情況下，我們惟有決定抽起整個節目，我們會同廣告客戶直接說出因TVB藝人版權問題。」《金帆》頒獎禮上月25日已經喺會展舉行，由岑杏賢同郭田葰擔任司儀，楊明、黎諾懿、應屆香港小姐同香港先生等擔任嘉賓，當晚ViuTV攝製隊已到場進行錄影，連場刊都有ViuTV《金帆》播映日期和時間，對ViuTV嚟講梗係有損失。撰文：馮仁昭
來源:
http://hk.apple.nextmedia.com/entertainment/art/20161202/19851920
余曉彤為ViuTV闖水世界
1 :
GS(14)@2016-12-10 13:30:14余曉彤（Hidy）考取潛水牌，成為潛水導師，昨日她在灣仔香港國際潛水展任嘉賓，早前Hidy為ViuTV拍攝G1格鬥賽落敗，她說：「收到通知會開潛水節目，發掘香港水底，我應該會接，自己好鍾意潛水，玩咗12年，唔會當係一個工作，會當係一個任務，想令更多人認識呢樣嘢。」盧頌之（DaDa）有喜，Hidy說：「好驚訝，我見證DaDa同趙勁皓拍拖到有BB，好感動，自己都將一批BB用品送畀佢哋，希望有用，佢好緊張，買乜都會問吓我，以前我大肚時佢會用個頭頂我個肚，而家我做同樣動作佢會避我，證明佢好識保護BB。」採訪、攝影：卓寶花
來源:
http://hk.apple.nextmedia.com/entertainment/art/20161210/19860521
做ViuTV美選決賽嘉賓薛凱琪甜講馬主 鋪後路
1 :
GS(14)@2016-12-18 11:04:29薛凱琪（Fiona）、方力申及郭偉亮等昨日在將軍澳邵氏片廠為ViuTV今晚舉行的《美選D.n.A決賽》舉行拜神儀式，Fiona會為節目做表演嘉賓。對日前被爆出與隱形富二代兼馬主鄧浩基（Byron）暗撻3年，她笑笑口否認秘戀：「唔係拍拖，嗰位係我好朋友，朋友俾人查晒家宅，講我冇所謂，影響到朋友最煩。」
■ViuTV《美選D.n.A決賽》今晚舉行，當中「巨胸翠如」鄧月平（左三）被捧為大熱。
「要睇長遠啲」
Fiona被影到與Byron前後腳入場睇戲，不過她否認與對方發展中，更留定後路表示：「日後影到我同呢位男士出街唔使奇，我大部份玩樂朋友都唔係圈中人，佢係我中學時期一班朋友，之前俾人話佢請我同媽咪去芬蘭旅行，全部錢係自己畀。」問到對方條件好，有否機會發展？Fiona笑說：「冇人會知道，交畀主啦，人生大事要慢慢睇，唔係18歲，由細到大好多影響，揀男朋友偏向恐懼症，要睇長遠啲。」而八位參選佳麗昨日收起性感只露腰，大熱F級「巨胸翠如」鄧月平表示冇信心入三甲，但睇好陳意嵐。採訪：卓寶花攝影：沈健程
來源:
http://hk.apple.nextmedia.com/entertainment/art/20161218/19868930
【馮仁昭四圍超】原汁原味唔插廣告ViuTV播叱咤搶收視
1 :
GS(14)@2016-12-21 23:42:04免費電視ViuTV不停為觀眾提供新看點，本月初直播咗喺亞博館舉行嘅韓國年度盛事《MAMA音樂頒獎禮》，下月元旦日又會再直播商台嘅《叱咤樂壇流行榜頒獎典禮》，跟住下月21日又會再直播喺台北小巨蛋舉行嘅全亞洲年度音樂盛會《第12屆KKBOX風雲榜》，好多歌手都會出席，包括S.H.E成員田馥甄（Hebe）、五月天等，黃子佼同任家萱仲會做主持。
■ViuTV製作部副總裁金廣誠話下月會播五月天將會出席嘅《KKBOX風雲榜》。資料圖片
金廣誠 資料圖片
下月播《KKBOX》
無綫早年都試過延遲轉播《叱咤》，即係delay broadcast，不過播出時間有限，仲會刪減歌手得獎感受或演出片段，畀觀眾同樂迷鬧爆。商台喺09年開始喺自家嘅Hong Kong Toolbar進行網上同手機視頻直播，不過觀眾有機會因訊號問題而影響接收。有指ViuTV已經同商台傾掂元旦日直播成個《叱咤》頒獎禮，為咗觀眾可以原汁原味睇晒，ViuTV決定直播期間唔加插任何廣告。
ViuTV製作部副總裁金廣誠噚日回應：「我哋始終係BB，想同普羅大眾接近啲，做多元化嘅節目。我哋係會播一啲樂壇有公信力同認受性嘅樂壇盛事，包括《叱咤》同《KKBOX風雲榜》，目前我哋都傾得七七八八。」撰文：馮仁昭
來源:
http://hk.apple.nextmedia.com/entertainment/art/20161221/19871905
【馮仁昭四圍超】港泳隊轉型ViuTV彈出 朱鑑然小鮮肉出擊
1 :
GS(14)@2017-01-05 08:01:13■朱鑑然（右）最近拍咗網劇《無間道》，有網民話難得搵到個冇整容嘅小鮮肉。劇照
娛圈近期有幾位小鮮肉，除咗電影《那一天我們會飛》嘅吳肇軒同《點五步》嘅胡子彤外，仲有ViuTV真人騷《se7en》彈出嘅朱鑑然（朱仔），之前佢演過劇集《瑪嘉烈與大衛》，最近又拍咗網劇《無間道》，套劇已經出街，有網民話想要朱仔做佢男朋友，又話難得搵到個冇整容嘅小鮮肉，亦有話：「終於發現咗一個有顏值嘅小洛威。」
跟松哥學嘢
朱仔喺《無》劇中同劉松仁做一對父子，佢話面對一個咁勁揪嘅對手，演出真係好有壓力：「不過就係因為有松哥，至可以學到嘢。」對於被形容為小鮮肉，朱仔當然開心，仲親自回答粉絲嘅留言。踏入新一年，朱仔希望可以拍到更多好作品，佢話?家係播種期，之前拍咗《三人行》、《拆彈專家》、《骨妹》等等多部電影，未來一年越多挑戰越好。而本身係前港隊游泳代表嘅朱仔，仲話最想約埋吳肇軒同胡子彤兩個戰友喺新一年一齊游冬泳，佢笑話：「游冬泳可以強身健體，有好體魄，2017全力出擊。越多工作越好，多啲嚟密啲手，後生仔頂得順。」撰文：馮仁昭
來源:
http://hk.apple.nextmedia.com/entertainment/art/20170103/19884503
【馮仁昭四圍超】夥秋生拍ViuTV《瑪嘉烈》夏文汐：開心坃吓
1 :
GS(14)@2017-01-06 02:07:57最近ViuTV開拍《瑪嘉烈與大衛系列前度》，由文青女神袁澧林飾演瑪嘉烈，劉俊謙做大衛外，今次仲請嚟黃秋生、夏文汐同許志安演出，在上一輯《綠豆》中唯一保留嘅演員係廖碧兒，佢就會介入秋生同夏文汐之間做第三者，一班演員噚日喺銅鑼灣出席記者會。
■夏文汐同黃秋生曾喺85年電影《花街時代》合作過。劇照
■文青女神袁澧林喺劇中飾演許志安女友。
自認樣衰
1985年同夏文汐合作過電影《花街時代》嘅秋生，猛話唔好提舊事，夏文汐笑話：「怕咩？keep得好，30年不變。」曾經係無綫視帝嘅秋生今次倒戈，驚唔驚激嬲無綫？佢話：「有工就接，無綫又冇搵我，人哋搵我，啱咪拍囉。」秋生話?家擔心嘅反而係怕同對手拍親熱戲：「怕對手太熱情、太靚，又怕自己嚇親人，因為自己樣衰。」酬金係咪好過無綫？秋生話：「差唔多，感覺唔差好遠，夠入油啦！」至於喺上海定居嘅夏文汐，就話拍劇唔係為錢，只係為同秋生再續前緣：「係咁象徵式收，開心玩吓，最緊要新嘗試。」許志安戲中飾演袁澧林其中一個男友，安仔笑話：「最初都唔敢拍呢啲角色，40幾歲同個20幾歲，?家身邊個個朋友都係咁。」安仔仲爆同袁澧林有蜻蜓點水式咀戲，冇同老婆鄭秀文報案，佢笑話：「又冇特別，同嗌交戲一樣。」安仔對上一套劇係無綫嘅《肥田囍事》，佢話：「嗰時拍劇冇得瞓，試過瞓着咗要人抬起我個頭化妝，但?家一日一組，起碼有得瞓。」撰文：馮仁昭
來源:
http://hk.apple.nextmedia.com/entertainment/art/20170105/19886547
【對手絕招】ViuTV玩真人騷 港台諷時弊
1 :
GS(14)@2017-01-09 08:11:26【港台劇】《有倉出租》
奇妙電視將於5月中開台，加入香港免費電視台之戰。ViuTV和港台各自有不同的製作方針，ViuTV主力播韓劇及製作真人騷，包括邀藝人首任導演的節目《碌卡大導》、音樂節目《十八個放火的少年達明一派》等。而港台就貫徹始終，拍攝反映社會現況和諷刺時弊的時事劇集，包括講述迷你倉的《有倉出租》及提倡帶長者旅行的《一家Travel定Trouble》等。至於爭取免費牌照但不果的港視，因播放平台受規限，導致成績差強人意，最後放棄製作戲劇，轉為發展網上購物平台。
來源:
http://hk.apple.nextmedia.com/entertainment/art/20170109/19890663
ViuTV變革娛樂集民意 自家劇加碼
1 :
GS(14)@2017-04-04 08:59:25■新節目《精裝送禮仔》主持（左起）Pete、Otto、小占和強尼會根據意見將有寓意的禮物送給嘉賓。
【ViuTV發圍】由於全新免費電視奇妙電視下個月14日開台，開台已一年的ViuTV即嚴陣以待，由今天開始變陣迎戰，黃金時段節目重新編排，由過往一周播兩三晚劇變為周一至五晚連播，包括今晚8時半開播韓孝珠主演的《W-兩個世界》，9時半播出樂隊朱凌凌主演的自家製劇集《午夜伴廊》，10時播實況娛樂，11時半播《晚吹》系列。朱凌凌成員白只日前接受本報訪問時說：「拍《午夜伴廊》壓力好大，所以成日食消夜，肥咗20磅，差小小就連唔到戲，膝頭哥痛。」
王維基有份
ViuTV為配合變陣推出多個新節目，除了林雪主持的《林說金曲》外，本月8日開始逢周六晚10時半，播出韋家華監製的《精裝送禮仔》，這是個轉達民意的節目，以十位具香港精神的嘉賓作為送禮物對象，四位主持包括王志安（Otto）、許博文（強尼）、歐偉邦（Pete）及英健朗（小占），收集民意後，根據意見將一份有寓意的禮物送到嘉賓手上。而該十位嘉賓包括李偲嫣、王維基、河國榮、黃夏蕙、宮雪花、深水埗明哥、八両金、盧覓雪及梁思浩。韋家華日前受訪時，說到送禮給李偲嫣原因：「佢係個話題人物，有啲中國人傳統理念，我哋收集民意嗰陣，好多人一講起佢都會講個『雕』（諧音）字，所以我哋雕咗佢個像，好似成個正義女神咁嘅像。」曾自詡「好打得」王維基，則獲贈一個「好打得」的機械人。
■Pete自稱最細，所以自告奮勇與李偲嫣壁咚。
■王維基將收到一個機械人禮物。
要飲酒壯膽
當日主持送禮給李偲嫣，緊張得要飲酒壯膽，他們覺得李偲嫣之前出寫真集排版差，嚴重改圖，所以決定即場教她擺甫士，並派出Pete和她擺「壁咚」甫士。Pete日前受訪時被問到壁咚感覺，他說：「同我想像中差唔多，都係嗰啲人……即係一啲年輕人未必接受到嗰種類型嘅女人。我都知自己瀨嘢架啦，挨近埋去，見到佢皮膚毛孔上嘅嘢，我忍唔住笑咗囉。所以我嗰吓笑唔係一啲好浪漫、好有戀愛感覺嘅笑容。」採訪：魯吉
■白只有份主演自家劇《午夜伴廊》。
來源:
http://hk.apple.nextmedia.com/entertainment/art/20170403/19978165
Next Page